شبكة مراغه الأصاله والتاريخ



 
الرئيسيةالموقع الرئيسى للشبكةصفحتنا على الفيس بوكالصفحه الرئيسيهالصحف السودانيهالمصحف الشريفالتسجيلدخول

إدارة شبكة ومنتديات مراغه : ترحب بكل أعضائها الجدد وتتمنى لهم أسعد الأوقات بيننا شرفتونا بإنضمامكم لنا ونتمنى مشاهدة نشاطكم ومساهماتكم التي سوف تكون محل تقديرنا واهتمامنا أهلا وسهلا وحبابكم عشرة بين اخوانكم وأخواتكم

شبكة مراغه الأصاله والتاريخ نحو سعيها للتواصل مع أعضائها الكرام فى كل مكان وزمان تقدم لكم تطبيق شبكة مراغه للهواتف الذكيه فقط قم بالضغط على الرابط وسيتم تنزيل التطبيق على جهازك وبعد ذلك قم بتثبيته لتكون فى تواصل مستمر ومباشر مع إخوانك وأخواتك على شبكتنا.

شاطر | 
 

 الاداره سلااااااامات

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عبدالرحمن نصرالدين
 
 
avatar

عدد المساهمات : 1940
تاريخ التسجيل : 20/06/2010

مُساهمةموضوع: الاداره سلااااااامات   الأحد 29 يناير 2012, 6:16 am

الاخوة الاعزاء الادارة موجودة على مدار الساعة
ولم تنم عينها مهما يكن

ومستعده لكل اجراء بهذا الشبكة

لخدمة الاهل و الاعضاء الكرام

الاخ شهاب جهدك مقدر لوقفتك الجاده في ظل غياب الادارة كامله لكن يجب ان تعلم ان
الـيد الواحــــــــــــــــــــــــــده لاتصــــــــــــــــــفق .... يجب ان نعترف بأن القصور
حاصل واولها الاعضاء فقدت ادب المشاركه لماذا ؟؟؟؟ من كان يظن بأن بعض المؤثرين
سيبتعدواوعندما سألتهم قالوا بالحرف الواحد (المنتدي مازي زمان) اذن مـــــــــــــارايك
بالتأكيد اجابتك ستكون كان يجب عليهم اطلاعنا بما لايعجبهم وبما ان الوجود بالموقع غير
ملزم يمكن ان يغادر اي عضو دون ان يعدد اوجه القصور .. وايضا لماذا غادرت
د نضار ولا احد يستطيع ان ينكر النقله التي احدثتها من حيث الاداره والمساهمات
وجودها اراح الجميع لانها كانت تتحرك يمنة ويسري بالاتصال بالمتابعه بالتنظــــيم
علمت من الاخت وصفيه عيسي بأنها مستاءه من شيء ... بالموقع بالهيئه بالبلد الله
اعلم ؟؟؟؟ اليس قصور ان لايتصل بها احد ؟؟؟ ولارايك ايه ؟؟؟؟؟؟
اما فكرة الاخ منير بعدم السؤال عن العضو المبتعد بعد احترامي له هذه الفكرة عقيمه
لاتزيد المنفر الا نفورا لان الفكره القائمه عليها الموقع هي (ايد علي ايد بالتجديد) الغريب
هذه هي كلماته ولايفوتني ان اذكر لك الاخ شهاب بان تسعين بالمائه من الاعضاء بالبلد
مسجلين لايستطيعون الدخول ومن يقول لك (مين قال ليهم يغيروا حسابي ورقمي السري
وبالامس القرييب شكي لي قدوره الاصلي من الدخول ) اخي شهاب المنتديات شهريا
تتحلي وتتجمل بديكور وتنسيق يعطيه بعدا جماليا يحبب العضو المسجل والغير مسجل
علي الدخول والمشاركه وهذا المنتدي جاسم علي حاله من 1\يناير 2010 وانت لك
منتدي خاص عندما اتصل بي احد الاعضاء لزيارة موقعك وجدته قمه في الجمـــــال
والروعه والتنسيق والالوان الزاهيه (ونأسف لانني لم استأذنك الدخول وكنت متطفلا
لعدة دقائق اخي شهاب السفينه تترنح ويتقاذفها الامواج ان لم تجد من يقودها بسلام
الي بر الامان يعلم الله ما اقصده هو ترتيب البيت الواحد والله من وراء القصد
اخــــــــــــــــيرا اقترح الآتي
1- ان يتم الاتصال بالدكتوره نضار من قبل قائد الركب الاخ بكري جعفر اويضا
بعض الاعضاء المبتعدين امثال مجدي حسن والمبتعدين لشيء في نفوسهم منهم
محمد جعفر وغيرهم
2- ان يتم مشاركة الاعضاء شريف علي وبايعه الكسري بالاداره للمساهمه
والتنظيم

