شبكة مراغه الأصاله والتاريخ



 
الرئيسيةالموقع الرئيسى للشبكةصفحتنا على الفيس بوكالصفحه الرئيسيهالصحف السودانيهالمصحف الشريفالتسجيلدخول

إدارة شبكة ومنتديات مراغه : ترحب بكل أعضائها الجدد وتتمنى لهم أسعد الأوقات بيننا شرفتونا بإنضمامكم لنا ونتمنى مشاهدة نشاطكم ومساهماتكم التي سوف تكون محل تقديرنا واهتمامنا أهلا وسهلا وحبابكم عشرة بين اخوانكم وأخواتكم

شبكة مراغه الأصاله والتاريخ نحو سعيها للتواصل مع أعضائها الكرام فى كل مكان وزمان تقدم لكم تطبيق شبكة مراغه للهواتف الذكيه فقط قم بالضغط على الرابط وسيتم تنزيل التطبيق على جهازك وبعد ذلك قم بتثبيته لتكون فى تواصل مستمر ومباشر مع إخوانك وأخواتك على شبكتنا.

شاطر | 
 

 توقيعك على تفتر الرابطه ؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
شهاب سعيد
 
 


الموقع : المملكة العربية السعودية
عدد المساهمات : 755
تاريخ التسجيل : 08/01/2010

مُساهمةموضوع: توقيعك على تفتر الرابطه ؟   الأربعاء 13 يناير 2010, 9:44 am

كاتب الموضوع ياسر ابراهيم طه
وتم نقلة بواسطة شهاب ود الشريف

الاعزاء اولادنا وبناتنا طلاب مراغه
والي كل الذين اثاروا ذكريات العمل في الرابطه ’’ الله يديكم العافيه ,,, قلنا ليكم ما تفتحوا المواضيع دي نحنه ناس دمعتنا قريبه والذكريات دي تخلينا نفتح بابا للشجون لا نستطيع قفله بسهوله
اعذروني اذا كانت الذاكرة صدئه ولكن قلت استرجع معاكم احلي الايام مع مجموعه من الاخوان والاخوات كانوا ملأ السمع والبصر والفؤاد
قبل البدء نبهني الاخ العزيز مجدي باشنتود الي نقطه مهمه وهي ان اهم ما ميز نجاح فترتهم في عمل الرابطه علاقه المحبه والصداقه التي كانت تجمعهم قبل العمل الطلابي وهذا هو سر النجاح يا احبتي
كانت رابطه طلاب مراغه حلم ونحن ندخل برجلنا اليمين ونقول بسم الله الي الحياه الجامعيه بكل بريقها ولمعانها رقم قله عددنا في ذلك الوقت
تداعينا مجموعه من الطلاب والطالبات الي حدائق الهيلتون وخائف اذكر الاسماء تضيع مني الاخري ولكن ناس الذاكرة القوقليه موجودين رضوان/جنابو تاج السر نقد/محمد باشنتود
كانا ما تامين 30 في كل الجامعات لكن كانت ارادتنا ان نضع علامه علي الطريق وفي بالنا الجايين كتااااار 1995 كانت البدايه والآن نحن علي مشارف 2010 . ,, 15 سنه يا احبتي , عندما اعود بذاكرتي لتلك السنوات وان اقرا الآن كتابات محمد جعفر ونسمه وجدو ومجاهد وهمومهم عن الرابطه واتساءل ديل كانو وين قبل 15 سنه ؟؟؟ واستحضر الاجابه في خاطري عندما اعود الي جلسه حدائق الهيلتون واعلم حينها يقينا ان الهم العام للبلد وطلابها مازال يحرك الشجون والاشواق
وفي تلك الجلسه ورضوان يقلب عينيه في الحضور حتي استقرت عندي وقال ( يا اخوانا انا بقترح ياسر يكون رئيس الرابطه ) القرحه الما تفكك !!!! همست بداخلي وقربت اقوم اخنقوا ,, اللي يهديك بس يا رضوان ,,
ولاني عارف نفسي اني سوف احمّل الامور اكثر مما تحتمل وقد صدق ظني بعد ذلك عندما انقلب الامر عندي ذي ما تقول كده احساس الابوه !!!!!!!! لازمني هذا الاحساس فترة طويله وانا في المحاضرة كنت اسأل نفسي يا ربي نجلاء لقت الشيت البتفتش فيهو ليها اسبوع ,, هاله قالت في اجازة التيرم الاول حتنزل البلد بس المشكله حتسافرمع منو ؟؟؟ يا ربي طلحه شقي الحال داك فطر لاني عارفو مفلس ديمه وسمؤل عمل شنو في مصاريف الجامعه ,, يا هيثم محمد باشنتود البرلوم قال ماشي الفتيحاب امبارح ولحدي هسه ما جا الحاصل شنو ؟؟
واستمرأت هذا الاحساس لحدي ما قربت اصدق وانتقل هذا الاحساس اليهم لي درجه انو الواحد لما يشوفني يرمي السيجارة من يدو لانو عارفني بنكد عليهو ,,,
عزيزي محمد جعفر ذي ما قالوا ليك الاخوان رضوان ومجدي وابادول لو دبرست من موقف لفشل برنامج ما للرابطه تاكد انك ما وعيت الدرس جيدا لاننا شفنا كتير وضقنا احساس انك بتنفخ في قربه حتي ولو كانت غير مخرومه لكن استمرت المسيرة
اعزائي الطلاب والطالبات ليس قرب المسافات والجيرة وصله القرابه بالضرورة تخلق المحبه والتواصل والانسجام ولكن العمل في جسم واحد ذي الرابطه يخلق اكثر من ذلك
اخيرا من العدل ان نعطي كل الاخوان والاخوات الذين وضعوا التواقيع الاولي في دفتر الرابطه باقه عرفان علي الاقل بسرد اسمائهم هنا ولكن .. هنالك من هم اقدر مني علي التذكر ناس الذاكرة القوقليه
الاخ الحبيب رضوان ذي ما ورطّتني زماااااان يا ريت لو تقوم بهذه المهمه بدلا عني يا ريت
وللجميع دعواتي بالتوفيق
[/b]
الرجوع الى أعلى الصفحة اذهب الى الأسفل
مشيرة
 
 


الموقع : امدرمان
عدد المساهمات : 1276
تاريخ التسجيل : 27/01/2010
العمر : 29

مُساهمةموضوع: رد: توقيعك على تفتر الرابطه ؟   الثلاثاء 01 يونيو 2010, 6:01 pm

تسلم شهاب

ويدي العافية للكاتب

كلامك جميل وربنا يقدرنا نعمل ولو جزء بسيط من العملتو ونترابط اكتر منكم ههههههههههه

ودعواتكم معانا انتو بس

وخلوكم جنبنا لانو حنحتاج ليكم كتير
الرجوع الى أعلى الصفحة اذهب الى الأسفل
 
توقيعك على تفتر الرابطه ؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شبكة مراغه الأصاله والتاريخ ::  قسم الشباب والطلاب -
انتقل الى: