الي متي الاغتراب والابتعاد

كلامك جميل اخي العزيز وان شاء الله قريب نتلما في السودان يجمعنا كلنا بين جناحيه

ربنا يقرب البعيد ويلم الشمل ان شاء الله

الأخ الاكرم الباقر نعم اخى نحن نتذوق ويلات الغربة مع اختلاف الأساليب وكلنا نحلم بالعودة الى الوطن الحبيب ولكن اخى هل نحن نسعى لتحقيق هذا الحلم ونعمل على ذلك لقد حلمنا بالأغتراب واجتهدنا لتحقيق ذلك الحلم فحققناه واذا أردنا تحقيق حلم العودة فيجب ان نجتهد ليصبح ذلك الحلم واقعا معاشا وادعو الله من صميم قلبى فى ان يوفقنى فى ذلك ويوفق كل من يريد العودة اما عن لحاق السودان بركب الامم فنحن من سيدفع السودان ليلحق بالركب وليس احدا سوانا فعلى كل منا ان يوقد شمعة بدلا من ان نلعن الظلام ولك فائق الود والاحترام

اشكر جميع الاخوان علي المرور

الاخ هيثم لك الشكر لكن لم اعرفك الا اليوم لقد ضللتني باسم شهلي كيف اخبارك واخبار الوالد والاهل جميعا
انت طبعا جربت الغربه وعارف عزباتا لاكن انت عرفتها واتحليت بسرعه منها وربنا يحلنا والجميع وشكرا 

حبيبنا الغالي الباقر

ربنا يحفظكم ويرد غربتكم سالمين غانمين

يس بطل الجرسه والخوف وانت تحديدا كفاك غربه تعال لينا

كفاكم

اخيرا ياجنابو ظهرت لك التحية يس كل ماندور نرجع انتو بتسبتونا وتقولوا جاين تسوا شنو وواحد ثاني يقول تقل جيبك وتعال الله يكون في العون

الاخ قرشي لك التخيه والله شوقنا بحر ربنا يجمعنا في ساعة خير

الاخ باقر لك مني خالص التحايا ولاسرتك الكريمة في بلاد الغربة وربنل يعيين كل مهاجر ويرد الغربة انشاءالله لو عايزين ترجعوا للبلد وتعيشوا في حنان البلد خلوا القروش وتعالوا ابقوا زينا واكلوا زينا بالكداد والملوخية والملوحة والفول كل يوم ما تعانوا القرار في ايدكم يا مغتربين وربنا يجمع الشمل قريباً انشاءالله والمفروض تسجلوا زيارات سنوية عشان ما تبقوا جافين

الغريب عن وطنه مهما طال غيابه مصيره يرجع تاني لاهله وصحابه