ابواب مؤصدة !!!!!!!

عدد المساهمات : 610 تاريخ التسجيل : 08/12/2010

فكرة البوست بسيطة جداً
هناك ابواب مؤصدة لا نفتحها اما
خوفاً او خجلاً او جهلاً بها او نخشى عند فتحها ان تجلب لنا هواء بااااارد
عموماً هذة الابواب هى كلها تهم الشباب ولكن نخشى حتى منقشتها مع النفس اذا هناك خطاء لا بد من معرفته او معرفة لماذا لا نفتح هذة الابواب المؤصدة
ما ح نخش فى التقيل طوالى
ح نبداء بى الاشياء الخفيفة واذا ربنا مد فى عمرنا ح نستمر لفتح هذة الابواب واحد واحد
وإن شاء الله ح يكون فتح هذة الابواب اسبوعياً كل (خميس)
ويمكن ان تكون دورية برسالة من قبل يوم الى عضو محدد ليطرق لنا احد الابواب المؤصدة (حسب رائه)
وح تكون بى نفس العنوان بس ح نكتب اسم الباب فى عنوان البوست برة
مثلاً (ابواب مؤصدة....(المكياج)
وده فعلاً باب اليوم الذى نتمنى ان نفتحه لنعرف بعض الاشياء ويا جماعة كل زول يكتب رايو بى صراحة واى زول عند راى فى اى قضية اكتب رائك بصراحة وح تستفيد
المكيــــــــــــــــــــــــــــــــاج :
هل فعلاً المكياج ببقى البت جميله ام هو وهم ؟؟؟
لماذا تتمكيج البت وهى ذاهبة للجامعة ؟؟
لمن تتمكيج البت وهى غير متزوجة ؟؟
هل يعتبر المكياج نوع من انواع التبرج؟؟
وهل المكياج درجات مكياج خفيف ةمكياج تقيل . ؟؟
نفسياً هل ترتاح انت للبت البتتمكيج كتير وفى كل وقت ؟؟
وهل حدثت نفسك يوما ان تصارح (وحدة) انو مكياجة دا ما جميل او ما صاااح ؟؟
ولى عودة..............

طبعاً اذا كنتوا مفتكرين البوست ده للبنات فقط غلطاااااانين فرائك ايها الشاب اهم فأنت من ترى هذا المكياج واكيد كونت فكرة عنو,......... اكتب رائك عن مكياج البنات بصراحة !!!!

الأخ العزيز جدا طارق...عشان عزرائيل ما بيجامل أعفينا من الرد على أسئلتك دى.

عدد المساهمات : 610 تاريخ التسجيل : 08/12/2010

قرشى شيخ ادريس كتب:: الأخ العزيز جدا طارق...عشان عزرائيل ما بيجامل أعفينا من الرد على أسئلتك دى.

[ندعوك للتسجيل في المنتدى أو التعريف بنفسك لمعاينة هذه الصورة] والله يا قرشى عزرائيل دا هو الخلانا نكتب الكلام دا...

أخونا طارق عزرائيل ده أكتبو فوق عشان مافى زول يطلع من النص.

عزيزي طارق

انا اتعودت اذا كتبت في شئ اسهب واحيانا من غير محاذير حتي المتزمت حيفهمني غلط

وفوق هذا وذاك حاخد دقة ماتتنسي من سيدتي ستي ست النساس كلهم

عشان كده حاعتذر وسوف اكتب في موضوع اخر. الفكرة حلوة لكن دخلتنا بين اضافرينا

وقول يالطيف

عدد المساهمات : 610 تاريخ التسجيل : 08/12/2010

ماهر عابدين دياب كتب:: [size=24]
عزيزي طارق

انا اتعودت اذا كتبت في شئ اسهب واحيانا من غير محاذير حتي المتزمت حيفهمني غلط

يا عزيزى ماهر ... نحن دايما ما نحب ان نكتب دون محازير وكما عودنا قلمك الراقى ان يكتب دون محازير ولكن فى حدود الزوق العام
اسأل الله ان لا ينكسر لك قلم ولا يجف لك مداد .. همنا الاول هو تبصير المبصر بما لايبصر .. وهو امر مشروع ..
اما بخصوص المفراكة Very Happy

.. نحاول ناخد ليك منها اذن عشان تكتب
مرورك اسعدنى ماهر ورائك مهم قول ياخى.. ونخلى المشرفين على المنتدى يدسوا مشاركتك [ندعوك للتسجيل في المنتدى أو التعريف بنفسك لمعاينة هذه الصورة]

[/size]

يازول انا حبدا ليك يابن عمي ولا تبكي وتعيط ههههههههههههههه

المكياج دا من حق المرأة لانو حاجة بتخليها تختلف عن الرجل ومن الجماليات
لكن وختو تحت لكن خمسمية خط

المكياج في حدود
يعني انا دخلت الجامعة قريت اربعة سنة ماكنت بحب امشي الجامعة ابدا واتمكيج حتى لو كحل
لكن لو طالعة مناسبة او مع صحباتي ممكن

والشئ الهسي بشوفو تخطيط اسود الخشم يبقة زي الداقنو داك ههههههههههههه معليش على التشبية بس ياهو الحاصل وقبيح او الالوان الفاقعة البستخدموها البنات الصغار او غير المتزوجات

ممكن المكياج الخفيف الفاتح او الالوان الهادئة مافيها شئ لكن الاحمر والخشم اخضر والعيون اصفر دي عجيبة
وماتقولو انا ببالغ شفتها في بت وانا في الجامعة تخيل تنسيق الالوان الانا قلتا دي فيها حيكون كيف حلاوة مولد بس هههههههههههههههه

ولنا عودة

عدد المساهمات : 1064 تاريخ التسجيل : 01/09/2010

يا طارق يا اخوى(لَا تَسْأَلُوا عَنْ أَشْيَاءَ إِنْ تُبْدَ لَكُمْ تَسُؤْكُمْ )..المكياج عموما بكل صراحه بيدى بعد اخر للمراة وبيظهر جمال وبعض اللمسات البسيطه بتظهر ملامحها اكثر..وتدى انوثه..لكن المكياج انواع وللمكياج اوقات..والقليل منو لا يضر ..اما مكياج المراه فى العمل فانا ضده تماما اما مكياج المراة لزوجها وفى البيت لتظهر بمظهر جميل ومختلف ..بصراحه مطلوب ومهم..
وسؤالك السمح بالجد انو لماذا تتمكيج فتاة الجامعه وغير المتزوجه
انا بفتكر المراة عموما بتحب تظهر انثوية وجميله وبتجتهد فى ذلك ولذلك فى المناسبات بتحاول تظهر جمالها ..انا لاارى غضاضه فى ذلك فى حدود المعقول وان يكون فى غير وجود الرجال
وصراحة يا طاقر انا عندى عادة لا ادرى هل هى مشكلى نفسيه ام طبيعيه عندما اكون مستاءه او قرفانه او اشعر بى ملل احيانا اغير لوك والبس حلو واعمل مكياج واجلس اقرا كتاب هكذا اجد نفسى رجعت الى مزاجى العالى

Laughing

عدد المساهمات : 610 تاريخ التسجيل : 08/12/2010

مشيرة كتب:: المكياج دا من حق المرأة لانو حاجة بتخليها تختلف عن الرجل ة

اخيتى مشيرة من اعطاها هذا الحق ؟؟؟ وهل فقط المكياج يجعلها تتميز عن الرجل؟؟
يعنى نسوان زمان كان ماشين فى الشارع وبيتلخبتوا مع الرجال [/quote][ندعوك للتسجيل في المنتدى أو التعريف بنفسك لمعاينة هذه الصورة]
----

مشيرة كتب:: المكياج في حدود
يعني انا دخلت الجامعة قريت اربعة سنة ماكنت بحب امشي الجامعة ابدا واتمكيج حتى لو كحل
لكن لو طالعة مناسبة او مع صحباتي ممكن

اذا انتى متفقة معاى انو فى خلل فى استعمال المكياج عند بعض الفتيات !!
هل يمكن تجدى مبرر لفتاة صغيرة وتتمكياج نهارا جهارا بصورة مقززة وبدون ما تخجل ؟؟
---------
[quote="مشيرة"]الاحمر والخشم اخضر والعيون اصفر دي عجيبة
وماتقولو انا ببالغ شفتها في بت وانا في الجامعة تخيل تنسيق الالوان الانا قلتا دي فيها حيكون كيف حلاوة مولد بس هههههههههههههههه

انتى متأكدا انو الشفتيها دى بت ... ما ببغاء Very Happy

[center]

عدد المساهمات : 610 تاريخ التسجيل : 08/12/2010

الدكتوره نضار كتب:: يا طارق يا اخوى(لَا تَسْأَلُوا عَنْ أَشْيَاءَ إِنْ تُبْدَ لَكُمْ تَسُؤْكُمْ )..

، يا دكتورة نهارك سعيد
ونحن كتبنا هذا لنعرف حدود المعقول هذا؟؟؟ كيف يحدد ومن يحدده؟؟
يمكن للفتاة وحتى هى غير متزوجة ان تتمكيج داخل المنزل .. مهما بلغت درجة هذا المكياج فهذا فى حدود حريتها الشخصية

عدد المساهمات : 1064 تاريخ التسجيل : 01/09/2010

عذرا اخى كان المفروض ان اسجل اعجابى بالبوست بتاعك اولا قبل ان استرسل فى رايى
الفكرة جميله جدا وحتطرق لينا ابواب مؤصدة كتيره نتمنى ان نفتحها جميعا فتحا مبينا لنصل لهدف الفكرة ..الافادة والاستفاده
دمت بخير
وبتفق معاك المكياج القليل منه لايضر فى حدود المعقول..يا طارق يا اخوى البت او الطفلة زات ال17 ربيعا من الذى سمح لها ان تتمكيج وتملا وجهها ضجيجا ..صاخبا وتخرج الى الجامعه او المدرسه
المساله راجعة للتربيه!!

عدد المساهمات : 610 تاريخ التسجيل : 08/12/2010

الدكتوره نضار كتب:: عذرا اخى كان المفروض ان اسجل اعجابى بالبوست بتاعك اولا قبل ان استرسل فى رايى
الفكرة جميله جدا !!

يا دكتورة المشاركة بالراى فى البوست هو تسجيل راقى للاعجاب به ..لان اساس الفكرة ان ننقل المعرفة الى بعضنا بعضا..
----------

الدكتوره نضار كتب:: ..يا طارق يا اخوى البت او الطفلة زات ال17 ربيعا من الذى سمح لها ان تتمكيج وتملا وجهها ضجيجا ..صاخبا وتخرج الى الجامعه او المدرسه
المساله راجعة للتربيه!!

والله العظيم يا دكتورة هذا ما ابحث عنه ... اردت ان تكون الاجابة من فتاة ...
التربية .. اذا الرجل هو من يضع الفتاة فى اول الطريق الخاطئ فلو لفت نظرها بلطف او زجرها من اول مرة لما تمادت فى كثير من الاشياء السالبة التى نراها اليوم
ملحوظة :-
والله من الصباح داير امكيج خطى دا ما قادر يا دكتورة ما تشوفوا للخط دا قلم حواجب ان شاء الله[ندعوك للتسجيل في المنتدى أو التعريف بنفسك لمعاينة هذه الصورة]

وللمرأة التجمل لكن زي ما قلت في حدود
والبنات في المدرسة والجامعة اصلا ماجميل او دا ما وقت مناسب للمكياج
هسي اختي لما تجي تسوي شئ بكلما براحة وبتسمع مني كتير ولما بقت تمشي ساي
لانو قلتا ليها انتي كدا اجمل من كتير معاك ومامحتاجة شئ

الموضوع داير اسلوب للطرح عشان يتقبل من الناس
يعني التجي من هناك تقول ليك دا شنو القرف دا عاملة زي الحربوية
والله دي اديها كف واواصل
لكن اسلوب التوعية البسيط بعطي نتايج كويسة شديد وانا جربتو
لانو انا برضو استعملتا في مرة اسلوب الزجر لكن طلعتا بي نتايج سلبية لكن غيرت الاسلوب فتغير الواقع

يعنى نسوان زمان كان ماشين فى الشارع وبيتلخبتوا مع الرجال

وناس زمان مامحتاجين مكياج كفاهم الشلوخ ودق الشلوفة واللبس الفوق الركبة هههههههههههه
تشوف امي هسي ماتشوفا زمان هههههههههههههههههه
مافي زول يكلمة ههههههههههههه

انتى متأكدا انو الشفتيها دى بت ... ما ببغاء [ندعوك للتسجيل في المنتدى أو التعريف بنفسك لمعاينة هذه الصورة]
والله بدل البت ديك الببغاء اجمل
دا انا وريتك المكياج بس استغفر الله واللبس حدث ولا حرج

وقول يالطيف

عدد المساهمات : 163 تاريخ التسجيل : 08/02/2010

السلام عليكم جميعا
واللة الموضوع دا من رأي اساسو العنصر الديني في كل وحدة وثانيا التوعية من اهل البيت والمكياج الهادي حلو ما الجوطة الحاصلة الايام دي

انا اول وحدة حتمشي تكلم امي يامشيرة ههههههههههههههههه

عدد المساهمات : 34 تاريخ التسجيل : 24/11/2010

هي جابت ليها عزرائليات كمان اقصد مكياج
اولا الزيك يا طارق وليه بناتك ديل الله يخليهم ليك عامل ليهم جزي تمرين تسعة
انت الوداك تفتح باب سيادو قافلنو شنو ؟
داير تجيب لينا مشاكل مع الحريم
والله يا اخي المرأة جبلت علي حب الزينة ولمن شيطانها يوذها شديد بتكتر المحلبية شوية
وانا ضد كتير المحلبية
وهنا يستحضرني قول الشاعر : ابنتي ان ارتي اية حسن وجمالايزين جسما وعقلا
فانبذي عادة التبرج نبذا فجمال النفوس اسمي واغلي
يصنع الصانعون وردا ولكن
وردة الروض لا تضارع شكلا

عدد المساهمات : 133 تاريخ التسجيل : 24/11/2010

طارق انا شاكى فيك انت طارق الانا بعرفو ولا واحد تانى ما قادر احدد الزمن طول والذاكرة ازدحمت لو اذكرتنى ورينى انا فتاح يعقوب دفعة الكدرو بالنسبة
لى موضوعك ده طبعا يصب تحت قايمة المبادى والاخلاق والمثل الرفيعة واذا لم تستحى فاصنع ما تشاء ويرجع الى غياب العقيده مش مسالة جمال وزينة ولو اصلا نحن دايرين نعالج الحاجات دى لازم نرجع ونصحح العقيدة فى المجتمع لكن تقول لى وحده المكياج حلو معاكى ولا شين ولا عيب دى كلها اصلا ما مقنعة للاجيال الجديده دى ده زمن الحرية والاستقلالية فى كل شى لو شين عندك تلقاه حلو عن واحد تانى لو تخلف عندك هو حضارة عن واحد تانى المهم رايك يعتبر وجهة نظر منك بس ويرجع اهميتو لى مكانتك عندهم عشان كده الاحتكام فى الامور دى لازم يرجع للدين هو الفيصل وده يرجع للتربية والجيل الجديد ده مسكين كل نصيبو من التربية ياكل كويس ويشرب كويس ويلبس كويس عشان كده مهتم بى كويس دى وبيتمكيج كويس مسكين ما عندو ذنب ما عارف حاجة عن الاخلاق المجتمع ما عندو فرصة
عشان يوريهم ويربيهم عليها الواحد ابوهو ياكلو ويشربو ويشفو كل يوم يزيد ويكبر ويوم يقولى تعال شيل السرير معاى ولا ارفع الكنبة دى ولا يلقاهو شايل حاجة تقيلة
ينبسط ويقول ادى رسالتو ويوم يجى يقول لى حديث بسيط ولا اية من القران يقلقاها صعبة عليه وما بيقدر عليها ليه لانو اهتم بالتربية الجسدية وخلاهو قوى يشيل اى حاجة اما الروح لسه صغيرة ما زادت من يوم الولادة وما تقدر تشيل اى قيم ولا مثل ولا مبادى كيف تشيلو الحاجات دى صعب عليه عشان كده من البدايه يا طارق يا اخوى اهتم بالتربية الروحية والجسدية وزى ما بتدى تلات وجبات اكل ادى تلات وجبات من العقيدة .واليوم التشيلو حديث ولا اية تلقاهو قدر المسؤلية فالبت قبل ما تخرج من البيت ولا من الغرفة حتى تقيف قدام المراية وتناقش نفسها وروحها كده كيف صح ولا غلط حلال ولاحرام عيب ولا ما عيب اذا كانت الروح ضعيفة
بالله كيف بيكون وضعها فلا تعجب منها ان خرجت عارية تماماً وكان الله فى العون

الاخ طارق ... تحية طيبة
المكياج الهدف الاساسى منو التجميل والظهور فى شكل افضل لكن امن تعملو وحدة غير متزوجة فدا ماصح كلو كلو مهما كان الغرض النهائى وفى ناس حيتسالو هى دار تتجمل لى منو ؟؟؟ ويرد اخر عشان العريس القادم يشوف الافضل فى وشها (زى حكاية اظهر باجمل ماعندك من شكليات ومعانى وكلمات ايام الخطوبة) ....

لكن الاخطر من دة كلو فى جزء كبير من بنات اليومين ديل تعدو مرحلة الفير اند لفلى وكريم 21 وتوب جيل وكيلى وتوب شيرلى (ودة تايوانى ماقعد يخش عن طريق بورتسودان) .... وكمية من الاسماء الشركات .... تعدو الى مرحلة شد الوجة عن طريق الليزر
وبين هذا وذاك تظهر مشاكل الجلد وامراض العصر من سرطانات وسموم وغيرة كاكبر المهددات الصحية قبل التجميل ....

اما ناس الكوكاشين فتحولو برضو الى الفير وربنا يحفظنا قول امين ....

والادهى فى دة كلو هى من انواع التجارة الرائجة جدا وفى امراة سعودية فى اوربا ملياديرة كدة بسبب هذة التجارة .... وربنا يجيب العواقب سليمة ....

عدد المساهمات : 610 تاريخ التسجيل : 08/12/2010

مشيرة كتب:: لكن اسلوب التوعية البسيط بعطي نتايج كويسة شديد وانا جربتو

نعم يا مشيرة قد نحتاج الى اسلوب محدد لمعالجة بعض الاخطاء (وختى لى خطين تحت اخطاء دى )
اذا نتفق ان هناك خطأ ولو بدرجة بسيطة فى مكياج البنات الغير مقنن او تحدة حدود او توجد له ظروف خاصة (مثلا فى المناسبات)

عدد المساهمات : 610 تاريخ التسجيل : 08/12/2010

صفاء العمدة كتب:: السلام عليكم جميعا
واللة الموضوع دا من رأي اساسو العنصر الديني في كل وحدة وثانيا التوعية من اهل البيت والمكياج الهادي حلو ما الجوطة الحاصلة الايام دي

صفاء شكرا للمرور الراقى
ولكن انتفق ان هناك مشكلة ؟؟؟
وكيف يكون تأثير الاسرة على مثل هكذا سلوك؟؟

عدد المساهمات : 610 تاريخ التسجيل : 08/12/2010

[color=blue]

عمرين العمدة كتب:: [center]

هي جابت ليها عزرائليات كمان اقصد مكياج
اولا الزيك يا طارق وليه بناتك ديل الله يخليهم ليك عامل ليهم جزي تمرين تسعة
e]

عمرين مشتاقين ...
كيف جبلت ... على حب الزينة ... تقصد من هى صغيرا يعنى
ولا اساس المراة هو حب الزينة؟؟
ولكن حتى ولو جبلت على حب الزينة اليس من الممكن ان يكون بدون ما تكتر المحلبية

عدد المساهمات : 610 تاريخ التسجيل : 08/12/2010

Abd Alftah Al Gamel كتب:: طارق انا شاكى فيك

شاكى فينى اصلو انا بنطلون[ندعوك للتسجيل في المنتدى أو التعريف بنفسك لمعاينة هذه الصورة]

العزيز عبد الفتاح والله الشوق مطر انا بتاع الكدرو ظاااااتو الدفعة الرابعة ..
رسل لى تلفونك فى الخاص لو امكن

عدد المساهمات : 610 تاريخ التسجيل : 08/12/2010

مجدى حسن كتب:: الاخ طارق ... تحية طيبة
المكياج الهدف الاساسى منو التجميل والظهور فى شكل افضل لكن امن تعملو وحدة غير متزوجة فدا ماصح كلو كلو مهما كان الغرض النهائى وفى ناس حيتسالو هى دار تتجمل لى منو ؟؟؟ ويرد اخر عشان العريس القادم يشوف الافضل فى وشها (زى حكاية اظهر باجمل ماعندك من شكليات ومعانى وكلمات ايام الخطوبة) ....

....

الحبيب مجدى .. نعم هى تريد الظهور !!
ولكن مارائك انت هل فقط الرجل ينظر للمراة على انها كائن جمالى لا يمت الى المعرفة والدين بصلة؟؟
ام ان الرجل قد تبره (المراة الراس)التى تستطيع ان تتجاوب معه فكرياً وتنصهر فى مجتمع متعقل لتشرفه

[color=red]المحيرنى يا مجدى :roll:
انت عرفتا كيف داك ما بيخش بى بورسودان؟؟؟
انت الايام دى شغال قدر ظروفك ولا شنو Laughing

[/color

]]

والله مجدي فات ناس قدر ظروفك ههههههههههههههه

وين بتاع المكياج دة ياجماعة

عدد المساهمات : 610 تاريخ التسجيل : 08/12/2010

هاني 0العمدة كتب:: وين بتاع المكياج دة ياجماعة

قااااعد والله ... عندك حفلة الليلة ولا شنو Very Happy

[ندعوك للتسجيل في المنتدى أو التعريف بنفسك لمعاينة هذه الصورة]

الاستاذ هاني...ارجوك كلم بتاع المكياج يشوف لينا حاجة رجالية لي ناس
بحري الجدول.
وقول يالطيف

والله ياعمنا الليلة بالغتا عديل ههههههههههه لي ناس قبلي مادايرين ولا جمال طبيعي

عدد المساهمات : 610 تاريخ التسجيل : 08/12/2010

ماهر عابدين دياب كتب:: الاستاذ هاني...ارجوك كلم بتاع المكياج يشوف لينا حاجة رجالية لي ناس
بحري الجدول.
وقول يالطيف

هههههههههههههه
خخخخخخخخ
نشوف ليهم ... تقترح شنو يا ماهر؟؟؟

عدد المساهمات : 34 تاريخ التسجيل : 24/11/2010

يازول كدا زح لينا بي مكياجك دا ما توسخ لينا وشنا
المكياج البجيك من حبوب اجدعو واستريح
واليغيظ قالو بقو يعملو الاولاد اخ تفووووو عليهم

الظريف طارق
انت مبدع ومبتكر... وبما انك صاحب البوست فمتروك لك اختيار الموضوع.
عندي زيارة قريبه للسودان،ورينا اذا كان كلام عمرين عن مكيجة الرجال صحيح لانو حابطل الجية.
وقول يالطيف

عدد المساهمات : 610 تاريخ التسجيل : 08/12/2010

عمرين العمدة كتب:: واليغيظ قالو بقو يعملو الاولاد اخ تفووووو عليهم

عمرين
مستغرب من الكلام دا راجل بيتمكيج ؟؟؟ انت متأكد بيتمكيج ؟؟؟ بيتمكيج كيف
والله متعجب من الكلام دا لمن راسى مشطوب Very Happy

[ندعوك للتسجيل في المنتدى أو التعريف بنفسك لمعاينة هذه الصورة]

عدد المساهمات : 610 تاريخ التسجيل : 08/12/2010

ماهر عابدين دياب كتب:: كلام عمرين عن مكيجة الرجال صحيح لانو حابطل الجية.
وقول يالطيف

ماهر ما تسوى مكياج الرجال سبا تعال سااكت... هنا حتى الكديس والكلاب بقت تتمكيج Very Happy

[ندعوك للتسجيل في المنتدى أو التعريف بنفسك لمعاينة هذه الصورة]

والله انت شكلك صاحب الكلاب الضالة الي روعت واكلت الناس في الخرطوم. لانك حتكون جبت كلاب ومكيجتها عشان تخوف ييها الناس.
ظبطك زي ما مشيرة ظبطتك متلبس في سبعة يوليو.
حأرفع شكوي للوالي

بدون تعليق

يـا صانـع المكيـاج الله يجـازيـك
خليتني مخـدوع فـي شكـل خلـي

الله يحـرق مصنعـك مـع مبانيـك
والمعرض الموجـود في بيكاديلي

ادعي عسى تعمى وتنشـل رجليـك
هـذا دعائـي دوم لا جيـت اصلـي

خليتني اركـض ورا البنت هاذيـك
واشوفها اجمل غـرام ٍ حصـل لـي

قلبي عشقها ياحبيبي توماتيك
وان شافها قلبـي يرحـب يهلـي

هي رحبت بـي وقالـت الله يحييـك
وقالت هلا باللي عشق زيـن شكلـي

وقالت انا اجمل بنت في اللي حواليك
شف حسني الاخاذ وروجي العسلّـي

طالعتها ثـم قلـت هالقلـب يبغيـك
ومن شاف حسنك خلى غيرك يولـي

ابغي اشوفـك دون مكيـاج يكسيـك
وابغـي اشوفـك بالجمـال المحلـي

قالت تبينـي افـرك الوجـه تفريـك
واشيل هالبـودر وروجـي وكحلـي

قلت أي نعم قومي عسى الروح تفديك
ابغـي جمالـك هالطبيعـي يهـلّـي

قالت دقايق راجعـه لـك واراويـك
ذاك الجمـال اللـي لعينـك يسـلّـي

ويوم رجعت لي شربكتني الشرابيـك
وحسيت الارض تدور وانـا بمحلـي

الخد كنه ياحياتي سيراميـك
والوجه شارع مثـل شـارع حولـي

الوجـه كنـه بيـت كلـه شبابيـك
من هالحفر في وجهها اللـي يعلّـي

كلـه سبـب مكياجـك الله يجازيـك
خليتني مخـدوع فـي شكـل خلـي

ونصيحتي لكل شاب من غير تشكيك
لا لا اتسـرع ثـم تنغـش مثـلـي

اللـي بـلا مكيـاج خلهـا حواليـك
واللـي تحـط مكيـاج خلهـا تولـي

تقبلو مرورى وفائق إحترامى وتقديرى لمجهوداتكم وسدد الله خطاكم ووفقكم لما يحب ويرضى

عدد المساهمات : 1064 تاريخ التسجيل : 01/09/2010

يا كمندان اين انت ..منتظرين مفاتيحك لتفتح ابواب مؤصده اخرى وانا فتحتى ليك بوابه كبيره فى المنتدى الطبى بوابه يستحى منها الناس ان يفتحوها او يدلفوها ..
فى انتظار مشاركاتك cheers

جاري البحث عن صاحب المكياج

وينك يا الكمندان منتظرين شوفتك

» الاتريد ان تفتح لك ابواب الجنه