شبكة مراغه الأصاله والتاريخ



 
الرئيسيةالموقع الرئيسى للشبكةصفحتنا على الفيس بوكالصفحه الرئيسيهالصحف السودانيهالمصحف الشريفالتسجيلدخول

إدارة شبكة ومنتديات مراغه : ترحب بكل أعضائها الجدد وتتمنى لهم أسعد الأوقات بيننا شرفتونا بإنضمامكم لنا ونتمنى مشاهدة نشاطكم ومساهماتكم التي سوف تكون محل تقديرنا واهتمامنا أهلا وسهلا وحبابكم عشرة بين اخوانكم وأخواتكم

شبكة مراغه الأصاله والتاريخ نحو سعيها للتواصل مع أعضائها الكرام فى كل مكان وزمان تقدم لكم تطبيق شبكة مراغه للهواتف الذكيه فقط قم بالضغط على الرابط وسيتم تنزيل التطبيق على جهازك وبعد ذلك قم بتثبيته لتكون فى تواصل مستمر ومباشر مع إخوانك وأخواتك على شبكتنا.

شاطر | 
 

 حوا أم توبا واحد

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ياسرابراهيم
 
 


عدد المساهمات : 466
تاريخ التسجيل : 24/01/2010

مُساهمةموضوع: حوا أم توبا واحد   الإثنين 28 مايو 2012, 4:43 pm

منقــــــــــــــــــــــــــــــــــــــــــــــــــــــوله

بس السؤال التحت ده مني
القصه تقول/كان يا ما كان في قديم الزمان في أحد فروع إحدى المؤسسات الحكومية بأحد أقاليم السودان، كان في أمرأتين (فاطني وحوا) أجبرتهن المسئولية وظروف الحياة القاسية على العمل عاملات (مستخدمات) بذلك القسم، يكنسن ويمسحن مع مناولة الأوراق من مكتب لمكتب وجلب الشاي والقهوة لبعض الموظفين (يعني عمل العاملات المعروف) وكان لحوا توب واحد تأتي به كل يوم، وفي صباح أحد الأيام إنشكلن حوا وفاطني واتنابذن وقامت فاطني تكورك ولافة بالمكاتب وهي تردد (حوا أم توباً واحد تشاكلني)، (حوا أم توباً واحد تشتمني) رددت هذه الجملة أكثر من عشرين مرة، وهي على ذلك وصل رئيس القسم فوجدها ثائرة وهي تردد في تلك الجملة فقال لها:
(هسع ما لقيت عيب تعيبيها بيه غير توبا الواحد، علي الطلاق مني أنا توبين).
وكان أن منّ الله على حوا أم توباً واحد بتوبين في نفس اليوم.

سؤالي ايها الاحباب
الحكمه وين في القصه دي ؟؟؟؟؟؟؟
انا في رجاكم

كلام كده ما عندو علاقه بي القصه دي
الزول المعاك ما متل الزول البعيد منك/الطيب صالح علي لسان الطاهر الرواسي
الرجوع الى أعلى الصفحة اذهب الى الأسفل
ياسرابراهيم
 
 


عدد المساهمات : 466
تاريخ التسجيل : 24/01/2010

مُساهمةموضوع: رد: حوا أم توبا واحد   الثلاثاء 29 مايو 2012, 8:37 am

ما زلت في رجاكم
الرجوع الى أعلى الصفحة اذهب الى الأسفل
عبدالرحمن نصرالدين
 
 


عدد المساهمات : 1938
تاريخ التسجيل : 20/06/2010

مُساهمةموضوع: رد: حوا أم توبا واحد   الثلاثاء 29 مايو 2012, 1:35 pm

ود الشيخ يديك العافيه كويس سمعت كلام الاكبر منك وبقيت قريب .. وياريت ماتبتعد كتير
تاني مره .. .. عارفك مشغول وعايز تتطيب الخاتر .. موضوعك المنقول طاااااعم ورائع زي حوض
الاوريق (الويكته زايده) معليش مشوار كارب من وادي الدواسر للدمام ابعدتنا من ان نجيك بدري شويه
وتعرف الكساد والخمول في الموقع .. زي في بيت العرس يجو النااااس يشاركوك وتكون مبسوووط
بمشاركتهم وفي نفس اللحظه تكون منتظر ناااس قريبين ليك يشرفوك زي ماهر وشريف وعبدالرحمن
(بس ياكافي البلاء) ناس المنتدي ديل تقول عليهم شنو ..علي اية حال كده خليني اشاركك الموضوع بقدر
الامكان .. الحكمة وين في القصة دي ؟؟؟؟؟؟؟؟ انا رأيي بالآتي وياريت اكون حتي جنب الشبكه
ازرع جميلا ... ولوفي غير موضعه
فلن يضيع .... جميلا اينما اينما زرعا
طبعا انت قربت سؤالك كتير بــ (الزول المعاك مازي الزول البعيد منك .. وبكون قريب منكم ومتشوق
الي ان ياتي احد الفطاحله ونعرف ،،،، اطلاله رائعه وصوره رائعه ياياسر (حيرتني شويه) انا لما شفت
صورتك قلت الزول ده باين انا ماشفتو في مراغه ولا ياربي بقيت ناير كده وحلبي من الغربه والراحات
رغم بلاوي الغربه ولا الحاصل شنو ياود الشيخ
وتقبل تحياتي ومودتي



[ندعوك للتسجيل في المنتدى أو التعريف بنفسك لمعاينة هذه الصورة]


[ندعوك للتسجيل في المنتدى أو التعريف بنفسك لمعاينة هذه الصورة]



[ندعوك للتسجيل في المنتدى أو التعريف بنفسك لمعاينة هذه الصورة]


الرجوع الى أعلى الصفحة اذهب الى الأسفل
ياسرابراهيم
 
 


عدد المساهمات : 466
تاريخ التسجيل : 24/01/2010

مُساهمةموضوع: رد: حوا أم توبا واحد   الثلاثاء 29 مايو 2012, 3:29 pm

عبدالرحمن نصرالدين كتب:
ود الشيخ يديك العافيه كويس سمعت كلام الاكبر منك وبقيت قريب .. وياريت ماتبتعد كتير
تاني مره .. .. عارفك مشغول وعايز تتطيب الخاتر .. موضوعك المنقول طاااااعم ورائع زي حوض
الاوريق (الويكته زايده) معليش مشوار كارب من وادي الدواسر للدمام ابعدتنا من ان نجيك بدري شويه
وتعرف الكساد والخمول في الموقع .. زي في بيت العرس يجو النااااس يشاركوك وتكون مبسوووط
بمشاركتهم وفي نفس اللحظه تكون منتظر ناااس قريبين ليك يشرفوك زي ماهر وشريف وعبدالرحمن
(بس ياكافي البلاء) ناس المنتدي ديل تقول عليهم شنو ..علي اية حال كده خليني اشاركك الموضوع بقدر
الامكان .. الحكمة وين في القصة دي ؟؟؟؟؟؟؟؟ انا رأيي بالآتي وياريت اكون حتي جنب الشبكه
ازرع جميلا ... ولوفي غير موضعه
فلن يضيع .... جميلا اينما اينما زرعا
طبعا انت قربت سؤالك كتير بــ (الزول المعاك مازي الزول البعيد منك .. وبكون قريب منكم ومتشوق
الي ان ياتي احد الفطاحله ونعرف ،،،، اطلاله رائعه وصوره رائعه ياياسر (حيرتني شويه) انا لما شفت
صورتك قلت الزول ده باين انا ماشفتو في مراغه ولا ياربي بقيت ناير كده وحلبي من الغربه والراحات
رغم بلاوي الغربه ولا الحاصل شنو ياود الشيخ
وتقبل تحياتي ومودتي


عبدو/تحياتك ومودتك مفروغ منها وهي مافي قلوبنا وحات علام الغيوب
ظني انك اتخذت جانب مدير المؤسسه عنوانا لمحتوي القصه عندما اهدي حوا توبين
وهو جانب جدير بالاهتمام ويمكن ان تطل الحكمه من خلاله
لكني مثلك يا ابومحمد ليس لي قالب واحد اضع عليه قصه حوا وفاطني لاخرج منهما
بحكمه معينه
مثلما اجتهدت انت من ناحيه مسكت انا طريق الدربوق لاخرج بحكمه اخري من الجانب
الآخر للطريق. قد نلتقي في المنتصف وقد قشرت حوا بي توبا الجديد فلم تترك لفاطني
جانبا للشتيمه/بس انا الكلام الطلعتا بيهو من قصه حوا وفاطني يبتعد بمقدار عن قرايتك ليها
علي العموم انا ختيتو علي جنب لحدي ما يلحق بنا باقي الاحباب
اما عن الصوره فعيييييييييييييييييييييك دي من زمن بس ما عندي غيرا
مشكور يا عبدو
الرجوع الى أعلى الصفحة اذهب الى الأسفل
ياسرابراهيم
 
 


عدد المساهمات : 466
تاريخ التسجيل : 24/01/2010

مُساهمةموضوع: رد: حوا أم توبا واحد   الأربعاء 30 مايو 2012, 6:15 pm

ما دام مافي غيرنا يا عبدالرحمن/انا وانت عتّب ناحيه الفجه دي تلقاني مجبور اجاوب علي سؤالي

فاطني وحوا رغم الخلاف العابر ده ورغم اني ما دخلت المؤسسه دي ولا شربتا شاييهن
الا اني احلف حلفانات كتار انو البيناتن اكبر من كده كتير
نفس الملامح والظروف والطريق والبيت والحله
فاطني وحوا//يقومو من الفجر يحلبن الغنيمات ويرمن الزلابيه ويسقن العيال وابوهم
ويشطفو الشفع للمدارس . وينضفو البيت ويضايرو الكرور ويطمنو ان الملاح بكفي الغدا
كل ذلك وهمهم المؤسسه والمواصلات والتاخير
كل تفاصيل الحياه وكدرها اليومي هو ما يجمع فاطني وحوا عزيزي ابومحمد ويشكل مشوار حياتهم
من يوم عرفو درب التياب
حتي عندما وصلوا مرحله الخلاف والتنابز ما لقت فاطني غير توب حوا الفرد واحد لتجعله
منصه تطلق منها حمله خلافها
والحكمه التي اطلت من القصه من خلال قرايتي ليها هي/عندما يدخل الشيطان في تفاصيل الاحباب ويعمل ليهم المديده الحاره تنطلق الشتائم لا تبقي علي أي موده ومحبه وصله قرابه
حتي اذا سكت الغضب حمل كل من الآخر في صدره الكثير من العبارات الحارقه التي تنتظر الايام لتمحوها
ولكن حوا لا تحتاج الا لنهايه لمواعيد الدوام الرسميه في المؤسسه لتنسي شتيمه فاطني ليها (يا ام توبا واحد)
ذلك ظني يا ابومحمد ان الخلاف بين الاحباب لابد له من خط مهما كان لونه يتوقف عنده حتي عندما تصفو الاجواء ويهرب ابليس اللعين لا تبقي تلك الكلمات التي انطلقت ساعه الخلاف حاجزا لمقبل الايام والمشاوير والتياب
نقفل البوست ده ولا نخلي الباب متاكا شويه ؟؟؟؟؟؟؟؟
الرجوع الى أعلى الصفحة اذهب الى الأسفل
عبدالرحمن نصرالدين
 
 


عدد المساهمات : 1938
تاريخ التسجيل : 20/06/2010

مُساهمةموضوع: رد: حوا أم توبا واحد   الخميس 31 مايو 2012, 4:48 am

نعم اخي ياسر انا ركزت كثيرا
علي البساطه من نوعية الشتيمه وشيل الحال امام مدير المؤسسه (حوا ام توبا واحد
والطيبه واعلي درجات الاخلاق والحضور القوي للعفو والتسامح .. هو مايتمتعن به امثال فاطني وحواء
وقد يتسامح الانسان مكرها لكنه لايعفو الا اذا اذا كان راضيا .. وهذا الرضي يتبدد بدخول الشيطان حتي
بين امثال شاكلة فاطني وحواء ولكن كما ذكرت تبقي المحبه والود والتسامح حتي اذا كانت هنالك بعض الرواسب
والاضغان .. لابد من ان تصفي النفوس .. القصة بها كثيرا من الحكم والمواعظ وكل يمكن ان يفسر حسب رايه
واتفق تماما معك بان لا تبقي تلك الكلمات التي انطلقت ساعه الخلاف حاجزا لمقبل الايام والمشاوير والتياب
البوست يظل مفتوحا علي مصراعيه اخي ياسر .. وارجو ان لايفتر همتك وتضجر من هذا الخمول بالموقع
وتعلم هناك اشكالات من دخول بعض الاحباب كمعاناة الاعزاء ماهر وقرشي
طاب نهارك بكل ماهو جميل



[ندعوك للتسجيل في المنتدى أو التعريف بنفسك لمعاينة هذه الصورة]


[ندعوك للتسجيل في المنتدى أو التعريف بنفسك لمعاينة هذه الصورة]



[ندعوك للتسجيل في المنتدى أو التعريف بنفسك لمعاينة هذه الصورة]


الرجوع الى أعلى الصفحة اذهب الى الأسفل
ماهر عابدين دياب
 
 


الموقع : لندن
عدد المساهمات : 2905
تاريخ التسجيل : 02/05/2010

مُساهمةموضوع: رد: حوا أم توبا واحد   السبت 02 يونيو 2012, 4:52 pm

عزيزي ياسر
لسبب غير معروف لدينا,يعجبني شكل الجنس الاخر (لطيف او امثال حوا واختا) منذ الصغر...ربما لسرعة بديهتهن وذكاءهن عند الشتائم,او ربما لاتعنينا كثيرا نحن الرجال اسباب الشكل. ولو كنت محب للشمارات ستجد شمارات لاتخطر علي بالك وكت الشكلة, والشكلة تكون مااحلاها ان لم يحدث اشتباك بالايدي وظعميط شعر,عندها تنقلب الامور وينفضح المستور, ويصعب فك الاشتباك الا بواسطة قوة من مكافحة الشغب.
استمتع للمصرية عندما تضع يديها في وسطها وتبدء بالشتايم الموزونة افلام فيفي عبده...الغريب الذي الحظه ان المرءة المصرية اقوي من الرجل المصري, شاهدت مقطع في اليوتيوب لبنت مصرية عملها الرسمي البلطجة لحساب اخرين والتي ورثتها عن امها, ذكرت الشابة انها متخصصة للرجال اكثر من النساء حيث قالت انها (تلقا نفسها في دق الرجال).
لكن بحمدالله عنف الجنس اللطيف نادر عندنا. وكلهن من شاكلت حواء وزميلتها التي لم تجد اي شتيمة سوي فقرها (التحية لحوا). لكن يبدو ان حوا هذه كانت في غابر الزمان, يوم ان كان التوب الواحد والشبط الواحد والوجبة الواحدة شتيمة. اليوم السودان كله حوا والكلام علي السترة.
وبعدين المدير ده ماشايف حالة حوا قبل الشكلة؟ ولاهديته غيزتن في صاحبة حوا؟
اللهم الطف بكل حوا سودانية مستضعفة
قول يالطيف
الرجوع الى أعلى الصفحة اذهب الى الأسفل
ياسرابراهيم
 
 


عدد المساهمات : 466
تاريخ التسجيل : 24/01/2010

مُساهمةموضوع: رد: حوا أم توبا واحد   السبت 09 يونيو 2012, 3:17 pm

شكرا يا استاذ للحضور البهي
كنت واخونا عبدالرحمن نتسامر عن فاطني وحوا حتي طلعت علينا الشمس واوينا الي ظل ننتظر الاحباب
حتي اطلت مداخلتك التي رفدت الموضوع واضافت اليه الكثير وكانما كلماتك طرزت حواشي توب حوا
الف مرحب استاذي الف مرحب

الرجوع الى أعلى الصفحة اذهب الى الأسفل
شريف عبد المتعال
 
 


الموقع : ايطاليا
عدد المساهمات : 3792
تاريخ التسجيل : 01/01/2011

مُساهمةموضوع: رد: حوا أم توبا واحد   السبت 09 يونيو 2012, 9:17 pm



الأفاضل :

ياسر - عبد الرحمن - ماهر


نقدم أعتزارنا الشديد و التأخير و الله كما تعرفون الكساد عما كل منتديات ناس الاصالة و التاريخ .....


لقد استمتعت بالقصة و بعد تفسيركم للقصة لا أجد ما اضيفة علي أساتذتي الأفاضل





من فوائد القراءة فتق اللسان، وتنمية العقل، وصفاء الخاطر،

وإزالة الهم ،  والاستفادة من التجارب، واكتساب الفضائل.

[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
http://shareef.forumattivo.it/
ماهر عابدين دياب
 
 


الموقع : لندن
عدد المساهمات : 2905
تاريخ التسجيل : 02/05/2010

مُساهمةموضوع: رد: حوا أم توبا واحد   السبت 09 يونيو 2012, 9:54 pm


عزيزي ياسر

تذكرت ايام الدراسة في الابتدائية والمتوسطة كان معظمنا يملك رداء وقميص واحد...المحظوظ هو من يملك غيار ثاني
ولاننا
اولاد اقاليم وقاطعين الرمال والطين علي ظهور الحمير...لم تكن ارديتنا
انيقة والا اتهمنا بالنعومة واللين...وهي صفات كانت مذمومة
لم نكن نشرك (الرده الواحد) في شكلاتنا كما فعلت صاحبة حوا...السبب ببساطة لاننا كلنا كنا في الهوا سوا
يعني كلنا كنا (حوا ام توبن واحد)... فالتعش حوا فينا ابد الدهر

قول يالطيف
الرجوع الى أعلى الصفحة اذهب الى الأسفل
ياسرابراهيم
 
 


عدد المساهمات : 466
تاريخ التسجيل : 24/01/2010

مُساهمةموضوع: رد: حوا أم توبا واحد   الأحد 10 يونيو 2012, 8:24 am

شريف عبد المتعال كتب:


الأفاضل :

ياسر - عبد الرحمن - ماهر


نقدم أعتزارنا الشديد و التأخير و الله كما تعرفون الكساد عما كل منتديات ناس الاصالة و التاريخ .....


لقد استمتعت بالقصة و بعد تفسيركم للقصة لا أجد ما اضيفة علي أساتذتي الأفاضل



شريف الوريف الشريف
والله لحضورك محبه خاصه يا طلياني رغم اني كنت اطمع في اضافه للموضوع
ياخي علي الاقل بارك لي حوا التوبين الاتنين
الف شكر وآلاف المراحب وطوّل بالك
الرجوع الى أعلى الصفحة اذهب الى الأسفل
عبدالرحمن نصرالدين
 
 


عدد المساهمات : 1938
تاريخ التسجيل : 20/06/2010

مُساهمةموضوع: رد: حوا أم توبا واحد   الإثنين 11 يونيو 2012, 5:03 pm

وايضا استاذ ماهر قبل الارديه .. كنا نتساوي مع حواء في توبها الواحد (بالجلابيه الواحده) وكنا نعاني
الأمرين ونشيل الهم فوق الهم يوم التفتيش وتقريبا ياجماعه كل ثلاثاء وخميس (تفتيش صبري) في طابور
الصباح (ارفع الجلابيه) عشان يشوف اللباسات طبعا اخوكم الاكرس آبا دول كان يتصبب عرقا في ذاك
اليوم رغم البروده لان (المعلوم) كان يشبه طين الارض من (الكوديك) للطابور وما تسمع الا .... (بره)
وانت تبحلق في سيطان عزالدين عبدالرحمن المقطوعه من بالليل لزوم يكون طري اللباس واحد والجلابيه
واحده فلتهنأ حواء ام توبين. ما اجمل ان نعيد انتاج الماضي باجتثاث جذور الجمال من عبق التاريخ عندما
كنا نطرق ابواب الجيران عايزين سكر اوبصل او شاي اوملح وتشيل من طبيخ امك للجيران ردا للجمــــيل
وتذهب بكل اريحيه وأنت لاتعلم بان علي وجه هذه البسيطه شئ اسمه (حرج) وهذه الكلمه من انتاج هـــذا
الزمن الردئ وتقول (امي بتسلم عليكم وتقول ليكم عندكم بصل) بكلمه جميله بجمال البساطه والمحبه .لم تعد
الحياة لها طعم بعد الاستغناء عن بصل وسكر الجيران قبل ان ينهار ذاك التكافل الاجتماعي والكرم والمحبه
والحنيه وكل صفاتنا السمحه .. وشكرا لحواء ام توبين وصديقتها فاطني وشكرا لياسر وماهر وشريف ودوله
الياس وكل من أتي الي هذا المكان الرائع



[ندعوك للتسجيل في المنتدى أو التعريف بنفسك لمعاينة هذه الصورة]


[ندعوك للتسجيل في المنتدى أو التعريف بنفسك لمعاينة هذه الصورة]



[ندعوك للتسجيل في المنتدى أو التعريف بنفسك لمعاينة هذه الصورة]


الرجوع الى أعلى الصفحة اذهب الى الأسفل
 
حوا أم توبا واحد
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شبكة مراغه الأصاله والتاريخ ::  القسم الثقافى -
انتقل الى: