شبكة مراغه الأصاله والتاريخ
الذمه الوااااااااااااااااااااااااااسعه Welcom11
شبكة مراغه الأصاله والتاريخ
الذمه الوااااااااااااااااااااااااااسعه Welcom11
شبكة مراغه الأصاله والتاريخ
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.



 
الرئيسيةالموقع الرئيسى للشبكةصفحتنا على الفيس بوكأحدث الصورالصفحه الرئيسيهالصحف السودانيهالمصحف الشريفالتسجيلدخول

إدارة شبكة ومنتديات مراغه : ترحب بكل أعضائها الجدد وتتمنى لهم أسعد الأوقات بيننا شرفتونا بإنضمامكم لنا ونتمنى مشاهدة نشاطكم ومساهماتكم التي سوف تكون محل تقديرنا واهتمامنا أهلا وسهلا وحبابكم عشرة بين اخوانكم وأخواتكم

شبكة مراغه الأصاله والتاريخ نحو سعيها للتواصل مع أعضائها الكرام فى كل مكان وزمان تقدم لكم تطبيق شبكة مراغه للهواتف الذكيه فقط قم بالضغط على الرابط وسيتم تنزيل التطبيق على جهازك وبعد ذلك قم بتثبيته لتكون فى تواصل مستمر ومباشر مع إخوانك وأخواتك على شبكتنا.

 

 الذمه الوااااااااااااااااااااااااااسعه

اذهب الى الأسفل 
4 مشترك
كاتب الموضوعرسالة
ياسرابراهيم
 
 
ياسرابراهيم


عدد المساهمات : 466
تاريخ التسجيل : 24/01/2010

الذمه الوااااااااااااااااااااااااااسعه Empty
مُساهمةموضوع: الذمه الوااااااااااااااااااااااااااسعه   الذمه الوااااااااااااااااااااااااااسعه I_icon_minitimeالخميس 07 مارس 2013, 6:51 am

لم اجد عنوانا مناسبا للموضوع فعني لي يا احبتي ان اترك هذا الاختيار لكم
الا اني تذكرت كلام واحد مصري زميل لنا في العمل .. قائلا لي وهو يصف اخا له في مصر (ياخي ده واحد ذمتو واااااااااااااااااااااسعه)
احترت يومها في الوصف لكن بعد الاحداث الجايه ده عرفت جيدا كيف تكون الذمه بتلك بهذا الاتساع
الكلام ده يا احبتي في الوطن الحبيب
لعلها ظاهره عامه او لعل الامر لا يستحق لكنه عني لي الكثير من اوجه عديده
كدي احكي ليكم وانتو قرروا
بعد وصولي الي بورسودان اصر احد الاخوان علي توصيلي الي مكتب الحجز والتذاكر
وفي طريقنا تعرضنا الي مخالفه مروريه بسيطه الا ان الطرف الثاني كان شرطي برتبه لواء اصر علي اخذنا الي مكتب المرور وفتح بلاغ
حتي تلك اللحظه لم اكن افهم الاجراءات القانونيه في مثل تلك المواقف وفي بالي فقط مخالفه مروريه صغيره لم تتعرض فيها اطراف اخري لاي اضرار حتي الطرف الثاني كبير الرتبه
مخالفه مروريه يمكن حلها في مكانها بعبارات مثل (ياخي تاني مره خلي بالك ) (واستخدام الطريق لك ولغيرك)
او حتي تطبيق القانون واصدار مخالفه ماليه كما هو معروف وحاصل
ما ان وصلنا الي مكتب المرور برفقه حرس تلك الرتبه وعلم افراد الشرطه بالامر حتي تسارعت الاحداث
بصوره دراميه واصر افراد شرطه المرور علي ادخال صاحبي الي الزنزانه الملحقه بالمكتب واخذ جواله
وبطاقته الشخصيه والرخصه طبعا
ولا اريد احبتي ان آخذكم معي الي الزنزانه فهي مكان اجاركم الله لا يصلح مرقدا للبهائم
وهو في حد ذاته عقوبه قاسيه تتعتدي ضرر المخالفه الي ابعد مدي
تعرفوا انا لسه ما دخلت ليكم في الموضوع
المهم اعتبرنا الامر عادي في وطننا اعتاد فيه الناس ان يستأسدوا علي بعضهم بعضا ويظهروا عضلات مكانتهم متي ما سنحت لهم الفرص .. ففضيله الكلمه الطيبه والمعامله الراقيه نادره الوجود اذا لم تكن معدومه
ندخل في الموضوع العذبني والمربوط بي حبل قوي بالاحداث الفوق دي
قلت ليكم دخلوا صاحبي في الزنزانه حتي عرضه علي الضابط الاعلي وتسليم اوراق المخالفه او القضيه
(عملوها قضيه)تسليمها الي وكيل النيابه كما اخبرني عسكري الاستقبال
ومفترض انا الضيف الذي لا يعرف حته في بورسودان ان يقوم بتلك الاجراءات والجري لوكيل النيابه
وهمي انو الراجل ده يطلع من المكان داك فهو يستحق الشكر الكبير والتقدير وكتر خيرك وما عدمناك
وانتابني احساس (انت السبب !!!!!! انت السبب )
المهم تسارعت خطواتي وانفاسي للقيام بكل ما يساعد علي فك اسر صاحبي
- (اسمع يا اخونا ) حندخّل ليك الاوراق دي للضابط بعد داك حتوديها لي وكيل النيابه)
يقولها احد افراد شرطه المرور بالمكتب
- (طيب ما تدخلا لي الضابط عشان نكسب الوكت يا اخوانا والله انا ضيف وعلي سفر) اقول انا واضغط علي اسناني من المغصه
- ( جنابو لسه ما جا) يقفل العسكري باب الحوار
المهم ظللنا علي حالنا هذا قرابه الساعتين صاحبي في ذلك المكان الكلمتكم عنو وانا بجانبه في الخارج يفصل بيننا فقط السياج الحديدي
ونحن علي تلك الحال جاء عسكري مناديا ( يلا يا حبيب عشان تمشي للنيابه تخلص الاوراق دي)
قالها وهو يرمي الاوراق في يدي دون ان ينتظر ردي
وجريت وراهو ( يا جنابو يا جنابو... النيابه دي وين ؟؟؟؟ ومنو مفروض يودي الاوراق انا ولا انتو )؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
( يا عمك ممكن نوديها ليك بس اطلع لك بي عشرينايه كده !!!!!!!) قالها وهو يلتفت يمينا ويسارا
(العشرينايه دي كم بالظبط ولي شنو ؟؟؟ تساءلت انا بكل براءه الدنيا
(يا حبه انت عايز تخلص موضوعك وتطلّع زولك ده ولا عندك كلام تاني ؟؟؟ بعدين القروش دي لزوم المواصلات من للنيابه وبالعكس ) يقولها وهو مازال يلتفت
(وتلفت الي زولي داك وهو محبوس علي ذمه راجل مسعول كبير قرر في لحظه قرف او تسلط انو يحبس ليهو واحد لا يعرف عنه أي شئ ولم يتضرر منه في حاجه
(خلاص يا جنابو دي العشرينايه عشان تركب بيها المواصلات ) اقولها و انا امد اليه القروش
وعيني فيهو يا اخوانا اشار الي احد العربات الخاصه وركب فيها وشتت
وتركني متمحّن !!!!!!
هسه يا احبتي العشرينايه دي تستاهل بيع الذمه والضمير وتستاهل ان تقف معها امام الكاميرا وتتصور ولا يطرف لك جفن
مفترض انو العمل ده حقو وهو ما يتقاضي راتبا مقابله
طال انتظارنا ساعه اخري قبل ان ياتي ذلك العسكري وهو يحمل قرار النيابه ( ان ادفعوا الغرامه الماليه واخرجوا ذلك الرجل واعيدوا اليه حريته )
ودفعنا وطلعنا ،،،
وعسكري المرور ما زال خلفنا حتي باب السيارة ممنيا نفسه بي عشرينيه اخري
وقبل ان اقفل باب العربيه ادخل وجهه معنا داخل العربيه صائحا (يا عمك مل تطلع ليك بي عشرايه كده لزوم خروج صاحبك ده)
وخطر لي ان اقفل الباب في وشو الا اني تذكرت تلك الزنزانه وتلك الوجوه ومشوار النيابه والعشرينيات الاخري
ولعله لاحظ ضيقي وقرفي فاخرج وشو من العربيه وادار لنا ظهره وانطلق لوليمه اخري
الرجوع الى أعلى الصفحة اذهب الى الأسفل
الأمين الياس الأمين
 
