شبكة مراغه الأصاله والتاريخ



 
الرئيسيةالموقع الرئيسى للشبكةصفحتنا على الفيس بوكالصفحه الرئيسيهالصحف السودانيهالمصحف الشريفالتسجيلدخول

إدارة شبكة ومنتديات مراغه : ترحب بكل أعضائها الجدد وتتمنى لهم أسعد الأوقات بيننا شرفتونا بإنضمامكم لنا ونتمنى مشاهدة نشاطكم ومساهماتكم التي سوف تكون محل تقديرنا واهتمامنا أهلا وسهلا وحبابكم عشرة بين اخوانكم وأخواتكم

شبكة مراغه الأصاله والتاريخ نحو سعيها للتواصل مع أعضائها الكرام فى كل مكان وزمان تقدم لكم تطبيق شبكة مراغه للهواتف الذكيه فقط قم بالضغط على الرابط وسيتم تنزيل التطبيق على جهازك وبعد ذلك قم بتثبيته لتكون فى تواصل مستمر ومباشر مع إخوانك وأخواتك على شبكتنا.

شاطر | 
 

 ياسر ابراهيم طـه ... مطلوب حضورك بهنا

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : 1, 2  الصفحة التالية
كاتب الموضوعرسالة
هيثم شهلي
 
 


عدد المساهمات : 599
تاريخ التسجيل : 27/01/2010
العمر : 44

مُساهمةموضوع: ياسر ابراهيم طـه ... مطلوب حضورك بهنا   الخميس 16 يونيو 2011, 10:31 am

العزيز ياسر
سلامات ياخ

المنقولات أدنـاه أظنها تكفي لتوجيه نداء لكم بالحضور والمشاركة بفعالية في المنتدى كعهدكم دوما
وأرجو أن تتحفنا بما لديكم
والدعوة موجهة-بالطبع- للجميع

ولك الـود.. زخات زخات



كِتابِي الثانِي للصف الأول الإبتِدَائي.



سامى عبد
الوهاب مكى



[ندعوك للتسجيل في المنتدى أو التعريف بنفسك لمعاينة هذا الرابط]



السادة العواجيز المحترمين (دفعتنا وكدة) يلا نتذكر الأيام
الخوالي أيام المطالعة والإنشاء وجرس الفطور والقنقليز بالشطة والتبش بالشطة وقصب
السكر وتعالوا نتشارك زي زمان (كتاب المطالعة) و(سندوتش المربة مقطع مع سندوتش
البيض والفول وسندوتش سلطة الأسود) ودرس العصر وحصة الرياضة و ورقة الألفة
والهرجلة والدق على الأدراج نهاية اليوم وكلنا بنقول بيوووووووووووووووت
..

ملحوظة:

ناس كنبة وراء الحاقدين ما معانا


اللهم أعطي الأستاذ حنفي أستاذ اللغة العربية بمدرسة
الركابية الإبتدائية بقدر ما قدم لنا من علم وعلوم في حُب وتفاني وإخلاص
.







يا سامى الناظر بتاعنا كان براقب السلك الشايك بتاع السور
وهو قاعد فى مكتبو
لو السلك اتــهــز معناها فى زول تلب ، طوالى يجرى على
الزقاق الوراء الفصول فعلا" يقبض ليهو واحد

تقول كان شغال فى الامن


عندكم كان فى ناس بســــفو ؟



يوم التطعيم الصحى ده خصوصا ايام تطعيم السحائى او الجدرى
يمين بالله الواحد اول ما يسمع بجيتهم تمسكك لاوية فى بنطك من الخوف ماىتعرف تقبل
وين وتعال شوف الكواريك اول ما يبدا تطعيم السحائى بالمسدس يمسكك الممرض ويكون
معاها طبيب منظر صعب ومرعب فى ذلك الوقت






من الطرائف الكانت بتحصل داخل الفصل اثناء الحصة يختو ليك
نملة فى قمصيك طبعا نمل زمان كان نمل رويان وشبعان ولمن يديك قرصة زى الضربوك
برصاصة بالرغم من انها حركة ما لذيذة لكن الاولاد كانوا بيستمتعوا لمن يختوا نملة
لواحد

مرة فى واحد مشى اشتكى للاستاذ وقال ليهو الاولاد بيختو
نمل فى القميص المهم جاء الاستاذ وبقى يهرش فى الفصل انه اى واحد يعمل الحركة دى
حياخد 10 جلدات بصوت العنج بتاع الناظر وفى اثناء كلامه وقعت الطامة وللحظ السىء
ختوا نملة لواحد من الاولاد النوع البيشتكى طوالى بس تعال شوف الولد بقى يفرفر
ويحك فى العضة ورفع يده يا استاذ ختو لى نملة وفعلا طلع الولد بره ورفع القميص
ضهره ده تقول خريطة العالم من قرصة النملة الاستاذ ما كضب رسل الولد قال ليه امشى
مكتب الناظر جيب صوت العنج ونادى استاذ فلان معاك

وتعال بقى عينك ما تشوف الا النور الاستاذين مسكوا الفصل
كله جلد وكل طالب اخد 10 حتى الولد الاشتكى اول اواحد جلدوه



سرقة الاقلام والسندوتشات

كان معانا واحد اسمه ( م . ز ) مشهور بسرقة الاقلام واكل سندوتشات الحناكيش الصباح بدرى اثناء ما
الناس بيقيفو طابور
هو بيدخل الفصل بسرعة يعمل عملتو ويحلق الطابور نظام جاى
متأخر من البيت
ابوى لما مشى الحج وانا فى سنة سادسة جاب لى قلم باركر
ذهبى كان حديث الفصل والمدرسة والمدرسين
القلم بعد يومين اتسرق ، كل اصابع الاتهام كانت تشير الى ( م . ز ) الا انو نكر ورفض يحترف بالسرقة
واصر انو الفصل كلو يتفتش ( شفت قوة الرأس كيف ) لما الناظر تعب من التفتيش قال الفصل يتجلد كلو
وبالفعل اتعاقب الفصل اشد عقاب

وانا فى الثانوى قابلنى ( م . ز ) فى شارع الصحافة زلط قال لى تذكر قلمك الدهبى الاتسرق
ودقو فيهو الفصل كلو

قلت ليهو ايوااا

قال لى انا السرقتو .... وقعد يضحك واتسالمنا بالاحضان تانى .



من اقلام الحبر الشهيرة التى اذكرها فى تلك الفترة قلم
التروبكر والباركر وقلم بيجو وفى قلم حبر من نوع الانبوبة بتتغير بس ما متذكر اسمه
اما اقلام الرصاص وخصوصا فى حصة الهندسة فهو قلم 3
H الشهير ولا منافس له
كان فى علبة هندسة من نوع صينى لونها احمر من بره ولمن
قلم الحبر يقطع منك تمشى مكتب الاساتذة تملاه او نتشترى من غفير المدرسة عنده
محبرة خاتيها جنب السكن حقه فى طربيزة

اما الاحذية فاشهرها الكبك بتاع باتا ثم لاركو وكان فى
شدةَ البلاستيك وطبعا البيجى لابس فردة سفنجة فى رجله لازم يجيب عذر من المركز
الصحى والا يا ويله من العقاب ولبس السفنجة ممنوع بقرار من مدير المدرسة



كان فى نوع بتاع قلم حبر الا نكسر جزء من السن عشان خط
القلم يبقى جميل

بتذكر اول ما دخلت اولى ابتدائى من ضمن الكتب يوزعوا ليك
كراس رسم وعاه الون فى علبة زى الطبشير طبعا حصة الفنون كانت اجمل حصة عندى وفعلا
اتعلمت منها الرسم وبقيت رسام وما زلت احتفظ ببعض الرسومات الى اليوم

فى سنة تالتة كان فى حصة الجغرفيا لمن اتعلمنا رسم
الخريطة الون ليك الخريطة بالوان وزخرفة خطيرة

بتذكر كان فى حصة فيها انه كل مجموعة الاستاذ يديهم خريطة
مرسوم فيهاالمدرسة وفى مكان ما يوجد كنز مدفون طبعا نبدا فى البحث عن هذا الكنز
احيانا يكون داخل حوش المدرسة واحيانا يكون خارج السور والمتعة فى المجموعة
البتلقى الكنز اول




فى ايام الشتاء مع السقط البارد كنا نجى ممسحين بالفازلين
او الجرسلين طبعا تلقى الواحد شكله بيلمع من المسيح ومع اللعب وعدم الحمام من
البرد تتكون طبقات حجرية بمرور الزمن فى اطراف يدك وكوعك وقدم الرجل لمن تبقى زى
ضهر ابو القدح وتشقق لمن تطلع دم بالمسامات الحجرية طبعا لمن ترجع البيت ويمسكوك
عشان تحك اطرافك بالحكاكة ام حجر لمن عينك تطلع، وطبعا الجلد فى السقط صعب عشان
كده كان موسم الرديف بالقمصان والاردية

وعشان تتدفى من البرد تلقى الطلبة قاعدين فى الشمس تحت
الحيطة زى غنم الحلة والرجلين واليدين من القشف زى الدروع الواقية







في إيام زي دي والدنيا إجازة والسخانة عاملة عمايل ما في
شي كان بيوقفنا من الكورة والتحديات وصبغ الفنايل بالوان الفرق الكنا ناجرنها من
راسنا
..

غايتو نحن فريقنا كنا مسمنو الترسانة..اخيراً جداً عرفت
إننا كنا بنلعب في الأرسنال شخصياً
[ندعوك للتسجيل في المنتدى أو التعريف بنفسك لمعاينة هذه الصورة] والارسنال دا او الترسانة فريق
مجنرمت والكابتن بتاعنا كان كل يوم يقول لينا تبرعات ويمشي يا يشتري بالقروش سفنجة
يا تبش ويجي يبيعو لينا
..

والفنايل تطمم بطنك من الكورة حمالات شي فتحات كبار وشي
فنيايل ممطوطة ومعظم الفريق شايل فنايل ابواتهم والفنيلة حدها الركب وحتى الصبغة
بت الكلـــب عمرها ما ظبطت معانا مع اننا كنا بنشتغل حسب الطريقة العلمية
[ندعوك للتسجيل في المنتدى أو التعريف بنفسك لمعاينة هذه الصورة] يعني الموية ونسخنها والملح
بنكبو والفنايل بنسوطها سواطة الويكة بي عمود نيم غالباً لحدي ما تتلايق
..

اما بقية الالعاب بالله من أم الحفر تلقى الشوارع التقول
محفرها فار (حفرة لكل ستة امتار
) ...

النبل دي كان احرف واحد فيها صاحبنا الطائف عوض لانه احسن
واحد بيصنعها وينيش بيها كمل قمري امدرمان كله
..

ومن الذ نوادر وقصص النبل ونيش الطير إننا كنا ماعندنا
مكان بيقبل بي جنس الفطايس البنجيبن ديل إلا قريبتنا رحمها الله مرة كبيرة وكان
عقلها شوية كدا...نجي ونشوي القمري وحبة الفكة ناس ود ابرك وحرمة المصون الست
عشوشة وناكل اللغاويس دي ونمشي حامدين شاكرين...ومرت الايام وفي مناسبة كبيرة
ومحضورة والبيت ملان والوقت دا انا خلصت الجامعة وبقيت من صغار الموظفين جيت خاشي
وبدون مناسبة قريبتنا ربنا يرحمها في نص الجمهور دا قالت لي تتذكر يا سامي لمن
كنتو زمان تجيبو (الفيران) تنجضوهم في بيتي..علي الايمان والرحمن انا الفيني كملت
اللحظة ديك
[ندعوك للتسجيل في المنتدى أو التعريف بنفسك لمعاينة هذه الصورة] لا قصدك الطيور وهي تشيل
وتغالط والجمهور المعظمه نسوان شمشارات بعد ماكانو معجبات بالشاب المتخرج جديد
والاشتغل قربن يستفرغن..انا متأكد جزء منهن يكون فعلاً صدق..غايتو الله يرحمها
عملت لي سمعة


من اهم سمات المرحلة ديك التشرد طوال فترة الإجازة حبة
لعب وحبة شكل وحبة صرمحة في سوق امدرمان (شبه شماشة) وكرعين وسخـــانات وسخ
شديد...والله قال بقولك لو لمو فيك ناس البيت ودخلوك (الرج) الحمام وسلخوك بالليفة
وحجر البحر داك
...دي ما عذاب الجندية ذاااااااااااتو..


الرجوع الى أعلى الصفحة اذهب الى الأسفل
هيثم شهلي
 
 


عدد المساهمات : 599
تاريخ التسجيل : 27/01/2010
العمر : 44

مُساهمةموضوع: رد: ياسر ابراهيم طـه ... مطلوب حضورك بهنا   الخميس 16 يونيو 2011, 10:37 am








عصفورتان في الحجاز حلتا علي فنن في خامل من الرياض لاندي
ولا حسن

مر علي اْيكيهما ريح سري من اليمن حيا وقال درتان في وعاء
ممتهن

لقد راْيت حول صنعاء وفي ظل عدن حدائق كاْنها بقية من ذي
يزن

الحب فيها سكر والماء شهد ولبن لم يكد يرها الطير اْو
يسمع بها حتي افتتن

هيا اْركبان ناْتها في ساعة من الزمن قالت له احداهما
والطير منهن الفطن

ياريح اْنت ابن السبيل ما عرفت ما السكن هب جنة الخلد
اليمن لا شيْ يعدل الوطن


****************
اْنا لن اْعيش مشردا
اْنا لن اْظل مقيدا
اْنا نازح داري هناك
وكرمتي والمنتدي
وطني هناك ولن اْعيش
بغيره متمردا متشردا
ساْعيده واْعيده
وطننا عزيزا سيدا
ساْزلزل الدنيا غدا
واْصير جيشا اْوحدا

**************
برز الثعلب يوما في ثياب الواعظينا
ومشى في الارض يهدي ويسب الماكرينا
ويقول الحمد لله اله العالمينا
يا عباد الله توبوا فهو كهف التائبينا
وازهدوا في العيش ان العيش عيش الزاهدينا
واطلبوا الديك يؤذن لصلاة الصبح فينا
فلما بلغ الديك رسول من امام الناسكينا
عرض الامر عليه وهو يرجو ان يلينا
فاجاب الديك عذرا يا اضل المهتدينا
بلغ الثعلب عني عن جدودي الصالحينا
من ذوي التيجان ممن دخلوا البطن اللعينا
انهم قالوا وخير القول قول العارفينا
مخطئ من ظن يوما إن للثعب دينا

**************

كن بلسماً إن صار دهرك أرقما
وحلاوة إن صار غيرك علقما إن الحياة حبتك كلَّ كنوزها
لا تبخلنَّ على الحياة ببعض ما.. أحسنْ وإن لم تجزَ حـتى
بالثنا

أيَّ الجزاء الغيثُ يبغي إن همى؟
مَــنْ ذا يكافـئُ زهرةً فواحةً؟
أو مـن يثيبُ البلبل المترنما؟ ياصاحِ خُذ علم المحبة
عنهما

إني وجـدتُ الحبَّ علما قيما لو لم تَفُـحْ هذي، وهذا ما
شدا

عاشـتْ مذممةً وعاش مذمـما أيقظ شعورك بالمحبة إن غفا
لولا الشعور الناس كانوا كالدمى أحبب فيغدو الكوخ كونا
نيرا

وابغض فيمسي الكون سجنا مظلما
لا تطلبن محبة من جاهل المرء ليس يحب حتى يفهما






نة اولى تاكل فولة ، سنة تانية تاكل بامية

اولى تمسك السلاح وتانية تفرك الملاح

اولى بريه وتانية بريه ، تالتة ورابعة فى العملية

الاول عند الله مصور والتانى ياكل باسطة بالصوانى والطيش
يدقو بالبراطيش


حلوققك ابو الدنان قطع روقك ( ساعة يتلمو جمب الزير وكل
واحد عايز يشرب قبل التانى )

دمى سبق دمك ( لما اتنين يتصادمو بالراس ) تف ... يتف فى الارض قبل صاحبو


البخاصمنى يخاصم ربو ، سبعة سكانين فى قلبو

الشماها فســ ...هــا


السمين يقع والضعيف يقيف

حمار للبيع

احب الله ..... ( يمشو يشتكوهو للاستاذ فلان ده قليل ادب قال احب الله )

تعرف تكتب اسمع براسك فى الهواء ... ايوا بعرف ... اها اكتب ... ابشر ابشر يا عروس


الهلال يهزم المريخ خمسة صفر



صائد من الذاكرة

دجاجي يلقط الحب ويجري وهو فرحان

كان عيونه خرز له في الشمس الوان

ولي ديك لي صوت جميل اللحن رنان


لي قطة صغيرة سميتها سميرة

بشعرها القصير وذيلها الطويل


ودائما تغني ولا تخاف مني

تنام في الليل معي وتلعب باصابعي

لانني احبها ولا اخاف ضربها









ما اظن يكون فى واحد مشترك هنا لانهم كلهم كانو بليدين
فى العربى والحساب والدين فما بالك بالتكنولوجيا

كان عندنا اتنين واحد اسمو خدر و التانى اسمو النجاشى
قاعدين جمب بعض
فرد واعداء فى نفس الوقت ، المهم استاذ العربى قال لخدر
استهجه كلمة
لــبنــى : خدر جاوب صاح قال لام نون با ويا معرجة
الدور جاء للنجاشى قام قال لام ونون وبا ويا مع الرجاء

خدر قعد يضحك فى صاحبو جنس ضحك






الرجوع الى أعلى الصفحة اذهب الى الأسفل
هيثم شهلي
 
 


عدد المساهمات : 599
تاريخ التسجيل : 27/01/2010
العمر : 44

مُساهمةموضوع: رد: ياسر ابراهيم طـه ... مطلوب حضورك بهنا   الخميس 16 يونيو 2011, 10:41 am




خلوا بالكن يا ناس سنة اولى
الشافع جاي جديد من
الخلوة
كتبوه مهرجل فاعترض
للاستاذ باسلوبه الخاص
لا هرجل ولابرجل
الفاتولة جاب الوحولة قم
كشم كر كتبني
يعني معناة المعنى
انا لاهرجلت ولابرجلت
الفة اولى ..... الفة سنة
اولى
جاب الواح اولى .... وهو
جاي جديد من الخلوة بسمى الكراسات الواح
يعني الفة سنة اولى جاب
كراسات سنة اولى
قم كشم يعني قمت كشمت اي
ضحكت بدون صوت
كر كتبني يعني اللفة كر
كتبني مهرجل بدون سبب
فهمتوا يا شطار
وغدا درس
طه القرشي مريض
ودي كمان حكايتا حكاية



ارجع ليك للثنائى خدر و النقاشى والكنبة الوراء تانى

الاستاذ بحكم خبرتو بكون عارف لما يسأل سؤال منو البجواب
صاح
يقومو ناس خدر لما الاستاذ يسأل سؤال يرفعو اصبعهم مع
الناس الشطار لكيين بخجل كده

الاستاذ قام سأل خدر منو شاعر قصيدة ... ( ما مذكر اسمها ) الاجابة كانت معروف الرصافى
خدر وقف كده ... قام النقاشى الجماعة الجمبو قالو ليهو الشاعر بريمة تاور ( بريمة ده كان ببيع التسالى فى ميدان الليق )

النقاشى رفع يدو ... استاذ .... استاذ .. استاذ
ايوا يا نقاشى .. الشاعر بريمة تاور
الاستاذ اداهو سوط فى ظهرو ... قام قال للاستاذ والله ده كمال مريم قال لي كده
الاستاذ يا كمال منو القال ليك كده ... قال ده امير ود الحاجة
يا امير منو القال ليك كده .. قال قريتا فى مجلة ميكى




بلادي جنة الدنيا و روض ربيعها الاخضر

تعالى الله باركها و اجرى تحتها الكوثر



***





ان الكريم لكالربيع

تحبه للحسن فيه

وتهش عند لقاؤه

ويغيب عنك فتشتهيه

لا يرتضي ابدا

لصاحبه الذي لا يرتضيه

واذا تآمر حاسديه

بكي ورق لحاسديه

كالورق ينفح بالشذي

حتى انوف السارقيه



***





برز الثعلب يوما في ثياب الواعظينا

ومشى في الارض يهدي ويسب الماكرينا

ويقول الحمد لله اله العالمينا

يا عباد الله توبوا فهو كهف التائبينا

وازهدوا في العيش ان العيش عيش الزاهدينا

واطلبوا الديك يؤذن لصلاة الصبح فينا

فاجاب الديك عذرا يا اضل المهتدينا

بلغ الثعلب عني عن جدودي الصالحينا

من ذوي التيجان ممن دخلوا البطن اللعينا

انهم قالوا وخير القول قول العارفينا

مخطئ من ظن يوما إن للثعب دينا

وبجيك بعد شوية كمان مع الصور التي تحرك الذكريات





عدل سابقا من قبل هيثم شهلي في الثلاثاء 21 يونيو 2011, 10:40 am عدل 1 مرات
الرجوع الى أعلى الصفحة اذهب الى الأسفل
هيثم شهلي
 
 


عدد المساهمات : 599
تاريخ التسجيل : 27/01/2010
العمر : 44

مُساهمةموضوع: رد: ياسر ابراهيم طـه ... مطلوب حضورك بهنا   الخميس 16 يونيو 2011, 10:48 am

[ندعوك للتسجيل في المنتدى أو التعريف بنفسك لمعاينة هذه الصورة]


[ندعوك للتسجيل في المنتدى أو التعريف بنفسك لمعاينة هذه الصورة]




[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
هيثم شهلي
 
 


عدد المساهمات : 599
تاريخ التسجيل : 27/01/2010
العمر : 44

مُساهمةموضوع: رد: ياسر ابراهيم طـه ... مطلوب حضورك بهنا   الخميس 16 يونيو 2011, 10:52 am

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
هيثم شهلي
 
 


عدد المساهمات : 599
تاريخ التسجيل : 27/01/2010
العمر : 44

مُساهمةموضوع: رد: ياسر ابراهيم طـه ... مطلوب حضورك بهنا   الخميس 16 يونيو 2011, 10:57 am





بيض الحمائم حسبهن أنى اردد سجعهن
رمز السلامة و الوداع منذ بدء الخلق هن
في كل روض فوق دانية القطوف لهن أن
يملن و الأغصان ما خطر النسيم بروضهن
فاذا صلاهن الهجير هببن فوق غدير هن
يهبطن بعد العوم مثل الوحي لا ندري بهن
و يطرن بعد ألابتراء إلى الغصون مهودهن
تنبيك أجنحة تصفق كيف كان سرورهن
المحسنات الى المريض غدون اشباها لهن
الروض كالمستشفيات دوائها اينا سهن
يشفي الغليل غنائهن و خطفهن و لطفهن
مر الدواء بفيك حلو من عذوبة نطقهن
مهلا فعندي فارق بين الحمائم و بينهن
فلربما انقطع الحمائم في الدجى عن شدوهن
اما جميل المحسنات ففي النهار و في الدجن






وبالله شوف دي :

ونحن اصدقاء المزارع فهل
تعرفوننا أيها الأطفال؟

أنا طير البقر ، أمشي
وراء البقر التي تحرث الرض ،

آكل الدود والحشرات
الصغيرة ، أجدها في الأرض المزروعة . وهي تأكل الأوراق وجذور النبات
أنا صديق المزارع

أنا الهدهد ، أنتم
تعرفوني بتاجي الجميل . أنا لا أضر الزرع ، أنا التقط الدود والحشرات بمنقاري
الطويل .

أنا صديق المزارع .

أنا البجعة ، أحضر إلى
بلادكم في الخريف ، لا آكل الحشيش ولا أضر الزرع ،

ولكن آكل الحشرات التي
تأكل الزرع كالجراد . أنا صديقة المزارع .

أنا الصقر ، أنا صديق
المزارع أيضا . أكل الجراد والحشرات والعصافير التي تأكل الذرة والقمح .

الطيور

نحن أصدقاء المزارع ، فلا
تقتلونا أيها الصغار



****


رحلة الى اربعات

للشاعر يوسف مصطفى التني


تطوى بنا السيارة البطحاء فى عدو رشيــــق


ما بين سفحٍ في الذرى عال واخدود سحيق


قامت تظلله الجبال الشم تظليل الشفيق


وتصون منه سلسلا


ينساب فى خطوٍ طليق


فاذا تحدر والتوى فى خفة عند المضيق


غنى حداء الظاعنات وشع بسام البريق


يا اربعات رجعتى لى انشودة الحب العميق


هذا الجمال انالنى السراء حانت بعد ضيق








فى القطار للشاعر كامل كيلاني

هيهات هيهات لا جنا ولا سحرة
بقادرين على ان يلحقوا اثرة
هذى المناظرقد مرت على عجل
كأنها ومضة للبرق مختصرة
هذا قطيع من الاغنام المحه
وذا صفيرٌ يدوي مذ راى خطرا
هذى المحطة قد لاحت لاعيننا
اعلامها ووفود السفر منتظره
يحل فيها قليلا ثم يتركها
لغيرها ماضيا مستانفا سفره
كالسهم منصلتا والسيل مندفعا
يثير فى عدوه الحصباء والغبره
و هذى دوحة فى ظلها بقرة
و هذا غلام اراه صاعدا حذرا
على النخيل يرجى فوقه تمرة
و هذه ترعة فى اثرها ظهرت
و هضبة و حقول بعدها نضرة
مرت و ليس لها من عودة ابدا
كالطيف ولى فمن ذا يقتفى اثره


***

يا الهي يا الهي
يا مجيب الدعوات

اجعل اليوم سعيدا
وكثير الباركات

واعني في دروسي
واداء الواجبات

وانر قلبي وعقلي
بالعلوم النافعات

واجعل التوفيق حظي
ونصيب في الحياة

يا الهي يا الهي
واستجب كل صلاتي







ان الكريم لكالربيع
تحبه للحسن فيه
وتهش عند لقاؤه
ويغيب عنك فتشتهيه
لا يرتضي ابدا
لصاحبه الذي لا يرتضيه
واذا تآمر حاسديه
بكي ورق لحاسديه
كالورق ينفح بالشذي
حتى انوف السارقيه


***



قد كان عندي طائر في قفص من ذهب
جميل شكل ريشه حلو طويل الذنب
ولم أكن أمنعه من مأكل ومشرب
ففر مني ومضى بدون أدنى سببي
وقال لي حريتي لا تشترى بالذهب



***


برز الثعلب يوما في ثياب الواعظينا
ومشى في الارض يهدي ويسب الماكرينا
ويقول الحمد لله اله العالمينا
يا عباد الله توبوا فهو كهف التائبينا
وازهدوا في العيش ان العيش عيش الزاهدينا
واطلبوا الديك يؤذن لصلاة الصبح فينا
فاجاب الديك عذرا يا اضل المهتدينا
بلغ الثعلب عني عن جدودي الصالحينا
من ذوي التيجان ممن دخلوا البطن اللعينا
انهم قالوا وخير القول قول العارفينا
مخطئ من ظن يوما إن للثعلب دينا

***


نحن ان أصبح صبح
نترك النوم ونصحو
ونحى والدينا
ثم نمضى فنصلى
إن تقوى الله ربح
ونحيي أبوينا
فرضا الآباء فتح
ولدار العلم نسعى
وإلى العلياء ننحو
ولنا كل صباح
أمل في الله سمح







صباح الخير مدرستي


صباح الخير والنور


إليك اشتقت في أمسي


وزاد اليوم تفكيري




سمعت رنين اجراسك


فجئت اليك فرحان






***






الرجوع الى أعلى الصفحة اذهب الى الأسفل
هيثم شهلي
 
 


