شبكة مراغه الأصاله والتاريخ



 
الرئيسيةالموقع الرئيسى للشبكةصفحتنا على الفيس بوكالصفحه الرئيسيهالصحف السودانيهالمصحف الشريفالتسجيلدخول

إدارة شبكة ومنتديات مراغه : ترحب بكل أعضائها الجدد وتتمنى لهم أسعد الأوقات بيننا شرفتونا بإنضمامكم لنا ونتمنى مشاهدة نشاطكم ومساهماتكم التي سوف تكون محل تقديرنا واهتمامنا أهلا وسهلا وحبابكم عشرة بين اخوانكم وأخواتكم

شبكة مراغه الأصاله والتاريخ نحو سعيها للتواصل مع أعضائها الكرام فى كل مكان وزمان تقدم لكم تطبيق شبكة مراغه للهواتف الذكيه فقط قم بالضغط على الرابط وسيتم تنزيل التطبيق على جهازك وبعد ذلك قم بتثبيته لتكون فى تواصل مستمر ومباشر مع إخوانك وأخواتك على شبكتنا.

شاطر | 
 

 منتظرين شنو؟؟؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ماهر عابدين دياب
 
 


الموقع : لندن
عدد المساهمات : 2905
تاريخ التسجيل : 02/05/2010

مُساهمةموضوع: منتظرين شنو؟؟؟   الخميس 07 أبريل 2011, 6:08 pm



ثوراتنا الزمان ياحليلا....وثوارنا الزمان ياحليلهم
هي مقامة لقرن شطه...البيقول لينا منتظرين شنو؟؟؟ ومنتظرين منو؟؟؟؟ اسمعوه الراوي:

حدثنا ولدنا أفليقا الشهير بعبدالودود ، راجل الحارة وسداد السدود ، ذو الاحاديث الشجية والسيريالية وفايتة الحدود قال: جاء بالامس رجل لا تطرف له عين وذكر بانه قادم من وراء بحرين ، وتاليه آخر ذو لحية مهيبة وبلقاء ويقال انه جاء زاحف من هناك من ارض الفداء ونواحى صنعاء ، راحل من بعيد وطاوى أراضى اليمن السعيد…وفى الوسط شاب للشعر جازى ، عليه ملامح متحرر وغازى ، ذلك أنه محارب من بنغازى وقد أُرسل للتواصل بدون مجاملات او كلمات تعازى…جلسنا مع الاحبة الكرام وجلبنا ماتيسر من الطعام ، فول وعليقة وكيكه وسمسم وويكه…بعد السلام وإزالة الملام ، والكلام بجيب الكلام ، قلنا : إننا فى الحقيقة مذهولين وفاتحين للفوموم ، وذات الفكرة تراودنا ضمن الهموم…بطنا طمت خلاس والجتة عافت الهدوم واللباس …القهر والفقر سببو لينا إلتباس ، والنوم ذاتو بسيط وخزاز ، غمضة الديك فوق الحبل دون إجساس ، ومع ذلك مزازينا فى الحلم وساس! طيب وكيف الخلاص؟ قال الغازى زول بنغازى ، دايرين تاكلوا كسرة وملاح إذن لابد من السلاح! طنشنا منو ذلك إنو جنو يبدو عظيم لصغر سنو…نحنا دايرين الامور تمشى إسموز وبى بشيش نقلع الزير ومعاهو الكوز ، موضوع القصف الجوى بالطائرات والهيلوكوبترات والحوامات وشىء صواريخ وراجمات ، ده “نحسبه” صعيب علينا وقد ثبت لدينا أن الليبى جنو جنا مبينا…نطا زى المهبوش التقول ملبوش وبى حجاب فقير مرشوش أو ادوهو عين زول البحرين ، وحلف بالمغلظ واليمين إنو ثورتهم صامدة سلك وعما قريب سوف يتخارج الملك ، وعلى كل هم فى دوار اللؤلؤة صامدين حتى يتبين الحق من الباطل ويستبين ، نحنا طنشنا تانى وعملنا رايحين! ذلك أن الصمود داير أفكار وحكومتنا روحها مكركرة بى ستين كركار وغالبها تتصرف بعقلانية تب وبس دايرة فينا سبب واكيد كمان مبيتة سوء النية لاى حلم يطل من خيال وليد كان أو بنية… أخونا بتاع الكُرب والمحن ، الزول الجاينا من اليمن قال: انتو ماعندكم ميادين للإحتجاج ليش؟ رد ذلك الدقن المدفون ومحلوق بمنطق عقل وطايوق…حديثك ياشيخ بيش ومافى طريقة مع ناس الامن والديش! وبعدين إنتو عندكم سلاح ونحنا ياحبيبنا فاقدين رغيف وملاح ، وماتقول رغباتنا إنتكست وآمالنا إنطوت وإتلحست..بس يا لاعب الزمن والله غالب.. فى تلك الليلة العجيبة القمراء ، عند النيل حيث تروى أحاديث السراء والضراء…قلنا للزوار الاحباب نحنا ناس مفتحين بس متاقين الباب…قال ذلك الشاب الاملس ومهول وكمان داقى سستم وبنطلونو منصول قال بصوت محبب ومعذب وكتف حنين ومجبجب ونظر مصقول ومكهرب ، من بعد إستخارة وإستشارة وسجدة الليلة انا عازمكم قعدة ، اصلو يا أخوانا نحنا بقينا فعل ماضى دمنا فاير وكيسنا فاضى…ومع ذلك نكرمكم أحسن إكرام مانحنا ما اولاد المهدى الإمام ونجيب ليكم من (أمواج) اطايب الطعام والذ أنواع الشراب والبيبسى شايلنو الطف وانضف أنواع الجكسى ، مع إبداعات فنانين أو طارات مداحين…الجماعة زعلو وعضو اليد عض ، إتخمخمو وإتخارجوا مع بعض…قلت يا أفليقا طفح الكيل وقد كمل العُمر!

ونقول يالطيف
الرجوع الى أعلى الصفحة اذهب الى الأسفل
الأمين الياس الأمين
 
 


عدد المساهمات : 604
تاريخ التسجيل : 16/01/2011

مُساهمةموضوع: رد: منتظرين شنو؟؟؟   الأحد 17 أبريل 2011, 9:32 am

منتظرين شنو؟!
يا اخي منتظرين الحكومة تطلع بمظاهرة وتقول للشعب الفضل : سلمية .. سلمية ..سلمية - أرحلوا.
الرجوع الى أعلى الصفحة اذهب الى الأسفل
نضارعبدالكريم العمده
 
 


عدد المساهمات : 1064
تاريخ التسجيل : 01/09/2010

مُساهمةموضوع: رد: منتظرين شنو؟؟؟   الخميس 28 أبريل 2011, 3:42 pm

عزيزى الاستاذ المقدر استاذنك ان اتفشى شويه عبر بوستك دا.. رغم معارضتى للحكومة وانياتى ان تزول مجدها وان ينقطع دابرها لكن حقيقه المواقع الالكترونيه ونضال النت والمعارضه عبر الاسفير لا ياتى اكله ..السودانين لازم كلنا نارض هناك داخل الوطن ونقلع السلطة منهم قلع ..وعايزة عبر بوستك اوجه رساله لجميع اعضاؤنا بالشبكة هذه الشبكة ليست معارضه او حقت معارضين واوجه قولى للامننجيه ومخترقى الشبكة ومتتتبعى ابخارها والمتقولين عليها ..الشبكة نظامها اجتماعى بحت ولا ضير ان تناولنا السياسه ونفسنا عما بنا .زلو كانت المعارضه الاسفريه وعبر الكى بورد جايبه حقها كنا ناضلنا..لكن تمعنوا معى للمفارقه .زمين اليفهم ,,,البشير اعلن الفساد عيانا بيانا وابتدا بمحاسبات ..واتباعوا دافنين راسهم فى الرمال ويتغنوا بالنزاهة الماليه والعدل..قوش اقلوا عديييييييل وهنا يمجدوا فى ناس منو ومنو ناس الهامش ..كدى قول ليا يا استاذ ..تتناول السياسه مع منو؟؟؟؟؟؟؟؟؟؟؟؟؟؟؟؟؟؟الله غالب
الرجوع الى أعلى الصفحة اذهب الى الأسفل
شريف عبد المتعال
 
 


الموقع : ايطاليا
عدد المساهمات : 3792
تاريخ التسجيل : 01/01/2011

مُساهمةموضوع: رد: منتظرين شنو؟؟؟   الجمعة 29 أبريل 2011, 8:35 pm

الاستاذا ماهر حقيقة بداء دخول المنتدي اليوم بالسياسي و لقيت موضوع منير و بعدين قرشي و بعدين هنا ماهر و الدكتورة ؟؟؟ مالكم دايرين تجيبوا لينا هوااء بارد ههههههه ... study




من فوائد القراءة فتق اللسان، وتنمية العقل، وصفاء الخاطر،

وإزالة الهم ،  والاستفادة من التجارب، واكتساب الفضائل.

الرجوع الى أعلى الصفحة اذهب الى الأسفل
http://shareef.forumattivo.it/
 
منتظرين شنو؟؟؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شبكة مراغه الأصاله والتاريخ ::  القسم السياسى -
انتقل الى: