شبكة مراغه الأصاله والتاريخ



 
الرئيسيةالموقع الرئيسى للشبكةصفحتنا على الفيس بوكالصفحه الرئيسيهالصحف السودانيهالمصحف الشريفالتسجيلدخول

إدارة شبكة ومنتديات مراغه : ترحب بكل أعضائها الجدد وتتمنى لهم أسعد الأوقات بيننا شرفتونا بإنضمامكم لنا ونتمنى مشاهدة نشاطكم ومساهماتكم التي سوف تكون محل تقديرنا واهتمامنا أهلا وسهلا وحبابكم عشرة بين اخوانكم وأخواتكم

شبكة مراغه الأصاله والتاريخ نحو سعيها للتواصل مع أعضائها الكرام فى كل مكان وزمان تقدم لكم تطبيق شبكة مراغه للهواتف الذكيه فقط قم بالضغط على الرابط وسيتم تنزيل التطبيق على جهازك وبعد ذلك قم بتثبيته لتكون فى تواصل مستمر ومباشر مع إخوانك وأخواتك على شبكتنا.

شاطر | 
 

 انا في البلد (شقوري )

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
شهاب سعيد
 
 


الموقع : المملكة العربية السعودية
عدد المساهمات : 755
تاريخ التسجيل : 08/01/2010

مُساهمةموضوع: انا في البلد (شقوري )   الخميس 27 ديسمبر 2012, 8:03 am

أمي البتصحى مع الفجر..
وتندلى لا طرف الجرف..
وتجينا لا عند الضُهر..
تفرش بشنتيقا وتجُر..
نماً تمسربو الصبر..
وقداما لوبايات خُدر..
تقعد قصادن للعصر..
ولا حيلا كب تنهض تقوم..
وبلا كسل توقد الجمر..
وتجيب حليلتا دي الزماان..
كانت تشد فوقا النزُر..
وتكرد قعيرا من المكرتب فيها عاد من كم تشر..
وترمي البليلة وتزردا..
بي المي تب لامن تخر..
وترميلا بصلاتا قلاد الحلة من تقلن تتُر..

وساساقا لا عند العشا ولامن يأذن بابكُر..
وكتين خلاص تبقى استوت..
ترميلا فيها هوين تمر..
وتملا الصحين للحاج أبوي..
دايماً تقسم بالكُبر..
وتنده علي بت الخزين..
الحاجة أمنا أم نصر..
وتملا الكويرية وتخب لي ود علي الحامي العزر..
ونحنا البطان..
تملالنا عاد قدحاً يمين ما شاف فقر..
توقدلنا اللمبة ام ضنيب..
وترميلنا تاني هوين تمر..
وبلا وصية نغرفو تب..
ونجغم الميهية ضُر..
يغلبنا ما نقدر نقوم نافخين بطيناتنا السمر..

فوقا السيايل والغبار تنجارى من حد السدُر..
كاتل عويناتنا النعاس..
نصل العناقريب بالجبر..
وامي البتصحى مع الفجر..
تلقاها لا عند الفجر..
تنده علي سابل الستر..
زيد الاجر..
زيد الاجر..
زيد الاجر
الرجوع الى أعلى الصفحة اذهب الى الأسفل
عبدالرحمن نصرالدين
 
 


عدد المساهمات : 1938
تاريخ التسجيل : 20/06/2010

مُساهمةموضوع: رد: انا في البلد (شقوري )   الخميس 27 ديسمبر 2012, 9:36 am

ابداااع بحضورك شهاب
ابدااااع خالد شقوري
ما اروعكم



[ندعوك للتسجيل في المنتدى أو التعريف بنفسك لمعاينة هذه الصورة]


[ندعوك للتسجيل في المنتدى أو التعريف بنفسك لمعاينة هذه الصورة]



[ندعوك للتسجيل في المنتدى أو التعريف بنفسك لمعاينة هذه الصورة]


الرجوع الى أعلى الصفحة اذهب الى الأسفل
محمد جعفر
 
 


الموقع : مترحل
عدد المساهمات : 533
تاريخ التسجيل : 08/01/2010
العمر : 27

مُساهمةموضوع: رد: انا في البلد (شقوري )   الخميس 27 ديسمبر 2012, 2:08 pm


ما عندي تذوق للشعر الدارجي

لكن نقول ليك ..

[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
شهاب سعيد
 
 


الموقع : المملكة العربية السعودية
عدد المساهمات : 755
تاريخ التسجيل : 08/01/2010

مُساهمةموضوع: رد: انا في البلد (شقوري )   الإثنين 31 ديسمبر 2012, 4:30 am

ابو محمد ربنا يسعد ايامك ... وخالد شقوري دائماً ابداع في كلماته وسرد واقعنا وهي حقيقة وواقعيه عاشها اقدمنا من اجيال ويااااا حليلك يا زمن

محمد جعفر ... مشكلتك مشكلة لو ما اتزوقت طعم الشعر الدارجي شوف الكلمات دي والوصف كيف وما مشكلة انها تكون دارجي المهم كلمات ماخوزه من واقعنا ويتزوقها الانسان العائش حقيقة هذه الكلمات
الرجوع الى أعلى الصفحة اذهب الى الأسفل
dr.babikir
 
 


الموقع : السودان
عدد المساهمات : 780
تاريخ التسجيل : 13/02/2010

مُساهمةموضوع: رد: انا في البلد (شقوري )   الإثنين 31 ديسمبر 2012, 2:13 pm

جمييييل جميل ذكرتنا ايام جميلة ورائعة من زراعة اللوبيا طرف البحر ليييي اكل البليلة
ونجغم الميهية ضُر..
يغلبنا ما نقدر نقوم نافخين بطيناتنا السمر..
والله يا شهاب الابيات الاخيرة دي ذكرتني ونحن في بور (الاستوائية)الخدمة الوطنية ما عندي واسطة وما كوز عشان كدا مشيته
كل يوم جمعة كانت في ختمة قران وبنعمل بليلة بي عيش ولوبيا
المهم في جمعة من الجمعات بعد الختمة اولاد الجنوبييبن كانو بتلمو عشان ياكلو البليلة دي لقيت ليك شافع ياكل في البليلة اكل جد والصحن مليان وهو ياكل ويبكي سالتو مالك بتبكي يا ولد بعربي جوبا قال لي انا شبعت وبطني اتملت والصحن لس فوقو بليلة والله انا ذاتي قربت ابكي المهم شلت باقي البليلة واديته ليه(ونجغم الميهية ضُر..
يغلبنا ما نقدر نقوم نافخين بطيناتنا السمر..

الرجوع الى أعلى الصفحة اذهب الى الأسفل
شهاب سعيد
 
 


الموقع : المملكة العربية السعودية
عدد المساهمات : 755
تاريخ التسجيل : 08/01/2010

مُساهمةموضوع: رد: انا في البلد (شقوري )   الإثنين 08 أبريل 2013, 7:41 am

حبايبنا انتو والله

وعشانكم انتو يا زينين
.. ويا اجمل خلايق الله



عشانكم .. شايل
الاشواق .. وحايم بيناتكم



وادق ابواب جميع بوستاتكم .. واقول يا ناس زول الله
الرجوع الى أعلى الصفحة اذهب الى الأسفل
 
انا في البلد (شقوري )
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شبكة مراغه الأصاله والتاريخ ::  القسم الثقافى -
انتقل الى: