دموع ابناء الجنوبيين

حالة إستياء عارمه تسود أواسط الكثير من أبناء الجنوبيين المقيمين بالشمال هذه الايام مع

إقتراب موعد إعلان دولتهم الجديدة في التاسع من يوليو القادم خاصة شريحة العاملين منهم بمؤسسات الدولة المختلفة الذين تم

تسريحهم توطئة لتفويجهم الي دولتهم الجديدة .

تري الم يكن يعلمون بأن هذه اللحظة لا محالة آتيه عندما بصموا بالعشرة لخيار الإنفصال وخاصة الجنوبيين بالشمال

أم لم يكن يعلمون بأنهم سيستطدمون بهذا الواقع المرير

يقيني بأن الكثير منهم لم يري الجنوب إلي في خريطة السودان لأنهم ولدو وترعرعوا بالشمال لعشرات السنين فتعودا علي طبائع

الشماليين أو فلنقل أخذوا عليها

والآن ما يسمعونه من مصير اغبر ينتظرهم وتهديدات من الجنوبيين الجنوبيين ( علي طريقة أموشوا يا بتاعين جني عرب

جايين تعملوا شنو وإنتو من زمان وين ) جعلهم يندمون أو ( يسفوا التراب)

قبل يومين كنت أتحدث مع أحد اصدقائي الجنوبيين وهو يزرف الدموع ويقول لي بالحرف الواحد

نحنا هسي كنا مرتاحين الواحد لو عندو خمسة جنيه يشتري ليهو شرموط ويعملوا ملاح ونكون

مبسوطين وقال نحنا بالبسيط راضين ومقتنعين والعاملين الفتنة وداير الإنفصال من أهلنا راكبين عربات وساكنين وعايشين

أحسن عيشة وبرضوا ما راضين

كسرة :

لكن بالجد حالتهم تحنن !! هسي يعملوا شنو ؟؟ ويقولوا يا منو ؟؟

أوعي يا ماهر تقول لي يقولوا يا لطيف

الاخ رمضان اغرب حاجة انو الاخوة الجنوبيين صوتوا بنسبة فاقت التسعين في المئة وبرضو السي ان بي سي هو السبب شماعة منو دي عموما التسوي بي ايدك يغلب اجاويدك

حبيبنا رمضان

والشماليون انفسهم لهم دموع وقلوب تكاد ان تنفطر لمعرفة موعد رحيل الاخوة.... كل المؤسسات الحكومية التي يراسها ناس محترمين ومنصفين تجهز لوداع الاحبة الجنوبيون... موعد تسريح الاخوة الجنوبيون من الخدمة الحكومية بعد ايام فقط.
اما المدراء المتعصبون الجهلة هم في انتظار نشوة اللحظة..
اما العمل شنو؟ صدقني الانفصال خازوق وحصل... وما في طريقة غير قولة يالطيف

ان انت اكرمت الكريم ملكته و ان انت اكرمت اللئيم تمردا. يا باقان هموم رضينا بالهم و الهم ما راضي بينا كما كانت هناك اصوات تنادى بلانفصال
كانت الاغلبية بتطالب بالوحدة حتى يظل السودان كما ورثناه من الاجداد و كذلك لحماية المستضعفين من قبائل الجنوب من القبائل الاخرى التي تستأسد عليهم و سوف ترى الدماء التي سوف تسيل من جراء الحروب التي سوف تندلع بين تلك القبائل بعد الانفصال و عندها لا ينفع يا بشير حصلني لانه سوف يسبق السيف العزل. لكن من الواضح باقان و اشباهه يطالبون بالانفصل لشيئ في نفوسهم المريضة و خير دليل على ذلك كل يوم كرشه زايدة من اكل اموال المساكين و هو خايف من الانتخابات لانه يعلم ىتماما سقوطه هو واللصوص الاخرين و بعدها تضيع منه فرص السرقة و النهب القاعدين يعملوا فيها الآن
و ربك يكون في عون المستضعفين من ابناء الجنوب
والمغشوشين الزين صوتوا للانفصال
لكن برجع اقول ما منهم من العليهم فمنز الصغر يزرعون الحقد فى نفوسهم اتجاه الشماليين
وماعندنا حل الا نقول قول الكبير ماهر
قوووووووووووووووووووووووووووووول يالطييييييييييييييييييييييييييييييييف

تحية الصحة العافية د.عايده

نعم فقد أوهموهم بأحلام نرجسية وآن الأوان لكي يستفيقوا من هذا الدريم ويسطدموا بكابوس

الإنفصال كأكبر مقلب يشربوه في حياتهم

سعدت بمرورك

دمتي بخير

الحكاية يا شيرين ليست مقصوره علي المستضعفين من أبناء الجنوب المغشوشين من وعود

بقاقان وأمثاله لأن بقاقان نفسه وحاشيته هم كذلك ضحايا دول الغرب لانهم صّدقوا هذه الأحلام الظلوطية .

والفرق هو أن باقان ومن معه ليس لديهم ما يخسرونه أما المساكين والمستضعفين من شعب الجنوب فأعتقد أنهم في مهب الريح

ابوالروم الانفصال حصل برضاء الاقلبيه وزي ماقال ريسنا عليهم يسهل وعلينا يمهل واي كلام او مقترحات في الموضوع دا تحصيل حاصل والله يفعل مايريد

المشكله انه حالتهم تحننا نحنا...واوضاعهم تبكينا نحنا... لكن نقول شنو اذا كانت نتيجة التصويت 99% لصالح الانفصال واغلب الموجودين في الخرطوم لم يكلفوا نفسهم حتي بالتسجيل. وحتي موضوع التصويت نفسه مامفروض الحكومة تديهم بالسهولة ده.

ماحنقدر نقول حاجة غير يالطيف