شبكة مراغه الأصاله والتاريخ



 
الرئيسيةالموقع الرئيسى للشبكةصفحتنا على الفيس بوكالصفحه الرئيسيهالصحف السودانيهالمصحف الشريفالتسجيلدخول

إدارة شبكة ومنتديات مراغه : ترحب بكل أعضائها الجدد وتتمنى لهم أسعد الأوقات بيننا شرفتونا بإنضمامكم لنا ونتمنى مشاهدة نشاطكم ومساهماتكم التي سوف تكون محل تقديرنا واهتمامنا أهلا وسهلا وحبابكم عشرة بين اخوانكم وأخواتكم

شبكة مراغه الأصاله والتاريخ نحو سعيها للتواصل مع أعضائها الكرام فى كل مكان وزمان تقدم لكم تطبيق شبكة مراغه للهواتف الذكيه فقط قم بالضغط على الرابط وسيتم تنزيل التطبيق على جهازك وبعد ذلك قم بتثبيته لتكون فى تواصل مستمر ومباشر مع إخوانك وأخواتك على شبكتنا.

شاطر | 
 

 رابطة طلاب مراغه بالجامعات والدور المفقود

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
سيف شهلى
 
 


عدد المساهمات : 435
تاريخ التسجيل : 11/01/2010

مُساهمةموضوع: رابطة طلاب مراغه بالجامعات والدور المفقود   الأربعاء 03 نوفمبر 2010, 6:21 am

مادفعنى لكتابة الموضوع هو الخبر التالى ( رابطة طلاب مقاصر بالجامعات والمعاهد العليا تسر قافلة طبية لجزيرة مقاصر تشتمل القافلة على يوم صحى مفتوح بالمركز الصحى بمقاصر بحرى ) تحسرت كثيرا وأنا اسمع هذا الخبر عبر راديو اذاعة دنقلا وسرحت بخيالى الى تلك الايام عندما كانت مراغه هى الوحيدة من بين القرى التى كانت تقود عمل طلابى شهد له الجميع على مر الدورات السابقه (ايام علاجية - ليالى ثقافية- معرض- سوق خيرى - فوزعات لصيانة المدرسة -المركز الصحى ) كنت ارى فى ذلك الزمن الجميل وكنت صغيرا ارى الاخوة فى الرابطة فى ذلك الزمن وهم يعملون بجد وهمة وعزيمة واصرار وغيرة لمراغه فتدفعنى حماستى لأساعد هؤلاء الاخوة حتى ولو برفع طوبه. كنت احس بصفاء النفوس وكان إجتمعاعهم على حب مراغه. وكان الناس فى مراغه ينتظرون عودة هؤلاء الطلاب فى العطلات ليشاهدو ابداعاتمهم ويشترو منهم السلع بأسعار زهيدة من السوق الخيرى الذذى يقيمونه حيث كانت الاستجابة لها كبير جدا.واليوم اصبح هؤلاء الطلاب الذين كانو يقودون العمل فى ذلك الزمن الجميل الان قيادات فى مواقع مختلفة فكانت الخبرة والدراية بفنون العمل الطلابى سبب فى نجاحهم فى مواقعهم والامثلة كثيرة لهؤلاء والكل يعرفمهم.
ولكن الحال اليوم بنبئ بغياب دور واضح لطلاب الجامعات حيث الحظ عدم شخص مؤثر يقود هؤلاء الطلاب وعدم وجود رؤية ولاهدف يجمع هؤلاء الطلاب مجتمعنا ينتظر منهم الكثير لأانهم يملكون زمام المبادرة وكذلك العمل ويمكن ان يجدو الدعم والسند من كل الجهات اذا كانت هنالك اهداف ورؤى يتفق لحولها هؤلاء الطلاب فالطلاب يمتلكون طاقات كبيرة ويمكنهم تسخير طاقات الكثيرين من الطلاب والشباب. ولكن لأارى شخص يقود هؤلاء الطلاب - هنالك بعد تام عن مضمار العمل العام وكما هو معروف دوما الطلاب يستجيب المجتمع لهم بسرعة لأنهم طبقة متعلمة .هنالك اشخاص بعينهم يقودون بدور طلاب الجامعات فقط ثلاث اشخاص و:ان الامر لايعنى الاخرين. فلى رمضان السابق تم اعلان عن افطار جماعى لطلاب الجامعات ولكن من حضر هذا الافطار عدد لايزكر من هؤلاء الطلاب والمشاركة من الحي حدث ولاحرج حضور ضعيف . فتحسرت كثيرا وأنا اقارن بين الافطارات التى كانت تتم فى السابق لرابطه حيث حضور منقطع النظير من مراغه جنوبا وحتى (كتمار ) فأنا أتسأل وانا اسمع برابطة طلاب مراغه بالجامعات اين هذه الرابطة وماهو خطتها للنهوض بمجتمع مراغه فى كافة المناحى .
ملاحظاتى ام هؤلاء الطلاب القلة يستحون من مواجهة الناس ليقدمو لهم مناشطهم وكأنهم فقط لأنهم قله لأنهم قد يواجهو بنقد المجتمع لهم . والله هذه أمانة وكل شخص فى هذه الرابطة له دين لمراغه لابد من القيام به لأن هذه فرصة لاتعوض خاصة فى هذه المرحلة ممن العمر . فنريد من الرابطة ان تسعى جادة فى عمل طلابى منظم وجاد حتى تغرسوا فى الاجيال القادمة حب مراغه .
فالمجتمع يريد منكم ليالى ثقافية- محاضرات - قوافل صحيه -وبرامج كثيرة يمكن ان تقوموا بها ولو أردنا ان نقوم بهذا العمل لابد ان نجتمع اولا على حب مراغه ونفترق على حبها.
امل ان يكون مقالى هذا يصب فى تصحيح مسار عمل رابطة طلاب مراغه بالجامعات والمعاهد العليا . ونرى ونسمع عن برامج نفذت وستنفذ للرابطة حتى تستطيع الرابطة ان تسهم فى محاربة كثير من الاشياء الدخيلة على مجتمعنا
والله من وراء القصد
الرجوع الى أعلى الصفحة اذهب الى الأسفل
رضوان سعيد
 
 


عدد المساهمات : 201
تاريخ التسجيل : 11/01/2010

مُساهمةموضوع: رد: رابطة طلاب مراغه بالجامعات والدور المفقود   الخميس 04 نوفمبر 2010, 1:48 pm

الأخ العزيز سيف شهلي... لك التحية وأنت تحاول أن تشعل جذوة النار..
فقد كاد الدمع يشرق بي ... وأنت تعود بنا إلى ذلك الجميل .. نعم كنا أخوة متحابين في الله نعمل معاً من دون حقد او حسد... واجزم أن السبب الاول في التوفيق الذي صادفناه بجانب صدق النوايا .. هو عمق ومتانه الصداقة التي ألفت بين قلوب الجميع وإمتدت هذه العلاقة لتشمل تبادل الزيارات الأسرية . وأذكر هنا أننا في كل إجازة كنت نقضيها في مراغة كان من النادر أن تجد أحدنا في بيته ، فنحن أما في إجتماع أو عمل في المدرسة ، أو معزومين شاي عصرية ، في واحدة من بيوت مراغة الكريمة إبتداءاً من اسماعيل عبد الحميد في مراغة قبلي ، مروراً بباشنتود ، أمجد عويضة ، النذير محمد نور ، هيثم عبد القادر ، عمر عوض ، طلحة ، معتصم ، فخر الدين ، السمؤال ، عمرين ، النور ، الجعلي ، ياسر ، عبد القوى ، وغيرهم ، فلهم التحية والتجلة أينما كانوا وحيثما حلوا. والآن وبعد مرور كل هذه السنين ما زال عبق تلك الذكريات تتمدد مساحات في دواخلنا.
كما أحب أن أوضح هنا أن ولوجنا إلى العمل العام منذ وقتٍ مبكر قد ساعدنا كثيراً في شق الدرب ومواصلة المسير ، رغم الصعوبات وتحت أنف المستحيل ، كما حمانا من الكثير من المزالق في منعطفات الحياة المختلفة. فالعمل العام يمنح الإنسان والثقة ويفتح فيه مدارك الوعي... لذلك أدعوا إخواني في رابطة الطلاب إلى التصافي ونبذ الخلافات .. وقبل ذلك أن يتحابو في الله يجتمعوا عليه ويتفرقوا عليه... ويصدقوا النية ويشرعوا في العمل فمراغة في حاجة إليهم. وخاصة وهم يملكون مزايا نسبية منها وجود عدد كبير من الخريجين المخضرمين الذين عملوا في مختلف دورات الرابطة ، وكذلك سهولة الإتصال والتواصل عن طريق التلفونات والإنترنت ، وهي لم تترك عذراً لمعتذر بأن الطلاب مشتتين ولا يمكن الوصول إليهم.
الرجوع الى أعلى الصفحة اذهب الى الأسفل
مشيرة
 
 


الموقع : امدرمان
عدد المساهمات : 1276
تاريخ التسجيل : 27/01/2010
العمر : 29

مُساهمةموضوع: رد: رابطة طلاب مراغه بالجامعات والدور المفقود   السبت 06 نوفمبر 2010, 11:18 am

ان شاءالله الجايات اكتر نظام لانو الشغل والمعنويات والماديات موجهة كلها للهيئة العليا
الرجوع الى أعلى الصفحة اذهب الى الأسفل
ماهر عابدين دياب
 
 


الموقع : لندن
عدد المساهمات : 2905
تاريخ التسجيل : 02/05/2010

مُساهمةموضوع: رد: رابطة طلاب مراغه بالجامعات والدور المفقود   الأحد 07 نوفمبر 2010, 10:31 pm


ابنائي الطلاب
بما اني لازلت طالب دراسات عليا... هانذا اعلن انضمامي الي الرابطة ... رغم فارق السنين
فهل اجد قبول؟

وقولوا يالطيف
الرجوع الى أعلى الصفحة اذهب الى الأسفل
مشيرة
 
 


الموقع : امدرمان
عدد المساهمات : 1276
تاريخ التسجيل : 27/01/2010
العمر : 29

مُساهمةموضوع: رد: رابطة طلاب مراغه بالجامعات والدور المفقود   الإثنين 08 نوفمبر 2010, 9:37 am

فارق السن دا كم عشان نشوف حتنفع ولا لا هههههه


لا بالجد هلا بيك ومراحب منو الرابطة بوجودك
الرجوع الى أعلى الصفحة اذهب الى الأسفل
zonourain
 
 


عدد المساهمات : 359
تاريخ التسجيل : 01/05/2010

مُساهمةموضوع: رد: رابطة طلاب مراغه بالجامعات والدور المفقود   الثلاثاء 25 يناير 2011, 6:27 am

الاخ سيف والاخوه المتداخلين والاخوة الطلاب
ما زلت اؤمن يقين تام واعتقاد عقائدي باننا بدون الطلاب حركتنا ونهضتنا فاتره وبطيئة ولذلك السبب في ايام تكوين الكيان (الهيئة الحالية) ارادت اللجنة التسيرية ان تحقق الابعاد والاهداف البعيدة للهيئة فعقدت اجتماعا موسعا وكبيرا مع الطلاب وحضر اللقاء عدد مقدر من الطلاب والطالبات وحتي ان بعضهم تعارف داخل نادي مراغة يوم الجمعه للتنوير وحضر اللقاء الاستاذ / ميرغني حسن والاخ بكري ادريس النور وبعضا من وصفوة الزمن الجميل والبذرة الطيبة لنواة الطلاب مجدي حسن عبدالرحيم الجعلي النذير محمد نور هاني العمده عبدالسلام علي احميدي عبيد شيخ ادريس عبيد عطا وبعضا ممن لاتسعفني الذاكرة
كان الهدف من اللقاء هو تحقيق الكيان الجامع وانصهار الطلاب في بوتقه الهيئة والتعريف بمفهوم الهيئة وتمليكهم الزمام وانهم جزء لايتجزء من تكوينها ومن ثم استمع الجميع لمشاكلهم وشرح الاخوه بعض الحلول والبرامج المستقبلية وركزوا اولا علي البرنامج الاجتماعي لتحقيق التواصل ومن ثم متابعة ماتبقي من اهداف
وبكل صدق وجدنا بعضا من التباعد وعدم التنسيق وعدم ووجود رؤية محدده للدورة ولكن بعد التداول والنقاش تم تحديد بعضا من خارطة الطريق ولكن فجاة صمت الطلاب !!!!!!! ولم نسمع لهم اثراً
الاخ سيف اري ان الهيئة لها اهداف بعيده وهي ان تتبني موضوع الطلاب وتجتمع بهم وتخطط لهم وان تضع لهم خارطه وبرامج بالاتفاق مع بعضهم وان تبدا في تنفيذ اشياء مفصليه وهي تحقيق الاهداف الوارده في الاهداف في النظام الاساسي العمل مع كل الفعاليات لتحقيق الغايات اري ان هذا جزء اصيل من مطلوبات الهيئة
الاخ سيف والاخوه في الهيئة بمجلسيها
رسالتي اليكم /اري ان الهيئة حتي الان لم تطرح لنا برامج وخطه مفصله وبرامج زمني وكل مايثار في هذا المنتدي من مال وطلاب وتنمية لعدم وجود ما ندعو اليه لم نسمع الا مشروع المركز الصحي فقط اين البرامج للمكاتب اين اجازة الخطط اين الارقام اين الاستهداف اين برامج الطرح لمحو الاميه والتوعيه الصحية والتحفيظ وزياراتكم للمدارس في مراغة والتفاكر مع المعلمين والطلاب والتنسيق مع اللجنة الشعبيه وتحديد مشاكلها واولوياتها ونادي الوحده وادارتها والمراة وما يعيقها اين الاهداف الكلية ومن ثم المهام التفصيله وضحوا لنا اقنعوا الجميع بخطوات انيه لاتحتاج الي مال ورسم خريطة الاهداف والاولويات والمشاريع جزء من التنفيذ
اخواني في الهيئة
نحن قوم لاتوسط بيننا ولان الهم واحد والعمل طوعي في ظاهرة وفرض في باطنه نامل منكم اذا كان هناك اي عوائق واشياء تقعدنا عن المسير فلتوضحوا لنا بصدق وشفافيه لم نتلمس خطانا عبركم حتي الان العزله مقيته ومحبطه وبرامجكم ومعرفته جزء اصيل من واجبنا نري ضرورة تسمية متحدث وناطق باسمكم لتمليكنا الحقائق خططوا لنا وضحوا لنا برامجكم لتحفيزنا علي الهم والدعم
نسال الله ان نعيد بعضا من سيرتنا عبركم كقيادة ونحن معكم كناصحين ودافعين الي مافيه خيرنا
والله من وراء القصد
ابوعزام
الرجوع الى أعلى الصفحة اذهب الى الأسفل
مشيرة
 
 


الموقع : امدرمان
عدد المساهمات : 1276
تاريخ التسجيل : 27/01/2010
العمر : 29

مُساهمةموضوع: رد: رابطة طلاب مراغه بالجامعات والدور المفقود   الثلاثاء 25 يناير 2011, 9:26 am

والله انا شايفة انو الطلاب ابتعدو تماما من الساحة لانهم لايلقون اهتمام لكلمتهم من الكبار

والله الموفق
الرجوع الى أعلى الصفحة اذهب الى الأسفل
mahmoud
 
 


الموقع : Qatar
عدد المساهمات : 144
تاريخ التسجيل : 13/01/2011
العمر : 36

مُساهمةموضوع: رد: رابطة طلاب مراغه بالجامعات والدور المفقود   الثلاثاء 25 يناير 2011, 12:38 pm

الحمد لله رب العالمين
والصلاة والسلام على أشرف خلق الله أجمعين
سيدنا محمد صلوات الله عليه وسلامه

فعلا بدأ الطلاب ينفرون من ساحة الرابطة
لماذا ،،،
الناس الكبـــــــــــار
ودة كلام حقيقة
وداير علاج
يعني كلامنا ما يكون في المنتدى وبس
مع انو انا حديث عليكم
في هذا المنتدى
والاخ رضوان:
مبرووووووووووووووك البنية وتتربى في عزك ان شاء الله
وصلي اللهم وبارك على سيدنا محمد (ص) وسلم تسليما كثيراً


[ندعوك للتسجيل في المنتدى أو التعريف بنفسك لمعاينة هذه الصورة]


عدل سابقا من قبل Mahmoud Anwer في الثلاثاء 25 يناير 2011, 4:03 pm عدل 1 مرات
الرجوع الى أعلى الصفحة اذهب الى الأسفل
محمد جعفر
 
 


الموقع : مترحل
عدد المساهمات : 533
تاريخ التسجيل : 08/01/2010
العمر : 27

مُساهمةموضوع: رد: رابطة طلاب مراغه بالجامعات والدور المفقود   الثلاثاء 25 يناير 2011, 3:27 pm

السؤال رقم 1 في مادة فن الحياة

ماهو القاسم المشترك بين هذه الامثال والجمل الآتية :

1- ان من البيان لسحرا

2- الحداث ما سيويي (ما عارف لو بتتقري ليكم ...لكن فيكم ناس بيعرفوها... )

3- اهو الكلام بيقروووووش !!!!!!!!!!!!!!!!!!
الرجوع الى أعلى الصفحة اذهب الى الأسفل
محمد جعفر
 
 


الموقع : مترحل
عدد المساهمات : 533
تاريخ التسجيل : 08/01/2010
العمر : 27

مُساهمةموضوع: رد: رابطة طلاب مراغه بالجامعات والدور المفقود   الثلاثاء 25 يناير 2011, 3:32 pm

الى الجميع ... تنبيه اخير لا تجاوب على هذا السؤال
وانما هو سؤال للتأمل والتدبر والتفكر ...
لا تجاوب عليه !!!!!!!!!!!!!!1
الرجوع الى أعلى الصفحة اذهب الى الأسفل
zonourain
 
 


عدد المساهمات : 359
تاريخ التسجيل : 01/05/2010

مُساهمةموضوع: رد: رابطة طلاب مراغه بالجامعات والدور المفقود   الأربعاء 26 يناير 2011, 6:29 am

الاخ / محمد جعفر
انته الان قائد وتتحمل مسئولية عظيمه امام الله ثم امام اهل مراغة هذه الشريحة الكبيرة انت ممثلها وحاديها وقائدها فكلامك الذكرتوا يعني ويدل علي التجاهل مما كتبه الاخ سيف والمعلقين فعهدنا مع الطلاب انهم اكثر حجة واقناعا ودليلا وبيانا وحصافة لاتكتب بلغة العاجز فصفات القائد كثيرة وكبيرة وخطيرة وجسيمة لابد ان تكون صريحا وواضحا حتي لو وضحتوا بعضا من اسباب القعود عن اداء الواجب ليتداركها الجميع .......والا فان الترجل عن الفرس ديدن الفرسان !!!!!!!!!!!ه
وثانيا اذا عاوز تكتب مثل هذه اللغه اكتب هذا راي الشخصي لانك تمثل شريحة لطلاب قد يختلفوا في رايك حتي لايفهم الجميع بان رايك راي الطلاب مجتمعين وحتي لايبنو هذا المفهوم علي الكل ولعلمنا ان كثير من الطلاب في مراغة يملكون من المنطق والحجة والبيان ما يسكتنا جميعا ويقنعنا ونقف لهم اجلالا واحتراما
نامل اعادة سيرتنا الاولي وخاصة اننا في الاجتماع العاصف ذكرنا جميعا اننا سنرجع طلاب الاستاذ ميرغني حسن وبكري ادريس والعقد الفريد من الطلاب سيكونون في زمرتكم وتحت لوائكم وخاصة انو الاستاذ ماهر انضم ووضح انه تحت الاشارة فالتستثمروا هذه العقول والافكار الي مافيه مصلحة مراغة واهلها
والله من وراء القصد
ابوعزام
الرجوع الى أعلى الصفحة اذهب الى الأسفل
mahmoud
 
 


الموقع : Qatar
عدد المساهمات : 144
تاريخ التسجيل : 13/01/2011
العمر : 36

مُساهمةموضوع: رد: رابطة طلاب مراغه بالجامعات والدور المفقود   الأربعاء 26 يناير 2011, 9:33 am

الحمد لله رب العالمين
والصلاة والسلام على أشرف خلق الله أجمعين
سيدنا محمد صلوات الله عليه وسلامه

والله نتمنى ذلك من داخل قلوبنا
وربنا يديم النعمة ويقدمنا لي قدام ان شــــــــــــــــاء الله


وصلي اللهم وبارك على سيدنا محمد (ص) وسلم تسليما كثيراً


[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
محمد جعفر
 
 


الموقع : مترحل
عدد المساهمات : 533
تاريخ التسجيل : 08/01/2010
العمر : 27

مُساهمةموضوع: رد: رابطة طلاب مراغه بالجامعات والدور المفقود   الأربعاء 26 يناير 2011, 9:55 am

سوري كنت نعسان أمبارح ... قصدي اودي الرد ده في حتة تانية ... فجا هنا

خطأ مطبعي ...

اذا كانت النفوس كبارا ** تعبت في مرادها الأجسام
الرجوع الى أعلى الصفحة اذهب الى الأسفل
محمد جعفر
 
 


الموقع : مترحل
عدد المساهمات : 533
تاريخ التسجيل : 08/01/2010
العمر : 27

مُساهمةموضوع: رد: رابطة طلاب مراغه بالجامعات والدور المفقود   الأربعاء 26 يناير 2011, 9:58 am

الآن فاضل نجهز لبرنامج أخير ... وهو تسليم الراية للبعدنا

الرجوع الى أعلى الصفحة اذهب الى الأسفل
holako
 
 


عدد المساهمات : 102
تاريخ التسجيل : 03/01/2011

مُساهمةموضوع: رد: رابطة طلاب مراغه بالجامعات والدور المفقود   الأربعاء 26 يناير 2011, 2:42 pm

ا لاخوة الاعزاء
سيف شهلي . رضوان .ماهر عاذو النورين . محمد انور
تحياتي .
رفقا اخواني برابطة الطلاب صحيح اننا نرجو ونامل منها الكثير والكثير ولكن هل ادينا نحن واجبنا تجاه هذه الشريحة والتي من المفروض انها احدي ادوات رياح التغيير الذي ننشده تجا ه قريتنا الحبيبة مراغة
ولاسباب يجب ان لانحملها للرابطة وحدها بل بتحمل السواد الاعظم منها لعدم التواصل بين الاجيال لنقل وصقل وخبرات وعلاقات من سبقوهم التنسيقية.
هذه الشريحة لاقت الاهمال من السواد العظم منا ولم تجد الدعم المعنوي علي الاقل ان تعذر المادي.
الاخوة بالرابطة:
(محمد جعفر. مشيرة)
ارجوا ان تقدموا ما لديكم وان تكون خير اعمالكم خواتيهما ليكون ختامكم مسكا وعبقا والقا وعنبرا ليفوح اريجها لاجيال قادمة بعدكم
الرجوع الى أعلى الصفحة اذهب الى الأسفل
mahmoud
 
 


الموقع : Qatar
عدد المساهمات : 144
تاريخ التسجيل : 13/01/2011
العمر : 36

مُساهمةموضوع: رد: رابطة طلاب مراغه بالجامعات والدور المفقود   الأربعاء 26 يناير 2011, 3:25 pm

الحمد لله رب العالمين
والصلاة والسلام على أشرف خلق الله أجمعين
سيدنا محمد صلوات الله عليه وسلامه

ربنا يسهل ويلهمنا الى الصواب


وصلي اللهم وبارك على سيدنا محمد (ص) وسلم تسليما كثيراً




[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
امجدعوض
 
 


عدد المساهمات : 60
تاريخ التسجيل : 13/03/2010

مُساهمةموضوع: رابطة طلاب مراغة بالجامعات    الأربعاء 26 يناير 2011, 7:06 pm

الاخ سيف
اولا نشكرك على الكلمات الطيبة التى ذكرتها فى حق تلك الايام الذهبية للرابطة
وماذهب الية الاخ رضوان هو سر نجاح تلك الورات
كنا اخوة متحابين فى اللة لا تفصلنا الى ساعات النوم واحيانا نكون مع بعض حتى الصباح ان دعى الامر
الاخوة بالمنتدى او ان اذهب اى الاسباب التى جععلت الرابطة فى ذيل الروابط
اولاعم انسجام الاخوة بالرابطة
ثانيابحثهم الدائم عن شماعة والشماعة هى الكبار
ثاثاا لرابطة عبارة عن ثلاثة او اربعة طلاب
ورابعا انعدام روح الجماعة فى العمل
خامسا التعلل بقلة الامكانيات رغم ان هنالك عدة برامج غير محتاجة الى مال وان احتاجة شى مقدور علية
سيا سة الاقصاء لابد من استيعاب جميع الطلاب مهما كان اختلاف رايهم
الاخوة محمد مشيرة مجاهد
لا خير فيكم ان لم تسمعوها ولا خير فينا00000(0

وها


عدل سابقا من قبل امجدعوض في السبت 29 يناير 2011, 8:36 pm عدل 2 مرات
الرجوع الى أعلى الصفحة اذهب الى الأسفل
محمد جعفر
 
 


الموقع : مترحل
عدد المساهمات : 533
تاريخ التسجيل : 08/01/2010
العمر : 27

مُساهمةموضوع: رد: رابطة طلاب مراغه بالجامعات والدور المفقود   الأربعاء 26 يناير 2011, 7:47 pm

والله كلامكم كلو على العين والراس ... ونتقبل النقد

وخاصة النقد الهادف البناء ... النقد المبني على فكر ومرجعية

مش نشتغل في تكوين بعض الجمل المركبة بواسطة مثل الخرمجة
الشهير (ليس ليس يطلع كويس) ... ليس بفتح اللام وكسرة مشددة على الياء وسكون السين

كلو الكلام الاتقال ما عندي فيهو الراي ... لكن البيزعلني وأي طالب في مراغة ... هو الاعتقاد
الخاطئ العندكم ده ... أي حاجة بس تشبكو (عدم ترابط ... عدم انسجام)

وده عاااااااااااااااااااااااااااااااااااااااااااااااااااااااااااااااااااااااااااااااااااااار تماما من الصحة ...

نحن بنتلاقى دوما كل الطلاب ديل يوميا بيتلاقوا ... وعارفين أخبار بعض

لكن انتو ما عارفين شئ .. وفي اي محل ترددو (ما في ترابط ... ما في انسجام

اي مناسبة هنا ... قعد نتلاقى ... اي زول عندو اي نشاط في جامعتو الكل بيعرف والكل بيشارك

يوميا بيتلاقو كلهم في الفيس بوك ... في التلفونات

انا ماعارف الأوهام دي قعد تجيبوها من وين ...

الكل بيسأل طيب الحاصل شنو ... الحاصل والحصل كالآتي :

الطلاب كانو مأملين انو الرابطة بتوفر ليهم سكن (بيت عزابة) ...
الرابطة ماخدمت الطلاب وبالتالي الطلاب ما خدموا الرابطة


لو سمحتو بلاش (ما في ترابط ... مافي انسجام)
يعني بجد لو الزول بيتكلم مع كل الرابطة في الاسبوع ما يقارب كذا مرة
ويجي يلقى ناس في اي محل شابكين (عدم ترابط عدم انسجام) ... ما عارف اقول شنو
الرجوع الى أعلى الصفحة اذهب الى الأسفل
مشيرة
 
 


الموقع : امدرمان
عدد المساهمات : 1276
تاريخ التسجيل : 27/01/2010
العمر : 29

مُساهمةموضوع: رد: رابطة طلاب مراغه بالجامعات والدور المفقود   الأربعاء 26 يناير 2011, 9:53 pm

سلام لكل المتداخلين

وتسلم امجد وماف شئ يزعلنا
وموضوع تدريس الشهادة الثانوية بديت فيه مع بعض من زميلات الدراسة
واتلميت مع الممتحنين وشفتا المواد الصعبة بالنسبة ليهم بس للاسف رقدتا في فراش المرض وراجعة الخرطوم
وللاسف الطلاب المتخرجين قليلين جدا في مراغة القاعدين كلهم ماف

اما بخصوص عدم الانسجام زي مازكر محمد طوالي بنتقابل على ارض الواقع والفيس والتلفون
عدم الانسجام دا كان مع بداية الرابطة وانا اول وحدة قلتا اننا مامنسجمين لكن اختلف الوضع من بدري .

المشاريع بتاعت محو الامية تفعيلا صعب في ظل وجود الطلبة في الخرطوم وانتا زي ماقلتا مابحتاج قروش لانو بحتاج وجودنا في مراغة يعني اجازات والاجازات قضيناها تكريمات وهيئة واحتفال للطلبة

وجريدة الرابطة في صدد الاستخراج اما المشاريع بتاعت انو ناس مقاصر ولا غيرم عملو يوم للصحة او غيرو ماحيتم في ظل تطور بداية الهيئة ومن بدري اي مشروع من المقترحات انو الطلاب يكون ليهم يد فيه وللان لسه ماشفنا شئ يعني الممكن تعملو انتو ياناس امجد كتير وايد واحدة مابتصفق .

يعني انا ومحمد ومجاهد في الزمن دا ما بنقدر نقوم رابطة لوحدنا لكن قبل الزمن دا كان ممكن .
والسبب اظنو مابعيد عن عينكم
الرجوع الى أعلى الصفحة اذهب الى الأسفل
mahmoud
 
 


الموقع : Qatar
عدد المساهمات : 144
تاريخ التسجيل : 13/01/2011
العمر : 36

مُساهمةموضوع: رد: رابطة طلاب مراغه بالجامعات والدور المفقود   الخميس 27 يناير 2011, 9:02 am

الحمد لله رب العالمين
والصلاة والسلام على أشرف خلق الله أجمعين
سيدنا محمد صلوات الله عليه وسلامه
حقيقة أريد أن اساهم معكم في هذه الرابطة
ولكن أنا سفري كتير للولايات يعني اسبوع واحد ما بكون قاعد في البيت
ويمكن اكون طوالى خارج الخرطوم
ويمكن الحاجة الوحيدة البتربطني ، المنتدى دة
غايتوا ربنا يهون

وصلي اللهم وبارك على سيدنا محمد (ص) وسلم تسليما كثيراً

الرجوع الى أعلى الصفحة اذهب الى الأسفل
mahmod1980
 
 


عدد المساهمات : 283
تاريخ التسجيل : 11/01/2010

مُساهمةموضوع: رد: رابطة طلاب مراغه بالجامعات والدور المفقود   السبت 29 يناير 2011, 12:38 pm

بسم الله الرحمن الرحيم
السلام عليكم الساده الكرام
الاخوه الطلاب الرجاء عدم الياس وعدم الالتفات الي النقد الغير بنا منذ ان بدات انشاء رابطه طلاب مراغه وكان الرئيس علي ما اعتقد ياسر ابراهيم وحتي الان هناك بعض السنين اختفا دور الرابطه من الوجود وماتقولو انتو ما عملتو حاجه كونكم حتنفزو طبعتين من صوت مراغه دا ما حاجه هينه وانتو اتكلمتو عن الانسجام الانسجام ما شرط انكم تكون بتعرفو بعض مجرد معرفه
الروابط الاولي اكتر حاجه نجحت فيها الشغل الاجتماعي دوره ياسر وامجد والنور ادريس لانو هم ما كانو منسجمين هم كانو عباره عن شله اصحاب طوالي مع بعض ما بتفارقو وافكارهم قريبه لي بعض في دورتي مع عبيد انا صراحه مامتزكر غير الرئيس عبيد محمد شيخ ادريس
ودورتنا كان فيها عدد كبير من المشاكل وكلها مع اعمامنا الكبار واحنا ناس بنحترم اعمامنا وخيلانا وماممكن يجي يوم من الايام واحد يرفع عينو في كبيرو لكن لمن انا اجي بي صفتي رئيس لي رابطه طلاب مراغه او عضو فيها في اجتماع مع نادي ابناء مراغه في الخرطوم او اي جه من لجان مراغه بخلي عم والخال والكبير والصغير بره وبقاتل واحارب من اجل الكيان الانا منتمي ليه والبيزعل يزعل والماعارف الشغل العام مايجتمع ويتحكم في الناس وما ينسو ان رابطه طلاب مراغه بالجامعات والمعاهد العليا كيان قائم بي زاتو وما اقل من الكيانات الاخري بالقريه دا لو ما اهم منهم كلهم وانا بقدم صوت لوم لي كل الذين تراسو الرابطه من قبل والمصيبه انهم كلهم مممكن يخدمو من مناصبهم او من خبراتهم بس كانو بخلا شديد مع الطلاب الجدد وخصوصا ابو عبيده محمد شيخ ادريس انا عارف ومقدر انو خدم خدمه جليله في الرابطه وفي النهايه كانت طعنه قاسيه من الخلف توجهت له ولكن زي ما قلتا احنا لو اشتغلنا بي لهو الحديث ما حنتقدم والرابطه ما حتقيف علي كرعينها في اخر دوره لنا كان لدينا نشاطات في معظم الجهات الحكوميه العليا بمناسبه تكريم الفقيد كمال علي مختار وكنا موعودين بوعودات كتيره بس الناس ما جرو وراء هذه الوعودات واغلبها كانت بواسطه المرحوم الفريق ابراهيم عز الدين من المخابرات والجهات السياديه في الدوله ومدير مركز القلب
الاخوه الافاضل ارجو ان يجتمع الاخوه رؤساء الرابطه في السنين التي مضت بالرابطه الاليه ووضعها في الطريق السليم والوقوف من خلفها ووضع الثقه في اخواننا الطلاب لكي تكتمل عجله التقدم في قريتنا والله الموفق
الرجوع الى أعلى الصفحة اذهب الى الأسفل
محمد جعفر
 
 


الموقع : مترحل
عدد المساهمات : 533
تاريخ التسجيل : 08/01/2010
العمر : 27

مُساهمةموضوع: رد: رابطة طلاب مراغه بالجامعات والدور المفقود   السبت 29 يناير 2011, 2:33 pm

الكل كان بردد " جملة الكورة في ملعبكم "
الرجوع الى أعلى الصفحة اذهب الى الأسفل
امجدعوض
 
 


عدد المساهمات : 60
تاريخ التسجيل : 13/03/2010

مُساهمةموضوع: رابطة طلاب مراغة   السبت 29 يناير 2011, 9:08 pm

الاخ محمد
نتمنى ان يكون فعلا هنالك انسجام توافق وهذا مانصبو الية
وكلامنايكون عبارة عن اوهام كما ذكرت وياريت لوكنت اخترت كلمة اكثر تهذبا واحترام الى من نقدك
الاخ محمود
متعك اللة بالصحة
اخى يظهر انك لم تقرا تعليقات من سبقوك جيدا
ليس بينا من نقد نقد هدام
كلنا هدفنا الرابطة ترمى لى قدام ومما يسرنا ويسعدنا ان الرابطة تكون فى مقدمة الروابط بقض النظر عن من هم قيادات الرابطة
الاحت مشيرة نشكرك على الاخلاق الرياضية ودة اخلاق الذول القيادى الناجح يقبل النقد
مع خالص الامنيات للرابطة بالتقدم والنجاح
الرجوع الى أعلى الصفحة اذهب الى الأسفل
مشيرة
 
 


الموقع : امدرمان
عدد المساهمات : 1276
تاريخ التسجيل : 27/01/2010
العمر : 29

مُساهمةموضوع: رد: رابطة طلاب مراغه بالجامعات والدور المفقود   الأحد 30 يناير 2011, 8:42 am

سلام وتحايا

المحمودين وصلتو البوست اناديكم باسماءكم المشهورة ولا ماف داعي هههههههههههههههه lol!

محمود ابن خالي لك التحية واكيد حنستفيد من خبراتك من منطلق اخر والتلفون والبيت قريب لو احتجنا شئ بنط ليك bounce

محمود اخي العزيز الروابط السابقة لها رونقه الذي لم يخبو ولكن الرابطة دي ما احتكت مع الروابط الاخرى ولو ملاحظين قامت من العدم يعني كل رابطة قامت زمان اشتغلت مع الرابطة القبلها لحدي مافهمو الحاصل وشالو الشيلة من بعدهم لكن نحنا شلناها من فراغ .
عشان كدا انا اصريت على زو النورين وعبدالسلام على احميدة ومجدي و النذير والجعلي في اخر اجتماع قام مع الطلبة بحضور استاذ مرغني وبكري ادريس انو نحنا محتاجين نعرف منكم انتو عملتو شنو وكيف قدرتو تلمو مساهمات كيف قدرتو تحيو ليالي .

هسي نحنا فيها الجريدة على وشك انها تستخرج انا بقول حنستخرجة لكن مافي ولا قرش في مالية الرابطة لكن حتستخرج يعني حتستخرج وانتهى البيان لانو لو قلنا ياخ اها نستخرجا كيف وماف قروش والله رقبتا المواضيع ماحنلمها ..

نحنا محتاجين صحوة من الطلبة عامة وايضا منكم انتو الكبار لانو تتفرجو ساي انا عن نفسي ماحخليكم حلف حوليكم لحدي ماتشردوني من البلد ياوديتوني لي محمود يا شفتو لي بلد تانية ههههههههههههههه jocolor
الرجوع الى أعلى الصفحة اذهب الى الأسفل
zonourain
 
 


عدد المساهمات : 359
تاريخ التسجيل : 01/05/2010

مُساهمةموضوع: رد: رابطة طلاب مراغه بالجامعات والدور المفقود   الأحد 30 يناير 2011, 9:53 am

مشيرة المشيرة والاخوه المعلقين
عندما اجد موضوع او بوست للطلاب اترك كل ماعندي واقرأ واتمعن لايماني الكبير لان الراية والقيادة والمستقبل بيد الطلاب ولاننا عملنا في فترة الطلاب عمل يكبرنا عقلا واستيعابا لذا اجد من هذه الشريحة الامل المرتجي والريادة والقيادة في عقولهم لخروج القرية ومشاريعها الي بر الامان
وبباسطه شديده جدا ومن خلال اجتماع الهيئة مع الطلاب وقراءة اللجنة التمهيديه للهيئة حينها اقول ما قراته
اولا : يجب ان تفعيل العمل الاجتماعي بصورة كبيرة وببرنامج استقطابي متنوع
وثانيا : يجب التنويع في النشاط الاجتماعي وتوزيع اللقاءات مابين حدائق جلسات تفاكر في النادي مثلا ومابين اللقاءات في نشاطات متنوعه في مناسبات متعدده حتي يقوي الصله زي ماذكر الاخ محمود بعلاقة العقد النضيد من الطلاب فيما بينهم منذ لدن ياسر. محمد حسن الي امجد. الجعلي . ومحمود.وكل رؤساء الرابطة والذين لم احفظ اسمائهم بالترتيب
ومن بعد قوموا بحصر الطلاب بارقام تلفوناتهم وعناوينهم كامله السكن الايميل
ومن ثم وزعوا المهام والتكاليف علي الجميع لاشعارهم بالمسئولية والمشاركة
قوموا بزيارات اسرية الي البيوت فيما بينكم
اكثروا من الاتصالات مع بعض في اليوم وتفقدوا احوال بعضكم
في البداية لاتكثروا من الاجتماعات دائما روحوا لانفسكم حتي يقوي فيما بينكم ليكون ابعد مايكون الرباط الاجتماعي
نوعوا في العمل الاجتماعي في المرحلة الاولي حتي لو اخرجتو قروش من جيوبكم فكروا في تواصلات وحببوا الطلاب الجدد البعيدين من الرابطة انتو اصحاب القضيه الان وواطئ الجمره والصابرون المرابطون الحالمون الي التغيير
ده كلوا برنامج اجتماعي فقط اما كيف تلموا القروش والله يامشيرة اسهل من شراب المويه بس ماتفكروا الان نهائئا فيهو وتزعجوا انفسكم لانو بدون عمل اجتماعي قوي ماحتستطيعوا تعملوا اي شئ وممكن مع البرنامج الاجتماعي وعشان الحلة (الطبخة) تطلع مسبكة تخلطوا بشوية ثقافي لكن ماتزيدوا المويه كثير يعني اسكتشات ونكات ومسابقات وشويه شويه اما زيادة الملح مثال تحضوهم باننا بعيدين عن القرية ونحاول نشتغل عمل وبرامج صيفيه وقوافل ونقيم كورسات ومحو اميه في القرية وتذكروهم بعمل وتجارب العقد الفريد النضيد من لدن ياسر ومحمد حسن و الي امجد والجعلي .....الخ وخليهم يغيروا شويه لانو الغيرة هنا جميل ومحمده وهكذا
والبهارات خليهم هم يكبوهو يعني بعض الطلاب الجدد او البعيدين عن العمل يقوم يتكلم بحماس زائد ويستعد ويتبرع ده طوالي تكلفوهو بي حاجة وتهتموا بيهو وتزيدوا من حماسوا
اما الصلصله وباقي التوم والضواقه كلنا بداية بالاستاذ ميرغني حسن وماهر عابدين وكل الاساتذه جاهزين والعقد الفريد والنضيد من الطلاب من لدن ياسر ومحمد حسن الي امجد والجعلي والنزير ومحمود الي ماقبل دورتكم جاهزين الي نراجع الطبخة ونجيب معانا العيش ونحتفل معاكم بزهو الدور الطلابي المرتجي
وصدقوني تركزوا علي الجانب الاجتماعي في الفتره الحاليه ستنجحو كل الامر جمعوا الطلاب وزيدوا اواصر المحبه والتعارف والصداقه ستنجحو وفكروا في ايجاد برامج اجتماعيه متنوعه في الفتره الحاليه اما بعد كده حنتكلم في القادم بعد نجاح العمل الاجتماعي
وباقي البرنامج كتير وقليل وخطير وسليم وايضا صعب وساهل في ان واحد وجميل وغمئ وبعيد وقريب كلها متناقضات لكنها كلها ممكنه وموجوده وسنرشحها بتفاصيلها حينها
والله من وراء القصد
ابوعزام
الرجوع الى أعلى الصفحة اذهب الى الأسفل
مشيرة
 
 


الموقع : امدرمان
عدد المساهمات : 1276
تاريخ التسجيل : 27/01/2010
العمر : 29

مُساهمةموضوع: رد: رابطة طلاب مراغه بالجامعات والدور المفقود   الأحد 30 يناير 2011, 11:58 am

والله طبختك جامدة جدا وانا ماشة اجيب عيشتي ههههههههههههه

ولك التحية وسينفذ ان شاء الله

الرجوع الى أعلى الصفحة اذهب الى الأسفل
 
رابطة طلاب مراغه بالجامعات والدور المفقود
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شبكة مراغه الأصاله والتاريخ ::  قسم الشباب والطلاب -
انتقل الى: