هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
إدارة شبكة ومنتديات مراغه :ترحب بكل أعضائها الجدد وتتمنى لهم أسعد الأوقات بيننا شرفتونا بإنضمامكم لنا ونتمنى مشاهدة نشاطكم ومساهماتكم التي سوف تكون محل تقديرنا واهتمامنا أهلا وسهلا وحبابكم عشرة بين اخوانكم وأخواتكم
شبكة مراغه الأصاله والتاريخ نحو سعيها للتواصل مع أعضائها الكرام فى كل مكان وزمان تقدم لكم تطبيق شبكة مراغه للهواتف الذكيه فقط قم بالضغط على الرابط وسيتم تنزيل التطبيق على جهازك وبعد ذلك قم بتثبيته لتكون فى تواصل مستمر ومباشر مع إخوانك وأخواتك على شبكتنا.
الموقع : السودانعدد المساهمات : 52تاريخ التسجيل : 18/12/2012
موضوع: حصاد البرير عام 2012 الخميس 20 ديسمبر 2012, 10:36 pm
مبروك لكل المريخاب بضم ثنائي الهلال القائد هيثم مصطفي وعلاء الدين يوسف ولا عزاء لنا غير أن نقول لله درك يابرنس
عبدالرحمن نصرالدين
عدد المساهمات : 1940تاريخ التسجيل : 20/06/2010
موضوع: رد: حصاد البرير عام 2012 الجمعة 21 ديسمبر 2012, 5:23 am
مبروك لكل المريخاب بضم ثنائي الهلال القائد هيثم مصطفي وعلاء الدين يوسف ولا عزاء لنا غير أن نقول لله درك يابرنس
منور والله فرح محمد نور (فرحكو) اطلاله بالمنتدي اسعدت الجميع نامل المشاركه والمساهمه في بقية الاقسام وماتنسي تجيب معاك بقيه الاصدقاء والزملاء .. من كان يصدق ماحدث لهيثم وعلاء .. وتقديري ان هذه الخطوه كيديه من الثنائي تجاه البرير
ماهر عابدين دياب
الموقع : لندنعدد المساهمات : 2905تاريخ التسجيل : 02/05/2010
موضوع: رد: حصاد البرير عام 2012 الجمعة 21 ديسمبر 2012, 12:03 pm
مرحب ياباشمهندس
الباشمهندس فرح شكرا لانضمامك لحوشنا الكبير انضم هيثم للمريخ او انضم العجب للهلال . سيظل الاداء باهت كما كان في المباريات الخاجية وسنظل في مؤخرة اي دوري خارجي
لكن وجود لاعب جديد بمهارات جديدة ربما يساعد لجلب الكاسات الخارجية
مرحب ياباشمهندس
رضوان سعيد
عدد المساهمات : 201تاريخ التسجيل : 11/01/2010
موضوع: رد: حصاد البرير عام 2012 الجمعة 21 ديسمبر 2012, 12:53 pm
الأخ فرح... تحياتي سعيدين جداً بإنضمامك للمنتدى وفي إنتظار بقية الشباب تقبل مروري
ماهر عابدين دياب
الموقع : لندنعدد المساهمات : 2905تاريخ التسجيل : 02/05/2010
موضوع: رد: حصاد البرير عام 2012 الجمعة 21 ديسمبر 2012, 3:59 pm
واحد كتب قصيدة يهجو فيها هيثم مصطفي:
وجبت الشينه يوم وقعت للأحمر وبعت هلالك السواك جميل أنضر وجمهورك حزين مهموم وما فكّر تبيع الإعتصام أيام وكيف لى حالو تتنكر وقف رغم البرد والجوع ولى أمجادو كيف سطّر بدونك برضو يبقى هلال وباكر أوعه تتمسخر وقبلك كم درر فاتت ولسع هلالنا فى عبقر وأعرف يا النكرت جمييل أنو الكورة فى السنتر وعمرك ما بطول لى سنيين وحالاً تبقى تتعثر وتندم وتبكى بى دموعك ونحنا بطولة نتحكّر ونرفع كاسنا قدامك وحالك أحسن البسكر ونرفع كاسنا قدامك وحالك أحسن البسكر
قولوا يالطيف
شريف عبد المتعال
الموقع : ايطالياعدد المساهمات : 3801تاريخ التسجيل : 01/01/2011
موضوع: رد: حصاد البرير عام 2012 السبت 22 ديسمبر 2012, 1:27 am
مرحب فرحكو و سعت جداً باول مشاركاتك و فى انتظار الجديد الجديد و مبروك للمريخ و ناس الهلال يصفو النيه ....
آنا برة الشبكة / حديث مشجع ..
فرح محمد نور
الموقع : السودانعدد المساهمات : 52تاريخ التسجيل : 18/12/2012
موضوع: رد: حصاد البرير عام 2012 السبت 22 ديسمبر 2012, 9:27 am
شكرا لكم أهلي وأحبتي علي ترحيبكم الحار بشخصي الضعيف وهذا هو دائما ديدن أهلنا الكرام بمراغه المعطاءه بلد الكرم ويبقي التواصل بيننا وبين أحبتنا الكرام بكل الود والحب ودمتم علي نعمة الصحه والعافيه
dr.babikir
الموقع : السودانعدد المساهمات : 780تاريخ التسجيل : 13/02/2010
موضوع: رد: حصاد البرير عام 2012 السبت 22 ديسمبر 2012, 1:16 pm
هندسة فرحكو مرحب بيك كتيييييييييييييير في بيتك ووسط اهلك ان شاءالله ما تبقي ذينا وتبقي ذي ناس ماهر وعبدو وشريف ومتواجد علي طوول وبالنسبة للبوست نعم نحن كهلالاب زعلانين وزعل شديييييد كمان وكل الناس البتشتم وبتتكلم في هيثم دا من الزعل لكن الخاسر الاكبر هو هيثم مصطفي نفسه لانه محي تاريخ طويل كان ممكن ان يسجل ويدون بماء من ذهب ولكنه ذهب وذهب معه تاريخه
فرح محمد نور
الموقع : السودانعدد المساهمات : 52تاريخ التسجيل : 18/12/2012
موضوع: رد: حصاد البرير عام 2012 الإثنين 24 ديسمبر 2012, 10:48 am
ما بنكرهك --------------- --------- وعلي العموم ما بنكرهك تشهد سـبعتاشر سنـــة رغم النهـــاية المحــــزنة ورغم ال (أنا) واب سبعة مريخ الهنا لا بتشبهو ..ولا بيشبهك ما بنكرهك ... رغم الجفــا وعدم اوفاء يا سيدا هيثم مصطفي ما بنكرهك .. شكرا علي كل باص جميل كان في الصميم واعلن هدف شكرا علي الفن الاصيل الليهو جمهورك هتف ... شكرا لقائد كان فريد انشودة في كل الشفاه شكرا جزيلا يا عميد في غفلة من اعينا تاه .... شكرا وما بننكر فنون سحرت عيون الحاضرين يا سيدا ادميت العيون زي ما سحرتا الناظرين .... وهلالنا بيك وبلاك هلال وان كان فقد بعض الجمال الا الــــرجال بلدو الرجال والسنة في الدنيا الزوال .. آخر قصايدي تودعك وانا ياما فيك قلت الحروف بس تاني ما بنشجعك