المنتدى ليس بعدد اعضائه ،،
بل بترابط اعضائه كالأسرة الواحده وكما قال رسول الله علية افضل الصلاة والسلام
مثل المؤمنين في توادهم وتعاطفهم مثل الجسد إذا اشتكى منه عضو تداعى له سائر الجسد بالسهر والحمى
ودمتم



عدل سابقا من قبل عبدالرحمن نصرالدين في الأحد 29 يناير 2012, 10:15 am عدل 1 مرات
الرجوع الى أعلى الصفحة اذهب الى الأسفل
بايعة الكسره
 
 
avatar

الموقع : khartoum
عدد المساهمات : 749
تاريخ التسجيل : 16/03/2011

مُساهمةموضوع: رد: الاداره سلااااااامات   الأحد 29 يناير 2012, 6:49 am

تحياتى
صباحك زين الاخ عبدالرحمن
اولا بنشكر الاخ شهاب على مجهودة المقدر
ثانيا والله د.نضار ووصفية انا فتشت ليهم تلفون اوايميل مالقيت علشان اتصل بيهم, لانى اخشي ماخشاه انا يكون لى دخل فى الذعلة دى علشان كده اى زول ممكن يرسل لى رقمهم فى الخاص اوايميلهم اكون شاكرة
الرجوع الى أعلى الصفحة اذهب الى الأسفل
رضوان سعيد
 
 
avatar

عدد المساهمات : 201
تاريخ التسجيل : 11/01/2010

مُساهمةموضوع: رد: الاداره سلااااااامات   الأحد 29 يناير 2012, 12:55 pm

شكراً عبد الرحمن أديتنا الفرصة ..
بكل ما يمكن أن تحمله الكلمات من معنى ..أحي وأشيد وأقدر مجهودات أخونا الرايع شهاب ...وما ظل يبذله من جهدٍ ووقت حتى يظل أبواب هذا المنتدى مشرعة.. فمنذ ان عرفنا المنتدى وشهاب دائماً هو صاحب الحضور المتألق ... الناس تأتي وتذهب والأدارة تتغير ... وشهاب كجبل البركل صامدٌ منذ أزل التاريخ .. وهو يقتطع من وقته الثمين ( وربنا يديهو العافية ما عارف الوقت دا قاعد يلقاهو وين) ليقوم بهذا العمل تطوعاً لوجه الله الكريم فله منا الشكر والتقدير.
في مسألة الناس الزعلانة ... واللسع حيزعلوا .. زعلانين في شنو وزعلانين من منو ... ما نقاش وحوار وأخذ وعطا ... ولو فتحتا باب جودية ألا تنقلو المفاوضات للدوحة.. والمنتدى أحسن من زمان ... والمنتدى بألف خير... بس دي طبيعة الأشياء..مافي حاجة بتمشي بوتيرة واحدة .. ومافي لحن من نغمة واحدة ... والعربية لو سقتها طوالي بي نمرة واحد بتقد المكنة ... ولو سقتها طوالي بي نمرة أربعة يا بتكتل زول ... ولا كتلتا رقبتك.... وكذلك الحياة مرة فرح في القمة ومرة حزن في القاع ... والغالب بين بين. ومنتدانا ما بشذ عن القاعدة ... فترة تلقاهو شعلة نشاط .. وفترات كتيرة بين البين .. وفترة في نوع من الخمود... تلك هي طبيعة الأشياء... ومشكلة عدم الدخول إيميل للوجيه شهاب وياتي الرد قبل أن يرتد إليك بصرك ... (90%) قالوا .. شوفوا عذر غير كدا.
انا شـ(سخصياً) مع الرأي القائل أنو تخلوا الأعضاء على راااااااااحتهم ..نمشي ونجي ... يمشوا ويجوا .... والمنتدى قااااااعد ومراغة وااااارفة (حلاتا حبيبتي)... وشهاب ذي جبل البركل صامدٌ منذ الازل ... والبغيب أسألو منو ... وعن أسباب غيابو..
...
والزعلان كلمو .... الخزان ما بعيد ..(في مروي).
....
واجعني في البحر السكات..
وسكتني في البحر الوجع...
........................................................... تقبل مروري..
الرجوع الى أعلى الصفحة اذهب الى الأسفل
عبدالرحمن نصرالدين
 
 
avatar

عدد المساهمات : 1940
تاريخ التسجيل : 20/06/2010

مُساهمةموضوع: رد: الاداره سلااااااامات   الأحد 29 يناير 2012, 3:10 pm

مرحبا د عايده
سعيك لايجاد اي سبيل للاتصال هو عين الصواب من المفترض ان تسعي الاداره
والاعضاء معها كي لايغيب اي عضو فمابالك ان كان مؤثرا


وسؤال الناس بعضها عن البعض يجلب الموده والترابط بين
الناس والمدير الناجح الذي يدير شركته بكفائة واقتدار هو
ذلك المدير الذي يسأل الموظفين والعمال عن احوالهم ويتفقدهم
وهو ما سعيت له من البوست ...نسأل اسباب الغياب
ونعالج المشاكل لو كانت في محيط استطاعتنا
الرجوع الى أعلى الصفحة اذهب الى الأسفل
عبدالرحمن نصرالدين
 
 
avatar

عدد المساهمات : 1940
تاريخ التسجيل : 20/06/2010

مُساهمةموضوع: رد: الاداره سلااااااامات   الأحد 29 يناير 2012, 3:47 pm

سعادة السفير رضوان
عاطر التحايا من دفء البلد
اديناك الفرصه وماقصرت ولو اني اختلفت معك في بعض ماذهبت اليه

انا (شخصياً) مع الرأي القائل أنو تخلوا الأعضاء على راااااااااحتهم ..نمشي ونجي ... يمشوا ويجوا .... والمنتدى قااااااعد ومراغة وااااارفة (حلاتا حبيبتي)... وشهاب ذي جبل البركل صامدٌ منذ الازل ... والبغيب أسألو منو ... وعن أسباب غيابو..

ماقصدته السؤال عن الغائب واسباب الغياب ..اما موضوع البوست فهي دعوة للجنة الاشراف والاعضاء بالسؤال عن البعض ربما يكون هنالك خلاف شخصي بين اثنين من اعضاء المنتدي
او سوء تفاهم او جفوة لسبب من الاسباب البعيدة عن ما ذكرته انت وهذه الدعوة لإيماني
في شدة تاثير هذا النوع من اساليب الابقاء علي الاعضاء قريبين من المنتدي وحدث ان
تم الاتصال ببعض الاعضاء الغائبين وكانت النتيجه ايجابيه .. الاخ مجدي حسن من
المؤسسين والمؤثرين وغيره محمد جعفر والجعلي وكثيرون يتعللون بالمشغوليات رغم
تقديرنا للظروف الا ان بعض الدقائق كفيله ان يتفقد اي عضو للمنتدي اذن هي دعوه
للتصافي والتسامح والتواصل
مع خالص شكري وتقديري


الرجوع الى أعلى الصفحة اذهب الى الأسفل
رضوان سعيد
 
 
avatar

عدد المساهمات : 201
تاريخ التسجيل : 11/01/2010

مُساهمةموضوع: رد: الاداره سلااااااامات   الأحد 29 يناير 2012, 5:44 pm

تسلم أخي الغالي ... وإختلاف الرأي حق مكفول للجميع.... ومع ذلك تبقى محيطات الود أرحب من جداول الإختلاف.
عارف يا الحبيب .. أهم مشكلة فى المنتدى ... هي عدم تحمل الرأي المغاير ...
يعني زول كتب موضوع ..بيكون عندك خيارين يا ترد وتشكر الموضوع وتمدحوا ... أو تقرأ وتعدي...
ورايك المغاير تحتفظ بيهو لى نفسك... ولو كتبتو في معظم الأحيان قيامتك بتقوم.
عشان كدا أنا بستغرب الزعل دا قاعد يجي من وين ..
والمنتدى من كتر الناس ما طيبة ... وردودهم مهذبة...
قاعدين ندخل بعد ما نوضأ..
وبعد دا قالوا زعلانين...وأنا واجعني الزعل... ومسكتني الوجع.
الرجوع الى أعلى الصفحة اذهب الى الأسفل
abeer
 
 
avatar

عدد المساهمات : 81
تاريخ التسجيل : 12/02/2011

مُساهمةموضوع: رد: الاداره سلااااااامات   الأحد 29 يناير 2012, 5:49 pm

لا تكن كقمة الجبل ...تري الناس صغاراً ويراها الناس صغيرة !

لاتبصق في البئر فقد تشرب منه يوماً *

لا تتخيل كل الناس ملائكة ... فتنهار أحلامك... ولا تجعل ثقتك بالناس عمياء لانك ستبكي ذات يوم على سذاجتك *
الرجوع الى أعلى الصفحة اذهب الى الأسفل
شهاب سعيد
 
 
avatar

الموقع : المملكة العربية السعودية
عدد المساهمات : 755
تاريخ التسجيل : 08/01/2010

مُساهمةموضوع: رد: الاداره سلااااااامات   الأحد 29 يناير 2012, 9:05 pm


الاخ / عبد الرحمن نصر الدين
مساك الله بالخير
أحيك بهذا الموضوع القيم والذي يحمل عنوان الادارة سلااااااااااااااااااامات .
بسم الله نبداء وندخل طوووووووووووووووووالى

نعم اليد الواحــــــــــــــــــــــــــد لا تصــــــــــــــــــــــــفق
· من ناحية التقصير انا اول واحد مقصر بالشبكة ولو بزلت كل جهدي لم اوفي بشي لها اطلاقا .
· أما بالنسبة للمؤثرين وبعدهم عن المنتدي فهذا قصر منهم ولا يمكن أن نجبر احد وناتي به لكي يرد على موضوع فما علينا الا سوا ان نحببهم على الشبكة ومن ثم بعد ذلك الخيار يرجع لهم شخصياً
· الدكتورة / نضار لقد راسلتها اكثر من مره عبر الفيس بوك ولم ترد حتي وصلت بتعليقاتها بالفيس بدل التعليق بالموضوع المكتوب بصفحات الفيس التى تخصها قمت بالسوال عنها ولم تجب وقد ارسلت وصيات كثر عبر شقيقها الأصغر احمد عبد الكريم . ولم ننكر انها بذلت كل جهدها يمينا ويساراً من اجل هذا المنتدي ووفقها الله حيث ما كانت والجميع
· الاخ / منير غيابة باسباب لايمكن ان اطرحها لكم هنا . فنسال الله له التوفيق و السداد .
· الاخوه الاعضاء المسجلين من ابناء البلد وحاليا متواجدون فيها . نحن في انتظار أي من كان منهم فالياتي الينا عبر الاتصال بنا اخر صفحات المنتدي ويطالب باسترجاع بيانته وبعد ذلك سوف نقوم بكل يسر وسهوله باكمال اجراءته واذا قصرنا معه فالياتي ويلمونا كما يشاء .
· اما مثلك الذي ضرب بالاخ قدورة وغيرهم من الذين يعانون من الدخول هنا سوف اقول لك تم حل مشاكلهم والان متواجدين ....هنا السوال يطرح نفسة . هل عند ما ينسي احدهم بياناته اكثر من مئات المرات ماذا نفعل معه ؟
· .اما بخصوص المنتديات التى تتحلى وتتجمل بالديكورات و الاشياء الاخري فاك دلك تمام لم اري في حياتي ان منتدى يغير شكليه كل شهر من ديكورات واشياء اخري اخي عبد الرحمن كل المنتديات التى انت مشارك بها وعينك يري بانها كل شهر تتغير شكلها . اذكر لك شيئين فهم .

اولا : لها استايلين فقط بالوان مختلفة يمكن تغيرها كل يوم او كل ساعة حسب طاقم ادارتها

ثانيا : لها لغتان عربي : Eng

أولا : فهنا اريد ان اوكد لك بان منتديات مراغة الاصالة و التاريخ تلمك أكثر من ( 2,747 ) استايل . بعضهم هياكل والبعض مكتمل يريد عمل بسيط ويركب بالمنتدي .

ثانيأ : لها لغتان عربي Eng

· اما بخصوص المنتدي الخاص بي فهذا من فضل ربي ولله الحمد ولم اعمل به منذ اكثر من سنة وثمانية اشهر . فما علي سوى الدخول و الخروج فقط حتي يكون منتداي منشط بمحركات البحث قوقل .

· اما بخصوص الاتصال بالاشخاص الذي ذكرتهم قمنا بمراسلتهم عبر ايميلاتهم وارسال رسائل عبر المنتدي وكل ما تتحدث مع احد يوعدك بالجيه ولم ياتي فماذا نحن فاعلون نحن .

· اما بخصوص الاخ شريف على والاخت بائعة الكسرة ؟ بمشاركتهم الادارة فانا شخصياً أثني رايك المطروح واتمني ذلك من الله عز وجل من اعماق قلبي ووفى انتظارهم بالتقدم وتقديم ما يطلب منهم .

· المنتدي ليس بعدد اعضائة هل تعرف ان عدد الاعضاء بالمنتدي يزيد من اعتمادات المنتدي كل ما ذاد الاعضاء كل ما ذاد اعتمادات المنتدي واستلمنا تقنيات اكثر .
كن بخير وفى امان الله ورعاية ؟؟


الرجوع الى أعلى الصفحة اذهب الى الأسفل
عبدالرحمن نصرالدين
 
 
avatar

عدد المساهمات : 1940
تاريخ التسجيل : 20/06/2010

مُساهمةموضوع: رد: الاداره سلااااااامات   الإثنين 30 يناير 2012, 2:54 am

سعادة السفير رضوان لك التحية وانت تعطر سماء المنتدي
تجاهد وتقاتل في كل الاتجاهات ولك منا كل تقدير .....
الا انني لست ممن يميلون للخصومة والبعاد عن المنتدي مجرد
ان الناس اهملت احدي مواضيعي فلهم ميولهم ولهم رغباتهم
والمواضيع والمواد التي نتناولها لهي كالطعام كل فرد يشتهي شيء آخر
انا شخصيا لي مواضيع في المنتدي ما وجدت مشاركة وتعليق من اي فرد وما زعلت
لان العيب ربما يكون في موضوعي وربما لا تعجب الناس برغم رؤيتي انها من اجمل المواضيع
فهذا هو اختلاف الراي وكما ذكرت أنت اختلاف الراي لا يفسد للود قضية .. نوافقك الرأي
الزعل والهروب يجب ان لايكون مهما كانت الاسباب ولروعة كلماتك اعلي البوست اسمح
لي اعادتهـــــــــــــــــــــا

واجعني في البحر السكات..
وسكتني في البحر الوجع...
الرجوع الى أعلى الصفحة اذهب الى الأسفل
عبدالرحمن نصرالدين
 
 
avatar

عدد المساهمات : 1940
تاريخ التسجيل : 20/06/2010

مُساهمةموضوع: رد: الاداره سلااااااامات   الإثنين 30 يناير 2012, 3:35 am

تحياتي شهـــــــــــاب
مع نسمه صباحيه معطره برائحة دفء البلد الي ربوع جده علها تصلك وتجدك
والاخ ياسر وعبدالكريم والامين الياس وكل الاحباب حواليك والاسره بالف خير


افضت واستفضت وباين عيك قريت الموضوع جيد ولم تترك شارده ولاوارده الا وذكرتها
نحييك اخي شهاب لااريد ان اطيل بس عايز اقول بأنني غير مسجل في اي من المنتديات
وحتي منتدي مراغه اتيت تحت اصرار الاخ مالك وهو يدعوني يوميا لو تلاحظ كان لي
شرف التسجيل بعد سبعة اشهر من انطلاقة الموقع

بالنسبة للمبتعدين انا غايتو عملت اللي علي وانتم احرار .. منتداك خصوصيات لانتدخل
فيها فقط اعتزرت لاني زرتك ضيف متطفل بس لاتزعل خرجت سريعا وما سرقت شيء
ازوغ شويه من بلاوي الموقع ... بسبب كلماتك الرائعه في توقيعــــــــــــــــك وأعجبت
بـــــ وجدت سكوتي متجرا فلزمته ** اذا لم اجد ربحا فلست بخاسر
وما الصمت الا في الرجال متاجر ** وتاجره يعلو علي كل تاجر

فأحرص علي ان تكون مبدعــــــــــــــــا
ودمت في رعاية الله وحفظــــــــــــه
الرجوع الى أعلى الصفحة اذهب الى الأسفل
بايعة الكسره
 
 
avatar

الموقع : khartoum
عدد المساهمات : 749
تاريخ التسجيل : 16/03/2011

مُساهمةموضوع: رد: الاداره سلااااااامات   الإثنين 30 يناير 2012, 4:43 am

تحياتى
مشكور الاخ شهاب على مجهوداته وانا فى الخدمة
لكن انا عندى حاليا مشكلة دعوة فرح عايزة انزلها هى بوربوينت مانزلت معاى اعمل شنو
الرجوع الى أعلى الصفحة اذهب الى الأسفل
شهاب سعيد
 
 
avatar

الموقع : المملكة العربية السعودية
عدد المساهمات : 755
تاريخ التسجيل : 08/01/2010

مُساهمةموضوع: رد: الاداره سلااااااامات   الإثنين 30 يناير 2012, 7:28 am

الحبوب الاخ / عبد الرحمن نصر الدين

صباح الخير والفل و الياسمين عليك وعلى اهل الدمام كلهم وجميع من يسكن بها من اهلنا المراغاوين .

شوية كدا تعال لى بي هنا وراء الحيطه حق المسيد عشان البرد قبل ما تجي امشي من الشوال املى يدك بلح وتعال


عبد الرحمن . حقيقةً انا من الاشخاص الذين يردون على الموضوع بعد القراءه جيداً وادبر نفسي له حتى استطيع الرد عليه بكل يسر وسهوله فهذا من فضل ربي

جيب البلاحايه دي يا عبدو

وجعتني انت لما قلت الكلام دا


بس عايز اقول بأنني غير مسجل في اي من المنتديات
وحتي منتدي مراغه اتيت تحت اصرار الاخ مالك وهو يدعوني يوميا


يعني يا عبدو مالك سكاك سك وجابك هنا في الضراء والدفا معانا من البرد

ياراجل المنتديات التانية والله ما زي حقنا دا حقنا دا احلا منو مافي زي ما انت حسي قاعد عزابي وبطنك مهري من اكل السلطه

ونفسك تاكل ( اجي ميري بي نورتن سوق )

يا جماعة الما بيعرف ( اجي ميري بي نورتن سوق ) يا جماعة الخير الماء بيعرف الاكله دي يسال عمنا الامين الياس وماهر عابدين

كدي قول يالطيف وين استاذ ماهر طال غيابه انشاء الله تكون لابس تقيل يا ابن خالى ماهر
الرجوع الى أعلى الصفحة اذهب الى الأسفل
شهاب سعيد
 
 
avatar

الموقع : المملكة العربية السعودية
عدد المساهمات : 755
تاريخ التسجيل : 08/01/2010

مُساهمةموضوع: رد: الاداره سلااااااامات   الإثنين 30 يناير 2012, 7:45 am

الاخت / الدكتورة / بايعة الكسرة صباح

الخير عليك

ومرورك اسعدني جدا واعطي بوست الاخ / عبد الرحمن قمة وازدهار

اما بخصوص المشكلة
عندى حاليا مشكلة دعوة فرح عايزة انزلها هى بوربوينت مانزلت معاى اعمل شنو



سوف اقوم بشرح كيفيت عمل هذه الدعوة لك عبر الايميل الخاص بك واذا لم تستطيعي سوف ننتظرك بان ترسلي لي بطاقة الدعوة حتي تمكن من عملها لك

vet4mnt تم ارسال طريقة عملها وتركيبها على الايميل الخاص بك

كوني بخير
وفي امان الله



عدل سابقا من قبل شهاب سعيد في الإثنين 30 يناير 2012, 8:15 am عدل 1 مرات
الرجوع الى أعلى الصفحة اذهب الى الأسفل
عبدالكريم سعيد
 
 
avatar

عدد المساهمات : 174
تاريخ التسجيل : 13/10/2010

مُساهمةموضوع: رد: الاداره سلااااااامات   الإثنين 30 يناير 2012, 8:05 am

صباح الخير عليكم ياشباب والله الواحد مقصر من المنتدى بس فى شباب بى يكفو ويوفو والمنتدى دايما حلوه بى مواضيعها

الشيقه والجميله ونحن دايما بى نمر على المنتدى كل يوم وانتو انشاء الله ما بتقصرو اخي عبد الرحمن نحن اتعودنا على مواضيعك الحلوه وباقى الاخوان كمان مابى يقصرور دا البيت الكبير ونحن بى نكون معكم انشاء الله شكرا اخوان شهاب وعبدالرحمن وبايعه الكسره وجيع شباب البيت الكبير
الرجوع الى أعلى الصفحة اذهب الى الأسفل
طارق عبد الوهاب أحميدى
 
 
avatar

عدد المساهمات : 610
تاريخ التسجيل : 08/12/2010

مُساهمةموضوع: رد: الاداره سلااااااامات   الإثنين 30 يناير 2012, 8:57 am

الاخ العزيز عبد الرحمن نصر الدين

لك التقدير كله والاحترام جله

اختلف معاك

الادارة ليس لها يد فىيما يجرى

عندما ينجح الموقع يصبح الاعضاء هم من قاموا بأنجاح الموقع

وعندما يترنح للسقوط الكل يلوم الادارة

نحن السبب الاساسى فى تدهور الموقع

نحن (لا احد معفى منها)

لاننا نعاند بعضنا بعضا

ولكل اجندة خفية يحاول تمريرها عبر موضوع معين

لماذا لا نكون اكثر تحملا لمعنى النقاش

نزلتا موضوع واحد هاجمك او اختلف معك

ناقشه اما ان يطلع هو غلطان ويعرف معلومة

او تطلع انت غلطان وتعتذر

وتواصل بدون زعل

اما ان تتصل الادارة بكل شخص غائب هذا اكثر من طاقة كل بشر

لكن يمكن للاعضاء ان يتواصلو ويتصلوا ويسألوا عن بعضهم بعضا

هذا هو الترابط المقصود
الرجوع الى أعلى الصفحة اذهب الى الأسفل
عبدالرحمن نصرالدين
 
 
avatar

عدد المساهمات : 1940
تاريخ التسجيل : 20/06/2010

مُساهمةموضوع: رد: الاداره سلااااااامات   الإثنين 30 يناير 2012, 9:36 am

تحياتي ياود شريف
أنت راميك جمل ولاشنو؟؟؟؟؟؟؟
أقول ليك من دفء البلد الي ربوع جده تقول لي الدمام وأهل الدمام وأنت هسي قاعد عذابه؟؟؟
انا في بيتي والفطور الليله كان فسيخ بالقراصه ... واذا عايز البلحتين تلقاني وراء المسيد
بالجد مش في الاحلام وعشان اغيظك بتعشي بــ ( اجي ميري بي نورتن سوق ) وبنعمله
بنفس البلحتين حقاتك ديل ..اخونا الامين مبتعد اكثر من خمسة ايام الاحباب بنتابعهم تمام
اما غياب ماهر اقلقنا بالله عليك زي الجماعه ديل ممكن تستغني عنهم او ما تتصل بيهم ؟؟
مع خاص التحايا مره تانيه من جنب جدول جوزيف (الدكه الكنت تتونس فيها مع الاحباب)

الرجوع الى أعلى الصفحة اذهب الى الأسفل
عبدالرحمن نصرالدين
 
 
avatar

عدد المساهمات : 1940
تاريخ التسجيل : 20/06/2010

مُساهمةموضوع: رد: الاداره سلااااااامات   الإثنين 30 يناير 2012, 9:45 am

صباح الخير عليكم ياشباب والله الواحد مقصر من المنتدى بس فى شباب بى يكفو ويوفو والمنتدى دايما حلوه بى مواضيعها
تسلم اخونا عبدالكريم وأنت تتوشح بثوب الاحرام الابيض ده وتحتضن فلذه الكبد
صوره اكثر من رائعه ..التلاقي في الحوش الكبير شيء اكثر من رائع .زوغ بس لاتبتعد
كــــــــــــــثيرا كي لانفتقد كتاباتك وردود الواقعيه الرائعه
ودمت والاسرة الكريمه
الرجوع الى أعلى الصفحة اذهب الى الأسفل
شهاب سعيد
 
 
avatar

الموقع : المملكة العربية السعودية
عدد المساهمات : 755
تاريخ التسجيل : 08/01/2010

مُساهمةموضوع: رد: الاداره سلااااااامات   الإثنين 30 يناير 2012, 9:48 am

لك العتبة اخي عبد الرحمن ( انت راميك جمل دي ضحكته فيها شديد خلاص ) زكرتتنا عثمان عبد القادر ( اقيف ادي الجلابية طرشة ونمشي سواء ) عشان تعرف انا ماااااااااااااااااااا مجمع بكثرة الضغط


وحاسي بيك كدا لابس جلابيتن وعراقي وفوق منهم العباية و شال الحاج المرحوم نصر الدين رحمة الله عليه

وحستك على الفسيخ بتاعك دا بس رسل لينا منو شوية

ويا سلام عليك لو قمتا كبيت فى (الاجي ميري )حبت شمار وشوية شطه وتوم كدا وعاسوا ليك الكسرة فطيرة حاجة لزيزة و الله وبعدها تلحس يدك من الكووووووع للين الاصابع

وتمسحوا في كم الجلابية وتمرق الدكة وتتونس وتنادي الماشي و الجاي بختك و الله

وتحياتي للاهل كلهم جت
الرجوع الى أعلى الصفحة اذهب الى الأسفل
عبدالرحمن نصرالدين
 
 
avatar

عدد المساهمات : 1940
تاريخ التسجيل : 20/06/2010

مُساهمةموضوع: رد: الاداره سلااااااامات   الإثنين 30 يناير 2012, 9:58 am

عاطر التحايا الهميم طارق عبدالوهاب
بعد ان اتقبل عبق مرورك وكمان اختلافك معي أوافقك الرأي تماما بأن اي خلل بالموقع
يقع علي عاتق الاعضاء المبتعدين والمتواجدين سويا ..ذكرت اتصال الاداره بالمبتعدين
لشهور خلت حصل ان ابتعدوا بعض المجتهدين ودائمي الحضور بالموقع وقامت الاداره
والاعضاء بعمل اتصالات وبالتحديد من امريكيا بواسطة قرشي شيخ ادريس ومن المملكه
بواسطة قائد الركب بكري وكانت النتيجه مثمره
اما بخصوص المواضيع والردود عليها في أعلي البوست كتبت للاخ السفير رضوان الآتي

الا انني لست ممن يميلون للخصومة والبعاد عن المنتدي مجرد
ان الناس اهملت احدي مواضيعي فلهم ميولهم ولهم رغباتهم
والمواضيع والمواد التي نتناولها لهي كالطعام كل فرد يشتهي شيء آخر
انا شخصيا لي مواضيع في المنتدي ما وجدت مشاركة وتعليق من اي فرد وما زعلت
لان العيب ربما يكون في موضوعي وربما لا تعجب الناس برغم رؤيتي انها من اجمل المواضيع
فهذا هو اختلاف الراي وكما ذكرت أنت اختلاف الراي لا يفسد للود قضية
ودمت بألف خير
الرجوع الى أعلى الصفحة اذهب الى الأسفل
عبدالرحمن نصرالدين
 
 
avatar

عدد المساهمات : 1940
تاريخ التسجيل : 20/06/2010

مُساهمةموضوع: رد: الاداره سلااااااامات   الإثنين 30 يناير 2012, 10:12 am

سلااااام شهاب
( اقيف ادي الجلابية طرشة ونمشي سواء )
يازول انت تعبان شديد قوم عرس عشان ترتاح من التلتله دي الحاجه وناس عبدالكريم ديل
مابيلكزوك ولاشنو ولغاية مايجي ردك كنا اتفقنا في البيت العشاء بـ (الاجي ميري) بس
مازي حق زمان ... (اجي ميرل) هسي ياهو الزبادي .. نعمل شنو الزمن عايز كده
بس ناس البيت اختلفوا معاك قالوا الشطه والشمار ماراكبه راسهم ... عايزنو بالسكر
وما تخاف بلحس كوعي زي ماكنت بتعمل زمان وكمان بي ترابو
طلالتك الحلوه زكرتني ايام زمان
ونحن هسي في زمن تاني خالص
أنت من زمن (الاجي ميرل) وما داير تعرس ؟؟؟
شكرا للعشوه دي ومن المنتدي نستفيد
الرجوع الى أعلى الصفحة اذهب الى الأسفل
شهاب سعيد
 
 
avatar

الموقع : المملكة العربية السعودية
عدد المساهمات : 755
تاريخ التسجيل : 08/01/2010

مُساهمةموضوع: رد: الاداره سلااااااامات   الإثنين 30 يناير 2012, 11:53 am

حبينا عبد الرحمن
اشواقي وتحياتي لكل من بطرفك بالبلد


ونحن هسي في زمن تاني خالص
أنت من زمن (الاجي ميرل) وما داي يار تعرس ؟؟؟

بالله عبد الرحمن في نظرك كدا الزمن اتغير و لا الناس اللى تغيرت


نحمد الله كتير انا من زمن الاجي ميرل زمن صفاء النفوس والناس الطيبة و الحنية

وقول يا سابل الستر
الرجوع الى أعلى الصفحة اذهب الى الأسفل
عبدالرحمن نصرالدين
 
 
avatar

عدد المساهمات : 1940
تاريخ التسجيل : 20/06/2010

مُساهمةموضوع: رد: الاداره سلااااااامات   الإثنين 30 يناير 2012, 12:34 pm

تحياتي شهاب
لاتوجد مقارنه بين زمان وهسي
زمان كان كل شيء جميل
وبالبفعل النفوس هي التي تغيرت
نعيب زماننا والعيب فينا
فوراء كل ابتسامه حزن شديد
الرجوع الى أعلى الصفحة اذهب الى الأسفل
بايعة الكسره
 
 
avatar

الموقع : khartoum
عدد المساهمات : 749
تاريخ التسجيل : 16/03/2011

مُساهمةموضوع: رد: الاداره سلااااااامات   الإثنين 30 يناير 2012, 8:49 pm

تحياتي
شكرا الاخ شهاب على الاستجابة الفورية والشرح الوافى
وشكرا مرة اخرى على الدعوة الجميلة
الرجوع الى أعلى الصفحة اذهب الى الأسفل
عبدالرحمن نصرالدين
 
 
avatar

عدد المساهمات : 1940
تاريخ التسجيل : 20/06/2010

مُساهمةموضوع: رد: الاداره سلااااااامات   الثلاثاء 09 أبريل 2013, 3:27 am

ترتيب هذا التحليل المالي في بوست واحد افضل للمشاهد الذي يود متابعته من ان يتم فتح صفحات جديده
هذه الصفحات الجديده تشتت افكار من يريد المتابعه .. انا شخصيا ليس ميالا من متابعة هذا النوع من التحليل
وافكار الناس وميولاتهم تختلف واحترم راي الجميع.. شي من التنظيم يعيد للقسم العام رونقه وترتيبه وتسلسل مواضيعه
التحيه لصاحب التحليل ونامل المشاركه والمساهمه في بقية الاقسام الرجل
نشيط ومتابع ودائم الوجود
الرجوع الى أعلى الصفحة اذهب الى الأسفل
شريف عبد المتعال
 
 
avatar

الموقع : ايطاليا
عدد المساهمات : 3796
تاريخ التسجيل : 01/01/2011

مُساهمةموضوع: رد: الاداره سلااااااامات   الثلاثاء 09 أبريل 2013, 10:41 am




سلامات الحاج عبد الرحمن لقد قراءت طلب هذا فى البوست الأول و لم نتجاهلة فقط أنشغالي اليومين الماضية كنت مسافر الي روما و متابع كل لحظة بلحظة

الشبكة و الفيس كمان بس االايباد لايسهل العمل التنسيق به لذلك لم يتم العمل المطلوب و قول خير و شكراً علي التواصل كن قريب و متابع ...


من فوائد القراءة فتق اللسان، وتنمية العقل، وصفاء الخاطر،

وإزالة الهم ،  والاستفادة من التجارب، واكتساب الفضائل.

[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
http://shareef.forumattivo.it/
عبدالرحمن نصرالدين
 
 
avatar

عدد المساهمات : 1940
تاريخ التسجيل : 20/06/2010

مُساهمةموضوع: رد: الاداره سلااااااامات   الثلاثاء 09 أبريل 2013, 12:11 pm

يديك العافيه شريفنا كما يحلو لبعضنا
دائما قريب منا وهذا مايسعد الجميع وبقيادتك الشبكه بخير وعافيه
حقيقة بسبب هذا التحليل القسم العام منظره لايسر
تحياتي وعاطر محبتي
الرجوع الى أعلى الصفحة اذهب الى الأسفل
 
الاداره سلااااااامات
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شبكة مراغه الأصاله والتاريخ ::  القسم العام -
انتقل الى: