إعدام الأمل

موضوع: إعدام الأمل السبت 06 أغسطس 2011, 2:04 am

"سلطات الجمارك السودانية تمنع سفينة نفط محملة بستمئة الف برميل من مغادرة ميناء بشائر...
واوضحت سلطات الجمارك السودانية لحكومة جمهورية الجنوب انها منعت السفينة من المغادرة نسبة لعدم سداد الرسوم الجمركية..
واردفت.. عندما كان السودان دولة واحدة كانت حكومة الشمال تدفع الرسوم الجمركية لسلطات الجمارك اما الآن بما انكم دولة قائمة بذاتها فعليكم سداد الرسوم المفروضة للسماح لدولة اجنبية بألتصدير من ميناء بشائر السوداني "

هل هذا تصرف حكيم من حكومة الشمال ؟
ألايعنى هذا قطع جميع حبال الود التى يمكن فى يوم من الايام أن تعيد للسودان وحدته؟

موضوع: رد: إعدام الأمل السبت 06 أغسطس 2011, 5:18 pm

وحدة شنو يا عشماااااااان انت ..

ده التصرف الصح .. هم الاختاروا كده

يتحملوا تبعات ... نتائجهم

خيرناهم .. يصوتوا بنسبة 99%

النسبة بتعبر عن (الحب الشديد) البيكنو لينا يا ريس

حب شديد .. حب شديد

موضوع: رد: إعدام الأمل السبت 06 أغسطس 2011, 5:34 pm

محمد جعفر كتب:

وحدة شنو يا عشماااااااان انت ..

مساء الخير عزيزى محمد
أكذب لو قلت لك أنى لازلت غير مصدق ان بلادنا قد قسمت
وأكذب أكثر لو قلت لك بأننى لست عشماااااااااااااااااان إنو نرجع نتحد ثانى
والأمثلة كثيرة فى العالم على دول إنفصلت ثم عادت وإتحدت اليمن على سبيل المثال وليس الحصر
ولكن مافعلته الحكومة بهذا التصرف هو قطع أى طريق عودة لسودان موحد
إذا كانو قد إعتبروه عبئا عليهم لأنهم يودن الإستفراد بموارد البلاد ووضعها فى حساباتهم البنكية دون مراعاة لمعاناة الشعب فهذا شأنهم
ولكن شأنى أنا ومايعنينى هو عودة وطنى مليون ميل مربع كما كان .
كما ان مثل هذه التصرفات تشجع باقى المناطق التى تحاول الإنفصال على المضى قدما فى محاولاتها وبهذا نحن ندعو لمزيد من التقسيم وليس مزيدا من الوحدة
تحياتى ودمت سالما

موضوع: رد: إعدام الأمل السبت 06 أغسطس 2011, 7:06 pm

مليون ميل مربع .. ايه

انت عندك حب امتلاك .. ولا شنو

ال7وحاجة هكتار الفضلوا ديل لو استغليتهم صح .. ما في قوة بتقيف قدامك

خلاص ال300الف ديك هتسبب لينا كبوة ؟

يا ريس قول كلام تاني ..

ما فاضين ليهم ... ولا محتاجين ليهم !!

موضوع: رد: إعدام الأمل السبت 06 أغسطس 2011, 7:08 pm

الجزء الانفصل ده يا ريس ..

هو سبب تأخرنا ...

الحمد لله اتخلصنا منه

كده يادوب هننطلق !!!

موضوع: رد: إعدام الأمل السبت 06 أغسطس 2011, 7:34 pm

محمد جعفر كتب:

الجزء الانفصل ده يا ريس ..هو سبب تأخرنا ...

مساء الخير من جديد العزيز المشاكس محمد
أين كان هذا مثل هذا التفكير حين كان شبابنا وشبابهم يموتون فى الحروب ؟
أين كان مثل هذا التفكير السلبى والرجعى حين كان بلادنا ولازالت تردح تحت ضنك العيش والجوع؟
لماذا الأن أصبح عبئا؟
عزيزى هم لم ولن يكنو عبئا ولو حسبناها بهذه النظرة غدا ستكون دارفور عبئا وسيفصلونها وبعد غد مراغه وسيفصلونها وبنفس الأسباب الواهية.
هذا هروب من المواجهة وتبرير لفشلهم فى معالجة القضية بالطرق السليمة والسلمية

موضوع: رد: إعدام الأمل الأحد 07 أغسطس 2011, 3:21 am

أولاً براحة ...
(سلبي , رجعي

يا ريس ما تبقي الجهة الماعاوز تذكر اسمها ورامز ليها (هم).. شماعة تعلق فيها

عندك (الغلطة الكبيرة) وعندنا (الحسنة الكبيرة) ديل ما عندهم ذنب

الانفصال من بدري .. انت قايل المشكلة وليدة ليها 10 أو 20 سنة

من زمن الازهري .. وجا عبود خرب(هو السبب الحقيقي في الانفصال) .. وهلما جرا

كل الحكومات المتعاقبة في السودان .. ليها جزء في هذا القرار

ودارفور ما عبء يا سيد .. دارفور أبناءنا بيقتلوا في بعض

ودارفور منطقة .. معروفة صعبة جغرافياً

ما بتقدر تسيطر عليها لطبيعتها .. بالتالي أي حركة للتمرد في دارفور بتنجح !!

يحتموا وراء جبل جوا كهف .. هتلقاهم وين !!

لكن بالحل السلمي هتهدأ .. بإذن الله

عدد المساهمات : 43 تاريخ التسجيل : 25/05/2011

الاخ منير تصرف الجمارك ايجابي وينصب في المصلحه العامه لان التجربه اثبتت ان كثرة التسامح فسرها هؤلاء بالضعف وانا اؤيد الاخ محمد جعفر لانه واقعي وحقو ننسي كلمة الوحه مع الجنوب ونركز في استغلال مواردنا المتاحه ونسخرها للمصلحه العامه والسودان زاخر بالكثير نسال الله ان يحفظ بلادنا من الفتن ما ظهر منها ومابطن وان يوحد كلمة المسلمين....قولو امين

الأخوه والأخوات الأفاضل صباح الخير عليكم جميعا
توضيحا لمقاصدى التى حاولت بقدر الإمكان فيها الإبتعاد عن الجهوية والتحيز التركيز على الصورة الكامله وليس جزء منها سأترككم مع هذه المقاطع علها توصل لكم ماحدث ومايحدث وماسيحدث .

تقبلو مرورى ودمتم بود.