شبكة مراغه الأصاله والتاريخ



 
الرئيسيةالموقع الرئيسى للشبكةصفحتنا على الفيس بوكالصفحه الرئيسيهالصحف السودانيهالمصحف الشريفالتسجيلدخول

إدارة شبكة ومنتديات مراغه : ترحب بكل أعضائها الجدد وتتمنى لهم أسعد الأوقات بيننا  شرفتونا بإنضمامكم لنا ونتمنى مشاهدة نشاطكم ومساهماتكم التي سوف تكون محل تقديرنا واهتمامنا أهلا وسهلا وحبابكم عشرة بين اخوانكم وأخواتكم

إدارة شبكة ومنتديات مراغه :ترحب بالعضو الجديد الشفيع عبدالله وتتمنى له أسعد الأوقات بيننا  شرفتنا بإنضمامك لنا ونتمنى مشاهدة نشاطك ومساهماتك التي سوف تكون محل تقديرنا واهتمامنا أهلا وسهلا وحبابك عشرة بين اخوانك وأخواتك

إدارة شبكة ومنتديات مراغه : ترحب بالعضوة الجديدة أحمد عبد الحفيظ العمده وتتمنى لها أسعد الأوقات بيننا  شرفتينا بإنضمامك لنا ونتمنى مشاهدة نشاطك ومساهماتك التي سوف تكون محل تقديرنا واهتمامنا أهلا وسهلا وحبابك عشرة بين اخوانك وأخواتك

إدارة شبكة ومنتديات مراغه :ترحب بالعضو الجديد هديل شاكر ابراهيم طه وتتمنى له أسعد الأوقات بيننا  شرفتنا بإنضمامك لنا ونتمنى مشاهدة نشاطك ومساهماتك التي سوف تكون محل تقديرنا واهتمامنا أهلا وسهلا وحبابك عشرة بين اخوانك وأخواتك

جمعية الصحبة الصالحة بمراغه بدات بتسوير مقابر مراغة وهم فى امس الحاجة للدعم والمسانده من الجميع حتى يرى المشروع النور ترسل المساهمات بالتنسيق مع الاخ عثمان عبدالحى مشرف الجمعية م/0116771150-0923089700 والله لايضيع اجر من احسن عملا
شاطر | 
 

 فرفش وأضحك

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عثمان المحسي
 
 


عدد المساهمات: 237
تاريخ التسجيل: 02/07/2010

مُساهمةموضوع: فرفش وأضحك   الأربعاء 20 يوليو 2011, 12:01 pm

واحده بلدياتنا عينوها مضيفة في سودانير .. اول رحلة طلعت فيها جات للكابتن سألتو :اها نغرف العشا؟

رباطابي مشى لصاحب دكان سمعو تقيل خالص ، فقال ليهو : أديني معجون حلاقة وأمواس ، فظل صاحب الدكان يستفهم والرباطابي يصرخ إلى أن ظن صاحب الدكان انه سمع فأعطاه قلم رصاص وكراس ، أخذهم صاحبنا مضطراً حتى لا يدخل في دوامة أخرى معه وأعطاه ثمنها ... فسأله صاحب الدكان : أديك بالباقي شنو ؟ فقال له الرباطابي بدون تردد : أديني بيهو إملاء

رجل قاعد في أمان الله يقرا الجريدة
بعد شويه زوجته ضربتو بالطوه التيفال على راسه
الزوج: مالك يا بنت الحلال؟
الزوجه: شنو الورقه دى الفى جيبك المكتوب عليها هنادي؟؟؟
الزوج: يا بنت الحلال، ده الحصان اللي رشحته الاسبوع اللي فات في سبق الخيل
الزوجه صدقته وراحت لحالها
مر اسبوع اخونا قاعد يقرا الجريده وتيجي مرته وتديهو بالطوه ‏التيفال على راسه
الزوج: يا ولية مالك جنيتى في شنو؟؟
الزوجه: حصانك على التليفون

واحد قال لي رباطابيه بريدك
قالت ليهو ص. ب. 144

شيخ جامع قطع إشارة المرور الحمرا ركن علي اليمين وسجد سجود سهو

مسطول سألوه عن الفرق بين الشهد والشهيد؟
قال: الإتنين بيتلحسو !

رباطابي مشى للجزار قال ليه اديني كيلو لحمة

الجزار كل مرة يقطع حتة لحمة ويرميها في الميزان
الجزار قال الميزان ده ما داير ينزل مالو؟؟
الرباطابي قال ليه ينزل كيف عاد وانت بترمي ليه في الدوهات من قبيل

ادروب مشي يخطب قالوا ليهو البنت بتقرا قال ليهم خلاص وقت الفسحه نجي

مرة كبيرة من اهل العوض بتاخد فى حصة محو اميه وكان الدرس عن دخل حامدوخرج حامد
كل ما الاستاذ يقول دخل حامد تقوم المرة تغطى وشها
ولما يقول خرج حامد تفتح وشها
لما رجعت البيت زوجها سأله اها الليله ادوكم شنو؟
قالت ليه هو حامد خلانا نقرا طالع وداخل فينا

صرصار راقد في المستشفى بأزمة.. زميله المجبص سأله: بف باف برضو؟ قال ليهو لا شبشب
شايقي جبار جداً إشترى ساعة سألوه الساعة كم؟ قال:أها خلاص دايرين تكملوا الحجر

سألوا الجعلى ليه إتزوجت القبيحة دى فوق مرتك السمحة ديك ؟؟
الجعلى : الشينة دى لى حليفة الطلاق !!

مسطول عندو حجاب بيلبسو بالنهار وبالليل يختو في المصحف ... سألوه ليه ؟ قال عشان يشحن

مسطول طالع من الدكتور بيتكلم مع روحه
ضب في صحن؟ .. لا لا
سحليه فى جك؟ .. لا لا
قعونجه فى جردل؟ .. لا لا
تمساح فى بانيو؟ .. لا لا
رجع للدكتور تانى وقاليهو: إنت يا دكتور قلت عندي شنو؟؟
قاليهو : عندك سرطان فى الحوض

واحد مسطول عضاهو ثعبان قاعد يضحك وميت من الضحك. الثعبان قاله
مالك بتضحك كدا وانا عاضيك
قاله اصلي أنا عندي الايدز

رباطابي داير يطلع جنسية الضابط سأله قاله ليه انت سوداني
الرباطابي قاله لا أريبا .

فار مسطول لقى كديسة ميتة ضربها شلوت طااااخ وقال انا لمن أزعل كعب
واحد زهجان من مرتو بغني في اغنية هاشم ميرغني : انتي وانا من حقنا نفرح نطير بين السحاب تلقانا صاقعة تخمنا لا انت يلقوك لا انا

رباطابي زوجته وضعت له ولد بيشبهو شبه شديد عاين للولد وقال لزوجته دي بطن ولا مكنة تصوير

الجعلي يحلب في غنمايتو ادتو رفسه لمن وقع في الارض قام كتفها وحلبها ما خلا فيها نقطه بعدانتهى كبى اللبن فوق راسا وقال ليها انا محتاج ليك

رباطابي جوهو ناس اللجنة الشعبية قالواليهو دايرين دعم نبني سور المقابر
قال ليهم: شفتو ليكم ميت شرد؟

قالو الحاجة دي حصلت صحي في برنامج ايام لها ايقاع واحدة إتصلت على حسين خوجلي مقدم البرنامج سألتو قالت ليه: انت وشك ناعم كدا ليه ؟؟ قال ليها من الوضؤ ... قالت ليهو : لييه علي الحاج دا بتيمم ولا شنو !!!!

ولد يسأل أبوه ماهو برج ايفل قال أبوه ماعارف
قال طيب ماهو السيراميك قال أبوه ماعارف
قال طيب ماهو الايميل قال ما عارف
قال طيب ماهي العولمه قال ماعارف
قالت امه لا تزعج ابوك
قال أبوه لا خلي الولد يستفيد !


عدل سابقا من قبل عثمان المحسي في الأربعاء 20 يوليو 2011, 7:25 pm عدل 2 مرات
الرجوع الى أعلى الصفحة اذهب الى الأسفل
عثمان المحسي
 
 


عدد المساهمات: 237
تاريخ التسجيل: 02/07/2010

مُساهمةموضوع: رد: فرفش وأضحك   الأربعاء 20 يوليو 2011, 5:59 pm

قصيدة عاطفية بواسطة محشش



حبيبتي…أحبك الله يقطع شكلك
حبيبتي… أحبك الله يخلف على اهلك
انا بدونك .....
متل الشارع بدون اناره متل التقاطع بدون اشاره
متل السلطه بدون خياره متل السواق بدون سياره
متل الحديقه بدون شجره متل الثور بدون بقره
متل الصحراء بدون بعير متل بوش بدون بلير
متل الأهبل بدون هبلة متل عنتر بدون عبله
آآآآه.....
انا النار وانتي الدخان انا الزلزال وانتي البركان
انا بدونك اضيع انا بدونك بالشوارع بصيع
انا بدونك متل الخروف بدون قطيع انا بدونك حالي فظيع

انا بدونك حمام من غير سيفون انا بدونك سلطة بدون ليمون

انا الكهرباء وانتي الليت
وانا مارق مريت جمب ابواب البيت
منشانك حنيت انا روميو وانتي جوليت

انا سوبرمان وانتي طيارته انا باتمان وانتي سيارته

انا عشانك اشتغل تاكسي انا الميراندا وانتي الببسي

انتي القشطه وانا الزيتون انتي نعناعه وانا ليمون
انتي الجزيره وانا سبيس تون انتي بومبا وانا تيمون

انتي العراق وانا صدام انتي الهند وانا الافلام
انتي الباب وانا المفتاح انتي الضفدعه وانا التمساح

يا اجمل من بنات اليونان آآآآآه ياريتك بنت الجيران
انا لعيونك بغلب جاكي شان واعبر المحيطات والخلجان
واصارع في حلبة الثيران يا احلى من شاكيرا وبرتني وكريستان

آآآه .. انا وانتي احلى معنى للحب

انا المتر وانتي الشبر ليش انتي الشبر ...؟؟؟
لان حبي إلك هالكبر لااا حبي لك أكبر من موج البحر
حبي لك كثر مافي العالم قهر

كثر مافي ايران بنات حلوات كثر ما عند الوليد يختات

كثر مافي هولندا ورود كثر مافي امريكا يهود

كثر مافي الصومال مجاعه كثر مافي لبنان صياعه

ااااااه ... احـــبــــك




منقول
وتحياتي
الرجوع الى أعلى الصفحة اذهب الى الأسفل
عثمان المحسي
 
 


عدد المساهمات: 237
تاريخ التسجيل: 02/07/2010

مُساهمةموضوع: رد: فرفش وأضحك   الخميس 21 يوليو 2011, 1:35 pm

كسلان معرس ليهو واحده كسلانه، قام اتثاءب قالت ليهو مادام فاتح خشمك نادي معاك الولد!!



مسطول مرتو قالت ليهو ياخي قول لي كلمة تحسسني بالدفء والحنان.. قال ليها: «بطانية


مسطول سأل بت قال ليها «اسمك منو؟» قالت ليهو «أسماء» قال ليها «يعني مافي اسم محدد كده

مولانا لقي جماعة بيسطلوا قال ليهم حرام عليكم، قالوا ليهو - وعليك الحرام والرحمه

مسطول سأل الدكتور قال ليهو : «فهمني كيف تحللوا البول وتحرموا الخمرة ؟؟

رباطابي دخل محل موبايلات شايل ديك سألوه : للبيع ؟ قال : لا ، دايرين نغير ليهو النغمة

مسطول قالوا ليهو البنقو يؤدي للموت البطئ قال انا ذاتي ما مستعجل

بايرة قالت لابوها «كان جبت ولد بسميهو صدام» قال ليها «كدي انتي الاول ألقي حسين

مسطول النار ولعت في امه قال ليها: نورتي يا حاجة

مسطول قالو ليهو المعاناة تولد الابداع قال: والمعاناة دي بقت داية متين

الرجوع الى أعلى الصفحة اذهب الى الأسفل
عثمان المحسي
 
 


عدد المساهمات: 237
تاريخ التسجيل: 02/07/2010

مُساهمةموضوع: رد: فرفش وأضحك   الخميس 21 يوليو 2011, 1:37 pm

رباطابي مدخلنو غرفة العمليات جا واحد بعرفو سالو قال لية حامد ماشي وين قال لية بدور ارمي الجمرات
رباطابي.... عندو دكان ..بس مشكلتو من يوم فتح الدكان ده ماربح قرش...

المهم مشى لي شيخ حكى ليهو الحاصل...
الشيخ قاليهو يازول بحل ليك المشكلة دي بس تديني حقي...اتفقو على كده..

الشيخ جاء قرأ سورة يس في الدكان...والامور ظبطت تمام وفي اول شهر كسب الدكان ربح 3مليون...
الرباطابي جا للشيخ قاليهو كتر خيرك ياشيخ ..اها داير كم ؟ الشيخ قاليهو مليون ونص..
الرباطابي قاليهو ليه....سورة يس دي من كلماتك..


مسطول سألوه عن الفرق بين زمان وهسه شنو ؟
قال ليهم زمان بسم الله قبل الأكل والحمد لله بعده
هسه الحكاية اتعكست
تقول الحمد لله الأكل جاء وتقول بسم الله متين كمل ؟؟

جعلي مرتو قبضتو بسف في رمضان
قالت ليهو سجمي يا راجل
بتسف في نهار رمضان ؟؟
قال ليها يا ولية هوي
شفتي ليك سفة فطرت ليها جعلي؟؟


ولد يسأل أمه: وش يعني ملاك ؟
ردت: مخلوق من نور يطير في السماء

قال الولد: سمعت بابا يقول لسكرتيرته يا ملاكي بس ما طارت !

قالت الأم: اليوم بطيرو

أبو داؤود كان سايق ، قام أشرت ليهو واحدة متحنكشة دايرة تملح..
وقف ليها وقام شغل شريط خاص بيهو أغنية نعيم الدنيا... وهي طبعاً ما عارفة انها راكبة مع أبو داؤود، في نص الأغنية سألها
بتعرفي الفنان دا؟.. قالت ليهو: فنان شنو دا حمار.. قال ليها: قلت شنو؟؟
قالت ليهو: قلت ليك دا ما فنان دا عبارة عن حمار ساي ...
أبو داؤود وقف العربية ونزل مشى على الباب الراكبة جنبو فتحو وقل ليها: تنزلي والا أرفسك



نكته مسيسه
حرامى مع القاضى
القاضى:اسمك منو

الحرامى:بسم الله والحمد لله
والصلاة على رسول الله
جون مجوك
القاضى:انت مسلم
الحرامى :بسم الله والحمد لله (لا)
القاضى :طيب بتقول هذة العبارات دى ليه
الحرامى :ما الحراميه الفى البلد كلهم بيقولوا كدا.



مسطول جاته فيزا للسعودية من ما وصل مطار الخرطوم في ذبابة لمت
فيه و متابعاه .. أصله ما قدر يتخلص منها لحد ما وصل الطائرة . بقي مشغول
بيها شغلة شديدة خلاص لحد ما في النهاية ( طب ) مسكة بيده و بقي ماسكة
لحد ما وصل مطار الرياض . و أول ما نزل من الطائرة قطع جنحينها و فكاها
في الأرض و قال ليها يالا الخرطوم كداري .....
الرجوع الى أعلى الصفحة اذهب الى الأسفل
الأمين الياس الأمين
 
 


عدد المساهمات: 599
تاريخ التسجيل: 16/01/2011

مُساهمةموضوع: رد: فرفش وأضحك   الخميس 21 يوليو 2011, 2:03 pm


يا شيخ عثمان : أنا حأبدأ ليك بنكتة بتاعت واحد دنقلاوي هو وزوجتي مشو للدكتور
قال للدكتور/ والله أنا لي يومين ما اندي نفسي للأكل
الدكتور/ قال ليهو بتاكل شنو يا شيخ عوض
قام شيخ عوض فرك ايدينو ببعض وقال للدكتور (ويكة بيدا)
الدكتور كتب ليهو الرشتة وقال ليهو خد الدواء دا وكل ويكة حمراء
قام اتلفت لمرتو وقال ليها سمعتا يا بتول
--------------------------------------------------------------
يا شيخ عثمان طرائف المحس كتيرة : هات منها
.
الرجوع الى أعلى الصفحة اذهب الى الأسفل
عثمان المحسي
 
 


عدد المساهمات: 237
تاريخ التسجيل: 02/07/2010

مُساهمةموضوع: رد: فرفش وأضحك   السبت 23 يوليو 2011, 12:04 pm

مسطول شاف اعور بيرمي في طعمية بره الصاج!؟
وقف جنبو يردد تششششش

***********
رباطابي شاف مركبه غرق في النيل مشى يعمل بلاغ ، العسكري قال ليهو غرق وين ( قصدوا الاتجاه ) قال ليه في شارع الظلط
**********
جماعة رباطاب شايلين ليهم زول تعبان مودنو المستشفى لاقهم واحد قال ليهم خير يا جماعة ان شاء الله عوجة مافي قالو ليهو خير بس فلان دا عيان شوية اها وهسي مودنو وين العيان رفع راسو وقال ليهو مودني الطاحونة

**********
احبك حب الفراعنه للهرم

وحب المسلمين للحرم

وحب اهل العوض للغنم


******************
نكتة خاصة لأخي الأمين .. حسب الطلب
حلفاوي كان بيحضر في حفلة لمحمد وردي والدنيا برد شديد
والحلفاوي ما عايز يمشي ويخلي وردي وراه
وردي كان بيغني في أغنية لو بهمسة وكرر لو بهمسة عدة مرات
أخونا زهج وقام قال ليه يامهمد وردي
لو بهمسة أو بستة ...هلص هلينا نروّح !!!
الرجوع الى أعلى الصفحة اذهب الى الأسفل
عثمان المحسي
 
 


عدد المساهمات: 237
تاريخ التسجيل: 02/07/2010

مُساهمةموضوع: رد: فرفش وأضحك   الأحد 24 يوليو 2011, 6:00 pm

قالوا واحد بتاع خضار إتعلّم الكشتينة جديد و شغال يكرت ليك الجماعة كلهم، قام واحد زهجان قفلت معاهو خلاص ... قال ليهو "ياخ ما ممكن زاتو والله، هسي الأسود دا فاضل ليك منّو كم" ... بتاع الخضار رد عليه قال ليهو "والله قفة كاملة ياخ ما قادريين نبيعها زاتو"
------------------------------------------------
قال ليك واحد مصري كذاب شددييدد ... شغال يفكها ليك في السوداني : "أنا رحت عطبرة، ورحت بربر، ورحت مدني، ورحت حلفا، ورحت الأبيض، ورحت واو، وجوبا، ونيالا، وسنار، و...." السوداني قال ليهو "مشيت براك؟" ... قام المصري قال ليهو "أها براك دي أعدت فيها تلاتة أيام"
---------------------------------------------------------------------------------------
قال ليك أستاذ عندو تلميذ بلييد لمن غلط. الأستاذ بيقول ليهو ياخ إنت غبي، غباء مركّز، الولد زِعل وكلّم أبوه. تاني يوم الولد جا المدرسة وأبوهو معاهو يفتش في الأستاذ. لِقا الأستاذ و سأله "ياخ إنت بتقول للود ده غبي ليه ياخ، ما تقول ليهو غبي." ... الأستاذ قال ليهو "ياخ والله ولدك ده غبي وأغبى منه أنا ما شفته، عاين: يا ولد أمشي بيتي شوفني قاعد ولا لأ." قام الولد مشى وجا راجع ينهد، قال للأستاذ "إنت مافيش ياأستاذ". قام الأستاذ قال للأبو "شايف الغباء؟": ضرب الأبو ولده في راسو وقال ليهو: "والله إنت صحي غبي، ماالتلفون ياهودا كان تضرب بس.
---------------------------------------------------------------------------------------------------
فى وأحد صعيدى تم تدريبة بواسطة الموساد ليكون جاسوسا لاسرائيل فى مصر. وعند الانتهاء من التدريب ارسل لمصر وقالوا له سنرسل مندوب لك هناك فى مصر ،، قال الصعيدى: ومندوبكم حيعرفنى كيف .. قالوا حتكون هنالك شفرة
أزيك وازى أمك … بالفعل راح المندوب لعنوان الصعيدى … وسال بواب العمارة أنا عايز هريدى
قال البواب : عندنا 4 هريدى واحد فى الدور الاول …. قال انا عايز هريدى الساكن فى الدور الاول
وراح المندوب وخبط الشقة الاولى …. وقال له : انت هريدى … قال له : ايوه انا هريدى … المندوب : ازيك أزى امك …. رد عليه الصعيدى : يوى انت عايز هريدى الجاسوس ؟؟؟ ده ساكن فى الدور الرابع.
الرجوع الى أعلى الصفحة اذهب الى الأسفل
وصفية عيسي
 
 


عدد المساهمات: 719
تاريخ التسجيل: 25/05/2010

مُساهمةموضوع: رد: فرفش وأضحك   الإثنين 25 يوليو 2011, 8:56 am

يديكم العافية الاخ عثمان والاخ الامين الدنقلاوي بتاع الويكة الظاهر انك اشتقت للويكة كثير صراحة فرفشت وكنت زعلانة وضحكت كثير
laugh
الرجوع الى أعلى الصفحة اذهب الى الأسفل
عثمان المحسي
 
 


عدد المساهمات: 237
تاريخ التسجيل: 02/07/2010

مُساهمةموضوع: رد: فرفش وأضحك   الثلاثاء 26 يوليو 2011, 10:10 am

1- رقم واحد ده خاص بأخي الامين .. حسب الطلب ..في واحد موظف شهريا يطلب سلفة من مدير الشركة ، قام المدير زهج منو وكلما دخل عليه بيطردو من المكتب ، وماشي زهجان من الوضع في الشارع قابلو واحد وسألو ما لك شايل الهموم وماشي
وشرح ليه وضع السلفة والفلس وقام نصحه لكي يمشي لواحد فكي غرباوي وفعلا مشي ليه وقاليهو الفكي تمشي قدام باب المدير وتقرأ آية الكرسي 7 مرات وان شاء الله حاجتك مقضية .. وفعلا مشي أخينا وقف قدام باب المدير وقرأ آية الكرسي 14 مره بدل 7 مرات ودخل قام المدير طرده .. طلع من الكتب زعلان خالص وقابلو حلفاوي وسألو نفس السؤال ما لك يا أخوي ، وشرح ليه الوضع من الأول وانتهي بموضوع الفكي وأية الكرسي 14 مرة
الحلفاوي قال ليه يأخي حل مشكلتك دي عندي .. الزول قاليهو الحقني بيه
الحلفاوي قال ليه ... شوف تمشي قدام باب المدير ..خلي الآية بره ، وخش عليه بالكرسي بس !!!!!
2- اتنين مساطيل الاول سال التاني : جرحتي كبيرة ولا صغيرة . داك قال ليو مناسبة

3- رباطابي مسطول لقو في السعودية قالو ليو الاخو سوداني قال لا لبناني مظلل


4- ضبانة وقعت في كاس وسكي مرقت قالت : هـــــــــــوي الصقر جاكم



غراب مسطول جالس في شجرة بياكل في قطعة جبنة ، الثعلب وقف تحت الشجرة وقال ليهو غني لينا ياغراب الغراب طلع الجبنة وختاها جنبو في الشجرة وقال للثعلب انت قايلني غراب سنة رابعة العوير الزمان داك

--------------------------------------------------------------------------------

ولدين سالوا واحد مسطول ياعم الثعلب ببيض ولا بولد قال ليهم يا اولادي الثعلب ده مكاااااار اتوقعوا منو اي حاجه

فلاتي مسطول بيضرب في تركين كارب، كل ما ياكل ليهو لقمة يلحس صوابعه ويقول : هلو لكن أفن


قال ليك في واحد صعيدي قام بالليل جعان قام مشي وفتح الثلاجه ما لقى فيها حاجه غير لبن تاريخ الصلاحية بتاعتو منتهي ... زور التاريخ وشربو .

قال في واحد مشرد
ببيت كل يوم في العمارات التحت الانشاء
يوم لقى ليهو جامع ببنو فيهو
وغفيرو حلفاوي
بقى يمشي كل يوم ويدقس الخفير وينوم
يوم الغفير زراهو
الغفير - دا شنو يا اخينا كل يوم تبيت هنا هي وكالة من غير بواب
المشرد- ايه هو دا مش دا بيت بتاع ربنا
الغفير الحلفاوي- ايوا لكن لسة ما استلموا



صعيدية قالت لجوزها قولى كلمه حلوه

قال لها بسبوسه

قالت له يا اخى قولى كلمه تهزنى

قال لها مرجيحه

قالت له قولى كلمه احس فيها انى مراتك

قال لها انتى طالق



مرة واحد طيار اسمه هريدى كان فى رحلة و بعدين فجأة المحرك اليمين بتاع الطيارة عطل..

فنبه على الركاب و قاللهم كابتن هريدى يحيكم و يبلغكم ان المحرك الأيمن توقف و لا داعى للقلق.

بعد شويه الركاب سمعوا كابتن هريدى بيقول:

كابتن هريدى يحييكم و يبلغكم أن المحرك الأيسر للطائرة قد توقف و لا داعى للقلق.

بعد شويه الركاب سمعوا كابتن هريدى بيقول:

كابتن هريدى يحييكم من البراشوت و يتمنى لكم رحلة سعيده



واحد شييييييييييين
خطب ليهو واحدة وقاعد يشرح ليها في ظروفو
- انت عارفة انا اعتمدت على نفسي من صغير
كنت بشتغل وبقرا
وفي الجامعة برضو
وبعد داك بديت شغل في السوق بامكانياتي
وما اعتمدت علي اي زول
يعني باختصار
خلقت نفسي براي
قامت عاينت ليهو من فوق لي تحت وقالت
(انا ذاتي قلت دي ما خلقة ربنا)
الرجوع الى أعلى الصفحة اذهب الى الأسفل
عثمان المحسي
 
 


عدد المساهمات: 237
تاريخ التسجيل: 02/07/2010

مُساهمةموضوع: رد: فرفش وأضحك   الخميس 04 أغسطس 2011, 3:02 pm

رمضانيات .. وفك التكشيرة الناتجة عن
الجوع .. العطش.. الشمس .. والمكيفات من شاي وقهوة .. وهلم جرا طبعا

أخي الأمين : حسب طلبك هذه النكات لواحد اسمه سيد تلول من جزيرة الخليل فرح ( صاي ) وهذه النكات من شخصه يرحمه الله
*******
مره راكب البص ومسافر والبص وقف في قريه عشان يشيل ركاب .سيد تلول شاف من ضمن المودعين بنتين واحده حلوه شديد والثانيه (مشي الحال) فنادي فيهن يا بت امشي جيبي لي مويه فمشت (مشي الحال) فنادها ورجعها وقال ليها انت تعالي انا برسلك تشحدي لي صعوط.
********
كان ماشي في الشارع وسايق ليهو عربية كارو وفي السكة قابلته مره سمينه سمن مبالغة قالت ليهو سيد ركبني معاك قال ليها
اركبي لاكين ما تخلي الحمار يشوفك
***********

مره مشي لقي واحد قصير وما عندو اولاد برش سماد في حواشتو..قال ليهو السماد دا فايدتو شنو؟
رد عليهو دا بيطول القمح وبكتر انتاجو.. فرد سيد قائلا
طيب ما تحل ليك شويه وتشربو.
***********
يحكي أن سيد تلول ذهب إلى سوق عبري ذات مرة ودخل المطعم وأكل مما لذ وطاب وليس بجيبه مليم أحمر. وعندما انتهي من الاكل ذهب الي صاحب المطعم وسأله " انتو اللي ما بيدفع ثمن الاكل قاعدين تسوو ليه شنوه ؟ فقال صاحب المطعم منفعلا " قاعدين نحك له نخرته في الواطه دي ". فقال له سيد تلول : " طيب حك لي نخرتي بسرعه علشان داير ألحق البنطون"
*********
• وفي مرة من المرات جاهو ضيف يبيت معاه وسأله أن يعطيه جلابية نضيفة يلف بيها علي الناس. كان الضيف طويل خالص ولما لبس جلابية سيد تلول وهو قصير ظهرت الجلابية في منتصف ساقيه فسأل الضيف سيد تلول " كيف امشي في الحله والجلابية قصيره كده ؟". فقال له سيد " بسيطة ... امشي جوه الجدول "

********
• في مرة كان العم سيد مسافر في اللوري وراكبه جنبه بقدام وليه عجوزة وتصادف ان تقابل مع سواق اسمه إسماعيل قيل ماشي في الاتجاه المعاكس وكانت محملة بطالبات مدارس من حلفا للمحس في عمر الزهور فامسك سيد بالوليه العجوز وقال لإسماعيل قيل " وو اسماعيل عليك الله تفكي لينا ديه بشويه من اللي عندك"
***********
• قالوا عمنا سيد تلول كان معدي بالمركب والريس حب يهظر معاه وكان راكبات بنتين معاهم قال : يا عم سيد اذا المركب دي غرقت انت حتنقذ مين من البنتين دول؟ عمنا سيد عاين للشينه فيهن وقال ليها : طبعا انت بتعرفي تعومي. مش كدا ؟
الرجوع الى أعلى الصفحة اذهب الى الأسفل
عثمان المحسي
 
 


عدد المساهمات: 237
تاريخ التسجيل: 02/07/2010

مُساهمةموضوع: رد: فرفش وأضحك   السبت 06 أغسطس 2011, 1:46 pm

جعلي فتح محل أنابيت غاز فجر إسطوانين فى نص الشارع .... دعــــــايه .

*** إرهابي تزوج إرهابيه زفوهم بسياره مفخخه .

*** جعلي اول مره يأكل لبانه حلف بالطلاق أكان ما كملت ما مايخليها .

*** مسطول عجبتو واحده فى الحافله نزل من الحافله وأخد نمرتا .

*** واحد عوير وغبي عرسو ليهو واحده بعد شهر ولدت !!! الجماعه قاموا فيهو يازول
الحكايه شنو ... شهر واحد والوليه تلد ؟؟ّ!! قال ليهم : اها انجهونا
....
عريس ساطل سطله جامده يوم عرسو وبعد الناس مامشو دخل البيت لقى العروس
منتظراه . قال : والله أنا كنت عارف الناس ديل بي جوطتهم دي بنسوا ليهم زول هنا .


*** جماعه عندهم عرس ودايرين يجيبوا العروس مالقو دلوكه سألو جارهم السكران ديما ..
مابنلقى عندك باقه نجيب بيها العروس .. قال ليهم ماتجيبوها فى كيس *******
دي واحدة عن اخوانا الشوايقة

مُحمد احمد مشترك في برنامج من سيربح المليون

إستعمل خيار الإتصال بصديق

صديقو شايقي إسمو العوض

جورج قرداحي:-

الو .. العوض .. معك جورج أرداحي من برنامج من سيربح المليون وييانا صديقك محمد احمد

وصل ستاشر الف ريال وبدو مساعدتك ليوصل لي إثنين وثلاثين الف ريال معك ثلاثين

ثانية بس يحكي معك


العوض:-

قتا بوصل كم ألف آجورج .. أكان وريتو بي الجواب ؟؟

جورج:-


إثنين وثلاثين الف ريال

العوض:-
أقولك شي آآآجورج .. قول لو العوض نايم
[size=21]قالوا ابوداؤود كان شغال حفلة
وبعد ما غني الفاصل الاول الجماعة نادوه للعشا فعلي حسب عادته

قال عاوز يتعشي مع الجمهور
قام قعد في طربيزة ومعاه مجموعة
جات الصينية الاولي عاين فيها لقاها فقهة (رقبة)..

عاين للصينية التانية برضو لقي الضلع فقهة
(الجماعة كانوا ضابحين خرفان كمية)التالتة برضو كدا
قام نادي العريس وقال ليهو اسمع يا خوي انتو ضابحين زرافة ولا شنو؟؟


.................................................. ....................


[center]ابوداؤد كان بغنى فى حفلة والصف الاول كان
كلو جكس حجم عائلى كل واحدة اسمن من التانية
وبعد الاغنية الاولى قام الجماعة كوركو ليهو بالله يا استاز فريع البان ...

قام عاين ليهم وعاين للصف الاول...
وقال ليهم فريع البان كيف مع شجر التبلدى بتاعكم دة

.................................................. ....



فى واحد مشى يقلع ضرسو فى مصر
الدكاترة قالوا ليه يا زول ما عندكم دكاترة اسنان فى السودان
السودانى قال ليه فى دكاترة
بس الحكومة مانعانا نفتح خشمنا


.................................................. .........................

عوض دكام قال جاتو واحدة جميلة جميلة جميلة
قدر ما فتشها لا سوسة ولا صفار ولا الم ولا التهاب لثة
قال ليها انتى ما عندك حاجة مشكلتك شنو؟؟؟
قالت ليه عارفة بس جيتك تعمل لى فلجة

.................................................. .....................


عوض دكام قبضوه ناس الدورية وما بيعرفوه
يا زول شايل شنو فى الضهرية؟؟؟
قال ليهم جنا حرام
يا زول نحن ما بنهظر
فتحو الضهرية لقو بيض
قالوا ليه انت بتلعب علينا؟؟؟
شايل جن جداد تقول جنى حرام
قال ليهم وده ما جنى حرام
شفتو ليكم ديك عقد ليه على جدادة؟؟


.................................................. .................................................. ..

قاليك ابو داود كان بغنى فى عرس والحفلة اشتغلت لحدى الصباح،

ولغاية الوقت ده العروس والعريس ما جو، ولا شاف ليهو عروس ولا عريس لحدى ما الحفلة انتهت، بعد ما الحفلة انتهت قام قال للجماعة فى الميكرفون
انتى يا اخوانا عرسكم ده خبر ولا شنو

.................................................. ..........

قال ليك عوض دكام كان فى فراش بكا
وكان يوم رفع الفراش وعوض دكام مشى عشان يدفع فى الكشف
واحد من اصحابو قال ليهو انت يا عوض مفروض تدفع بالدولار
عوض دكام قال ليهو لية فارشين فى السوق الحر


.................................................. .....................

في عيادته في بحري وهو يعالج احد المرضى
..وعنده تلفزيون في داخل العيادة وبدأت مباراة هلال مريخ
..ومعروف عنه انه لازم يحضرها في الاستاد
...خرج الى الصالة ووجد مجموعة كبيرة من المراجعين والمرضى
...واتلفت الى التلفزيون ورأى ان المباراة ستبدأ ...فالتفت الى المرضى قائلا
انتو عاوزين الجد ولا ابن عمو؟
انا من ما فتحت العيادة دي ما شفت واحد كتلو ضرس .
امشو وتعالو بكره وما في زول بيكتلو ضرس


............................................................................ ...........

في واحد مجنن أبو داؤود كل ما يشوفو في حفلة أو قعدة
يقول ليهو يا أبو داؤود عليك الله زهرة الروض .. الأغنية دي بترجعني
!!! عشرين سنة لي ورا
أبو داؤود زهج من الزول ده يوم قال ليهو ياخي زهجتني ، أسمع إنت عمرك كم سنة ؟؟
أخونا قال أربعين سنة .
أبوداؤود قال ليهو خلاص أنا بغنيها ليك مرتين !!! عشان ترجع في بطن أمك ونرتاح منك ياخي


.................................................. .......................

أبو داؤود كان سايق عربيتو أشرت ليهو واحدة
متحنكشة دايرة تملح وقف ليها وقام شغل شريط خاص بيهو أغنية نعيم
الدنيا وهي طبعاً ما عارفة انها راكبة مع أبو داؤود في نص الأغنية سألها
بتعرفي الفنان دا قالت ليهو فنان شنو دا حمار قال ليها قلت شنو قالت
ليهو قلت ليك دا ما فنان دا عبارة عن حمار ياي ... أبو داؤود وقف العربية
ونزل مشى على الباب الراكبة جنبو فتحو وقل ليها تنزلي والا أرفسك .
[/size]
الرجوع الى أعلى الصفحة اذهب الى الأسفل
نضارعبدالكريم العمده
 
 


عدد المساهمات: 1064
تاريخ التسجيل: 01/09/2010

مُساهمةموضوع: رد: فرفش وأضحك   السبت 06 أغسطس 2011, 11:22 pm

Laught_2 Laught_2 Laught_2 فى واحد مشى يقلع ضرسو فى مصر
الدكاترة قالوا ليه يا زول ما عندكم دكاترة اسنان فى السودان
السودانى قال ليه فى دكاترة
بس الحكومة مانعانا نفتح خشمنا
لكن ما صعبتها يا ابو عفان
الرجوع الى أعلى الصفحة اذهب الى الأسفل
عثمان المحسي
 
 


عدد المساهمات: 237
تاريخ التسجيل: 02/07/2010

مُساهمةموضوع: رد: فرفش وأضحك   الثلاثاء 09 أغسطس 2011, 2:09 pm

خبريني يا سكينة
وخبريني يا سكينة ..!!
وانا الرومانسي في هذي المدينة
مالى ارى بالصد قلبي تلبَِعين
كوني حنينة يا سكينة مرة
خليني انداح ليك باشعاري الرزينة
اوهكذا فيمن هواك مُكسراً


**************

تنفيه ثم تشوكشين؟
لا يا سكينة
رفقاً باحساسي الدفين
انا قد هجرت الحب زمناً غابراً
واتيت الآن نحوك استكين
قصدت وجهك حيث طعم الفخفخينا
يا جارة مصقولة الاشتات بيض
وشفايف مرسومة بالمسطرينة
فلتمنحيني بالمسارقة نظرة
ودعى التكشر نحو نظراتي الحزينة
ما زال راسي كله متورم
من اثر شاكوش بازمان لعينة
والآن مطرقة بايدك تحملين
لكنني سندانة لن تنزوي
راسي سيقوى كلما تتشرسين
فالحب داء يا سكينة فاعلمي
عبثاً نحاول درأه بالبنسلين
هيهات بالدكتور يشفى عاشق
او بالتمرجي او حبوب كلوركين
كوني دوائي يا سكينة وافقى
لا تسمعي العزال وقول الحافدين
كوني علاجي يا سكينة ترفقي
بكديسة الشعر التي غابت سنينا
عودي الي لكي تعود كديستي
فكديستي اصلاً متيمة بكي
أو فاسالى عنها لكي تتأكدين
يخبرك من شهد القوافي انها
كنزار قباني الذي لو تذكرين
ذَرف الحروف مكسراً ومدمِّعاً
في عشق بلقيس الجميلة والحنينة
يا شهرزادي في المدينة كلها
قد كنت قبلك معضلاً وسمينا
فأنا الآن اراني واهن
وسعت بناطليني قميصي والفلينة
امضى نهارى عابساً ومزهللاً
عيناي احمرت وليتك تعلمين
بوحي الى ايا سكينة بهمسة
من صوتك الشادي كعزف المندلين
او يا سكينة بكرة بمشى وبنتحر
وتبوري انتى تقولي يا ريت لو رضينا

سكير لاقي ست العرقي في الحج
حلفها قدام الكعبة
تاني ما تزيدو موية
***********
واحد عندو حب استطلاع قالو ليهو لو بطلتا حب الاستطلاع نديك نص مليون ..قال ليهم والنص التاني حتدوهو لمنو
************
سواق حافله مسطول الكمساري قال ليه: اللستك نزل.. قال ليهو: ما تشيل منو
************
مسطول دخل عنبر في المستشفي لقى واحد مركبين ليه درب و التاني عنده شلل رعاش
قالليهم ده مستشفي شنو دي واحد خاتينو في الشاحن و التاني على الهزاز


وتحياتي
الرجوع الى أعلى الصفحة اذهب الى الأسفل
عثمان المحسي
 
 


عدد المساهمات: 237
تاريخ التسجيل: 02/07/2010

مُساهمةموضوع: رد: فرفش وأضحك   السبت 27 أغسطس 2011, 12:03 pm

مقارنة بين الجوال والمرأة
الأثنين يوجعان الرأس
موديلا تهم كثيرة ومغرية
فواتيرهم عديدة ومغرية
دائما يرنون بصوت مرتفع
ميزتهم الكلام ونقل الأخبار
الجيل الجديد اجمل بس اغلى
ذاكرة الإثنان قوية جدا
الإثنين ما تستغني عنهم
الإثنين لازقين فيك وين مارحت
- الجوال فيه ميزة يتفوق بها على المرأة هي انك تقدر تخليو على الصامت او تطفيو و المر اة لا


وتحياتي .. وعيد سعيد
الرجوع الى أعلى الصفحة اذهب الى الأسفل
عثمان المحسي
 
 


عدد المساهمات: 237
تاريخ التسجيل: 02/07/2010

مُساهمةموضوع: رد: فرفش وأضحك   السبت 27 أغسطس 2011, 12:11 pm

أضـــــــــــحــــــــك مع الشواااايــــــــقـــــة

طبعاً يا جماااااعة ده ضحك سااااااااااااااااكـــــــــــت وما مقصود بيهو جد طبعاً .
عشان ما ندخل في باب الاية الكريمة يا أيها الزين أمنوا لا يسخر قوم من قوم ...... )
ولكن من باب المداعبة ليس إلا .
كما إننا في مجتمعنا السوداني صرنا نعرف بعض القبائل بصفات اقرب للصفات التراجيدية وليس للصفات الحقيقة بمعناها الدقيق .
ولذا من هذا المنطلق تعالوا ندلف إلى هذه الساحة وطبعاً هم ظريفين (عارفين نفسهم) ماتزعلو مني
***********************
ادروب سألو تمش الجنة والا النار قال ليهم الشوايقة ماشين وين ؟؟ قالو ليهو ماشين النار قال خلاس بامش معاهم النار يا ادروب الكلام ده كيييف بس؟؟ قال ليهم: الشوايقة ديل ما بمشو حتة الا يكون فيها كّدة ولا منفعة


***********************
شايقي لقو بدق في اولاده الاتنين - سالو مااالك - قال لقيتهم فاتحين المروحة في تلاتة وهم كلهم اتنين بسسس


****************
شايقي دخل مع ابليس في جمعية . . . شال الصرفة الاولى وقال بسم الله
*******************************
شايقية عجوز في محو الأمية.... سألتها المدرسة: قولي لي جملة فيها إدغام بغنة ؟
قالت ليها : عمن يعميك


*************************************
شايقي قال لابوه : ابوي عايز اكمل دراستي بره . . ابوه قال ليهو مافي مشكلة خلي امك تفرش ليك السرير في الحوش بس اوعى البرد ما يطقك


*******************************
واحد شايقي جاتو ليلة القدر قالو ليه اي حاجة دايرة بتتحقق ليك بشرط انه الجعلي جارك تتحقق ليه نفس الحاجة مرتين
قال ليهم قدو لي عيني


*********************************
قالو ليكم شايقي قاعد قدام قبر ويبكي بكاء شديد
الجماعة شافو ليك وقالو الشايقي ده مجنون ، ما عارف القبر ده حق الجعلي .. قامو قالو ليهو هاااااااااااا زول نعل ما في عوجة انت ما عارف القبر ده قبر الجعلي
قال ليهم :آي بالحيل عارفوا قبر الجعلي ... لكن أنتوا ما سمعتوا البكاء بعذب الميت ... عشان كده أنا ببكي عشان الجعلي أتعذب أكثر وأكثر


************************
كان في شايقي راكب في مركب في النيل ومعاهو ابوهو وامو وناس تانيين غيرم وما كان في زول بيعرف يعوم غير الشايقي دا اها قامت المركب غرقت في نص البحر والشايقي ما عندو طريقة يمرق معاهو غير زول واحد بس اها قام الشايقي مرق معاهو واحد غير ابوهو وامو لما جا مارق في القيف الناس سالوهو انت كيف تخلي ابوك وامك وتمرق الزول الغريب ؟؟ رد عليهم: نان ماني طالبو!!!


************************
شايقي لقوه بمسح صدره بي ورقة فئة 5جنيه سألوه ليه قال ليهم الدكتور قال لي اشتري زيت سمسم اشربه واتمسح بالباقي


************************
شايقي نذر لو جاله ولد يصوم خمسة ايام شكر لله ، بعد ايام الولد مات ، صاحبنا راح خاصمهم من رمضان


************************
تمساح خاتي ليهو كوم ليمون جنبه يقشر ويأكل . . . جاء تمساح سأله مالك يا تماسيحو ان شاء الله خير . . قال ليهو والله اتغديت لي بي شايقي عامل لي طُمام . . . قال ليهو اجيب ليك دواء استفراغ . . قال ليهو المشكلة لا معدتي دايرة تهضمه لا الدنيا راضية ارجعه ليها تاني


*******************************
شايقي داير ينزل نعي في الجريدة .. كتب :
الشايقي ينعي ابوه ... ويوجد تمر للبيع


***********************
واحد شايقي ابوه مات قالو ليه.....ادي الشيخ الغسل ابوك 10 الف قال ليهم ....ليه هو غسل Bmw
***********************
عسكري شايقي لقي جعلي مقتول ما عرف القتله منوسجل القضيه علي فاعل خير


**********************
قالو ليك فى شايقى مشى دار الايتام شغل ليهم اغنية بابا فين


**********************
امام شايقي في الركعة الاخيرة سمع واحد جاي يحصل الركعة ، سلم واقف
***********************
شايق مشى يسجل ولده في المدرسة قالوا ليهو : المدرسة بي خمسمائة الف والبص بثلاثين الف ، قال ليهم خلاص سجلوهو لي في البص
***********************
شايقي كتب في وصيتو ادفنوني جنب الجعلي . لمن سالوه ليه قلت كدا ؟ قال عشان يوم القيامة الجعلي بيقول حرَم الحساب علي


***********************
شايقية فتحت جواز راجلها لقت مكتوب مهنته رجل اعمال ، قامت مسحت اعمال وكتبت عوضية


***********************


داير تعذب شايقى قطع قروش قدامو


**********************


شايقي دخل الجنه وفجاه اختفي ...!
لما فتشوه لقوه بكب في بنزين لي ناس النار


***********************
شـايـقى واقـــف في بص شـاف بنت قـاعـــدة قـام عاين ليها .
عــاينت ليه أبتـــسم ليها أبتســمت ليه غمـــز ليها . غمــزت ليه.
أشـــــر ليها علي المحطة نزلت . . . قعـد محلــــــــــــــها !!!


***********************
فى اتنين شـــايقى وجعــلى حكمــوهــــم بالأعـــــدام . بعــين يـوم الأعــــــدام سالوهم آخر أمنية ليكم قبال ما نعدمكم ؟؟؟ شنو .
الشايقى حنين نط قدام الجعلى قاليهم انا عاوز أشـــوف أمى .
وأنت يا الجعلى داير شنو ؟؟
قاليهم الشــايقى دا ما يشوف أمــــو


***********************


شايقي قالو ليهو ناس البلد رسل لينا التبرع بتاعك عاوزين نعمل حوش للمقابر قال ليهم تبرع شنو عمركم شوفتو ليكم ميت شرد ؟


***********************
شايقي الحريقه قامت فى بيتو عمل مس كول للمطافى


***********************
سته شوايقة غاطسين فى البحر قالو البطلع أول على سطح المويه الغداء عليهو وحاتكم لى يومى ويومكم ده ماطلعو


*******************************
إتنين شوايقه زهجانين من نسوانُن
واحِد قال للتاني:نِحنا لمن نموت
ونتزوج الحور العِين نِسوانا ديل بودُوهُم وِين؟
التاني قال ليهُو بعزِبو بيهُم الكُفار
**********************
شايقي دخل البيت زعلان شديد .. مَرَتُو سألتو مالك يا راجِل
قال ليها تخيلي الصيدليه عامله تخفيض كبير في الدواء
وما عندنا زول عيان
**********************
قالو واحد شايقي لاقا قريبو اسمو محمداحمد ,
قام قاليهو آ موحمداحمد بتفهم في الكهربى شى ,
قالو اي بفهم , قام قاليهو كان كدي تعال علينا صلحلنا
جرس الباب الليلنا باقي عطلان, قالو سمح بجي.
اها صاحبنا ما جا قام لاقاهو بعد تلاته يوم قالو
محومد احمد مالك ما جيتنا فشان تصلح الجرس,
قام محمداحمد قليهو والله جيت تلاته مرات دقيتلكن
الجرس مافي زول فتحلى .

الرجوع الى أعلى الصفحة اذهب الى الأسفل
عثمان المحسي
 
 


عدد المساهمات: 237
تاريخ التسجيل: 02/07/2010

مُساهمةموضوع: رد: فرفش وأضحك   الخميس 03 نوفمبر 2011, 12:34 pm

حلفاويين بيجمعوا في تبرعات لبناء مسجد بالحي
قيمة التبرعات :علي الكل من 2 مليون الي 10 مليون
في واحد خواجة كان عندوا بار في العهد البائد وقفلوا ليه الاسلاميين
تبرع الخواجة للمسجد بـ 50 مليون مرة واحد ، قام الامام الحلفاوي قال الخواجة ده
قروشه أصلها حرام وما يصلح لبناء المسجد وفلوسه نجس .
قام الماموم الحلفاوي رد : يا شيخ مهمد أهمد .. انت مجنون نرجع 50 مليون !!!
مش ده قروش نجس ؟؟؟ نبني بيها الحمامات ( للمسجد طبعا ) ... نكتة خاصة عيدية حلفاوية لأخي الأمين
وكل عام والجميع بخير
الرجوع الى أعلى الصفحة اذهب الى الأسفل
عثمان المحسي
 
 


عدد المساهمات: 237
تاريخ التسجيل: 02/07/2010

مُساهمةموضوع: رد: فرفش وأضحك   الأحد 13 نوفمبر 2011, 7:40 pm

واحد ماشي صلاة الجمعة ... لقى الناس طالعين من الجامع ساْل ليهو رباطابي: الصلاة انتهت ؟
الرباطابي قال ليهو: لا .. رجعونا نجيب السبح

... ------------------------------------------------

ﺭﺑﺎﻃﺎﺑﻲ ﺭﺍﻛﺐ ﺍﻟﻄيارﻩ ،،،،،،، ﺑﺮﺩ ﺷﺪﻳﺪ ﻣﻦ ﺍﻟﻤﻜﻴﻒ،،،،،، ﻗﺎﻝ ﻟﻠﻤﻀﻴﻔﻪ يا ﺑﺘﻲ ﺟﻴﺒﻲ ﻟﻲ ﺑﻄﺎﻧﻴﺔ،،،، المضيفه ﺩﺍﻳﺮﻩ ﺘﻈﺎﺭﻑ ﻗﺎﻟﺖ ﻟﻲ يا ﻋﻤﻮ ﺑﺮﺩﺍﻥ؟؟؟ _ ﻗﺎﻝ ﻟﻴﻬﺎ ............... ﻻﻻ ﺩﺍﻳﺮ ﺃﻛﻮﻱ

-----------------------------------------------

واحده قالت لزوجها امشي جيب لينا خروف نحتفل بزواجنا بعد مرور خمسه و عشرين سنه ! قاليها الخروق ذنبو شنو يدفع ثمن غلطه ارتكبتها قبل خمسه و عشرين سنه ..؟

مسطول عضتو نملة مشت وجات بعد مسافة عضتو تاني في نفس الحتة، قال ليها ما متأكدة ولا شنو


ﻣﺴﻄﻮﻝﺷﻐﺎﻝ ﻓﻲ ﺷﺮﻛﺔ ﺩﺍﻳﺮ ﻳﺘﺼﻞ ﻋﻠﻰ ﺍﻟﺒﻮﻓﻴﻪ ﺇﺗﺼﻞ ﻋﻠﻲ ﺍﻟﻤﺪﻳﺮ ﺑﺎﻟﻐﻠﻂ ﻭﻗﺎﻝ ﻟﻴﻮ ﺟﻴﺐ ﺍﻟﺸﺎﻱ ﺑﻲﺳﺮﻋﺔ ﻟﻮﻣﺎ ﺃﺳﺮﻋﺘﻪ ﺑﺸﻮﺗكـ ﻣﻦ ﺍﻟﺸﺮﻛﺔ ﺩﻱ .. ﺍﻟﻤﺪﻳﺮﻗﺎﻝ ﻟﻲ ﺇﻧﺖ ﻋﺎﺭﻑ ﺑﺘﺘﻜﻠﻢﻣﻊ ﻣﻨﻮ؟.. ﺍﻟﻤﺴﻄﻮﻝ: ﻻﻻ
ﻗﺎﻟﻴﻮ ﺍﻧﺎ ﺍﻟﻤﺪﻳﺮ ......ﺍﻟﻤسطﻮﻝ ﻗﺎﻟﻴﻮ ﺧﻼﺹ ﺇﻧﺖﻋﺎﺭﻑ ﺑﺘﺘﻜﻠﻢ ﻣﻊ ﻣﻨﻮ ؟.. ﺍﻟﻤﺪﻳﺮﻗﺎﻝ ﻟﻴﻮ ﻻﻻ ﺍﻟﻤﺴﻄﻮﻝ ﻗﺎﻟﻴﻮ ﺍﻟﺤﻤﺪﻟﻠﻪ ﻭﻗﻔﻞﺍﻟﺨﻂ
الرجوع الى أعلى الصفحة اذهب الى الأسفل
عثمان المحسي
 
 


عدد المساهمات: 237
تاريخ التسجيل: 02/07/2010

مُساهمةموضوع: رد: فرفش وأضحك   الأحد 29 يناير 2012, 8:46 am

وزیر سودانی بیسأل وزیر امریکی انتو بتسرقو الشعب کیف ؟ الأمریکی قال لیهو شایف المشروع ده قال ایوه قال لیهو تکلفتو ملیار ونحن قنا ملیار ونص . وانتو بتسرقو الشعب کیف السودانی قال لیهو شایف المشروع ده الامریکی قال لا السودانی قال علیییک نوووووور المشروع تکلفتو ٧ملیار ههههههههههههههه وعاش الشعب السودانی

*************************************************
مسطول سال لبنانيه:شو اسمك؟ قالتليهو :- مدموزيل هدى قال ليها: يعنى شو مدموزيل؟ قالت ليهو: يعنى بعدى انسه مو متزوجى وان شو اسمك...؟ . . . . . . .قال ليها:- مدموزيل ناصر,,,,,,,,,,
الرجوع الى أعلى الصفحة اذهب الى الأسفل
عثمان المحسي
 
 


عدد المساهمات: 237
تاريخ التسجيل: 02/07/2010

مُساهمةموضوع: رد: فرفش وأضحك   الإثنين 05 مارس 2012, 9:13 am

حلاقة مجانية :
قال الرجل للحلاق مشيراً الي ولد صغير معه :
والآن ارجو أن تقص شعر الولد بسرعة فأنا مرتبط بعمل .
الحلاق : خمس دقائق ، وسيكون الصغير جاهز اً .
الرجل : اذا سأعود اليك بعد خمس دقائق تماما .
وانتهي الحلاق من مهمته في الموعد المحدد ، وقال للطفل :
الآن أجلس علي الكرسي حتي يعود والدك .
الطفل : ولكنه ليس والدي .
الحلاق : كيف ؟؟ أذن هو خالك أو عمك ؟؟؟
الطفل : أبدا لقد قابلني في الطريق ، واشمأز من طول شعري
فقال لي : تعال يا بني فاني سوف أقص شعرك الطويل هذا .. مجانا
الرجوع الى أعلى الصفحة اذهب الى الأسفل
ماهر عابدين دياب
 
 


الموقع: لندن
عدد المساهمات: 2904
تاريخ التسجيل: 02/05/2010

مُساهمةموضوع: رد: فرفش وأضحك   الإثنين 05 مارس 2012, 2:11 pm

بمناسبة الحلفاوية ياعثمان هاك ده:
حلفاوي راتبه ثلثمية جنيه وبيفتش علي بيت ايجار ليه ولي عياله فلم يجد, لان كل الاسعار اكثر من راتبه حتي يئس. اخبره احد معارفه بوجود بيت مناسب , فجري بينهما الحوار التالي:
مهمد ساله: بي كم زفت التين ده؟
صاحبه: بي خمسين جنيه
مهمد سله: مش معقول: اكيد فيه مشكله
صاحبه: كمان خمسه غرف
مهمد ساله: اكيد في المودوع انه
صاحبه: وبيت ناصية
مهمد ساله: لازم البيت ده فيهو مشكله كبيره

صاحبه: الكهرباء والمويه مجانا
مهمد ساله: اكيد فيهو مشكله
صاحبه: البيت كمان فاتح علي الجامع
مهمد ساله: اها مش قلتيلك فيهو مشكله
الرجوع الى أعلى الصفحة اذهب الى الأسفل
عثمان المحسي
 
 


عدد المساهمات: 237
تاريخ التسجيل: 02/07/2010

مُساهمةموضوع: رد: فرفش وأضحك   الإثنين 05 مارس 2012, 7:22 pm

جزاك الله خير أخي ماهر .. والتحية لك
والله انا شايف انتو ظالمين الحلفاويين دُول شديد .. دول غلابة ومليانين فل ايمان
والله .. المهم ان شاء الله سوف اوافيك بنكات حلفاوية حلوة .. وعد
الرجوع الى أعلى الصفحة اذهب الى الأسفل
عثمان المحسي
 
 


عدد المساهمات: 237
تاريخ التسجيل: 02/07/2010

مُساهمةموضوع: رد: فرفش وأضحك   الأربعاء 14 مارس 2012, 10:05 am

مش بيقولا : شحّاد وقليل أدب


واحد كل يوم بشوف شحاد جنب بيته وبيعطيه 10 ريال

وظل الرجل على هذا الحال لمدة عام كامل

وفي يوم قام الرجل واعطى الشحاد 7 ريال

فاستغرب الشحاد وقال يلا 7 ريال احسن من بلاش !

وبعد شهر صار يعطي الرجل الشحاد 5 ريال فقط

ايضا استغرب الشحاد وما قدر يمسك نفسه وسأل الرجل وقاله انه قعد لمدة سنة كاملة يعطيه 10 ريال

وبعدين نقصت وصارت 7 ريال

والآن 5 ريال

ليه ؟!!

فقال الرجل : في الأول كانوا أولادي صغار وكان الحال ميسور

والآن بنتي الكبيرة دخلت الجامعة ومصاريف الجامعة كثيرة وما أقدر عليها

وبعد سنة دخل ولدي الثاني الجامعة وطبعا زادت المصاريف

فسأله الشحاد : وكم عدد اولادك كلهم؟

قال الرجل : أربعة

قال الشحاد : وان شاء الله ناوي تدرسهم الأربعةعلى حسابي؟؟؟؟؟؟؟؟؟؟؟؟؟؟؟؟؟

(( منقول ))
الرجوع الى أعلى الصفحة اذهب الى الأسفل
عائشة
 
 


عدد المساهمات: 2
تاريخ التسجيل: 28/02/2012

مُساهمةموضوع: رد: فرفش وأضحك   الأربعاء 14 مارس 2012, 6:26 pm

Laught_1 thanx
الرجوع الى أعلى الصفحة اذهب الى الأسفل
عثمان المحسي
 
 


عدد المساهمات: 237
تاريخ التسجيل: 02/07/2010

مُساهمةموضوع: رد: فرفش وأضحك   الأربعاء 14 مارس 2012, 6:49 pm

والله يا شوشة يا محسية ذي ما بينادون بيها الدناقلة ما شاء الله بقينا كتيرين وسط الدناقلة
.. كيفك والوالد عابدين شلبي والوالدة .. والله مشتاقين ليهم .. انا يا عزيزتي الصغيرة بمثابة عمك وخالك كمان .. بس أسالي انت بابا وماما وتفاصيل العلاقة عندهم .. وسعيد بانضمامك الينا .. والشكر علي مرورك والدعاء
الرجوع الى أعلى الصفحة اذهب الى الأسفل
 

فرفش وأضحك

استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شبكة مراغه الأصاله والتاريخ :: -