 
avatar


عدد المساهمات : 604
تاريخ التسجيل : 16/01/2011

الذمه الوااااااااااااااااااااااااااسعه Empty
مُساهمةموضوع: رد: الذمه الوااااااااااااااااااااااااااسعه   الذمه الوااااااااااااااااااااااااااسعه I_icon_minitimeالخميس 07 مارس 2013, 10:27 am

حمدا لله على سلامتك يا أخي:
اتخل لي لما وصلتا مطار جدة قلتا (جنقا) .
الدرس دا كلوووو بس في الطريق لمكتب الحجز ؟؟؟؟؟؟؟
ذكرتني واحد كان كل ليلة ينصح أصحابوا - يا اخوانا دا حرام - توبوا إلى الله - الدنيا دي زايلة - لما غلب بقى لما يشوفهم في غيهم يقول (أمانة يا جهنم ما جاياكي رجال).
صدقني - ما انتهى الدرس !!!!!!!!!!!!!!!!!!!
الرجوع الى أعلى الصفحة اذهب الى الأسفل
شريف عبد المتعال
 
 
شريف عبد المتعال


الموقع : ايطاليا
عدد المساهمات : 3801
تاريخ التسجيل : 01/01/2011

الذمه الوااااااااااااااااااااااااااسعه Empty
مُساهمةموضوع: رد: الذمه الوااااااااااااااااااااااااااسعه   الذمه الوااااااااااااااااااااااااااسعه I_icon_minitimeالخميس 07 مارس 2013, 11:42 am


الحبيب ياسر و الخال الأمين لكم الود :

أحمد الله أنك لم تكن الشهيد فى تلك الزنزانة ، و الذمه الوااااسعه قد جربتها بمطار الخرطوم كنت برحلة الي بريطنيا و عامل طرنزيت فى الخرطوم

و شرفت تلك الزنزانه لمدة يومين سعيت فيها أخذ حقي بالقانون Drop_2 و هيهات هيهات تفكر فى القانون و أنت وسط تلك الزمم الواااسعه ، و أخيراً

بمكالمة هاتفية واحدة أنتهي الموضوع المشتبة فيه و بيني و بينكم كنت قاعد قريب من الزنزانه (الكاش يقلل النقاش ) .


و ضاعت الرحلة و عاهدت مسعول مهم بمطار الخرطوم بعدم مقضاة هولاء الشرزمة Sick_1

و علل ذلك المسعول بأن الأشتباة جاء بأحدث سبتمبر تقول بن لادن رحمه الله من الرويسي







الرجوع الى أعلى الصفحة اذهب الى الأسفل
http://shareef.forumattivo.it/
ياسرابراهيم
 
 
ياسرابراهيم


عدد المساهمات : 466
تاريخ التسجيل : 24/01/2010

الذمه الوااااااااااااااااااااااااااسعه Empty
مُساهمةموضوع: رد: الذمه الوااااااااااااااااااااااااااسعه   الذمه الوااااااااااااااااااااااااااسعه I_icon_minitimeالخميس 07 مارس 2013, 2:07 pm

الأمين الياس الأمين كتب:
حمدا لله على سلامتك يا أخي:
اتخل لي لما وصلتا مطار جدة قلتا (جنقا) .
الدرس دا كلوووو بس في الطريق لمكتب الحجز ؟؟؟؟؟؟؟
ذكرتني واحد كان كل ليلة ينصح أصحابوا - يا اخوانا دا حرام - توبوا إلى الله - الدنيا دي زايلة - لما غلب بقى لما يشوفهم في غيهم يقول (أمانة يا جهنم ما جاياكي رجال).
صدقني - ما انتهى الدرس !!!!!!!!!!!!!!!!!!!
ابادول
تسلم يا غالي
تعرف .. لما وصلت ميناء جده تذكرت الوطن فدمعت عيناي (والله صحي)
والدرس داك كلوووووووووووووووووووو بس وانا ماشي احجز
وجهنم موعوده باسوأ من ذوي الذمم الواسعه بس يعتمدون ويتكئون علي رحمه الله
شكر ابادول
الرجوع الى أعلى الصفحة اذهب الى الأسفل
ياسرابراهيم
 
 
ياسرابراهيم


عدد المساهمات : 466
تاريخ التسجيل : 24/01/2010

الذمه الوااااااااااااااااااااااااااسعه Empty
مُساهمةموضوع: رد: الذمه الوااااااااااااااااااااااااااسعه   الذمه الوااااااااااااااااااااااااااسعه I_icon_minitimeالخميس 07 مارس 2013, 2:15 pm

يا ريس ** ياخي سلام واشواق كتيره
هو الوطن الحبيب مهما وصلت فيه حد الزهج والقرف الا ان الناس والذكريات والايام تعدل لك الصوره
فتعود واقفا مره اخري وتديهو سلام محبه وتعظيم
شكرا شريفنا الشريف







[/quote]
الرجوع الى أعلى الصفحة اذهب الى الأسفل
عبدالرحمن نصرالدين
 
 
عبدالرحمن نصرالدين


عدد المساهمات : 1940
تاريخ التسجيل : 20/06/2010

الذمه الوااااااااااااااااااااااااااسعه Empty
مُساهمةموضوع: رد: الذمه الوااااااااااااااااااااااااااسعه   الذمه الوااااااااااااااااااااااااااسعه I_icon_minitimeالخميس 07 مارس 2013, 4:03 pm

طيب ما تدخلا لي الضابط عشان نكسب الوكت يا اخوانا والله انا ضيف وعلي سفر اقول انا واضغط علي اسناني من المغصه
اخوي .... ياسر سلاااااامات
اولا .. تجدني آسف اشد الاسف لاني دون شعور .. انتابني نوبه من الضحك .. في لحظات انت فيها لو كنت امامك ربما لكنت عاتبتني بشده قائلا (ياابومحمد نحن شنو وانت بتضحك) وفعلا شر البليه مايضحك ..وارجوك ان لاتلومني .. صدقني كنا معك قلبا وقالبا وبكل احاسيسنا وكنا ايضا نضغط علي اضراسنا معك من هؤلاء (بالله عليكم كيف اصفهم ) اذا قلنا رعاع حثاله عديمي الاخلاق والله اي شتيمه تلفق مع هؤلاء .. طبعا يا ابوحباب من ثردك لهذه الواقعه الاليمه وكاننا بجوارك ونعاني معك ويلات هذا الانتظار المؤلم .. وكل من يقرا هذه الواقعه . يجول بخاطره اهم الاحداث والاحصاءات التي صدرت مع نهاية العام بأن السودان الاول عالميا في السوء والفساد الاخلاقي والاداري وكل ماهو سيئ .. انا متأكد كل من ىيقرأ هذه الواقعه سيثرد قصه مماثله حدثت له والدليل الاعــــــــزاء الامين وشريف ولي حادثه ثردتها بكل التفاصيل في المنتدي عن رحلتي والتلفزيون الذي اخذته لبيت الوالد عليه الرحمه وما حدث لي بمطار الخرطوم بعد معاناة عانيت فيها اضعاف ماعاناه ابوحباب واخيرا يجيني عسكري قائلا مشي حالك وسافر يازوول .. بي جو نفسي قلت (مشي بطنكم انشاء الله يا ملاعين ياجزم ماتقولوا كده من زماااان.. بالله عليكم مش المفروض نشيل السودان ده في نعش نمشي ندفنه ونقول ينتهي العزاء بمراسم الدفن
الف سلاااامه ابوحباب
تحياتي وعاطر محبتي
الرجوع الى أعلى الصفحة اذهب الى الأسفل
 
الذمه الوااااااااااااااااااااااااااسعه
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شبكة مراغه الأصاله والتاريخ ::  القسم العام -
انتقل الى: