يتمناك دوام

عدد المساهمات : 461 تاريخ التسجيل : 10/09/2010

الجزء الاول

[ندعوك للتسجيل في المنتدى أو التعريف بنفسك لمعاينة هذا الرابط]

الجزء الثاني

[ندعوك للتسجيل في المنتدى أو التعريف بنفسك لمعاينة هذا الرابط]

الجزء الثالث

[ندعوك للتسجيل في المنتدى أو التعريف بنفسك لمعاينة هذا الرابط]

الجزء الرابع

[ندعوك للتسجيل في المنتدى أو التعريف بنفسك لمعاينة هذا الرابط]

الجزء الخامس

[ندعوك للتسجيل في المنتدى أو التعريف بنفسك لمعاينة هذا الرابط]

موضوع: رد: يتمناك دوام الأحد 20 يناير 2013, 8:43 am

حبايبنا ياسر...حافظ دوله...شكري

التحايا لكم وانتم تطلون علينا من بوابتنا الشمالية وتحديدا من علي القلعة (المشروع) التي تطل علي ثلاثه دول (مراغة,مقاصر,كابتود) والحمد لله المنطقة الحدودية ليست منزوعة السلاح فقط بل مليئة بمشاريع الانتاج وادوات الانتاج من وابورات ومزارع وبنطونات وتيران حراته وجبابيد سمك. والله اتمنيت من فوق الصبه ده اجي واقع روسيه في البحر والعب الواك واك كمان.
حافظ ده راجل مبدع وزول بيحب انتاج الواطه بتاعته...لكن قولوا ليهو يوم صابر يجي لازم يضبح ليهو التور الاسود الشبعان من اكل البرسيم, ويابخت تورا صاحبه حافظ دوله لانه لازم يكون تورا مدلل
التحية والتجله والتقدير والاحترام لعمنا العلم صاحب الايادي البيضاء في كل مشاريع مراغة العامة عمنا دوله قاضي. والتحية موصولة لابنه صابر بالرياض..وماهذا الشبل الا من ذاك الاسد
اتخيلتكم تقابلوا عبدالله عثمان قاضي في سكتكم لي تحت لكن خاب ظني
بعدين ياياسر لازم تصور لينا عروستنا البنية وهي في ديارها الجديدة
والذهاب الي النادي مهمة تانية في انتظارها

استمتعوا ياشباب

موضوع: رد: يتمناك دوام الأحد 20 يناير 2013, 2:21 pm

ماشاء الله شباب مثل الورد

عدد المساهمات : 1940 تاريخ التسجيل : 20/06/2010

مرت الأيام علينا كم فرحنا وكم بكينا
كلمة طيبة تجينا منك تبقى مـوسم بهجة فينا

لاتوجد كلمات قويه نعبر بها عن هذه المشاهد وروعة المكان والزمان
ارضنا الطيبه بجروفها ونيلها ونخيلها وناسها الحنان نحن في انتظار المزيد من هذه المشاهد.
شكرا ليكم شاكر وياسر ودوله وعمنا محمد احمد قاضي امد الله في ايامه

عدد المساهمات : 604 تاريخ التسجيل : 16/01/2011

ياسر قال الواحد في البلد يملا خشمو بالكلام السمح , والواحد من بعيد يملا خشمو يقول الحمد لله - يملا قلبو طمأنينة - ويملا عينو من المناظر الجميلة - ويملا خياشيمو من ريحة الجروف.
تور حافظ يملا خشمو من البرسيم
يا حافظ (الله يحفظك) بدل ما تدلع التور وتديرو لا قدام - حش وارمي ليهو - بالله شوفوا المفارقات دي زمان كان التور يملا خشمو من الكاويق والتشق ويحلي بي شوية لوبية أو قصب وكان يحلم بربطة برسيم
منور عمنا (دولة قاضي) الله يمدو بالصحة والعافية ويطرح البركة في أولادو
وبارك الله فيك يا (شاكر) خليتني أسرح بي خيالي ومفتكر نفسي في البلد والمنطقة دي بالزات لينا فيها ذكريات جميلة وطفولة ومراتع صبا
يا ربي صابر قاضي كان وين الزمن داك ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

لكم الشكر الاخوة : ياسر – وشاكر – وحافظ ويا سلام لمــن يشجينــا شاكر . بدرر الكــلام ويعطر حضور الجميع بالروائــع , نغيب عن موعــد بزوغ القمـر الساكن فينا حرفـا ونغـم , تسكننـا تفاصيـلك حين تتـواري عـن ناظرنـا , اما حضـور هذا الجمال من طبيعة بلادي فيمثل بريـق يختلـط فيهـا تـرف الامنيـات بخريـف التحقـق ودهشـة انبعاثـ في الوجـدان نـورا" يقودنـا إلى فضـاء نتنسـم فيهـا بالحروف نقيـا كفرحـة لقاء احبتنا بالبد وزي ما قال النصري

زمن كان الدريـب واحـد حليلنـا بقينـا فـى دربيـن
خـلاص اتفرقـو القلبيـن واتيتـم غـرام وحنـيـن
قبل كشح الوصـال مـاروق وراءالشيـل التقيـل وقـع
قدرمـا شهـد المسيـوق ولا الفطـن التـراب لسـع
يا حليلك يـا زمـان الشـوق ويـا اروع حلـم ودع
حرام ما الريده بين سنين ومن زمـن الصغـار شفـع

عدد المساهمات : 173 تاريخ التسجيل : 19/10/2010

.رعى الله الاحبة حيث حلو لهم فى القلب مرتحل وحلو
خيول الشوق مسرجة اليهم تبارت حيثما راحو وحلو
امر على الديار ديار ليلى اقبل ذا الجدار وذا الجدار
فما حب الديار شغفن قلبى ولكن حب من سكن الديار
جزاءك الله الف خير اخونا وحبيبنا شاكر كثيرا ما نروض اجسادنا بالحركة والمشى ولكن
نحتاج الى امثالكم كى نروض نفوسنا التى ارهقها السفر والترحال شكرا لك كثيرا فقد اثجلت
الصدور وارتاحت النفوس حين رات نور الاحبة .... الوالد اطال الله عمره ومتعه بالصحة والعافية
وجمعنا واياه فى ربوع بلادنا وديارنا الحبيبة ... الاخ حافظ متعك الله بالشباب والصحة وذادك يقين
وصلابة فانت القابض على الجمر هنيئا لك بصحبة الوالدين كم نحسدك عليها كثيرا لقد حرمنا منها فترة
من العمر اوصيك بهم خيرا ولك كل الشكر والتقدير .... تخريمة قصيدتك حلوه ومعبرة ... الاخ
الحبيب الغالى جدا رفيق الدرب وصديق الطفولة ومنية النفس وتاج الذكرى اهديتنا لحظات من العمر يصعب
جدا علينا ادراكها لان مع زحمة الحياة لحظات لا تقاس بشى ولا تقدر بثمن لانها حلية ثمينة مطرزة بامثالكم
ومتوجة بايام جميلة من العمر لا تتنسى ... شكرا شكرا شكرا لكم جميعا وشكرا شاكر وشكرا مراغة الاخ
ياسر تحياتى للوالد والوالدة ولااخوان .... الاستاذ ماهر خليك قريب عشان نضرب التور سوا ليك نصيب
الفكرة لو وافق حافظ هههههههههه اخونا الياس انت وين كنت لابد نحن ما شفناك اصلا لكن اظهر معزوم
معانا فى التور والدعوة عامه بحضور الاخ شاكر ... شهاب تحياتنا وامنياتنا للوالد نسال الله له الصحة والعافية

[/b

]

شئ يشرح الصدر والله خليتنا نحس بي إنو أنحنا زاتنا متغربين عن الوطن الأصل مع أنو أنحنا في السودان والسودان وطن للكل أخي شاكر ربنا يديكالصحه والعافيه وده حالنا أنحنا ربنا يكون في عون كل بعيد عن وطنو وأهلو وأحبابو حبيبنا ياسر إن شاء الله تقضي وقت طيب وجميل بين الأهل وتشم ريحة جروووف البلد وأخونا وحبيبنا حافظ ربنا يديك الصحه والعافيه يا راجل يا طيب بكل ماتحمله الكلمه من معني وربنا يمتع الحاج بالصحه والعافيه ويرد ليكم أخونا صابر سالم غانم في القريب العاجل
(وشكراً ليك كتير شاكر لإتحافك لنا دائماً)

موضوع: رد: يتمناك دوام الجمعة 25 يناير 2013, 1:02 pm

القدر راضيبو واحكامو
معلوم العمر محسوبة ايامو
الزول البسويه بيلقي قدامو
شاكر صاحب اللمسة الرائعة والغالي بن خالي ابو حباب والقابض علي الجمر (كما قال الاخ صابر) حافظ دوله بارك الله فيكم
كم هيجتم حنيننا وشوقنا للبلد (انا حضرت الفديو وقررت انو انزل السودان والبلد)ربنا يديكم الصحة ويخليكم .وربنا يديم الصحة لعمنا محمد احمد قاضي .ونحن برضو معزومين يا صابر في التور
الزول البسويه بيلقي قدامو
شكرا ليكم كتييييييييييييير وبارك الله فيكم