شبكة مراغه الأصاله والتاريخ



 
الرئيسيةالموقع الرئيسى للشبكةصفحتنا على الفيس بوكالصفحه الرئيسيهالصحف السودانيهالمصحف الشريفالتسجيلدخول

إدارة شبكة ومنتديات مراغه : ترحب بكل أعضائها الجدد وتتمنى لهم أسعد الأوقات بيننا شرفتونا بإنضمامكم لنا ونتمنى مشاهدة نشاطكم ومساهماتكم التي سوف تكون محل تقديرنا واهتمامنا أهلا وسهلا وحبابكم عشرة بين اخوانكم وأخواتكم

شبكة مراغه الأصاله والتاريخ نحو سعيها للتواصل مع أعضائها الكرام فى كل مكان وزمان تقدم لكم تطبيق شبكة مراغه للهواتف الذكيه فقط قم بالضغط على الرابط وسيتم تنزيل التطبيق على جهازك وبعد ذلك قم بتثبيته لتكون فى تواصل مستمر ومباشر مع إخوانك وأخواتك على شبكتنا.

شاطر | 
 

 طيارة جات باللفة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ماهر عابدين دياب
 
 


الموقع : لندن
عدد المساهمات : 2905
تاريخ التسجيل : 02/05/2010

مُساهمةموضوع: طيارة جات باللفة   الثلاثاء 28 يونيو 2011, 10:54 am



قبل ان نكبر نحن وتكبر معنا البهم,كنا نغني في مواعيد الرجوع الي البيت ورجوع البهم الي الزريبة (العاشرة تماما موعد وصول الطائرة الي مطار دنقلا القديم-غرب الحلة تحديدا او مراغة فوق) باغنية لم نكن نعرف انها للطائرة التي اقلت جثمان الراحل جمال عبدالناصر مفجر القومية العربية... كلمات الاغنية هي:

طيارة جات باللفة
وقالوا الجمال اتوفي
قالوا الجمال اتوفي
والله ماصدقت
والله ماصدقت
الله... هوي
والله ماصدقت


حادثة طائرة الرئاسة السودانية المتجهة الي بيجين عاصمة الصين ذكرتني بالاهزوجة...رغم الفارق الزمني والمناسبة. تعجبت جدا لبلادة الخارجية السودانية وسذاجة الدبلوماسية السودانية وتفاهة وزارة الداخلية...كنت علي وشك التقيؤ من البيان الصادر من مكاتب الدولة الرئاسية... تبسمت لانني ببساطة تذكرت افلام توم اند جيري الكرتونية والتي لم نحضرها الا ونحن في طور الشباب لان كل دنيتنا كانت طيارة دنقلا التي كنا نظبط بها مواعيد الفطور والبهم التي كنا نرعيها...تعرفنا علي مؤامرات تم اند جيري ومؤامرات الساسة عندما كبرنا وكبرت معنا البهم.. وياليتنا لم نكبر ولم تكبر البهم.
امتلات مخيلة الناس بالامس لما حدث للطائرة المنكوبة مابين السودان وايران وطاجكستان والصين... كل اصبح يصور العشرة ساعات التي مرت علي الرئيس والوفد المرافق علي حسب مزاجه, نقلت لكم هذه المسرحية من عمر الفاروق علها تخفف عن الشمارات المفقودة...

البشير : بالله ده وصف توصفوا لينا يا أحمدي يا نجاة ؟
نجاة : حولاتي قواتي يا إلهي كي.
الترجمة : لاااا حولة ولا قوة إلا بالله ..يا زول الجابك شنو تاني؟ انا قلت أسة تكون لافي في بكين .
والله يا عمر البشير إنت طلعت زول ماسورة ساي..وصفي وااااضح
البشير : واضح شنو يا زول نحن لافين لينا عشرة ساعات وأسة ضربنا لي هو جين تاو وقال لينا ترجعوا طهران ..أها قلنا نجي عليك نستحم ونتغدا وناخد لينا رقدة كده ونغير هديماتنا دي ونرجع .
نجاة : شاه نفر مكان مرشد كهي مغرب. معليش صديق .باب كهي مفتاحخي.
الترجمة : والله يا عمر انا أسة طالع ح اسوق الأولاد وماشين للمرشد الأعلى نشرب معاهو شاي المغرب .لكن ما مشكلة يا زول البيت بيتك وإنت زول ما غريب . أخدوا راحتكم بس بعدين عليك الله وإنت طالع خت لي المفتاح تحت الفرشة البرة ديك.
البشير: عديلة يا زول ..وما قصرت والله .
نجاة : قولاتي حكاياتي .
الترجمة : أها ما قلت لي روحتو وين ؟
البشير : والله يا احمدي مرقناها فيييي توركمانستان !!!
نجاة : كهيييي؟؟؟
الترجمة : ويييين ؟؟؟ توركمانستان ؟؟ الوداكم للجماعة ديل شنو ؟؟ والله يا عمر الله مرقك ساي ..بالله دي حتة بيروحوا فيها؟
البشير : لييي مالم التركومانستانيين ؟
نجاة : أوردو إسرائيل ..رحماتي مولى ..طه
الترجمة : يا زول الله شافك ساي ..الجماعة ديل لو كان لحقو سمعوا بيك هناك كان لحقوك أمات طه ..ديل تبع إسرائيل.
تيييييت ...تيييت ..تييت .
نجاة : جاينيز نهي كول اتصالاتي ..
الترجمة : دقيقة ده مفتاح الصين .شكلو ده هو جين تاو .
نجاة : بشير إنسان علي طهران وصول .
الترجمة : أااااي الجماعة وصلوا ..أهو ديل أسة هم معاي ..كويسيييين ما عندهم أي عوجة يرتاحوا شوية وبيجوا عليكم تاني كان ربنا هون . أديك عمر تكلموا ؟ ولا أقول ليك أضرب ليهو في تلفونو انا طالع مشوار .

هو جين تاو : سلام ينغ كوبي تونغ مشوارتينغ
الترجمة حمدلله ع السلامة يا عمر .
هو جين تاو : لونغ لونغ بونغ جونغ زونغ زونغ .
الترجمة : يلا ركز معاي يا عمك عشان ح أوصف ليك ..طريق واااضح .
البشير: دقيقة خليني أشغل الإسبيكر عشان الجماعة ديل يسمعو معاي الوصف.
هو جين تاو : طهران مطارونغ نجاة سونغ نو رونغ .
البشير: أها.
هو جين تاو : ماليزيا بيتروناس توررز تونغ .
البشير: أاااي عرفتو .واصل.
هو جين تاو : فلبين يونغ نمور تاميل بونغ .
البشير : كيف كيف كيف..كدي قول تاني..
هو جين تاو : فلبين يونغ نمور تاميل بونغ .
علي كرتي : هووووي يا هو جين تاو جماعتك ديل مضمونين ولا بيورطونا ساي؟
هو جين تاو : ني ني يونغ ضمانونغ رييينغ.
الترجمة : لالالا أمشوا ساي ما بيسألوكم ديل ما موقعين على الإتفاقية والله . وحتى لو سألوكم قولوا ليهم نحن ماشين لي جين تاو.
البشير : أها ..قول .
هو جين تاو : لي غوانزو .؟
الترجمة : فيكم زول بيعرف غوانزو ؟
البشير : عاد ده كلام ده ؟ في سوداني ما بيعرف غوانزو.
هو جين تاو : تب يونغ .لي سناغ زول باغ ري تاغ
الترجمة أها بعد ده إنتو وصلتو تب.أي زول تلقوهوا هناك بس قولوا ليهو نحن ماشين لي هو جين تاو .
البشير : لالالا وااااضح يا زول ..ادينا ساعة زمن بس نرتب أمورنا وناخد راحتنا وبنجي عليك .
بالله ده كلام ده يا علي كرتي ؟؟؟ الزول ده وصفو وااااضح ..إنتو اللولوة ليكم شنو ..جبتو لينا الكلام ساي..
كككككب يا جماعة مشينا.

تخريمة :
غايتو تاني الداير يمشي الصين نصيحتي ليهو يمشي بي وصف عمي هو جين تاو ده ..

ونقول يالطيف
الرجوع الى أعلى الصفحة اذهب الى الأسفل
نضارعبدالكريم العمده
 
 


عدد المساهمات : 1064
تاريخ التسجيل : 01/09/2010

مُساهمةموضوع: رد: طيارة جات باللفة   الثلاثاء 28 يونيو 2011, 11:02 am

Laughing Laughing Laughing Laughing Laughing Laughing Laughing Laughing Laughing Laughing
شئ عجيب
الطيارة ما وقعت بيهو بشا دا فى لفاته دى كلها؟؟
هاك منى ليك تخريمة مناسبة بقلم مستغانمى

ثمّة من الحكّام كأرنب، يفكّر بقدميه عند أول خطر، فيهرب بالجمل وما حمل.ـ

وآخر يبقى لأسابيع غير آبه بصورته التي يقذفها المتظاهرون بأحذيتهم، مطالبين إيّاه بالرحيل. دون أن تأخذه العزّة بالنفس، فيقدّم استقالته، بعد أول خطاب استمع إليه الشعب رافعًا في وجهه أحذيته. لكنّه يستميت ويُميت دفاعًا عن كرسي لن يغادره إلاّ إلى المستشفى.ـ

وآخرون يتحوّلون أمام امتحان الرحيل، إلى وحوش بشريّة، تجلس على عروش من الجماجم، وتحكم بلادًا نصفها مقابر، وأقبية للتعذيب، مصرّة على توقيع رحيلها بأصابع الديناميت. دار دار زنقة زنقة حوش حوش، تتقدّم الوحوش ناسفة كلّ شيء في طريقها. إنّها سليلة الأرض المحروقة ، التي وقّع بها الطغاة دائمًا عبر التاريخ حدث رحيلهم.ـ
الرجوع الى أعلى الصفحة اذهب الى الأسفل
الأمين الياس الأمين
 
 


عدد المساهمات : 604
تاريخ التسجيل : 16/01/2011

مُساهمةموضوع: رد: طيارة جات باللفة   الأربعاء 29 يونيو 2011, 11:12 am

د. نضار :
kito tig eddo geno
لحسن الزرايب وغنم الحلة حيرتاحوا
الرجوع الى أعلى الصفحة اذهب الى الأسفل
نضارعبدالكريم العمده
 
 


عدد المساهمات : 1064
تاريخ التسجيل : 01/09/2010

مُساهمةموضوع: رد: طيارة جات باللفة   الأربعاء 29 يونيو 2011, 11:43 am

وااشرى ...عمك وصل باسلامة يااااااااخسارة!!!
البى بى سى تقول .. أكد الرئيس الصيني هو جنتاو، خلال زيارة لنظيره السوداني عمر البشير إلى بكين، أن علاقة بلاده بالسودان لن تتأثر بالتغيرات الدولية أو الداخلية في السودان، وذلك في إشارة إلى انفصال الجنوب الذي سيعلن في 9 يوليو/ تموز المقبل.

وقال جنتاو "تنتهج الصين سياسة صداقة تجاه السودان، وهذه السياسة لن تتغير بصرف النظر عن التغيرات الدولية أو الداخلية في السودان".

وتعتبر الصين من أهم المستثمرين في استخراج النفط في السودان، والذي تنتج غالبيته في جنوب السودان المقبل على الانفصال، مما ألقى بتساؤلات عن مستقبل العلاقات الاقتصادية والسياسية بين الخرطوم وبكين.

وكان جنتاو اجتمع مع البشير في قاعة الشعب الكبرى في بكين بعد استقبال رسمي حافل حظي به رغم انتقادات شديدة من الولايات المتحدة ومن عدد من الجماعات المدافعة عن حقوق الإنسان.

"الأخ والصديق"

ورحب جنتاو بالبشير المطلوب من قبل المحكمة الجنائية الدولية قائلا "السيد البشير، أنت ضيف قطع مسافات طويلة ونحن نرحب بك"، مضيفا أنه يامل أن تساعد المحادثات بين الجانبين على "تعزيز علاقات الصداقة التقليدية بين البلدين".

وشكر البشير الزعيم الصيني، مشيرا إليه بوصف "الأخ والصديق" على "الترحيب الحار والمعاملة" الذان حظي بهما لدى وصوله إلى بكين الثلاثاء.

والبشير مطلوب للمحكمة الجنائية بتهمة ارتكاب التطهير العرقي، وجرائم حرب وجرائم ضد الانسانية في إقليم دارفور غربي السودان حيث قتل نحو 300 ألف شخص منذ عام 2003.

ووقع البلدان الثلاثاء اتفاقا لتعزيز التعاون في مجال النفط بحضور البشير وعدد من الوزراء، بحسب بيان عن شركة النفط الوطنية الصينية، أبرز شركة منتجة للنفط في الصين دون إعطاء تفاصيل حول مضمون الاتفاق.

"زيارة منطقية"

ومن المقرر ان تنظم مراسم توقيع عدد من الاتفاقات بين الرئيسين في وقت لاحق الاربعاء.

وتقيم بكين علاقات مميزة مع السودان ولديها استثمارات عدة فيه حيث يعتبر شريكها الاقتصادي الثالث في القارة الافريقية.

وقد رفضت الصين الانتقادات التي وجهتها لها دول غربية ومنظمات حقوقية قبيل زيارة البشير باعتباره مطلوبا للمحكمة الجنائية الدولية بتهم تتعلق بالإبادة الجماعية وجرائم الحرب في إقليم دارفور غربي السودان.

وقال المتحدث باسم الخارجية الصينية عونغ لاي "زيارة الرئيس السوداني منطقية لأن بلاده صديقة للصين".

وأضاف "نحن نحتفظ برأينا بشأن محاكمة البشير أمام المحكمة الجنائية الدولية".

وقد اعربت الولايات المتحدة الاثنين عن اعتراضها على الاستقبال الذي اعدته بكين للرئيس السوداني.

واعتبرت منظمة هيومن رايتس ووتش ان الامر "اهانة لضحايا الجرائم الفظيعة التي ارتكبت في دارفور"، فيما قالت منظمة العفو الدولية (أمنستي) إن الصين باتت "ملجأ لمنفذي جرائم ابادة المشتبه بهم".
الرجوع الى أعلى الصفحة اذهب الى الأسفل
holako
 
 


عدد المساهمات : 102
تاريخ التسجيل : 03/01/2011

مُساهمةموضوع: رد: طيارة جات باللفة   الخميس 30 يونيو 2011, 11:43 am

الاخ ماهر انت عارف حقوا بعد القصة طوالي يدوك الجنسية البرطانية واظن كدا تكون نجحت فيالامتحان
ها ها ها
الرجوع الى أعلى الصفحة اذهب الى الأسفل
ماهر عابدين دياب
 
 


الموقع : لندن
عدد المساهمات : 2905
تاريخ التسجيل : 02/05/2010

مُساهمةموضوع: رد: طيارة جات باللفة   الخميس 30 يونيو 2011, 4:45 pm


عزيزنا هولاكو
اذا كانت الجنسية ضرورية هي معاي من عشرة سنوات... لكن المهم هو وزارة في حكومة المؤتمر الوطني... انشاء الله يستوزروك عشان تبقي لينا واسطة

لكن الطيارة المشت باللفة استرعت انتباه المهتمين ببواطن الامور... والحمد لله زولكم نفد بي جلده بعد طلاع روح
الله يشوفه في الايام الجايه

لو عاوزه تقول سير سير سير... قول يالطيف

الرجوع الى أعلى الصفحة اذهب الى الأسفل
holako
 
 


عدد المساهمات : 102
تاريخ التسجيل : 03/01/2011

مُساهمةموضوع: رد: طيارة جات باللفة   الأحد 03 يوليو 2011, 10:06 am

عاوز اقول سير سير يابشير
وبالمناسبة ما مهم عندي الوزارة المهم سيادة بلدي العزيز وحتي لو كان عاش ابو هاشم والله اكبر ولله الحمد
الرجوع الى أعلى الصفحة اذهب الى الأسفل
ماهر عابدين دياب
 
 


الموقع : لندن
عدد المساهمات : 2905
تاريخ التسجيل : 02/05/2010

مُساهمةموضوع: رد: طيارة جات باللفة   الأحد 03 يوليو 2011, 10:54 am


عزيزنا هولاكو... لانشك ابدا في حسك الوطني العالي ... وهمتك الوطنية الراقية... وهي عنوان لكل شرفاء بلادي... لكن من يحكم ؟ هنا مفترق طرق للجميع. انت تقول سير سير يابشير وغيرك يقول غور غور يابشير.

وقول يالطيف
الرجوع الى أعلى الصفحة اذهب الى الأسفل
holako
 
 


عدد المساهمات : 102
تاريخ التسجيل : 03/01/2011

مُساهمةموضوع: رد: طيارة جات باللفة   الإثنين 04 يوليو 2011, 7:43 am

عزيزنا ماهر
انا احترم راي الاخرين اولاواشكرك ثانيا علي الاطراءوهذا ان دل انما يدل علي وطنية وحب للوطن السودان برغم المعاناة والاحن
ودمت في رعاية الله
الرجوع الى أعلى الصفحة اذهب الى الأسفل
 
طيارة جات باللفة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شبكة مراغه الأصاله والتاريخ ::  القسم السياسى -
انتقل الى: