قالوا ثم قالوا ثم قالو عن المرأه الكثير
الشايقيه:
بتسالي في ايش ياخي بطالع
بطالع في بدر فتق الخمار طالع
بطالع في قمربهر خطف ساطع
بطالع في القوام الامرد الفارع
بطالع في جمر بيكي وبلاك والع
بطالع في النفس لا يبقي موطالع
مبالغه:::
ناس البطانه:
دمك صافي تحوير المعردب لونك
بدر الكون جبينك والضلمه هي قرونك
ما دام انتي زي نجف الخواجه عيونك
كيف يتداوي من المو ويطيب مجنونك
ناس البطانه رغم الكبر:
برد الهنعه رف ولاح وفكه رياحو
زكرني البفوت دهب البراتي سماحو
الخلاني اقيم الليل ملاقي صباحو
بعد الشيب خفيف الروح جرحني سلاحو
وايضا اعمامك الكبار:
البارح نسيم ريحا طلق من جبره
زكر عقلي بي ود العنانيف هبره
اححح من فلانه وجرحها الما ببري
قلبي عليها ناح بعد اليقين والصبره
ناس الحقيبه ::
السيوف الحاظك تشهــــــــــرا
للفؤاد المن بدري انهــــــــــرا
اخفي ريدتك مره واجهــــــــرا
نار غرامك ربك يقهـــــــــــــرا
ااااامين يارب
وايضا في الشعر الجاهلي::
ولقد زكرتك والرماح نواهل مني
وبيض الهند تقطر من دمي
فوددت تقبيل السيوف لانها
لمعت كبارق ثقرك المتبسم
دا ماجن هسه؟؟!!!
وهناك الـــــــــــــكثير والمثير
والله الرجل السوداني يمتاز بالرومانسيه والاحساس المرهف وبلاغة القول
وهذا واضح من الاشعار والاغاني والدوبيت وغيرو
وتفوقوا علي النساء من النواحي دي بي كتير لان النساء من طبعهن البخل بالقول
حتي ولو قالو مابكون زي قول الرجال من عدة نواحي:
1/ بلاغيه
2/حقيقيه (الرجال اصدق طبعا)
3/وضوح (الضبابيه والرقراق عند المرأه)
4/تلقائيه(بعد عدة مجابدات ترمي ليها كم كلمه)
ونحن نقول::
ود العزه والمهله
مريتو حرقت البصله
حالف تمشي لي اهلا
ولا تطلع السهلا
الليله شوووووين بي قدرة الله
((((سمحه الهمله))))"
الإثنين 31 ديسمبر 2012, 12:44 pm