عدد المساهمات : 599
تاريخ التسجيل : 27/01/2010
العمر : 44

مُساهمةموضوع: رد: ياسر ابراهيم طـه ... مطلوب حضورك بهنا   الخميس 16 يونيو 2011, 11:01 am








فى القولد التقيت بالصديـق
أنعم به من فاضل ، صديقى
خرجت أمشى معه للساقية
ويا لها من ذكريات باقيــة
فكم أكلت معــه الكابيدا
وكــم سمعت اورو والودا
***
ودعته والأهل والعشيرة
ثم قصدت من هناك ريره
نزلتها والقرشى مضيفى
وكان ذاك فى أوان الصيف
وجدته يسقى جموع الإبل
من ماء بئر جره بالعجـل
***
ومن هناك قمت للجفيـل
ذات الهشاب النضر الجميل
وكان سفري وقت الحصاد
فســرت مع رفيقى للبــلاد
ومر بي فيها سليمان على
مختلف المحصول بالحب إمتلا
ومرةً بارحت دار اهـلى
لكي أزور صاحبى ابن الفضل
ألفيته وأهله قد رحلـوا
من كيلك وفى الفضـاء نزلوا
فى بقعة تسمى بابنوسـة
حيث اتقوا ذبابة تعيســــة
***
ما زلت فى رحلاتى السعيدة
حتى وصلت يا مبيو البعيدة
منطقة غزيرة الاشجــار
لما بها من كثرة الأمطــار
قدم لى منقو طعــم البفره
وهو لذيذ كطعام الكســـره
***
وبعدها استمــر بى رحيلى
حتى نزلت فى محمد قـــول
وجدت فيها صاحبي حاج طاهر
وهو فتى بفن الصيد ماهـــر
ذهبت معه مرةً للبحـــــر
وذقت ماء لا كماء النهــــر
****
رحلــت من قول لودْ سلفاب
لألتقى بسابع الأصحــــاب
وصلته والقطن فى الحقل نضر
يروى من الخزان لا من المطر
أعجبنى من أحمد التفكيـــر
فى كــــل ما يقوله الخبيرُ
***
ولست أنسى بلدة أم درمــان
وما بها من كثرة السكـــان
إذا مرّ بي إدريس فى المدينة
ويا لها من فرصـــة ثمينة
شاهدت أكداساً من البضائــع
وزمراً من مشتر وبــــائعْ
***
وآخر الرحلات كانت أتبره
حيث ركبت من هناك القاطره
سرت بها فى سفر سعيد
وكان سائقى عبد الحميـــد
أُعجبت من تنفيذه الأوامر
بدقة ليسلم المســـــافر
***
كل له فى عيشه طريقـة
ما كنت عنها أعرف الحقيقـة
ولا أشك أن فى بــلادى
ما يستحق الدرس باجتهـــاد
فإبشر إذن يا وطني المفدي
بالسعي مني كــي تنال المجدا










فى واحد كان معانا فى الفصل طهروهو فى سنة رابعة وكان
ساكن جمب المدرسة
نمشى نتفرج فيهو ونضحك ونقوم جاريين ، يجى ساكينا بصوت
العنج عريان ماسك عراقيهو
جابو للاستاذة يوم الطهور صينية فطور كاربة ، على حسها
الولد ده السنة كلها الاستاذة
عاملين ليهو حماية ما تدفرهو وما تلزوهو وسط الزحمة ، وما
يدقوهو لو مهرجل








اناشيد غير مدرسية :

جدادي يلقط الحبة
ويجري وهو فرحان ..
كانه عيونو خرز ..
له في الشمس الوانا ..



روضاتى يا روضاتى
روضاتى تفتح بدرى
أشيل فطورى واجرى
أجرى تحت الكبرى
الكبرى دق دق بيا
بابا حنا عليا
ودانى بى العربية


واحد اتنين سرجي مرجي
انت حكيم ولاتمارجي
انا حكيم الصحية
العيانة أديها حقنة
والمسكين أديله لقمة
نفسي أزورك يانبي
ياللي بلادك بعيدة
فيها أحمد وحميدة
حميدة ولدت ولد
سميته عبد الصمد
مشيته ع المشاية
انت ولد ولا بنت
انا ولد وانا بنت


غنمي .. غنمي
غنمي ترعى طول اليوم
وانا اسعي طول اليوم
وسط المرعي طول اليوم

نرجع لخدر تانى

فى اختبار العربى فى سؤال اضع الكلمات الاتية فى جمل
مفيدة

ضرب ،، ركب ،، غرد

خدر كتب بعد ما شف من جارو الجمليتين والتالتة جابوها من
راسو
- ضرب الولد البنت
- ركب حسن الحمار
- غــرد ال ك ل ب ( هو قاصد القراد )







المنهج أتغير وأمل ماشاء الله كبرت و(حقها را)ح وبدر
(عاطل في أمان الله..)

قولي معاي

أمل هتفت العرس العرس العرس

بدر هتف الفلس الفلس الفلس..



ثم مسحت أمل الكريمات(قدر ظروفك) وعملت مس كول لبدر فوضع
بدر الجِل (الشاحدو) من يده ورد على أمل بمس كول..

ههههههههه







تتذكر النشيد ده



قبل مايحول علينا الحول وجيناك وعاهدناك بتتذكر

انحنا الليلة جاينك نعاهدك من صغار هسع قبل نكبر

عشان تهدينا زي مشعل عشان تبقالنا مستقبل

جايين من بطون النيل بيوت الريف مع البندر

جايين من ضراء كدباس ابونا الجعلي الماقصر

جايين من حمي الميدوب

يثبت لخطاك تظفر

ولمن جينا في القبة قلنا المولي فوق جعفر



الله عليك يابلدي يحفظك ربي يام رابحة وام الفارس الاسمر

جايين من جوبا وملكال جنوب الوادي الكلو امان

واو ويامبيو وجونقلي

جينا نعاهد الاحرار وجينا نعاهد الثور فعهد الحر لايقهر

جينا الليلة لمايو ومايو العمرو ماقصر

وجيناالليلة لمايو ومايو العمرو مااتعثر

مايو الفوق حروف اخضر مايهو القطن فتح

ومايهو الخضار خضر

البدورنا عيشة عز واليبانا موت احمر

ولايتك دايمة ياابونا وصباحك كل يوم اخضر

وبيكم تبقي ثورتنا في كل وادي تتفجر

معاكم فوق روابينا ويجر النيل يربينا

عشان نكبر ونكبر نبني

قاعتنا ونكبر نصنع السكر




يوم السبت هو اصعب يوم لأنه بيكون فى تفتيش فى الطابور
اى واحد لابس سفنجة يطلع بره
اى واحد ما حالق شعره يطلع بره
ويبدا الاستاذ فى تفتيش الاظافر : مد يدينك لقدام وطبعا
شايل ليهو عصاية من شجرة النيم او بسطونة ولو اضافرينك ما مقصوصة طبعا الضربف ى
ضهر اليد ولو زوغت يدك يعيد الجلد من تانى
اما الما حلقو شعرهم واللابسين سفنجات يقيفوا فى نص
الطابور وياخدو علقة بقعر صوت شجرة النيم
طبعا اغلب الجماعة بيجوا مردفين الملابس
طبعا فى اساتذة بتفننوا فى الجلد يعنى تقيف عديل وما تجيب
ايدك ورا والا اعاد الجلد مرة تانية او يجيبو كرسى وتمسك فى الكرسى ولو رفعت يدك
برضه تضرب على ضهرك

اجمل حاجة فى حصة المحفوظات يوم تحلين النشيد كل واحد
يحاول يلحن بطريقة جميلة بقدر الامكان وطبعا اللحن الاجمل هو البيفوز ويمكن ان
يبقى هذا اللحن يمر على كل الاجيال ولا يتغير






كان عندنا استاذ اسمه عبد الحفيظ وملقبنه ب( التقيل )
استاذ صعب جدا جدا المدرسة كلها تخاف منه وهو بيدرس رياضيات وتاريخ وجغرفيا طبعا
فى حصته الطلبة بكونوا ساكتين كصمت القبور ولمن يدينا واجب لازم تعملوا وتجمع
الكراس ويا ويلك لو ما جمعت الكراس او كتب ليك فى الكراس ( قابلنى ) ده بقى يوم
يفر المرْء من نفسه اول حاجة يجى داخل الالفة شايل الكراسات طبعا قبل الحصة تمسكك
لواية فى بطنك وتشعر بمغص شديد واعصابك تكون باظت اول ما يجيى الاستاذ داخل الفصل
كله قيام ثم يامر بالجلوس ويبدا الاستاذ فى السؤال ( الماجمع الكراس يطلع بره يقيف
جنب السبورة ) ويبداء الانهيار اكبر للذين ما جمعوا الكراس
بعد كده يبدا يسلم كل طالب كراسه واى طالب كاتب ليهو
قابلنى يطلع بره طبعا كل الجماعة ديل يكونوا واقفين جنب السبور لحد الما حصة تقرب
تخلص بعد كده يبدا الحساب ويناديهم بالدور ومافى عذر
اما طريقة الجدل بتاعته يمسك البسطونة من النص وتقيف ثابت
زى العسكرى اى ترنح او لو جبته يدك ورا يعد ليك من الاول ( اقيف كويس يا جنس الكلب
يا خنزير ) دى المقولة الشهيرة بتاعته اثناء العقوبة
طبعا فى ذلك اليوم اى طالب بيكون لعن اليوم الدخل فيهو
المدرسة
وبالرغم من انه كان استاذ صعب الا انه كاتن رياضى جدا ففى
حصة الرياضة الطلبة كانوا بيتكيفوا منه لانه كان بيهتم بفريق المدرسة وكان بيكون
حكم ودائما هو كان سبب فوز المدرسة فى الدورة المدرسية لكرة القدم واصله ما ننساه
الاستاذ عبد الحفيظ محمد سعيد من ابناء دنقلا الله يمتعه بالصحة والعافية







عدل سابقا من قبل هيثم شهلي في الثلاثاء 21 يونيو 2011, 10:48 am عدل 1 مرات
الرجوع الى أعلى الصفحة اذهب الى الأسفل
ماهر عابدين دياب
 
 


الموقع : لندن
عدد المساهمات : 2905
تاريخ التسجيل : 02/05/2010

مُساهمةموضوع: رد: ياسر ابراهيم طـه ... مطلوب حضورك بهنا   الخميس 16 يونيو 2011, 11:14 am

ورد في المقال: (من اقلام الحبر الشهيرة التى اذكرها فى تلك الفترة قلم
التروبكر والباركر وقلم بيجو وفى قلم حبر من نوع الانبوبة بتتغير بس ما متذكر اسمه)

القلم العنده انبوبة كان اسمه قلم الترمسه... وهو قلم قصير جدا لدرجة ظاهرة والغطاء الخلفي الذي يغطي الانبوب كان غطاء سمين في حجمه... ولاننا كنا نشتري الحبر من الطلبة الذين يبيعون الحبر (الملية بي قرش او تعريفة)... اخونا عصام نورالدين اتعلمت منه فكرة جهنمية... كنا بنقطع الانبوب بتاع القلم ونربط الغطاء الخلفي (قلووظ) وبي كده تكون كمية الحبر اربعة اضعاف (يعني سرقة عديل)

شكرا هيثم وظاهر جدا انه الكاتب الامدرماني ده كانوا حناكيش جدا بالنسبة لينا (الجبنه ده انحنا مااكلناها الا في المتوسطة) وفطورنا كان قراصة البلح باللبن (السك) والزلابيه في احسن الاحوال. سندوتشات الفول والطعمية البيشتروها من بوفيه حسن سليم كان للحناكيش اولاد الموظفين امثال هيثم... ده لو مامشيت البيت للفطور.

ونقول يالطيف
الرجوع الى أعلى الصفحة اذهب الى الأسفل
نضارعبدالكريم العمده
 
 


عدد المساهمات : 1064
تاريخ التسجيل : 01/09/2010

مُساهمةموضوع: رد: ياسر ابراهيم طـه ... مطلوب حضورك بهنا   الخميس 16 يونيو 2011, 11:50 am

الجمت الدهشة لسانى من حلاوة الفكرة
وياياسر عوود
الرجوع الى أعلى الصفحة اذهب الى الأسفل
رمضان عثمان
 
 


الموقع : الخرطوم
عدد المساهمات : 743
تاريخ التسجيل : 11/04/2011
العمر : 39

مُساهمةموضوع: رد: ياسر ابراهيم طـه ... مطلوب حضورك بهنا   الخميس 16 يونيو 2011, 11:57 am



والله يا هيثم أتحفتنا


والباقي عليك يا ياسر
الرجوع الى أعلى الصفحة اذهب الى الأسفل
هيثم شهلي
 
 


عدد المساهمات : 599
تاريخ التسجيل : 27/01/2010
العمر : 44

مُساهمةموضوع: رد: ياسر ابراهيم طـه ... مطلوب حضورك بهنا   الخميس 16 يونيو 2011, 12:03 pm

الأستاذ/ مـاهر
سلامات
والله اتوقعت حضورك قبال ياسر(زاتو) . ويلا ورينا ابداعات بقلم الكوبيا
وبالبوص كمان
وذكريات من الجانبين (طالب ومدرس) وشاهد على العصرين زمن الغبش وزمان الحناكيش
وأيام مراغة ودنقلا
وعصريات جدة والرياض
ثم لدى حبوبتكم الملكة العجوز بلندن وضواحيها
ومنتظرنك بشدة

ودمت بخير

الرجوع الى أعلى الصفحة اذهب الى الأسفل
هيثم شهلي
 
 


عدد المساهمات : 599
تاريخ التسجيل : 27/01/2010
العمر : 44

مُساهمةموضوع: رد: ياسر ابراهيم طـه ... مطلوب حضورك بهنا   الخميس 16 يونيو 2011, 12:09 pm

مرحبــا د. نضار
وجيتك بهنا تضئ لنا بمشاركات وذكريات ومواقف(بناتية) من مختلف المراحل
واظن أن المرحلة المتوسطة (يا حليلا) كانت ذات حضور مميز في الذاكرة للجميع ول شنو؟
شكرا للثناء الجميل
وكوني بخير
ومعاك تاني ننادي يـااا يااااســــــــــــــر

الرجوع الى أعلى الصفحة اذهب الى الأسفل
هيثم شهلي
 
 


عدد المساهمات : 599
تاريخ التسجيل : 27/01/2010
العمر : 44

مُساهمةموضوع: رد: ياسر ابراهيم طـه ... مطلوب حضورك بهنا   الخميس 16 يونيو 2011, 12:14 pm

حبابك يا رمضان
ووجودك يتحف البوست والمنتدى كلو
ومنتظرين مشاركتك قبل فخر الدين وبسرعة عشان ما نسمع حكاية (الكبر حصل) وبعدت المسافات من زماان المدارس

والله يسلمك

الرجوع الى أعلى الصفحة اذهب الى الأسفل
شريف عبد المتعال
 
 


الموقع : ايطاليا
عدد المساهمات : 3792
تاريخ التسجيل : 01/01/2011

مُساهمةموضوع: رد: ياسر ابراهيم طـه ... مطلوب حضورك بهنا   الجمعة 17 يونيو 2011, 4:36 am



تحياتي الاخ هيثم ..

فعلاً ايام الطفوله و المراحل الدراسية الاولى دوماً لها ذكرة عطرة عند الشخص و من اجمل الذكريات بتكون فى المراحل المتوسطه ..


بحكم انو الشخص اصبح يميز و يفرق بين الاشياء ....


و من هنا بيحدد الاصدقاء و التعارف و هم من أقوي الاصدقاء و ممكن الى درجة افضلهم ..


تقبل مشاركتي


من فوائد القراءة فتق اللسان، وتنمية العقل، وصفاء الخاطر،

وإزالة الهم ،  والاستفادة من التجارب، واكتساب الفضائل.

[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
http://shareef.forumattivo.it/
فخرالدين عثمان
 
 


الموقع : الخرطوم
عدد المساهمات : 371
تاريخ التسجيل : 02/06/2011

مُساهمةموضوع: رد: ياسر ابراهيم طـه ... مطلوب حضورك بهنا   الجمعة 17 يونيو 2011, 6:02 am

تحيااااااتى شهلى
ليه يا شهلى رمضان يجى قبالى , تعرف قبل رمضان ما يفكر يكتب حرف
أنا بكون رشيتك بكمية من البتاعات عشان أنا كنت من ناس الكنبة الوراء ( خط مية غرب )
وخط مية غرب يعنى الانضباط يعنى الفوضى يعنى الشطارة يعنى البلادة يعنى اللعب كله
عندنا بالصلاة على النبى " ورقُص هيثم يا جداااع "
الرجوع الى أعلى الصفحة اذهب الى الأسفل
بايعة الكسره
 
 


الموقع : khartoum
عدد المساهمات : 749
تاريخ التسجيل : 16/03/2011

مُساهمةموضوع: رد: ياسر ابراهيم طـه ... مطلوب حضورك بهنا   الجمعة 17 يونيو 2011, 11:36 am

تحياتي
الله الله الله عليك ياهيثم والله مع كلامك الجميل ده سرحت فى الزمن الجميل خالتى مسكه والايسكريم وخالتى نفيسه وحلاوه فوليه والسمسميه والشطه والعجور, ولعبنا فتاح ياورده غماض ياورده وكهرباء , وقلم الحبر والاسفنجه معاها لذوم النظافه وكده , وكراس الرياضيات والدين , وست صفيه وست امنه اللمامه (لانها كانت طوالى بتلم القروش) , وصديقاتى العزيزات سحر ورشا ونهى ولمتنا وفتة السندوتشات , وعم احمد الغفير وحكاويه عن الفصول المسكونه , والضفائر والبلابل والبراءه الفى العيون , والفرحه بغياب الاستاذه , وقدام ياعم (الملح ) , لكن تظل الذاكرة العالقه بالذهن هى حادثة زميلتى دعاء ولحظة سقوطها من البلكونه امام اعيننا بلاحراك ويفقد معها 40 فصل وعيهم من اثر الصدمه .
وفى امان الله
الرجوع الى أعلى الصفحة اذهب الى الأسفل
الأمين الياس الأمين
 
 


عدد المساهمات : 604
تاريخ التسجيل : 16/01/2011

مُساهمةموضوع: رد: ياسر ابراهيم طـه ... مطلوب حضورك بهنا   السبت 18 يونيو 2011, 5:15 am

والله يا هيثم بالغتا عديل كدا
قال سندوتشات المربة قال ... والله كلمة سندوتش ما كنا بنعرف ننطفا
البركة في عمنا الياس عبدالرحمن وسعيد جزار (والله يعز الحكومة في الزمن داك) .. كان بنصرف للطلاب وجبة الفطور مجانا وما كنا بنعرف الرغيف إلا في المدرسة
وكان مضمون حضور كل الطلاب للحصة الأولى والثانية الواحد لو عيان برضو كان بيحضر الحصة الأولى والتانية عشان يفظر وياكل الرغيف .. الرغيف وما أدراك ما الرغيف وبعد كدا ما مهم ما خلاص فطرنا
وما كان في قلم حبر أصلا كان في _الريشة والسنة والبنة - عمنا عبدالحي من الصباح يعبي المحبرة كل نفرين مشتركين في محبرة حافرين ليها حفرة في أعلى الدرجة واذا انكب الحبر لأي سبب من الأسباب الله قال بقولك والبوص لجدول الضرب (12 بوصة في الخرطاية - ولبايعة الكسرة وبقية الحناكيش الخرطاية هي قطعة قماش من الدمورية تخاط في شكل شنطة) وواحد من الخطاطين يكتب عليها بقلم من البوص اسم المدرسة والصف لكن بالدس طبعا لأنو قلم البوص بياخد ربع الحبر من المحبرة .. وأذا الموية في المزيرة ما كفت نشرب من جدول جزيف
ومين زينا
الرجوع الى أعلى الصفحة اذهب الى الأسفل
الباقرابوزيد
 
 


عدد المساهمات : 184
تاريخ التسجيل : 23/01/2010
العمر : 52

مُساهمةموضوع: رد: ياسر ابراهيم طـه ... مطلوب حضورك بهنا   السبت 18 يونيو 2011, 8:57 am

الاخ هيثم لك التحيه علي الموضوع والله هي زكريات لاتنسا وايام جميله لها واقع خاص والاخ ماهر والاخ الياس وبقيه الاخوه والاخوات ماخلوا لينا حاجه نقولها
ووين صاحبك ياسر شكله ماقري الموضوع ولا شكله نسا هاديك الايام
الرجوع الى أعلى الصفحة اذهب الى الأسفل
ياسرابراهيم
 
 


عدد المساهمات : 466
تاريخ التسجيل : 24/01/2010

مُساهمةموضوع: رد: ياسر ابراهيم طـه ... مطلوب حضورك بهنا   السبت 18 يونيو 2011, 9:27 am

العزيز هيثم

الله يهديك بس ,, ياخي نحنا ما بنقدر علي المكان ده

ولم تترك لي خيار آخر غير ان احشد عدتي وعتادي ومعداتي للعتاب واللوم لاستغلالك فرصه غيابي خميس وجمعه

لتستبيح عذب الذكريات وتضرب الجزء الندي من فؤادنا علي مرمي وحضور الاحباب

ياخي لما لقيت اسمي عنوانا لبوست عديل كده فزعت وكأني مكتوب في ورقه المهرجلين والورقه علي بعد خطوات من استاذ صبري

فاين المدخل لتلك الايام يا صديقي

ننط من السور جيهه قلبي !!! المشكله جدول جزيف مليان والدنيا شتا وانا بخاف المويه

نتلب من ورا سنه اولي !!!!!! المشكله الشارع الرئيسي والناس ماشيه وجايه

ندخل من الباب البحري وننقطع جري لي شرقا ولا غربا !!!!!!!! المشكله

عم عبدالحي (ربنا يرحمو) ناقش الحركات دي !!!

نتوكل علي الحي القيوم وندخل عديل كده من الباب الرئيسي ونحتمل الباقي ...

ونلجأ للدفعه والاحباب وقد غرّبت بهم الارض وشرّقت لنعود بالذاكره وقد نبهها جرس الطابور

ليأتو هنا ويدلقوا ايامهم وذكرياتم وحوادثهم في ذلك المكان عندما كان البعض منا يقرأ

البتن اكلت الولد

وراينا صوت الساقيه

ولك هيثم ان تسرح معي للحوار اللذيذ ده بين استاذ عبدالكريم العمده مع امكر تلاميذ المدرسه

(ونبتعد عن ذكر الاسماء حتي لا نلاحق بوستيا)

والشافع المكار يغيب بمزاجه عن المدرسه يوما كاملا وعندما حضر في اليوم الثاني وكان الاستاذ في انتظاره بالسؤال(يا ولد انت غايب امبارح مالك ؟؟؟؟؟ ،،، وصاحبنا يدرك بمكره انه وقع في الشرك وانه هالك لا محاله فرد بصوت الخوف والبكاء (عشان ما حافظ التشهد يا فندي)

واستاذ عبدالكريم العمده يرد بسخريته الحبيبه مقلدا صوت التلميذ (وليييييييييييييييييه ما حافظ التشهد؟؟) 0

ودائما ما تأخذني الحيره يا احبتي في تعلق القلب بحفظ اناشيد المدرسه وحتي مقطوعات المطالعه طوال تلك السنوات المشرقات رغم ان الحياه ومشاغلها شغاله لينا ,,, دليت دليت,,, لكل ما يبقي في الذاكره من مواقف هذا الزمن

مثلا لا انسي يا سادتي ما حييت رساله من كتاب المطالعه كتبها سمير لصديقه يعزيه في امه

كتب يقول له ((صديقي كمال انا في مدينه الفاشر وقد اتاني خبر وفاه والدتك فحزنت جدا وتصورت حزنك والمك فبكيت نعم بكيت يا صديقي لاني احبك باخلاص ولا احب ان اراك حزينا

وكم كنت اود ان اكون بالقرب منك لاعزيك

لقد فقدت قلب امك ولكنك لم تفقد قلب صديقك ,,, هو لك وانت له

اللهمك الله الصبر ودمت لصديقك سمير)) يا سلام يا سلاااام بلاهي شوف جنس الحنيه دي .

وحتي استفهامات ذلك الزمن الندي مليئه بالضحكات من عينه (هل سمعت قصه الحمار الاحمق) ؟؟

سؤال يهئ لك مسرحا من القهقهات وساحه تركض فيها خلف الحمار والاسد لتعرف كيف استقر الحمار في معده الاسد نتيجه لشلاقته

شكرا يا دفعه الا فصل ,,, وانت تعرف جيدا من اين تؤكل افئدتنا

وسنعود لان هذا المكان يتسع لكثير من الاحباب وذكرياتهم

ورغم اني كنت كايس لي فيك فجه عتاب بس انت سديت كل الدروب بالسماحه....

اتكاءه علي حيطه سنه رابعه

اشرقت شمس الضحي

في السماء في السما

اشرقت شمس الضحي

في السماء الصافيه

وهي تعطينا الصحه

صحه ... وعافيه
الرجوع الى أعلى الصفحة اذهب الى الأسفل
عبدالفتاح يعقوب
 
 


عدد المساهمات : 161
تاريخ التسجيل : 17/04/2011

مُساهمةموضوع: رد: ياسر ابراهيم طـه ... مطلوب حضورك بهنا   السبت 18 يونيو 2011, 2:57 pm

اخونا وحبيبنا هيثم شهلى الولد المرتاح النطيف الظريف الشاطر ياليتنا لم نكبر ولم تكبر البهم طفولة
مليانة ذكريات ومشحونة حب واحداث تمر على الخاطر عبر سطور كلماتك ما بين حسرة وعبرة
تررق لها العين وينبض لها القلب ويسرح وراءها الخيال عسى ان تجود الذاكرة باسماء الاحباب
والخلان والاصدقاء والمعلمين استاذ صبرى نجم الدين عبدالرحيم عثمان سرورة عبدالكريم العمده
جمال ياسين ونصر ابراهيم استاذ بشير ساتى على واستاذ برعى والاب الكبير عبدالحى ابودقن وجرس
الفطور وسكينة على وامنة عيسى ومنى سنهورى والترمس والجرمة والسندوتشات والجرى لدكان فقير
ونط الجدول .. الله على الذكريات الجميلة والرده الازق والقميص الازرق والخرتايه المعلقة فى الكتف
وشبط الشدة وتموت تخلى والمشى فى قعر الحيوط من طل لى طل والعطش الشديد والسبيل والازيار
الفى الشارع وكوز الموية المقدود والشعلقة فى الزير والكلام مع الصورة الظاهرة فى قعر
الزير والصراخ جوه الزير والاستمتاع بى صدى الصوت ذكريات صادقة ونبيلة توحى للحبايب اشياء
جميلة فالقلب لا يستطيع ولا يقوى على ذكر وسرد اسماء الاصدقاء فالشوق اليهم والحنين الى ايامهم
يعصر الفؤاد ويجرح الخاطر فلا نستطيع الا ان نرسل لهم التحايا العطرة والتمنيات الطيبة بحياة كريمة
مع الدعاء لهم بالتوفيق اينما كانو واينما حلو ..... وعلى ذكركم حوادث الهروب اذكر من تلك الحوادث
حادثة هروب دولة عجب من ابناء البان جديد . عادة الحصص بعد فسحة الفطور تكون مملة وكئيبة
بعد اكل الفول وغلباً ما تكون تسميع لذلك كنا نجرجر الارجل بعد سماع الجرس وكاننا نساق الى
السجون او المزابح فبعد دخولنا الى الفصل بعد فسحة الفطور من شدة الخوف كان اكثر التلاميذ يطلون
من الشبابيك واعينهم الى الصالة الكبيرة التى تودى الى مكتب المعلمين حيث يراقبو حضور الاستاذ
وايضاً كانو يراقبو جلد المهرجلين والغياب فى الخارج فقد صادف ذلك اليوم جلد الاستاذ صبرى لدولة
عجب فلم يتحمل دولة عجب الضرب بعد ان اخرج الاستاذ صبرى الكتاب الذى كان يضعه دولة عجب
داخل الرده ليمنعة من شدة الالم فاطلق رجليه للريح فى اتجاه البان جديد وما ان اطلق الاستاذ صبرى
النداء امسك امسك امسك الا وكان الجميع من خلفه من سنة اولى الى سادسه فلم نمسك به الا
داخل منزلهم فى البان جديد وعدنا به فى زفه كبيرة وكان اكبر همنا ان يمر الوقت وتنتهى الحصص
وبالفعل لم نعد الا بعد الحصة الاخيرة فاحضرناه الى المدرسة وذهبنا الى بيوتنا ونحن فى قمة الفرح
والمرح وكيف ضاع اليوم من غير تسميع ولا جلد ولا مهرجلين فعلا ايام جميلة وثرية .. واذكر فى
حصة العلوم فى الصف الثانى طلب منا الاستاذ احضار اجزاء من الطيور او الحمام او الجداد
للاستعانة بها فى الدرس وكان اليوم خميس فاحضر كل واحد منا ما تحصل عليه من روؤس الطيور
والحمام والجداد والحشرات فلم ياتى الاستاذ فى ذلك اليوم فتركناها فى الادراج وذهبنا وعندما
حضرنا يوم السبت وجدنا الفصل يعج بالرايحة الكريه والنمل فكان يوماً جميلا ايضاً بان اضعنا
الحصتين الاوائل فى تنظيف الفصل وغسل الادراج ... الله يديك العافية حبيبنا هيثم والشكر
موصول للاخ ياسر ابراهيم الاستاذ الكبير وذكرياتك مع سبيل عبد الحى ودكان فقير شكراً
جزيلا لكل اصدقائى شكراً جزيلا لكل اساتذتى شكراً جزيلاً مدرستى اليك اشتقت فى امسى وذاد
اليوم تفكيرى ...... ودامت الذكريات[b]
[ندعوك للتسجيل في المنتدى أو التعريف بنفسك لمعاينة هذه الصورة]
معليش بس الكتاب ما مجلد ده اهمال مننا انشاء الله واحد من الاساتذة ما يشوفوا
الرجوع الى أعلى الصفحة اذهب الى الأسفل
عبدالفتاح يعقوب
 
 


عدد المساهمات : 161
تاريخ التسجيل : 17/04/2011

مُساهمةموضوع: رد: ياسر ابراهيم طـه ... مطلوب حضورك بهنا   السبت 18 يونيو 2011, 4:18 pm


[ندعوك للتسجيل في المنتدى أو التعريف بنفسك لمعاينة هذه الصورة]

عفواً اصدقائى نسيت السؤال عن طه القرشى فحتى اخر عهدنا بالمدرسة كان طريح الفراش
فى المستشفى لا ندرى اين هو الان هل ما زال مريضا ام تماثل الشفاء ام وافته المنية ام لم
تعجبه حال المستشفيات الان فاصبح لا يزورها فهام على وجهه فى الارض يصارع المرض
ويبحث عن احبابه الذين كانو يزورونه من الطلاب ... يا ترى اين انت الان طه القرشى
تحية للزمن الجميل وذكرياته وايام الامتحانات والمذاكرة بالفانوس والرتينة ..اذكر مرة قاعدين
نتونس عن ناس سنوسى احمد محمود ومعانا محمد صالح الامين بحضور الوالدة امونة وفى
عز الونسة والضحك قلنا مع السلامة نحن ماشين امونة حلفت لينا عليك الله اقعدو الدنيا بدرى
قلنا ليها نحن عندنا امتحانات ماشين نذاكرو قالت لينا اقعدو ذاكرو هنا انا بسوى ليكم الشاى
والعشاء قلنا ليها الكتب فى البيت قعتدت تنادى يا العينة يالعينة جيبى ليهم الكتب العندك عشان
يقرو فيها قالت والله ما تمشو الكتب فى والعشاء فى طبعاً العينة كانت فى الابتدائى ونحن فى
المتوسطة فما كان منا الا الضحك والمجاملة فالتحية لهذا المنزل الجميل والطيبة التى تعج بالمكان
والكرم الاصيل لاهلنا .... طبعاً صديقنا السنوسى احمد محمود كان شبيه بى طه القرش بكثرة
المرض فكان صديق للملاريا على مدار العام ... الله يسامحكم هيثم وياسر

[ندعوك للتسجيل في المنتدى أو التعريف بنفسك لمعاينة هذه الصورة]


عدل سابقا من قبل عبدالفتاح يعقوب في السبت 18 يونيو 2011, 5:21 pm عدل 1 مرات
الرجوع الى أعلى الصفحة اذهب الى الأسفل
ماهر عابدين دياب
 
 


الموقع : لندن
عدد المساهمات : 2905
تاريخ التسجيل : 02/05/2010

مُساهمةموضوع: رد: ياسر ابراهيم طـه ... مطلوب حضورك بهنا   السبت 18 يونيو 2011, 5:16 pm


مداخلة الباقر ابوزيد زكرتني انه الباقر كان عنده قوة تحمل عجيبه لموضوع الجلد. وكانت تبدو في وجهه علامات التحدي للاستاذ (ماهاميني)... حتي فطن المدرسون ان جلده في اليدين كانت مؤثرة وتم تغيير خطة الجلد...علي ذكر الباقر كانت الشلة مشهورة بي سف الصاعود (الباقر,عبدالله حمد, محمد محجوب, الباقر يسن....الخ)... لذلك كانت المجموعة تشترك لشراء كيس محترم... وفي احد الايام السوداء اكتشف استاذ صبري كيس صاعود من الحجم دبل اكس لارج... وكان منظر الكيس من الركنين في حالة انتفاخ تام. وما كان من الاستاذ صبري الا ان حمل الكيس وفي استعراض ظاهر كاستعراض رجال مكافحة المخدرات عند القبض علي مخدرات بكميات كبيرة... طاف الاستاذ المدرسة فصل فصل حتي يشهد الجميع علي بضاعة الجريمة وهو يصيح باعلي صوته واصفا الكيس (زي شط... الغنماية).
اجمل واتعس الذكريات كانت ايام الخميس وهي موعد الشكلة بين مراغة واقجة او اقجة والبانجديد ... سعيدة بذكرياتها والجميع يتابط فرع شجرة كاملة عند الحضور الي المدرسة صباحا. التعاسة في ان ضحايا المعركة قد ينزفوا دماءهم...حيث بدء الفريق الاقجاوي في استخدام السكاكين والفؤوس وكانت هناك اكثر من حادث (اخونا عصام فوراوي من البانجديد طعن ضمن ثلاثة طعنوا بالسكين وجاءت الشرطة للتحقيق). لن اذكر الطاعنين حتي لااطعن من الخلف.
من اكثر الاشياء المسلية لنا وللاستاذ عبدالكريم ونجم الدين وبرعي كانت عندما يتم جلد اخونا الرائع الحبوب خضر الزين... ومرات عديدة تم اكتشاف انه مردف كتاب مرة وشال احمر ومره وبردعة مرة... اما الذكري الحلوة وين هنا لن اذكرها لخوفي من صديقي خضر.
لكن اشد الذكريات المضحكة لي كانت قبل سن المدرسة وفي حوش المدرسة ... لاني وبصحبة عامر كنا نتغول علي الفطور المجاني مع الطلبة نسبة لوجود الكبير دياب في المدرسة... وفي احدي المرات (كنا في الرعية في الكروات) اشتري دياب لي ولعامر سندوتش فول وطعمية وانا عمري يومها ثلاتة سنوات... والسندوتش في تلك الايام نص عيشه محشية , مسكت السندوتش بالقلبة وعضيته من الجهة المخالفة واذا بالفول والطعمية كلها ارضا سلاح... لعلي يومها ولازلت ابكي حتي اليوم علي تلك اللحظات الرائعات.

شكرا هيثمون

الرجوع الى أعلى الصفحة اذهب الى الأسفل
الباقرابوزيد
 
 


عدد المساهمات : 184
تاريخ التسجيل : 23/01/2010
العمر : 52

مُساهمةموضوع: رد: ياسر ابراهيم طـه ... مطلوب حضورك بهنا   السبت 18 يونيو 2011, 8:05 pm

طبعا ياماهر اول وثاني ابتدائي درستها في مدرسة السعاده بالعرضي وكان يدقونا بالفلقا علي الرجلين طبعا احر من اليدين
انت عارف اول سفه اسفها بعد ماجيت مراغه في ثالث ابتدائي بعد الفطور وعند جدول جزيف دكرت اول سفه وكانت كبيره وبعد خمسه دقائق طرشت ودخت
ووداني اخي الفاضل بعد مامثلت باني مريض وزكريات كثيره جدا شكرا يهيثم
الرجوع الى أعلى الصفحة اذهب الى الأسفل
عبدالفتاح يعقوب
 
 


عدد المساهمات : 161
تاريخ التسجيل : 17/04/2011

مُساهمةموضوع: رد: ياسر ابراهيم طـه ... مطلوب حضورك بهنا   السبت 18 يونيو 2011, 9:48 pm

من اصدقاء الطفولة [ندعوك للتسجيل في المنتدى أو التعريف بنفسك لمعاينة هذه الصورة]

لم افرح فى حياتى اكثر من فرحتى بامتلاكى دحش اهداء من جدى الشيخ على مختار رحمه الله واسنكه فسيح
جناته مع الصديقين والشهداء عند نجاحى فى المرحلة الابتدائية ودخولى المتوسطة واذكر حين اخبرته بالنجاح
اخذنى من يدى واتجهه بى صوب الزريبة وقال لى خش طلع الدحيش داك هدية منى بالنجاح فخرجت
به والفرح يملاءنى وانا استعجل الاجازة حتى يتثنى لى الذهاب الى المدرسة بصحبة رفيقى الجديد .. كم
كانت الحياة بسيطة والفرح بكل شى واين الفرح الان من حياة الناس يكاد يكون معدوم ..الله يدى العافية
الرجوع الى أعلى الصفحة اذهب الى الأسفل
هيثم شهلي
 
 


عدد المساهمات : 599
تاريخ التسجيل : 27/01/2010
العمر : 44

مُساهمةموضوع: رد: ياسر ابراهيم طـه ... مطلوب حضورك بهنا   الأحد 19 يونيو 2011, 7:34 am



يا مرحبا
وتنداح الذكريات وتعدد بتعدد البيئات
وشكرا للجميع على هذا التفاعل الكبير
ونتوقع امداد اكبر وأكثر تنوعا بنتوع المدراس التي مر بها الأعضاء
وتعرف يا فتاح دحشك دا ذكرني بهدية العم محمد علي ايضا في المتوسطة وكانت عجلة دبل تلاتة ثعابين (طاؤوس) فله التحيات وله خير الجزاء من رب العالمين
وطبعا أكيد ليك يا فتاح مواقف وطرائف تمتد من الابتدائية وحتى الثانوي وما بعدهم فواصل ببساطة وورينا كيف وكيف
وطبعا لماهر حاجات كتيرة مسجلة في الذاكرة من كان طالب ثم استاذ ثم طالب تاني . فمنتظرين بشدة
ولو في صور يا جماعة بكون افضل

الرجوع الى أعلى الصفحة اذهب الى الأسفل
هيثم شهلي
 
 


عدد المساهمات : 599
تاريخ التسجيل : 27/01/2010
العمر : 44

مُساهمةموضوع: رد: ياسر ابراهيم طـه ... مطلوب حضورك بهنا   الأحد 19 يونيو 2011, 7:56 am

مرحبا بالجميع وشاكرين للتواصل الجميل دة كلو


يا شريف لا زلنا منتظرين الذكريات العطرة
وقت ليا في المتوسطة بقى الواحد يميز .. أكيد عمنا الأمين عندو رأي في الحتة دي

وناس خط مية غرب يا فخري منهم فتوات مشهورين بالبطش ومن ثم الجرسة عند الحساب.. فهل كنت منهم؟ وغايتو الكلام مع رمضان .. وتعال يا (جدع) اتفضل

بائعة الكسرة وتنوع الذكريات وما كملتي قصة (الواقعة) من البلكونة .. اهة حصل شنو؟
وبيك تتنوع المشاركات مش كلو خرطاية وغنم ورعية وقلم كوبيا.. أيوة شوية غيري لينا هنـا.

ومرحبا بالعم الأمين (اسق شاية) .. وشنو حكاية الاعتزاز المبالغ فيهو بالقديم من حالات الشقاء

وياريت نواصل السرد الجميل للتوثيق -بدون تجريح ولا احراج- حتى نحافظ على نقاء الصورة والصوت

ويا الباقر انت بالذات عايزين منك مشاركات فعالة .. ولسة ناس ماهر ما كملوا الكلام

والتحية والشكر لضيفنا العزيز ياسر بالطلة المشرقة واكيد بوجودك سوف يحلو المقام
وبعدها ممكن نسحب بداية البوست حتى تكون الذكريات خالصة سائغة من الأعضاء

ودمتم بخير وعافية وصلاح بــــال
الرجوع الى أعلى الصفحة اذهب الى الأسفل
ياسرابراهيم
 
 


عدد المساهمات : 466
تاريخ التسجيل : 24/01/2010

مُساهمةموضوع: رد: ياسر ابراهيم طـه ... مطلوب حضورك بهنا   الأحد 19 يونيو 2011, 9:07 am

ونستميح صاحب اللوح

وتعالوا نفرش البروش تحت النيمات القدام سنه خامسه وسادسه ونفتح الدفاتر ونذاكر اسماء اولاد الدفعه

طبعا في ناس زاملوا كل الدفع وهنالك اسماء ستسقط من الذاكره بفعل الايام ولكن نستعين بذاكره الاحباب

ونقصد بالدفعه الناس الدخلوا معاك من سنه اولي

انا دفعتي (وعووووووووك يا ابوفاطنه خليك قريب)

صابر دوله/محمد صالح/المرحوم عبدالمنعم عزالدين/المرحوم عبدالباقي تاج السر/المرحوم الزبير عبدالوهاب/ابن عمي عصام محمد طه/معتصم عبدالعظيم/محمد بشير/خالد عبدالحميد/تيجاني عبدالله/ياسر حسن بشاره (جانا من الخرطوم علي ما اظن ونحنا في سنه تالته ولد نضيييييييييييييييييف يرقش بس

ولحق بنا من اولاد البلد او لحقنا به/ابوزوق/برعي نورالدين/علم جمال/علم الدين ابراهيم طه/سيداحمد عوض سيداحمد/

من اولاد اقجه/المرحوم نميري محمد/سالم موسي/عصمت/عماد كجك

من اولاد البان جديد/محمد عبدالوهاب سليم كنونو/وليد جادين/عباس عطا/عبدالاله سند/رمضان ديايا اظنه توفي عليه رحمه الله/منتصر حسين الفنان

من اولاد الديم/ولد العمده سالم عيساوي/نميري/عوض سالم/كمال علي محمد علي حسين

اخونا خالد عبدالحميد صاحب ذاكره حاضره في اسماء وذكريات اولاد الدفعه نرجو ان يطل علينا من الهضبه الاثيوبيه

اما ابائنا المعلمون وامهاتنا المعلمات فهم قامه تحتاج الي بوست آخر

للجميع محبتي
الرجوع الى أعلى الصفحة اذهب الى الأسفل
نضارعبدالكريم العمده
 
 


عدد المساهمات : 1064
تاريخ التسجيل : 01/09/2010

مُساهمةموضوع: رد: ياسر ابراهيم طـه ... مطلوب حضورك بهنا   الأحد 19 يونيو 2011, 10:38 am

الذكريات صادقة ونبيله
الذاكرة خربة جدا وما اظن زكرياتنا ثره كدا والله متعتونا
كدى واصلوا لما ننكت شئ من الزاكرة ونجيكم
with
الرجوع الى أعلى الصفحة اذهب الى الأسفل
ماهر عابدين دياب
 
 


الموقع : لندن
عدد المساهمات : 2905
تاريخ التسجيل : 02/05/2010

مُساهمةموضوع: رد: ياسر ابراهيم طـه ... مطلوب حضورك بهنا   الأحد 19 يونيو 2011, 12:01 pm


اذكر انه كان الاستاز جابر (طويل اعرج) كان مدير مدرسة مراغة ونحن في الصف السادس... وكان له عدائيات ظاهرة مع جزولي حمزة الامين... ولاول مرة نشاهد شكلة بين استاز وتلميذ كانت بين المدير جابر واحمد مصطفي دردق... صعقنا عندما تجرء احمد وضرب الاستاذ... لكن اكثر شئ يغيظني حتي اليوم رغم وفاة الاستاذ الله يرحمه... ان الاستاذ جابر كان يدرسنا الجغرافيا... وعمل امتحان واقسم بالله العظيم ان تكون الغلطة بي جلدة... احرز العبد لله اعلي درجة وغلطة واحدة فقط... الدرجة الثانية كانت من نصيب عبد المجيد عيسي سبعة غلطات.. وباقي الفصل كله رسوب شنيع... بدء الاستاذ الجلد في اليوم الاول انا اولا بواقع خمسة جلدات وعبدالمجيد خمسة وثلاثون جلدة ولم يعاود الجلد لبقية الفصل حتي نهاية العام وحتي هذه اللحظة الله يرحمه ويسامحه.


ونقول يالطيف
الرجوع الى أعلى الصفحة اذهب الى الأسفل
ماهر عابدين دياب
 
 


الموقع : لندن
عدد المساهمات : 2905
تاريخ التسجيل : 02/05/2010

مُساهمةموضوع: رد: ياسر ابراهيم طـه ... مطلوب حضورك بهنا   الأحد 19 يونيو 2011, 2:37 pm


الدفعة الذين استمروا معي علي طول طريق الدراسة... قرشي محمد شيخ ادريس,عادل حسين نوري وصابر احمد فقير,عبدالمجيد عيسي (كان عبد المجيد ولد نظيف يعني بيستحم في بيته بدل الجدول وبيكوي القميص والبنطلون ويهتم بي مظهره وكراساته ويحمل شنطة بدل الخرتاية ودائما يمتلك قلم اسبير وعلبة هندسة جديدة لاينقصها شئ ويجلب ساندوتش من البيت لان اكل البوفيه وسخان في نظره)... المرحوم محمد عوض سعيد من اقجه وقد فارقنا في المتوسطة الي مولاه وعباس فرج الله والصديق المقرب الوفي علي محمد الامين والمرحوم عبدالباري سليمان الذي لاقي ربه غرقا والمرحوم عبدالعزيز عبداللطيف الرجل البرئ الذي لاقي ربه غرقا والمرحوم عبدالجليل الذي لاقي ربه غرقا ومن الدييم عبدالكريم علي الصادق وسيف الدين كوكو ومن البانجديد شعبان وصابر مرجان وصابر الطويل وصابر عبدالوهاب وفيصل احمد عثمان , ولد مدير المدرسة الذي كان يسكن في سكن المدرسين وقد نسيت اسم المدير واسم ولده الذي كان يركب العجلة قدام المدرسة وهو كان ولد نظيف وكان كانه بي عجلته كانه من كوكب تاني وصديقنا الوفي بالطبع وديدي عبدالوهابالذي كان في موسم النمته يكون شخصا اخر حيث تقضم النمتة اذنيه كما تأكل الطير العجوة الكرشة ... ومن الدفعة التي دخلت معي فصل سنة اولي وشغلتهم الحياة بعدها... سليمان حاجون ,احمد مصطفي شمد,ياسر عووضه,نجم الدين مصطفي,مجدي خضر, عصام موسي, قسم السيد عبد الوهاب, من البانجديد جابر ولد هوله والفاتح كرار. واسماء كثيرة من البانجديد نستها الذاكرة الخربة.
شخصيات ركبت من محطات مختلفة في قطار الدفعة... عبدالحكيم عوض سيداحمد,عصام اخو حاجون,عبدالرزاق,حمدي شريف,عبدالسلام موسي,عبدالمنعم سليمان,الهادي عووضة,عبدالعزيز عبدالحميد,مالك محمد حسين,محمد محجوب,تاج السر عبدالجليل طارق جمال, ودالمرحوم,محمود كرار
وقولوا يالطيف
الرجوع الى أعلى الصفحة اذهب الى الأسفل
عبدالفتاح يعقوب
 
 


عدد المساهمات : 161
تاريخ التسجيل : 17/04/2011

مُساهمةموضوع: رد: ياسر ابراهيم طـه ... مطلوب حضورك بهنا   الأحد 19 يونيو 2011, 7:24 pm

[ندعوك للتسجيل في المنتدى أو التعريف بنفسك لمعاينة هذه الصورة]
فـــــــــــــــطـــــــــور المـــــــــــــــــــــدرســـــــــــــــــــين


من زملاء الدارسة او المرحلة ثلاثة كانت تربطنى بهم علاقة مصلحة فى البداية حتى تطورت الى
صداقة حقيقية فكانت المصلحة هى فطور المدرسين الذى كان يتيح لنا فرصة الزوقان بعد الحصة
الاولى مباشرةً.. فمن الاصدقاء السمؤال محمد ياسين كان مسؤول من فطور الاستاذ نجم الدين يسن
والاستاذ جمال يسن وكانو يقولو ليهو سوق اى واحد معاك وطبعاً انا كنت دايماً مرافقو عشان الحته
دى واول ما يلتفت يلقانى ويقول لى ارح نمشى نجيب الفطور وبعد ما يخلص الفطور نرجعو السفرة
نختوها وراء مدرسة البنات تحت العشرة ونضربو الباقى ونلحس الصحون نضيف ونحن مستمتعين
بالحكاية دى . والصديق الثانى صابر عبدالجليل سروره كان مسؤول من فطور الاستاذ عثمان سروره
ومع وجود كمية من الدفعة من قبلى الجدول لكن سبحان الله كان دايما يسوقنى معاهو ونمشى نجيب
الفطور ونضرب باقى السفرة..الصديق الثالث هو ياسر عبد القادر العمده كان مسؤول من فطور
الاستاذ عبد الكريم العمده وكان ياسر من اقرب الاصدقاء لكن دايماً استاذ عبد الكريم كان يحدد ليهو
امشى انت وفلان يعنى ما كان عندو فرصة يختارالزول اليمشى معاهو لانو العمد هم كتار اصلا ما محتاج
يرسل واحد تانى لكن ياسر كان حريص فى رجيع السفرة يسوقنى معاهو ونضرب الباقى مع بعض
وطبعاَ ياسر عبدالقادر هدا فيهو شهامة وكرم وراثى من والده عبدالقادر العمده سبحان الله يكاد
يكون اشبه اولادو بيهو ومن هنا ليهم التحية جميعاً معلمين وطلبة .... وفطور المدرسين ده كان
كل الطلبة يقنصوا ليهو ولمن المدرسين يكونو ملمومين فى الفطور تلقاهم ما شين جاين فى الصالة
و يتاوقو من وراء باب الفصل عشان اول ما المدرسين يخشو المكتب يهجمو على باقى السفرة
ونحن كنا نراقبو من بعيد ونقول انشاء الله المدرسين ما يخشو لحد ما الجرس يضرب والشفع
يخشو الفصل وما يلقو فرصو يهبرو على لسفرة ونحن ننوم بالباقى وطبعا لو هبروا عليها
عينك ما تشوف الا النور وصحانة انضف من البايركس ...... ولنا لقاء

الرجوع الى أعلى الصفحة اذهب الى الأسفل
متوكل حسن على
 
 


عدد المساهمات : 22
تاريخ التسجيل : 14/11/2010

مُساهمةموضوع: رد: ياسر ابراهيم طـه ... مطلوب حضورك بهنا   الثلاثاء 21 يونيو 2011, 8:34 am

ياسلام ياشباب واللة زكرتونا الزمن الجميل عندى مشاركة ببعض عناوين المطالعة -كلب عبدالجليل- الدجاجة الصغيرة الحمراء 1-2-3 -القرد الاعمش والنضارة- لاتكزب- الفارس والبنت الجميلة- فى وفى- الحصان الخشبى - حسن والطير- مريم الشجاعة -
الرجوع الى أعلى الصفحة اذهب الى الأسفل
الباقرابوزيد
 
 


عدد المساهمات : 184
تاريخ التسجيل : 23/01/2010
العمر : 52

مُساهمةموضوع: رد: ياسر ابراهيم طـه ... مطلوب حضورك بهنا   الثلاثاء 21 يونيو 2011, 9:16 am

والله ياماهر زكرتنا بناس لينا سنين لم نتقابل وايضا الزملاء الذين انتقلو الي رحمة الله
الله يرحمهم جميعا وبازات بزكر المرحوم عبد الباري سليمان الحداد كان راجل نكته وكان عندما يريد يزوغ من المدرسه يعبي فمه بالماء ويجي الفصل ويعمل نفسه بيطرش
وازكر الاستاذ عبد الكريم العمده صاحب الجميع مدرسين وطلاب يعني في حصته كل الطلاب بيكونا مرتاحين نفسيا حتي لو جلدك انت بتكون مرتاح غير كل المدرسين رهبه وخوف من شدة الخوف والواحد ماكان بيفهم حاجه الاستاذ نجم الدين عنده كلمه مشهوره لمن يشاهد احد المدرسين بيجلد طالب يقول بسط بي بنش
ياماهر نسيت واحد من الدفعه كان في الكنبه الوراء شاكر علي بخيت تزكر الرتيلاء

الاخ عبد الفتاح كلامك جميع وصفرتك عامره ومشاء الله زكرياتك كثير عاوز اسألك من اي كان يجي فطور المدرسين
الرجوع الى أعلى الصفحة اذهب الى الأسفل
الأمين الياس الأمين
 
 


عدد المساهمات : 604
تاريخ التسجيل : 16/01/2011

مُساهمةموضوع: رد: ياسر ابراهيم طـه ... مطلوب حضورك بهنا   الثلاثاء 21 يونيو 2011, 9:31 am

بالمناسبة يا هيثم عبدالقادر (أسق فرحين) : العلم دا حق ياتو دولة ؟؟!! ... غريب : احنا في زمنا كان علم السودان حافظين ألوانو بالقصيدة اللى مطلعا :
علمي أنت رجائي أنت عنوان الولاء
أنت رمز للإباء ونسيج الشهداء
لونك الأخضر زرع
لونك الأزرق ماء
لونك الأصفر أرض يفتديها الأوفياء
(ثلاثة ألوان بس ولحدي الآن هو العلم المعروف لدينا)
"هو اتغير ولا إيه"
ـــــــــــــــــــــــــــــــــــــــــــــــــــــــــ
وبعد ماهر ما قال دفعتو كان قرشي شيخ إدريس وعادل حسين نوري , والشباب المذكورين ديل .. اكتشفتا نحنا ودفعتنا شفع صغار جدا
من مراغة عمي : جمال ياسين , وعبدالمنعم محمد صالح , وعوض قكة, وحسين صافي الدين , وبدوي ميرغني , وشوقي جلال
ومن أقجة المرحوم عزالدين شاطراب , وعوض عبدالرحيم , وفتحي محمد الأمين , ومبارك ركابي, ومن كابتود : ميرغني كدي , وخيري عوض ومحمد عبدالعزيز, وكمال نوري
ومن البانجديد : أحمدون, زيدان ضرار , سليم عبدالوهاب , محمد عوض جمعة تكتك, كمال سعيد, كمال سري ,
ومن الديم : حسن صالح عيساوي , ونور الدايم , تلودي.
ـــــــــــــــــــــــــــــــــــــــــ
لكن الهنوكبتر بتاع فتاح بذكرني الهنوكبترات بتاعتنا .. يا سلام
.
الرجوع الى أعلى الصفحة اذهب الى الأسفل
هيثم شهلي
 
 


عدد المساهمات : 599
تاريخ التسجيل : 27/01/2010
العمر : 44

مُساهمةموضوع: رد: ياسر ابراهيم طـه ... مطلوب حضورك بهنا   الثلاثاء 21 يونيو 2011, 10:25 am

مرحبــا بالجميع
وتحية خاصة للأخ متوكل حسن وهو يلتحق بهذا البوست التوثيقي

وتعرف ياعمنا الأمين انو فعلا العلم بألوانه الكتيرة دي احسن انو يكون بلون واحد أو اتنين بالاكتر اذا كان ولا بد يعني
وبمناسبة اسم الحبوبة (فرحين) كنت بنتكلم مع ابوي قبل يومين في معني الاسم هل هو بفتح الراء للمبالغة بالفرح بدل واحد اتنين أم المعنى له علاقة اللغة النوبية زي في اسم (نفرين).. وهنا مقطع (ين) هو المرأة

وللتصحيح وكدة (اسق فرحين) هو ابوي يا عمنا.
ولك التحية والشكر على التواجد بهنــا

وتعرف يا باقر في كلمات واسماء احيانا حمل بالضبط المعنى زي الرتيلاء دي وكمان النمتة بتاعة وديدي

الرجوع الى أعلى الصفحة اذهب الى الأسفل
الأمين الياس الأمين
 
 


عدد المساهمات : 604
تاريخ التسجيل : 16/01/2011

مُساهمةموضوع: رد: ياسر ابراهيم طـه ... مطلوب حضورك بهنا   الثلاثاء 21 يونيو 2011, 10:35 am

والله أنا عارفك حتدقق عشان كدا كتبتا : هيثم عبدالقادر <(أسق فرحين) (لأنها أخت "يو شاية").دي كمان قول لي عارفا ؟
الرجوع الى أعلى الصفحة اذهب الى الأسفل
هيثم شهلي
 
 


عدد المساهمات : 599
تاريخ التسجيل : 27/01/2010
العمر : 44

مُساهمةموضوع: رد: ياسر ابراهيم طـه ... مطلوب حضورك بهنا   الثلاثاء 21 يونيو 2011, 10:42 am


عارفن الاتنين .. اهة رأيك شنو؟ اسق ول وسق؟!
الرجوع الى أعلى الصفحة اذهب الى الأسفل
متوكل حسن على
 
 


عدد المساهمات : 22
تاريخ التسجيل : 14/11/2010

مُساهمةموضوع: رد   الثلاثاء 21 يونيو 2011, 11:41 am

اشكرك ايها الرائع هيثم على هذة التحية الراقية ازكر من الذين زاملونى فى هذة المرحلة متوكل احمد فقير -الاستاذ مبارك -على محمد تلول- عصام عزالدين -احمد حسن احمد-عوض محمد بلال-الاستاذ حسن على احمد دبابى بالمناسبة حسن على هدومو حقة المدرسة كانت كلها حبر وقلشيبة اى قلوق وكان شنطتو ملانة بالكنوسل اى القلوق الساقط وفطورو اجى مسادة وفتة لبن باشريك
الرجوع الى أعلى الصفحة اذهب الى الأسفل
عبدالفتاح يعقوب
 
 


عدد المساهمات : 161
تاريخ التسجيل : 17/04/2011

مُساهمةموضوع: رد: ياسر ابراهيم طـه ... مطلوب حضورك بهنا   الثلاثاء 21 يونيو 2011, 12:23 pm

[ندعوك للتسجيل في المنتدى أو التعريف بنفسك لمعاينة هذه الصورة][ندعوك للتسجيل في المنتدى أو التعريف بنفسك لمعاينة هذه الصورة]
صورة'طالب ماشى للمدرسة وصورة الحمير مربوطة فى عامود الكهرباء امام الدرسة

التحية للاخوان الاستاذ ماهر عابدين والاخ الامين والاخ متوكل وبطل الفلم الاخ هيثم مع انو بعد العروض
الفاتت دى مفروض تتغير الالقاب يعنى نقول العم ماهر والوالد الامين والاخ هيثم وطبعا لمن العم الاستاذ
ماهر ذكر دفعتو انا قلت ديل ناس ست فشودة الكنا بنسمع بيها زمان لكن لمن شفت دفعة الامين
الديناصورات ديل قلت يعنى لو حفرنا فى الذكريات حنلقى اطفال للفراعنة قرو فى مدرسة مراغة وطبعاً
الهنوكوبتر كانوا فى زمنا يعنى الامين الياس والقبلو كان وضعهم كيف وطبعاً منظر الحمير الفوق ديل ده
كان قدام مدرسة النيمرى سابقاً الشعب حالياً ديل كنا بنربطوهم فى عامود الكهرباء قدام المدرسة وكان
منظر شنيع بالنسبة لسكان المنطقة وطلبة دنقلا وطبعاَ المنظر ده قدام مدرسة مراغة عادى ومافى مشكلة
نربط الحمير فى العشر فى الحلفاء او فى التوشك لكن فى عمود الكهرباء كان مشكلة لانو الحمير كتار
والعمود واحد كان لمن يتحركو بيحصل ماس فى الكهرباء وكل يوم الاستاذة فى الطابور يتكلمو معانا
فى موضوع الحمير يا اولاد مراغة يا اولاد مراغة وكان منظرنا وشكلنا وسيرتنا بالظبط زى جماعة
طالبان اول حاجة كنا كبار بالنسبة لى شفع الحلب ثانياً كنا بنخجل من لبس الردى لاننا كنا مغبشين
ومغبرين والواحد جسمو كلو عوقات وخربشة كنا بنستر الحاجات دى بى لبس الجلاليب مع انو الاساتذة
فى الطابور كانو كل يوم يحزرونا من بكرة تجو بالردى ولكن هيهات هيهات حتى لو لبسنا الردى كنا
نلبس فوق منو الجلابية قدام المدرسة كان فى مصلحة وقاية النباتات ندسو الجلاليب فيها ونخشو
المدرسة لحدى ما الغفير بقى يجى يشكى فى المدرسة اولاد مراغة اولاد مراغة اخر حاجة صدر
قرار بان يكون الزى المدرسى العام هو الجلابية ومافى زول يجى بالردى تانى حتى مع القرار السمح
ده كنا ظاهرين بى احجامنا وجلاليبنا العادية بعد ما شفع الحلب وشفع دنقلا لبسو جلاليبهم السمحة ديك
النطيفة المكوية شكلهم بقى عجيب وانيق ونحن بذكر لمن كنا فى مدرسة مراغة كنا بنشوف ناس خالد
عبدالحميد وناس هيثم عبدالقادر واولاد الانصار ديل نضاف وحلوين وظراف لكن بعدما مشينا المتوسطة
وسط شفع دنقلا لقيناهم مغبشين وزينا واحد محسوبين من جماعة طالبان وطبعاً من الدفعة على ما اذكر
خالد عبد الحميد التجانى عبدالله علم الدين ابراهيم طه تاج الدين عبدالحميد الشيخ عادل محمد عبد
الواحد خليفة عبدالمنطلب محمدصالح الامين عصام محمد نقد عمران صالح تبت اكرم يوسف عبدالمجيد
المرحوم عبدالنعم عزالدين المرحوم عبدالباقى تاج السر وطبعا استاذ ماهر عابدين درسنا فى مدرسة
الشعب هو ما كان بيجى بى الحمار لكن بذكر كان يتقدم قدام ولمن نفوتو المدرسة بى شوية كان بتردف
وراء اى واحد مننا وغالباً ما كان وراء تاج الدين عبد الحميد او علم الدين ابراهيم طه وطبعا هو عشان
كان شكلو قريب مننا فى الحجم كان بيحاول ينهر ويعمل فيها صعب عشان يفرض وجودو واحترامو
والجماعة كانو يقولو اسمعمو نلبد ليهو فى الحلفا جهة برسيم نصر الدين جادو فى الليل بعد المذاكرة
وندوهو علقة ولا نحرش ليهو ناس المرحوم صبرى نقدالله يدقوهو لكن كان مجرد كلام ما وصل لى
درجة التفيذ وسبحان الله كان هو واستاذ سيف الدين عبدالجليل من اقسى المعلمين لينا كاولاد مراغة
طبعاً كان حرص منهم بس نحن بنفهمها قسوة وكراهية الحاجات بتاعت الطلبة ديك ناس قاصدنى
ما عندو زول غيرنا وحقار لكن ياريت كانو ضغتونا وطلعو مننا الزيت ونجحنا والشهادة لله هم عملوا
العليهم لكن العيب فينا نحنا ومن هنا لهم التحية والاحترام والتقدير الاستاذ سيف الدين عبد الجليل
والاستاذ ماهر عابدين والاستاذ مصطفى خضر على بك واصدقاء الدفعة ...
طبعا ضحكت لمن وقعت من الضحك لمن قريت وحده من الاخوات بتذكر فى ذكرياتها انو وحده زميلتهم
وقعت من البلوكة لانو انا ماشفت البلكونا الا بعد مشيت ليبيا وكنا بنسمع بالبلكونة دى فى المسلسلات
والافلام بس وما عارف دى قرت وين ولا بتحكى لينا عن منام ولا الحاصل شنو
بالنسبة لسؤال الباقر ابوزيد طبعاً فطور المدرسين كان كل يوم على معلم يجيبو من بيوتهم ومقسم على
مدار الاسبوع على المعلمين الساكنين فى مراغة وكان فطور دسم لا نو كان فيهو تنافس بين النساوين
ولكم منى التوفيق والتمنيات الطيبة

الرجوع الى أعلى الصفحة اذهب الى الأسفل
holako
 
 


عدد المساهمات : 102
تاريخ التسجيل : 03/01/2011

مُساهمةموضوع: رد: ياسر ابراهيم طـه ... مطلوب حضورك بهنا   الثلاثاء 21 يونيو 2011, 1:01 pm

الاخ هيثم رغم انني لم اشارك المتداخلين الا انني استمتعت كثيرا جدا بالتداخلات والقالب الذي اتبعته في سرد زكريات الاولية وتطرقك واشاراتك لواقع الحال اليوم وبصراحة لوحة غاية واية في الجمال وتحفة نادرة من الزمن الجميل
الرجوع الى أعلى الصفحة اذهب الى الأسفل
متوكل حسن على
 
 


عدد المساهمات : 22
تاريخ التسجيل : 14/11/2010

مُساهمةموضوع: مواصلة   الثلاثاء 21 يونيو 2011, 1:04 pm

ومازلت مع زكريات الزمن الجميل الذى فجرة بدواخلنا استاذنا العزيز هيثم لة منا كل التقدير ازكر كنا فى الرعية فى الكروات جنب دوم حلوم بنرعى وبناكل الدقة وكان معاى صديقى ورفيق دربى المرحوم سراج عثمان درنتود والذى توفى غرقا فى نفس تلك الفترة وكان صديقى المرحوم عندو موناب(سخيلة) سوداء السخيلة دخلت الى زراعة عمنا العزيز ادريس النور وعمنا ادريس بسبب هذة الموناب اخذ جميع المرعى الى زريبة جدنا عبدالمتعال بساقية الدرونتنى ونحن ماشين بوراة نقول لية عليك اللة ياعمى ادريس فك لينا بهايمنا ومن اليوم داك بقيت اربط البهايم فى اقرب بيت فاضى وامشى الكورة باعتبار انا فى الرعية هذة المشاركة رغم انها خرجت قليلا عن زكريات الدراسة ولكن لناكد للجميع اننا مرتبطون بهذا الماضى الجميل والذى سنفتخر بة متى ماحيينا التحية للجميع ودامت ايامنا افراحا
الرجوع الى أعلى الصفحة اذهب الى الأسفل
ياسرابراهيم
 
 


عدد المساهمات : 466
تاريخ التسجيل : 24/01/2010

مُساهمةموضوع: رد: ياسر ابراهيم طـه ... مطلوب حضورك بهنا   الثلاثاء 21 يونيو 2011, 2:27 pm

[color=green]متوكل حسن على كتب:
بالمناسبة حسن على هدومو حقة المدرسة كانت كلها حبر وقلشيبة اى قلوق وكان شنطتو ملانة [/color]بالكنوسل اى القلوق الساقط وفطورو اجى مسادة وفتة لبن باشريك
تحياتي العزيز متوكل وانا كنت عارف الكلام ده بجيبك لانو حكاويك كلها من زمن الرعيه ولحدي سنه سادسه
بس كلامك الفوق ده لو وصل الاستاذ الا تشوف ليك بلد تانيه
ويا هيثم لسه الناس بالف خير ولسه النفوس فيها من الماضي الكتير رغم البعد والايام
واصلوا يا اخوانا
الرجوع الى أعلى الصفحة اذهب الى الأسفل
هيثم شهلي
 
 


عدد المساهمات : 599
تاريخ التسجيل : 27/01/2010
العمر : 44

مُساهمةموضوع: رد: ياسر ابراهيم طـه ... مطلوب حضورك بهنا   الأربعاء 22 يونيو 2011, 6:41 am


مرحبا بالعزاء الكرام
وشكرا لكل من أضاف أو تاوق بس
ويا فتـاح بالله كتر لينا من التداعيات دي
بس بدل ما تورينا انو انت ماكنت عارف البلكونة شنو لحدي ما اغتربت في ليبيا ياخ كان احسن تشكر لينا الأخت العزيزة بائعة الكسرة المستنيرة من بدري قبالك بكتيير .. وبالله يافتاح انت كنت قايل (البلكونة) دي شنو لما تسمعا من المسلسلات؟
ومنتظرين من بائعة الكسرة المزيد من الاضاءات وتورينا بالأخص لناس فتاح ديل وكأنك كنت في المستقبل بالنسبة ليهم

ويا ياسر شنو حكاية المديدة الحارة دي؟
وبعدين يا زول ما تصبر لحدي ما الطرف التاني يكون حاضر ول شنو؟

لكن والله يا متوكل فاجأتنا بمعارفك التراثية دي .. وياربي هسع أ.حسن علي يكون شايل شنو معاه في الشنطة مع أوراق القضايا؟ لأنو الكنوسل دة مرات بسبب ادمان لا فكاك منه
وعلى العموم أنا اتصلت بيهو وقريت ليهو حرفيا ما ذكرته عليه من ملاحظات وقعد يضحك وقرقر لحدي ما الخط قفل وعاودت الاتصال به واكملت ليهو الموضوع ووعد برد كامل ومرافعة دسمة لحدي ما يتمكن من الدخول بنفسه ويشوف مديدة ياسر اكان لسع حارة؟

ومرحبا بهولاكو .. ما تقيف لينا في القيف يازول .. كدي انزل هنا وورينا كيف كان الحال مع دار جعل ومدارس شندي وكنت نضيف ول اغبش؟


مخرج:
اللهم ارحم جميع زملاء الدراسة الذين سبقونا بالايمان واحسن اليهم

الرجوع الى أعلى الصفحة اذهب الى الأسفل
الأمين الياس الأمين
 
 


عدد المساهمات : 604
تاريخ التسجيل : 16/01/2011

مُساهمةموضوع: رد: ياسر ابراهيم طـه ... مطلوب حضورك بهنا   الأربعاء 22 يونيو 2011, 8:08 am

مبسوط طبعا يا هيثم .. الله يسامحك كشفتا أوراق عمك
تورطني مع متوكل حسن علي والباقر أبوزيد (الشفع) وبرضو فيهو الخير متوكل لسع متذكر (قلو دسي أمباب تود كجقي دياب تود, أيقي ويكي أركودين - دي إلا يترجما ليك عبدالقادر عثمان) , وأنا دفعتي في دنقلا الأهلية صلاح أبوزيد - أولاد حلة البوليس النضاف
وزي ما قالوا في المثل وقت انبليت عوم مرة واحدة ..زمن كنا نبيع البرسيم أنا ومحي الدين فضل وعبدالكريم محمد لمين وسلم (طبعا ما حتعرف سلم) ونجي بالحلة التحت ناس البوليس كان عندهم جمال الحكومة فكان يشتروا كل البرسيم مرة واحدة ويريحونا , طبعا قبل ما نكتشف الحكاية دي لما نجي قصاد الكركون والبوليس يقول تعال يا ولد (عشان يشتري البرسيم) ننزل نخلي الحمار (الله يكرم السامعين) بالبرسيم ونشرد والبوليس يجري تعال ياولد تعال يا ولد خد قروشك .. ما تخاف. بعد الواحد ما يتهجم وقلب ينقطع يكتشف انو البوليس ناداه عشان يشتري البرسيم.
وطمن ولدنا عبدالفتاح - أنا صغيرون أكبر من حمد خضر شووووووووووووية, وكنت بتشاكل مع ناس حلتم بحري النهار كلو في لعب الشدة ولعب الكورة (بي كداد الدوم طبعا) ونرجع العصر للزراعة لا نخاف من أحد إلا كلب عثمان جزار ..طبعا زرعنا في كتنمار وفي مراغة قبلي وفي كرواد الحميدي وبعد دا نافسنا طارق أحمد وعوض قكة وعمي جمال يس في (الأول) واستاذ صبري ضربنا لما تعب وداخ من كترتا ما دقانا وانتو جيتوا لقيتوا تعب من كتر ما ضربنا وكان يتعامل معاكم بربع مروتو مسكين..
يا عبدالفتاح يا اخي لما محتفظ بالصور دي كلها جيب لينا علم السودان حقنا نحنا ..العلم بتاعكم دا ما بنفع معانا
وصاحبكم ياسر إبراهيم طه الصغيرون دا يوم الجمعة في الجمعية إن شاء الله حأقول ليهو يا ولد قوم جيب موية
الرجوع الى أعلى الصفحة اذهب الى الأسفل
ياسرابراهيم
 
 


عدد المساهمات : 466
تاريخ التسجيل : 24/01/2010

مُساهمةموضوع: رد: ياسر ابراهيم طـه ... مطلوب حضورك بهنا   الأربعاء 22 يونيو 2011, 8:21 am

شكرا هيثم وانت تواصل مشوار هذه الرحله المدرسيه وتلملم اطراف البوست وتحزمو حزمه واحده وتترك الباب (متاكا شويه) ليدخل منه مزيدا من الاحباب ليلحقوا بالرحله في أي من محطاته

ويا هيثم بعد مكالمتك مع /الاستاذ حسن علي/

ناس متوكل حسن يشدو حيلهم بس , لانو الاستاذ حيفرش وثائق ويليكيس فوق بربخ جدول جزيف

وحنقعد كلنا في باركوها يا اخوانا

ومن طرائف تلك الايام حكاها لي احد الاخوان والعهده عليه

انو صاحبو كان مغرما بي فطور المدرسه لدرجه الغياب اذا لم ترافقه بستله الفطور

ويوما ما شادي الهينوكوبتر ,,علي راي اخونا دوله الياس,, وماشي المدرسه وفي زقاق من الزقاقات

بلدنا تعثر حماره فسقط صاحبنا علي الارض واندلقت البستله بما فيها

وجلس هو بجوار بستلته الفاضيه وهو ينتحب وعندما حاول زملائه مواساته في فقده العظيم من عينه(ياخي ما خلاص بفطرك معي اصلو فطور ولا كفايه بلا) وان عليهم نسيان الامر واللحاق بالطابور

صاح فيهو وهو يكشّح التراب (لاكين ما كان عدس مرشااااااااااااااااااااااااااااااااااااااااااااااااي)



** مخارجه من حاله المديده الحار**

متوكل حسن ده انا بحدر ليهو في الضلمه محبه بس !!!!!!!! ليس الا



الاخ دوله الياس (لك اغلي من المويه يا سيدي)


عدل سابقا من قبل ياسرابراهيم في الأربعاء 22 يونيو 2011, 3:06 pm عدل 3 مرات
الرجوع الى أعلى الصفحة اذهب الى الأسفل
ماهر عابدين دياب
 
 


الموقع : لندن
عدد المساهمات : 2905
تاريخ التسجيل : 02/05/2010

مُساهمةموضوع: رد: ياسر ابراهيم طـه ... مطلوب حضورك بهنا   الأربعاء 22 يونيو 2011, 8:21 am



يا اخوانا لو في واحد من جماعة اربعة سنة المراحل الابتدائية واربعة متوسطة واربعة ثانوي (قبل محي الدين صابر يعني) يقول احم ومايخجل... ولو في واحد درس المواد كلها بالانجليزي (بقايا استعمار) برضوا يورينا عشان نحييه...ناس المنهج الانجليزية القديمة (الريدرز) يورونا...ناس دكتور تروتا بعد التغيير... ناس سنة تامنة يزحوا ورا...والوقع من البلكونة والوقع من النخله او الساقية يحدد لينا وده كله عشان نحدد اختصاص كل واحد قبل الرد.

وقولوا يالطيف
الرجوع الى أعلى الصفحة اذهب الى الأسفل
الأمين الياس الأمين
 
 


عدد المساهمات : 604
تاريخ التسجيل : 16/01/2011

مُساهمةموضوع: رد: ياسر ابراهيم طـه ... مطلوب حضورك بهنا   الأربعاء 22 يونيو 2011, 8:43 am

يا ماهر عابدين (أحم أحم) أنا الوقعتا من البلكونة
هو بالله زمن محي الدين صابر - مدرسة مراغة كانت مبنية ؟؟؟؟؟؟؟؟؟؟
مين المكعكع الدرس الزمن داك ولسع عايش ؟
أكيد ديل ناس هيثم وعبدالفتاح وياسر .. ديل الكان بيدنقروا ويشربوا من جدول جوزيف
هولاكو دا شكلو (أربعة أربعة أربعة)
الرجوع الى أعلى الصفحة اذهب الى الأسفل
نضارعبدالكريم العمده
 
 


عدد المساهمات : 1064
تاريخ التسجيل : 01/09/2010

مُساهمةموضوع: رد: ياسر ابراهيم طـه ... مطلوب حضورك بهنا   الأربعاء 22 يونيو 2011, 9:09 am

والله بوست يستحق اوسمة كل الاشياء الابداع والتميز والرقى ياخوانا متعتونا جد ومستغربه فى زكرياتكم السمحة ورغم انى من نفس الجيل او اللى بعدكم يا هيثم وياسر وفتاح لكن البنات دايما زكرياتهم ما بتصب فى نفس القالب ويمكن زكريات المتوسطة كانت اجمل بالذات مع جلدات استاذ ماهر كل صباح فى الطابور رغم انى كنت شاطرة واولة الصف لكن كنت فوضوية شديد وغير مرتبه كحال الشطار ويمكن استاذ ماهر بيتذكر رسمتى بتاعت الحمار ولو مؤاخذه او الحصان وهو اللى زكرنى ليها فى احدى البوستات.ويوم استاذ سيف الدين يخش الصف وهو قالع نضاراتو بنعرف انه اليوم مش حيعدى على خير.
كنا طبعا من الغبش اكيد وبنلبس كدارات والناس النضاف قاموا ضحكوا فينا قالوا علينا زى فاروق جبرا لابسين الكدارات هههههههههههههه
يا عمو الامين ار ديهن كوروسو
Very Happy Very Happy Very Happy Very Happy Very Happy Very Happy Very Happy
ويا استاذ ماهرانا من تلك الحقبة حقبة دكتور توروتا وموبى ديك الحوت الابيض وجينير..من زمن المزاكرة المسائيه وقفشاتها
من زكريات الابتدائى العالقه فى زهنى ومالاقية ليها تفسير لحدى هسه انه فى زميلتنا اتلميت معاها فى رابع وكانت من الدفع القديييييمة وتاخرت كم سنه بليييييدة وبتقعد فى الصف الوراء وانا فى الصف الامامى وكنت قليله فى حجمى جدا بتذكر كانت بتجى تشيلنى وهى ضخمة وكبيرة فى عمرها من الصف الامامى وقت الفطور وبتوصلنى لحدى مكتب ابوى فى المدرسة التانيه كل يوم لحدى السنة انتهت وخليتها فى رابع ومشيت خامس والان ماشاء الله متزوجة وبى عيالا .
وابقى واصل من غير فواصل يا هيثم الله يديك العافية
الرجوع الى أعلى الصفحة اذهب الى الأسفل
الأمين الياس الأمين
 
 


عدد المساهمات : 604
تاريخ التسجيل : 16/01/2011

مُساهمةموضوع: رد: ياسر ابراهيم طـه ... مطلوب حضورك بهنا   الأربعاء 22 يونيو 2011, 9:33 am

كوروسو في عين الشيطان يابت الذين آمنوا
الحمد لله أصغر من عبدالكريم العمدة
دا كلو منك يا هيثم .. لكن حأسداها في ياسر إبراهيم طه
الرجوع الى أعلى الصفحة اذهب الى الأسفل
متوكل حسن على
 
 


عدد المساهمات : 22
تاريخ التسجيل : 14/11/2010

مُساهمةموضوع: رد: ياسر ابراهيم طـه ... مطلوب حضورك بهنا   الأربعاء 22 يونيو 2011, 11:59 am

التحية للاخ العزيزالامين وينك ووين اخبارك والتحية ايضا للصديق ياسر ابراهيم الذى قضينا معة اياما لاتنسى بابنك العقارى فرع دنقلا من الاشياء التى مازلت ازكرها ولم تبارحنى زكرها اخذنا جدنا المرحوم على حسن انا وخالى وديدى عبدالوهاب لقبولنا بالصف الاول الابتدائى وتم قبول الخال وديدى ولم يقبلونى بحكم صغر السن وعندما فتحت المدرسة ذهبت مع وديدى المدرسة وانا غير مقبول وفى الحصة الاولى دخل علينا استاذنا الجليل الوفى عبدالكريم العمدة وكانت الحصة الاولى ماداير اقول رياضيات كانت حساب وزع لينا الاقلام والنوتة وبعدها ادانا العدد واحد وقال لينا اكتبو فى النوتة العدد واحد وانا بحكم صغر سنى وعدم قبولى كتبت العدد واحد فى الجهة الخلفية بدلا من الجهة الامامية من النوتة وبعدها قام استاذنا بمراجعة النوتات وعند اكتشافة باننى كتبت بالجهة الخلفية قام باعطائى كف لم انساة الى يومنا هذا وكان هذا الكف اول كف اتلقاة فى حياتى وعندها قررت عدم الحضور للمدرسة ولم اقبل فى العام الذى تلاة ايضا وانا من هذا الموقع احى استاذنا على هذا الكف الذى استفدت منة كثيرا ولك منى استاذى عبدالكريم الف تحية ودمتم فى امان اللة
الرجوع الى أعلى الصفحة اذهب الى الأسفل
 
ياسر ابراهيم طـه ... مطلوب حضورك بهنا
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 2انتقل الى الصفحة : 1, 2  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
شبكة مراغه الأصاله والتاريخ ::  القسم الثقافى -
انتقل الى: