شبكة مراغه الأصاله والتاريخ



 
الرئيسيةالموقع الرئيسى للشبكةصفحتنا على الفيس بوكالصفحه الرئيسيهالصحف السودانيهالمصحف الشريفالتسجيلدخول

إدارة شبكة ومنتديات مراغه : ترحب بكل أعضائها الجدد وتتمنى لهم أسعد الأوقات بيننا شرفتونا بإنضمامكم لنا ونتمنى مشاهدة نشاطكم ومساهماتكم التي سوف تكون محل تقديرنا واهتمامنا أهلا وسهلا وحبابكم عشرة بين اخوانكم وأخواتكم

شبكة مراغه الأصاله والتاريخ نحو سعيها للتواصل مع أعضائها الكرام فى كل مكان وزمان تقدم لكم تطبيق شبكة مراغه للهواتف الذكيه فقط قم بالضغط على الرابط وسيتم تنزيل التطبيق على جهازك وبعد ذلك قم بتثبيته لتكون فى تواصل مستمر ومباشر مع إخوانك وأخواتك على شبكتنا.

شاطر | 
 

 الزواج من مراغه لتقليل نسبه العوانس

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
الجعلي
 
 


عدد المساهمات : 299
تاريخ التسجيل : 28/02/2010

مُساهمةموضوع: الزواج من مراغه لتقليل نسبه العوانس   الإثنين 08 مارس 2010, 5:29 am









الذواج من مراغه وتقليل العنوسه
المشاكل والحلول


عدل سابقا من قبل الجعلى في الإثنين 22 مارس 2010, 5:20 am عدل 2 مرات
الرجوع الى أعلى الصفحة اذهب الى الأسفل
مجدى حسن
 
 


الموقع : الدوحة - قطر
عدد المساهمات : 752
تاريخ التسجيل : 10/01/2010
العمر : 38

مُساهمةموضوع: رد: الزواج من مراغه لتقليل نسبه العوانس   الإثنين 08 مارس 2010, 9:42 am

دة موضوع حبجد جدل واسع
واللة كلامك رائع فى البند الاول بس البند الثانى بولع نيران
لكن الشرع ادى حق التعدد بشروط معروفة

المهم الناس تسعى فى الحلول فى البند الاول

تحياتى
مجدى
الرجوع الى أعلى الصفحة اذهب الى الأسفل
ياسرابراهيم
 
 


عدد المساهمات : 466
تاريخ التسجيل : 24/01/2010

مُساهمةموضوع: رد: الزواج من مراغه لتقليل نسبه العوانس   الإثنين 08 مارس 2010, 3:30 pm

االجعلي
تحايا واشواق ومحبه خالصه
لم يكن التعدد في الزواج حلا مثاليا وليس ما يصلح في مكان بالضروره برهان نجاح في مكان آخر لذلك كان التعدد مشروطا حتي في ديننا السمح
انت يا الجعلي ود/حسن حالمون أكثر من اللازم وتجعلون وصفه عامه هي الحل الأخير ولكن إذا كانت الظروف ساعدت علي نجاحها في أي مكان ليس بالضرورة نجاحها مثلا لبلد لها خصوصيتها
كمراغه معظم ناسها اهل وقرائب وصحاااب
والنتائج كثيرة ماثله أمامنا كانت محصله الزوجه الثانيه مشاكل بين الأزواج واحتقان بين الاهل والنتيجه عوده المسكينه الي بيت أهلها وهي تحمل شهاده أخري ( مطلقه ) !!
كلمه عانس لاذعه ومقيته واستفزازيه وكريهه ولو استخدمنا كلمات مثل تأخير الزواج كان احلي لمعالجه مثل هذه المواضيع الحساسه
ولماذا تقررون انت ود/حسن والمجتمعون في المسجد العتيق مصيرهم وتحرمونهم من حقهم في الحلم والاختيار والقبول والرفض وان يكون ثمرة صبرهم وانتظارهم الطويل أن يحملون اسم الضره !!!!
هن أميرات في بيوتنا قانعات بالنصيب حالمات أنهم سيأخذون حقهم من الحياه طال الزمن او قصر
وان فارسهم سياتي يمكنه ان يتاخر قليلا ولكنه حتما سياتي0
كنت أتمني أن يكون البند الأول والاهم والأخير لاجتماع المسجد العتيق مناقشه كيفيه تخفيض تكاليف الزواج اوتخاذ تدابير عمليه في هذا الاتجاه تضمن استمراريه المتفق عليه
فأمر تأخير الزواج لا يقف عند أخواتنا فقط بل هنالك كثير من الشباب يحلمون بذلك اليوم ولكن ضيق ذات اليد تكبل خطواتهم
وهذه الأمور لا تعالج من أنواع (دق صدرو ) وكأنه يريد اضافه بقره فيريزين الي قطيعه
الزواج يا عزيزي قدر آخر يأتي متي ما حانت ظروفه واتسهلت أموره
وهو شراكه موده ورحمه وليس تنفيذ بنود اتفاقيه مشكله حلها الأخير في التعدد
علي العموم يا الجعلي مشكور علي إثارة الموضوع
ولكنه شكرا حزينا


عدل سابقا من قبل ياسرابراهيم في الثلاثاء 17 أبريل 2012, 7:11 am عدل 1 مرات
الرجوع الى أعلى الصفحة اذهب الى الأسفل
الجعلي
 
 


عدد المساهمات : 299
تاريخ التسجيل : 28/02/2010

مُساهمةموضوع: رد: الزواج من مراغه لتقليل نسبه العوانس   الأربعاء 10 مارس 2010, 6:14 am

الاخ ياسر والدكتوره نضار
كنا نامل ان يكون هنالك نقاش موضوعى فى هذا الموضوع لاهميته
ولكن وجدتكم عكس مااظن على كل حال اختلاف الراى لايفسد للود قضيه
ولكم منى العتبى حتى ترضو
مع شكر حزين ايضا
الاخ مجدى شكرا على مرورك واضافتك
الاخ النور الاخ هانى الحكايه شنو
مع خالص تحياتى وودى
الرجوع الى أعلى الصفحة اذهب الى الأسفل
ياسرابراهيم
 
 


عدد المساهمات : 466
تاريخ التسجيل : 24/01/2010

مُساهمةموضوع: رد: الزواج من مراغه لتقليل نسبه العوانس   الأربعاء 10 مارس 2010, 8:50 am

الاخ الجعلي
الود موجود يا عزيزي وليس هنالك ما يفسده انشاء الله وانت ادري بذلك
كنت تأمل ان تجد نقاشا موضوعيا
والله كلامي وكلام الدكتورة نضار قمه موضوعيه النقاش
انت فقط يا الجعلي سردت موقف حدث بعد الصلاه وتناولت ان المجتمعين اجمعوا علي ان التعدد في الزواج هو الحل
يعني كل واحد مقتدر يدبل فوق مرتو .......دون النظر الي الحل من كل جوانبه 0
انا جيتك بالتفاصيل وقلت ليك البلد دي بلد اهل وقرايب والموضوع ده يعكر صفو العلاقه والمحبه والترابط بين الاهل
وقلت لو اجمعنا علي تقليل تكاليف الزواج ذلك ادعي للشباب للتحرك لاكمال نصف دينهم وان ذلك في نظري حل مثالي
وصراحه مثل كثيرين لم تعجبني لفظ عانس وعنوسه لنها كلمات حراااااقه شويه
ان تجدني عكس ما تظن فيه ملمح زعل يا الجعلي لا نرضاه لك ولا لانفسنا ولا اجد فيما كتبت ما يدعوك لترسل لنا العتبي لنرضي
انت ليك العتبي حتي حله الشولوري،،
انا لا اشك في سمو نواياك ود/حسن والمجتمعين في المسجد العتيق من خلال مناقشتكم لهذا الموضوع وبحثكم عن حلول تسعد
كثير من اخواننا واخواتنا وتلبسهم لباس التعفف وتبني لهم اسرهم السعيده ولكن اشرنا فقط الي ما يترتب علي هذا الحل ،،،
نرجو تناول كلامنا بمزيد من النقاش منك ومن الاخوه في المنتدي واحس ان هذا الموضوع هو ما يستحق ان يكتب عنه

بعدين يا الجعلي قعدت تعدل في الموضوع لمن طاااااااااااااار ذاتو !!!!!!!!!!

عزيزنا الجعلي هذا هو الموقف الثاني الذي يقدح في جعليتك بعد معركه الدكه الشهيرة ,,,,,,, !!!!!!!!!!!
ما قلت جعلي ،،،،،، !!!!!!!


عدل سابقا من قبل ياسرابراهيم في الثلاثاء 17 أبريل 2012, 7:14 am عدل 1 مرات
الرجوع الى أعلى الصفحة اذهب الى الأسفل
الجعلي
 
 


عدد المساهمات : 299
تاريخ التسجيل : 28/02/2010

مُساهمةموضوع: رد: الزواج من مراغه لتقليل نسبه العوانس   الأربعاء 10 مارس 2010, 9:39 am

[

الاخ ياسر مافى ذعل انشاءالله وانا احترمك غايه الاحترام بعدين انت خيره شبابنا ياراجل بس الدكتوره دخلت مواضيع سياسيه وان مسحت الموضوع
: مع العلم ان جاتنى تلفونات من مراغه مويده للموضوع وايضا مخالفه :::لكن ان مسافر لعرس فخرالدين عبد العظيم يوم الخميس واحتشتكيك لهاشم ابراهيم عشان يفصل بيننا وحبلقوا تحياتك
مع خالص تقديرى لك ؟؟م
الرجوع الى أعلى الصفحة اذهب الى الأسفل
هاني 0العمدة
 
 


الموقع : مراغة
عدد المساهمات : 258
تاريخ التسجيل : 22/01/2010
العمر : 35

مُساهمةموضوع: رد: الزواج من مراغه لتقليل نسبه العوانس   الأربعاء 10 مارس 2010, 11:25 am

الجعلي000000000
نجم المنتدي
احييك وانت تكتب عن هذا الوضوع الهام الذ شغل الناس
كتير في مراغة ويشغل بال كل السودانيين هذا الموضوع اصبح يقلق حتي علماء
الاجتماع المختصين بهذه الظاهرة التي استفحلت واصبحت خارج السيطرة
وفي الحقيقة انت استحقيت لقب نجم المنتدي طالما حركت كل هذا الانحياز
الواضح للمراة في دواخل الرائع ياسر وايضا الدكتورة نضار المنحازة اصلا بطبعتها للمراة
انت بالرغم من زواجك من خارج القرية وهذا لاسباب اولها القسمة ماذلت مشغولا بقضايا المراة فيها
وهذا واضح من تزكرك لهذا الموضوع القديم المتجدد القديم لان الوقت الذي طرح فيه
كان قبل سنوات وجديد لان مشكلة العنوسة مازالت ماثلة امامنا الان وليست هنالك حلول
وحلك الذي طرحته هو احد تلك الحلول والتي جاء بها الدين قبل ان تذكرنا بها يبدو استنكار الدكتورة
وياسر لهذا الامر وبهذه الصورة يؤكد لنا مدي تاثرهم بالثقافة المصربة التي ترفض التعددلا
وتصوره بابشع الصور من خلال المسلسلات والافلام التي تشبه الزواج الثاني وكانه جريمة او خيانة
وطبعا ناس الشمالية ومنهم ياسر والدكتورة مشبعين بهذه الثقافة الغريبة والغير صحيحة
والنوبيون بصفة عامة اكثر تاثر بالمصريين للحدود الجغرافية معهم والهجرة الكثيفة نحو مصر
نحنا كدناقلة رجال المرة الواحدة مهما كانت فيها من عيوب في عاداتنا تموت معاها يعني انت
وحظك مافي طريقه او فرصة لاصلاح الخطا او استكمال النقص الموجود بزوجتك وياخوانا
الدين قال انكحو ماطاب لكم يعني بدون اسباب طالما اعجبت وطابت ليك المراة
وناس مراغة مهما كنوا اهل او غيرو مايشزو عن المجتمع لانو التعدد
واحد من انجع الحلول الجابا الاسلام لحل مشكلات المجتمع العنوسة قلة الرزق
قلة الناس والامراض والاخلاق والجعلي ماجاب حاجة جديدة من عندو يااخوانا
ياسر انت ماسمعت بي غني السودانيات
راجل المرة حلو حلا
يامجدي ماتخزل صاحبك
الرجوع الى أعلى الصفحة اذهب الى الأسفل
الجعلي
 
 


عدد المساهمات : 299
تاريخ التسجيل : 28/02/2010

مُساهمةموضوع: رد: الزواج من مراغه لتقليل نسبه العوانس   الأربعاء 10 مارس 2010, 11:59 am

الاخ هانى ان تمتلك ملكه كتابه بارعه جدا انت ثروه قوميه يمكن ان يستفاد منك فى الصحف السودانيه
ندلف الى موضوعنا فى الحقيقه التحدث فى هذا الموضوع اثير قبل فتره طويله
وكانت لديه ردود فعل سلبيه وايجايبه ولكننا مع الحلول الناجعه .
اين ماوجدت
مع خالص تحياتى الجعلى
الرجوع الى أعلى الصفحة اذهب الى الأسفل
مجدى حسن
 
 


الموقع : الدوحة - قطر
عدد المساهمات : 752
تاريخ التسجيل : 10/01/2010
العمر : 38

مُساهمةموضوع: رد: الزواج من مراغه لتقليل نسبه العوانس   الأربعاء 10 مارس 2010, 12:41 pm



بسم الله اولا واخيرا
شكلو الموضوع سحن شديد
واللة بكل صراحة وصدق الجعلى وصلتو كمية من ردود الفعل وفى ناس مويدة بشدة واخرين
مرمطو بالفكرة الواطة

المهم لكل راية

بس فى حاجات دايرة توضويح انو ياياسر مدام جبنة
ود الشريف مدورة ماف عوجة تب
والخلاف لن يفسد الود الكبير مدام كلنا فى سكة وحدة

يادكتورة واللة الموضوع دة حسب معلوماتى كان قبل الانتخابات بسنين وماتدشين حملة انتخابية ولا يحزنون والجعلى بعيد كل البعد عن السياسة
بغض النظر عن راينا السياسى في دكتور حسن وبعدين حريم مراغة مازى زمان عشان يتخمو بالسهولة

عندك حق ياياسر فى انو كلمة عوانس حارقة بس ما اشد حرررررررررررررقة من كلمة واحدة من كلمات الدكتورة
وكلمتها ووصفها انو اولى محاربة ال.... من حل مشكلة الزواج واللة الكلمة دى وقعها احر
وفى ناس ممكن يروجو ليها بصور شنى ودى اشانة سمعة لينا ونحن كل الدنيا بتقرا مواضيع منتدانا وفى تصفح من القرى المجاورة وكل الدناقلة فى شبكة النت مش ناس مراغة بس
وما اظن مراغة وصلت المرحلة دى من الفساد عشان الكلام يتختى بلاطة كدة

زى ما الجعلى سحب الموضوع ولا عدلو بعد المناشدات
رغم انو انا شايف ختى مثل مافى محلو بدل الموضوع وانا ماعرفت هو دار يصل لشنو
نتمنى انو الدكتورة برضو تعدل الموضوع اوتسحب العبارات الجارحة فيهو

وبعدين حسب فهمى انو الجعلى نقل الشى الحصل فى الجامع ولو هو مويد الفكرة دة رايو ومن حقو بغض النظر عن الشى المترتب
والحل فى نظرو
ماقتو بتاعين حريات وديمقراطيات ما تخلو الناس تعبر عن افكارة

الجعلى كان اولى تخلى الموضوع وترد من ان تسحبو
والناس تعلق بالحجج والمنطق وتدحض فكرتو او تايدها ونصل لحل فى النهاية مش ننظر ساى

مدام دى افكار ناس كتار

ياياسر وصفك لهزيمة الجعلى فى جولة تعليق لذيذ وتدويرة جد جد رغم انو فى البعض بفسرا بانو انت زعلت

ياهانى مش ماطاب لكم بس .... فى حكم مشروعية كثيرة فى الشريعة
امشى فتش فى التفاسير وارجع لينا
خش



شكرا


مجدى
الرجوع الى أعلى الصفحة اذهب الى الأسفل
ياسرابراهيم
 
 


عدد المساهمات : 466
تاريخ التسجيل : 24/01/2010

مُساهمةموضوع: رد: الزواج من مراغه لتقليل نسبه العوانس   الأربعاء 10 مارس 2010, 5:21 pm

الاخ الجعلي
الاحترام متبادل يا ابوجارو والزعل لا مكان له بيننا
ياخي انت لو زعلت حكاوي اخونا ابو سريع اقوله لي منو ؟؟؟؟؟؟؟؟؟
والحبيب فخري عريس والله الف بكره ومليون مبرووووووك
ومرة اخري للموضوع
وانا متأكد يا جعلي من اثارة الموضوع في دكان (هاشم دوت نت) ولكني علي يقين انك حتسمع نفس كلماتنا من ابن عمي الحبيب
وانا اعلم به لاننا اخذنا منه مبدا محبه الناس وتقديم فرحهم وسعادتهم قبل فرحنا وسعادتنا
مكالمات ناس مراغه حسب اشارة باشمهندس مجدي مجموعه مؤيده واستخدم للمجموعه الثانيه لفظ (مرمطوا بالفكرة الارض)
ورد الفعل هذا يا عزيزي الجعلي هو ما اردنا ان نشير اليه لو تساءلنا ماذا كانت دفوعات الذين مرمطوا بالموضوع الارض
تجدهم مثلنا مشفقين علي البلد وعلاقات الاسر والناس
كلمه الدكتورة نضار مريره فعلا يا مجدي فالبلد اجمل وانبل وسمعتها ليست مكان جدال وظني ان الدكتورة ما قصدت
الوصف بقدر ما اخذتها رقتها تجاه اخوانها واخواتها ويا ريت ذي ما قال مجدي نمّسح الكلمه دي ونقرا الباقي مع تقديرنا للدكتورة 0
اخونا هاني
تناولنا للموضوع يجعلنا اقرب الي تشبعنا بالبلد واهله وليس ثقافات اخري (مسلسلات مصريه شنو يا هاني الله يهديك)
ونحن لم ننكر التعدد كمبدا اسلامي اصيل ولو انك اكملت الايه الكريمه (وان خفتم الا تعدلوا)
والخوف ده هو ما اشرنا اليه وليس خوف عدم العدل فقط ولكن مصيبه الخلافات والاحقاد بين الاهل
للجميع سلاماتي
الرجوع الى أعلى الصفحة اذهب الى الأسفل
مجدى حسن
 
 


الموقع : الدوحة - قطر
عدد المساهمات : 752
تاريخ التسجيل : 10/01/2010
العمر : 38

مُساهمةموضوع: رد: الزواج من مراغه لتقليل نسبه العوانس   الخميس 11 مارس 2010, 2:40 pm

ومازال الجدال مستمر اعزائى

الاخت نضار ماف حد بنكر حكاوى الفلوجة بس الزول ماببشر غسيلو كدة
قنا الناس تعالج المشاكل بطرق صحيحة وعملية
والفكرة محل النقاش حل حسب راى الاتبنوها لمشكلة ا....... وهى الكلمة الجارحة الابيتى تمسحيها لحدى هسة
من الموضوع وبرضو انت حرة
ودة رايك
لم اكن فى يوم من الايام
نعامة دافنة راسى فى تراب ولاغيرو

راى وااضح ومن غير لولوة فى اى حاجة
ودى وحدة من الاشياء الجايبا لى كمية من البلاوى

بس بعزرك لانك مااحتكيتى بينا ولا بتعرفينا عن قرب عشان تقولى دافن راسك
ودة مامهم كتير المهم الكلام الشين الكاتبا ومابشبنها

الحملة الانتخابية انا صححت معلومة وبس انو الموضوع كان قبل الانتخابات
وكونو تتصلى بمصلح الموتمر الوطنى ولا منشقة ولا الزعلان من الوطنى
دى ماقضيتى وفى الناس الادرى

بهذة القصص ونحن فى غنى عنها وماعندنا زمن ليها

الاخ ياسر كتر خيرك على طول بالك وفى النهاية انت مدرستنا

هانى شايفك اتبنيت صاحب الموضوع فى زيارتو لمراغة وظاهر من الاستقبال
ومامحظوظين فى شاى المغرب الرتبتو لى
المهم نحن حاضرين معاكم بكل احاسيسنا

تحياتى ويبقى الامل وفى انتظار سحب الكلمات الشينة يا نضار

مجدى


عدل سابقا من قبل مجدى في الإثنين 15 مارس 2010, 11:39 am عدل 1 مرات
الرجوع الى أعلى الصفحة اذهب الى الأسفل
النور إدريس
 
 


عدد المساهمات : 81
تاريخ التسجيل : 01/02/2010

مُساهمةموضوع: رد: الزواج من مراغه لتقليل نسبه العوانس   الجمعة 12 مارس 2010, 7:23 am

سلام للشباب وحقيقه دخلت فى المنتدى وجذبنى موضوع كاتبو الجعلى وللاسف لقيت الردود والهجوم الكاسح. عموما من الردود يعنى شبه اتوصلتى للموضوع الرئيسى ويبدو انو الجعلى خشه فى حته ضيقه ويا شباب اول مره الزول يكتب موضوع تكرهو المنتدى وتظل المشاكل الاجتماعيه هى محور الهم الواحد لكل ابناء مراغه حتى يتوصلو لى حلول عمليه ومنطقيه . احترم راى الجميع وكل بيصب فى المصلحه العامه وان كانت هناك مشكله فيجب ااولا تشخيصها دقيقا ليتم الوصول لى حل امثل لا يؤثر ى العلاقات الاجتماعيه ويسهم فى حل جزى لقضي نعتبرها ما زالت قائمه وتحتاج الى حراك ااجتماعى من الجنسين على حد سواء.
ا نا اتفق تماما مع الاخ هانى فى جوهر رده فى الموضوع بس الموضوع داير طرح زياده
حاجه صغيره ليك ياجعلى (اقول ليك انت عندك اجر الاجتهاد وما بشك يوم فى حرصك لحل قضايا وهموم المنطقه)
الرجوع الى أعلى الصفحة اذهب الى الأسفل
mahmod1980
 
 


عدد المساهمات : 283
تاريخ التسجيل : 11/01/2010

مُساهمةموضوع: رد: الزواج من مراغه لتقليل نسبه العوانس   الجمعة 12 مارس 2010, 1:04 pm

والله عجيب امركم يا اهلي دا البسمو النقد الما بناء الموضوع طرح اساسا لحل مشكله معينه وهي العنوسه والجعلي او الاخوه في مراغه قالو فكره ومفتكرنا هي الحل لهذه المشكله وانا لمن اجياعرف المشكله والاقتراح وكلنا عارفين المشكله ماممكن ابحث عن مشاكل تانيه عشان احبط الحل الي مشكله واحده يعني يا المشاكل كلها تكون في يا تحلو ها كلها ما بتتحلا كلها في لحظه واحده لازم نحلها مشكله مشكله او اذا رفضتو الحل دا تفكرو في حل غيرو اي حاجه في الدنيا انا ممكن انقضا ولكن بنقض بس مافي يكون ليها حل تكون المشكله قائمه انا شايف من الممكن انتو الشباب ممكن تعدلو الفكره عشان تكون مقبوله لكن ماترفضوها رفض بات وتقعدو تتفرجو مكن تقولو البقدر يعدل بين زوجاتو ويقدر يقنع مرتو الاولي بالفكره على خيره الله وبعدين خليك من بعيد رد للخت نضال انا شايف انو العمده محمد احمد اتزوج اكتر من ثلاثه وعدل بينهم وربا اولادو لدرجه انو في احفاد مابقدرو يفرقو بين اعمامهم الشققا واخيرا القصه المشهوره البقت ذي نكته في عيلتنا (عبد القادر رجب غريب من العيله لكن تزوج من عائلتنا وكانت الثانيه وفي احده المناسبات عزموه في مراغه في عرس جاب قريبتنا وجاء واتكيف من البلد والناس وبعد عام في مناسبه اخري اتى الى مناسبه واخرى في مراغه ومعه زوجته ولكن ليست بنت عمي لا الزوجه الاولي وهي اول مره تاتي الي دنقلا ونزلت في نفس البيوت ولقت نفس الترحاب فل نفكر قليلا قبل ان نسرح بمخيلتنا
وتقبلو اسفي اذا اخطات في شي والسلام
الرجوع الى أعلى الصفحة اذهب الى الأسفل
الجعلي
 
 


عدد المساهمات : 299
تاريخ التسجيل : 28/02/2010

مُساهمةموضوع: رد: الزواج من مراغه لتقليل نسبه العوانس   الأحد 14 مارس 2010, 5:29 am

الاخوه ياسر /هانى /نضار/مجدى/النور /محمود
لكم التحيه جميعا واسعد الله ايامكم
تغيرت العقول والافكار فى المواضيع التى طرحت وانا اريد ان اتناول زيادة الفاصوليا للضيوف فى زواج فخرالدين استوقنتى امراه وتحدث معى فى الموضوع المطروح وقالت لى ده موضوع مهم وتمجهروا حولى بضع نساءوتناقشنا نقاش مفيد جدا كان افضل من نقاش الدكتوره نضار بالمنتدى على كلن هنالك قبول مشروط لحل المشكله حل جذرى
وتحدث بعض الشباب اواكبر من مرحله الشباب بقليل على ان انهم يريدون حلول لعنوستهم ايضا
على كلا الموضوع محتاج الى حلول لكل الفئات وانتم واهلنا اهلا للحلول
ولكم منا جزيل الشكر
الرجوع الى أعلى الصفحة اذهب الى الأسفل
سموأل محمد
 
 


عدد المساهمات : 75
تاريخ التسجيل : 28/02/2010

مُساهمةموضوع: رد: الزواج من مراغه لتقليل نسبه العوانس   الأحد 14 مارس 2010, 10:03 pm

ابن عمتى الجعلى التايوانى ان التصدى لمثل هذه الامور وتبنيها يتطلب ان يكون الشخص عمليا وشجاعا اى جعلى اصلى ولتبدأ أنت والدكتور حسن بنفسيكما اولا لنرى التجربة عمليا ونقيم مدى نجاحها مع العلم انك ود حسن زوجاتكم من خارج مراغة
الاخ ياسر أؤيدك دون تحفظ على ماذهبت اليه فى تعليقك الاول وهذا رأيى ايضا
العزيز مجدى لك العتبى حتى ترضى انابة عن الخالة د نضار والتى لا احسبها كانت تقصد الاساءة اوالتجريح رغم انى لم اقرأ ما كتبت لانه غير موجود الان وعلى العموم يا باشمهندس مجدى نحنا كلنا اهل ودم واحد وما يسيىء اليك بالتاكيد يسيىء الينا والى الدكتورة ولنعتبر جميعا ان ما حدث مجرد نقاش نفسو حار وان لا يفسد اختلاف الرأى للود قضية ولنتسامى فوق الالام ولنمضى الى الامام
الرجوع الى أعلى الصفحة اذهب الى الأسفل
الجعلي
 
 


عدد المساهمات : 299
تاريخ التسجيل : 28/02/2010

مُساهمةموضوع: رد: الزواج من مراغه لتقليل نسبه العوانس   الإثنين 15 مارس 2010, 6:39 am

يا أبن خالى الحل لايكمن فى ذواجى انا ودكتور حسن كما زعمت انت والدكتوره نضار
لاننا لوتزوجنا نحن اتنين واقول النسبه تفوق ال55بالمائه
بعد انا ودكتور حسن بس المزوجين من بره مراغه ماانت كمان نفس الحكايه ومعاك الباشمهندس مجدى واخرون كثر بدل نبدا باثنين نبدا باربعه
انا وانت ودكتور حسن ومجدى حسن وحندخل معانا اثنين شباب هم النور وهانى وسوف نتصل بدكتور لاقامه مشروع زواج جماعى بالمنطقه واللسته فيها سته والداير يسجل التسيجيل بالمنتدى وهنالك تسهيلات كبيره جدا ولاتدعوا الفرصه تفوتكم

يا ياسر ابراهيم ماتعترض لوداير تدخل حبابك عشان تبقى ذى ودعمك جنابو وعصام محمد طه تحدثنا معه فى موضوع الذواج رد طه وقال ان الذول بعد يتم المليار حيزوج والله من وراء القصد
الرجوع الى أعلى الصفحة اذهب الى الأسفل
النذيرمحمد
 
 


عدد المساهمات : 47
تاريخ التسجيل : 10/02/2010

مُساهمةموضوع: الجعلي زول نصيحة   الإثنين 15 مارس 2010, 9:55 am

بسم الله الرحمن الرحيم

الخوه/في منتديات مراغة

سلامات واشواق بالجملة وخاصة لاخونا عرقلة

جذبي موضوع اخونا عبد الرحيم ولا اريد ان أذكر عنوان الموضوع حتي لا اغضب الكثيرين برغم من وجود المشكلة

ااصلا واحيي الدكتورة علي الروح الرياضية وحزف الرد لما به من عبارات لانود ان ننشرها على الملأ.
عكس اخونا الجعلى الذي لا يجد عضو يقف مع اراءه الا ويجد منه التاييد فالموضوع يا شباب يجب ان نقف عنده كثيرا لايجاد الحل الناجع وليس الانتقادات التي نراها المنتدي وفي رايي احد هذه الحلول الزواج المبكر للشباب والذي نعتبر انه قد بدأ بالفعل والوقوف مع الزواج الجماعي ليس الذي يدعو اليه الجعلي
فالكثير من الشباب عاذب فاذا تمكنا من تاهيل هذا العدد الكبير من الشباب فان النسبة التي تعدت ال 55% قد تقل كثيرا وبعد داك يا الجعلي نشوف الدبل
الدولة تقوم بحض الشباب عن طريق منظمة احصنان بتسهيل امور الزواج فاين نحن من ذلك .
فالصرف المبالغ فيه الذي ظهر ماخرا رغم محاولات الكثيرين من الاباء والاعمام في هذا الموضوع الذي لايجد معارضة الا من الشباب انفسهم وهم في امس الحاجة الي الدعم وتقليل يكاليف الزواج ( وذي ما قلتا يا الجعلي التسجيل علي المنتدي)

((((((((( واللستة لسة مدورة)))))))))
الرجوع الى أعلى الصفحة اذهب الى الأسفل
الجعلي
 
 


عدد المساهمات : 299
تاريخ التسجيل : 28/02/2010

مُساهمةموضوع: رد: الزواج من مراغه لتقليل نسبه العوانس   الإثنين 15 مارس 2010, 11:18 am

الصديق العزيز سعاتو النزير
لك التحيه
اولا نشكرك على المداخله ونثق فى مواقفك الايجابيه تجاه الموضوع
وذى ماقلت اللسته لسع مدوره. ان خايف الكلام يصل شمس المعارف
مع خالص تحياتى لك
الرجوع الى أعلى الصفحة اذهب الى الأسفل
مجدى حسن
 
 


الموقع : الدوحة - قطر
عدد المساهمات : 752
تاريخ التسجيل : 10/01/2010
العمر : 38

مُساهمةموضوع: رد: الزواج من مراغه لتقليل نسبه العوانس   الإثنين 15 مارس 2010, 11:51 am

دكتورتنا نضار مشكورة على الاستجابة
الرجوع الى أعلى الصفحة اذهب الى الأسفل
شهاب سعيد
 
 


الموقع : المملكة العربية السعودية
عدد المساهمات : 755
تاريخ التسجيل : 08/01/2010

مُساهمةموضوع: رد: الزواج من مراغه لتقليل نسبه العوانس   الثلاثاء 16 مارس 2010, 9:01 am

والله دا موضوع عايز ليه تفكير عميق
والدبل يا الجعلى حرم ما يحل الكلام دا
يعني انا بقترح لابد من تسهيل امور
الزواج و المشكلة بقت ما فى الشباب زي ما بتقول سعاتو النزير بالله عليك انت لما تسمع انا عايزه اقراء وبنتى انا عايزه اطلعها دكتوره
بتتزوج يا سعاتو النزير زي ما قالت ام حاتم ( المره اذا قرة القانون مصيرها الكانون مثل لا انساه مطلقا منذ سمعتها تروي هذا المثل
المشكلة الكبري هم الامهات والاكبر من ذلك الاب ليس له كلمة فى
البيت دا لابد من الاعتراف به و بالزات فى قريتنا الحنينه
و البنات بقن يفترن عايزه اقراء وفلان ما عايزاه دا سكران
الاربعة وعشرون ساعة وبرضوا بتقول الحل الدبل يا الجعلى
يا ابن عمتي دا كلام كبير واذا سمعت حجة نصره بتقول فى كلامك دا
معناه انت ما بتسكن تاني فى مراغة و غيامتك قامت ههههههههههه
وان شاء الله تعم الفائده لبيتنا الكبير و الخير و الصحه والعافيه لاهلنا الطيبين بمراغة عامة
وراجع يا الجعلى اذا كان فى العمر باقى
الرجوع الى أعلى الصفحة اذهب الى الأسفل
الجعلي
 
 


عدد المساهمات : 299
تاريخ التسجيل : 28/02/2010

مُساهمةموضوع: رد: الزواج من مراغه لتقليل نسبه العوانس   الأربعاء 17 مارس 2010, 8:24 am

الاخ ود الشريف
لك التحيه والاحترام وانت تدلوا بدلوك فى هذا الموضوع
ونحن قبل مانبدا فى هذا الموضوع دا لدينا مبادره (للعذابه بالمنتدى ) انت وهانى والنور والبقيه عليكم بالاسراع فى الذواج وانت قايليين نفسكم صغار ناس مروان وشهاب اولادن بقو رجال
شدو حيللكم وخلوها مبادره المنتدى
مع خالص تحياتى
الرجوع الى أعلى الصفحة اذهب الى الأسفل
محمد جعفر
 
 


الموقع : مترحل
عدد المساهمات : 533
تاريخ التسجيل : 08/01/2010
العمر : 27

مُساهمةموضوع: رد: الزواج من مراغه لتقليل نسبه العوانس   الخميس 18 مارس 2010, 9:10 pm

الشكر كميات لكل النجوم الشاركو ....

الموضوع حقيقة ما قريتو ... شااااايف ردووووود سااااااااااااااي
ما عارف الحصل شنو ....
الموضوع الداير مناقشة حقيقة هو الصرف المبالغ فوقو في العرس ( البزخ والترف ) صح هي ليلة ما بتتنسي
والكل بحب يوثقها أحسن توثيق لكن الزول يراعي ظروف الباقين ...
لأنو مثل الأشياء دي بتبقى عالقة في أذهان الناس لفترة طويلة ... عرس فلان داك عرس فلان داك
وفي ناس كده ربنا يهيهم بس ينتظروا العرس الجايي عشان تبدأ حملة المقارنة ...
عرس ده أحسن من عرس ....
من المفترض تتعمل لجنة تقدر تضبط وتتحكم في الامور دي ...
ما من المفترض تكون سااااااايبة كده
الرجوع الى أعلى الصفحة اذهب الى الأسفل
نضارالعمده
 
 


عدد المساهمات : 295
تاريخ التسجيل : 17/01/2010

مُساهمةموضوع: رد: الزواج من مراغه لتقليل نسبه العوانس   الجمعة 19 مارس 2010, 7:20 am

الاخوه المشاركون تنويه ..انى لم احذف رايى لان به ما يشين انا ابنة كرام وكلماتى نظيفه ..ولسانى يعف عن السؤ لكنى وردت ما يحدث فى قريتنا بكل امانه ولم اذكر غير الواقع ورفضت موضوع عبد الرحيم جملة وتفصيلا وحتى لو نساء غيرى وافقنه الرأى انا لن انقاد معهن ..ومازلت عند رايى
والاخ مجدى استغربت فيه ان يشير فى اكثر من موضع الى ان كلماتى بذيئه وانى وانى ..والجميع يجى يعلق على كلامى الذى لم يقرأوه ولم تشوبه شائبه .ان قررت ان لا اشارك لذلك سحبت رايى ليس قناعة بحديثكم


*************
دخلن هواديج الادب واتسوكرن
بى طبهن تب ما افترن
رطبات ذى الرطب الندى
بالليل كهارب حيهن
شن دار تقول فيهن ..كمان
يا بخت ابوهن وخيهن ..يابخت ابوهن وخيهن
الرجوع الى أعلى الصفحة اذهب الى الأسفل
mahmod1980
 
 


عدد المساهمات : 283
تاريخ التسجيل : 11/01/2010

مُساهمةموضوع: دا شنو دا   الجمعة 19 مارس 2010, 3:59 pm

الحاصل شنو يا جماعه الواحد عندو حريه الكتابه واي واحد عندو حريه الراي المنتدي حق الجميع يعني ماتتشاكلو وتتخاصمو فيه ولو زول ماعجبو حاجه يرسليه رساله شخصيه او يفتش تلفونه في الارشيف او من ايزول ياخدو ويفش غليلو لكن ماممكن تتشاكلو لينا قدامنا وحسي حتقولو دا عادي دا ما عادي وكل واحد منكم شال من التاني وخلصت الحكايه والمنتدي كلو حيبدا في الرجوع الر الخلف
الرجوع الى أعلى الصفحة اذهب الى الأسفل
مجدى حسن
 
 


الموقع : الدوحة - قطر
عدد المساهمات : 752
تاريخ التسجيل : 10/01/2010
العمر : 38

مُساهمةموضوع: رد: الزواج من مراغه لتقليل نسبه العوانس   السبت 20 مارس 2010, 8:30 am

كلامك صح 100% ياحوتة
الرجوع الى أعلى الصفحة اذهب الى الأسفل
نضارالعمده
 
 


عدد المساهمات : 295
تاريخ التسجيل : 17/01/2010

مُساهمةموضوع: رد: الزواج من مراغه لتقليل نسبه العوانس   السبت 20 مارس 2010, 9:53 am

شكرا محمود وارجوع للحق فضيله والعزيز مجدى لك العتبى حتى ترضى
يجب ان نكون قدوه حسنه وكما قال مجدى افتراض حسن النيه فى كل شئ
وانشاءالله تعرسوا كلكم المتزوجين قبل العزاب ونفضى لمشاكلنا الحقيقيه
ومافى زعل يا حودا دا كان نقاش نفسو حار شويه
تسلمو جميع
ا
الرجوع الى أعلى الصفحة اذهب الى الأسفل
ياسرابراهيم
 
 


عدد المساهمات : 466
تاريخ التسجيل : 24/01/2010

مُساهمةموضوع: رد: الزواج من مراغه لتقليل نسبه العوانس   السبت 20 مارس 2010, 3:15 pm

وكنت اعد نفسي لمزيد من المداخلات في الموضوع
ليس من باب المناكفه ولكن محبه في البلد وناسه
وانتظرت اراء بعض الاخوه/الاستاذ بكري جعفر/جمال سعيد
باقر/عبدالله حمد/محمد حسن/هيثم شهلي/ويا ريت رضوات يكون قريب
من خلال مداخلات الاخوان
ابادول
طاف علي الموضوع من بعيد لبعيد واعد لنا ذي ما تقول ورشه نقاش
محمود
اشار الي حل عملي وبعيدا عن العاطفه وقال(الواحد لو قدر يقنع مرتو ويعدل بينهم
خير وبركه) وظني ان ذلك لا ينفي المحاذير التي نخشاها
الجعلي
عاد وذكر نقاش بعض الاخوات له وهو يهم باخذ زياده فاصوليا
في عرس العزيز فخر الدين ووصفه بالنقاش المثمر
ولكن اخونا الجعلي تحاشا ان يذكر ان هنالك كثير من الاخوات والامهات هموا
بان يكشحو فيهو حله الشوربه لولا انو اتخااااااااااااااارج 0
سمؤال
العاقل الراسي ينفع كبير مفاوضين وانا دائما عزيزي سمو يعجبني الذي ياخذ الموضوع
بين يديه ويمعن النظر في كل اطرافه فليس المشرط دائما هو الحل الاخير
جنابو النذير
ليتك كنت مع المجتمعين في المسجد العتيق واهديتهم كلماتك لخرج الجميع وهو ممسك ببعض الحلول
العزيز شهاب
اشار مثلنا الي ان الحل لا يكمن في الدبل بس الكلام بيناتنا يا شهاب ما يصل العمه 00
وما بين مداخلات باشمهندس مجدي ود/نضار تكمن اخوه البلد ومحبه الاهل وتقدير الجميع
بعضهم لبعض ليس الا,,,,,,,,,,,,,, ليس الا يا هندسه ويا دكتوره ليس الا
لكن والله يا دكتورة
رطبات ذي الرطب الندي
بالليل كهارب حين
طااااااااااااااااااااعمه جنس طعاااامه اخذتها دون استذان وغمستها بالعسل واكلتها
ما زادتني الا جوعا
للجميع محبتي
الرجوع الى أعلى الصفحة اذهب الى الأسفل
الجعلي
 
 


عدد المساهمات : 299
تاريخ التسجيل : 28/02/2010

مُساهمةموضوع: رد: الزواج من مراغه لتقليل نسبه العوانس   الأحد 21 مارس 2010, 5:30 am

التحيه لكم جميعا
مجدى /نضار /ياسر /محمود/سمؤل
على مروركم وتعليقاتكم
الاخت الدكتوره خلى نفسك بارد ذى نفس العمد والموضوع يحتاج الى نقاش موضوعى
وماتبيقها ذعل وخصومات .بعدين الغرض من الموضوع ماانو الناس تدبل ذى ماانت بتقولى نحن دايرين حلول حتى لو جونا عرسان من بنغلاديش اومن الصين او من الكويت ان عاوذين حلول للمشكله .بعدين فى مراغه جربنا الذواج خارج السودان ويمكن نجح اكتر من المحلى كمان على الاقل الناس بطلعوا حلوين واذكياء يااريت ابوى كان كويتى ولاسعودى.لكن الحمدالله ربنا اراد كدا.وله رايكم فى الكلام ده شنو يا ياسر ومجدى ى
الرجوع الى أعلى الصفحة اذهب الى الأسفل
محمد جعفر
 
 


الموقع : مترحل
عدد المساهمات : 533
تاريخ التسجيل : 08/01/2010
العمر : 27

مُساهمةموضوع: رد: الزواج من مراغه لتقليل نسبه العوانس   الأحد 21 مارس 2010, 8:27 am

يا الجعلي شنو عرساااان مستوردين من الصين انت شكلك اتأثرت
بمقال للصحفي الساخر عابر سبيل عندو مقال ساخر عن الكلام ده
الرجوع الى أعلى الصفحة اذهب الى الأسفل
شهاب سعيد
 
 


الموقع : المملكة العربية السعودية
عدد المساهمات : 755
تاريخ التسجيل : 08/01/2010

مُساهمةموضوع: رد: الزواج من مراغه لتقليل نسبه العوانس   الأحد 21 مارس 2010, 9:29 am


اليوم يا شباب موضوع الدبل دا
ما موضوع يتناقشوا فيه وهو اسخف من سخيف الحل هو شي واحد فقط

تسهيل امور الزواج من كل النواحي
وسؤال يا الجعلى وبقيه الاعضاء الكرام

هل برايكم تعدد الزوجات هو الحل الامثل لقضاء على العنوسة فى مراغة بالزات
وبعدين يا شباب خلوا اخلاقكم رياضيه ومافى داعي للزعلمن بعض وإدارة المنتدي

عملت كل جهدها لتلم شمل اهلنا الحنان فى بيت واحد وكل واحد يروى رايه بكل صرحه فى اي موضوع طرح
وان شاء الله وبعونه الكريم وزى ما بيقول ( ايد على ايد تجدع بعيد ) واكرر ما فى داعى من
نشيل من بعض واعضاء المنتدي بيتنا الكبير اذا سمعتوا انتم وبالزات الناس الجالسه فى المنطقه ( مراغة ) عن
المنطقة من الخارج والله تنكر انك من هذه المنطقة وتقول انا من بنجلاديش لانهم بفهوا اكثر مننا فى كل الامور



ولا رايك شنو يا الجعلى ( حرم ان كان تقول رايك ) فى الكلام دا وانت جعلى


وراجع ان كان فى العمر باقى


الرجوع الى أعلى الصفحة اذهب الى الأسفل
الجعلي
 
 


عدد المساهمات : 299
تاريخ التسجيل : 28/02/2010

مُساهمةموضوع: رد: الزواج من مراغه لتقليل نسبه العوانس   الأحد 21 مارس 2010, 10:33 am

الاخ ود الشريف
لك التحيه والاحترام وان تسهر الليالى فى خدمه المنتدى وشكرا على تعليقك واهتمامك مع العلم بان هنالك مجموعه من الاخوان
لديه تحرك ايجابى فى موضوع تقليل تكاليف الذواج
الاخ محمد جعفر
توجد مبادره من بعض الخريجين للجلوس معكم فى جلسه اسريه للتفاكر فى مواضيع الرابطه مع العلم بان التكلفه الماليه للجلسه على حساب الخريجين
وشكرا على مرورك وتعليقك
الرجوع الى أعلى الصفحة اذهب الى الأسفل
dr.babikir
 
 


الموقع : السودان
عدد المساهمات : 780
تاريخ التسجيل : 13/02/2010

مُساهمةموضوع: رد: الزواج من مراغه لتقليل نسبه العوانس   الأحد 21 مارس 2010, 7:22 pm

سلاماااات اخونا عبدالرحيم وانت تهتم لامور حبيبتنا مراغة ويكفي انك الجعلي لو ياباني ولا صيني المهم اهتمامك وطرحك لهذا الموضوع مع انو ما قريت الموضوع لكن من الردود تقريبا فهمت الموضوع المهم الطرح لايجاد الحل ولكل شخص رايه الرجاء تحمل بعضنا البعض واحترام الاراء وربنا يوفق الكل يارب العالمين
الرجوع الى أعلى الصفحة اذهب الى الأسفل
الجعلي
 
 


عدد المساهمات : 299
تاريخ التسجيل : 28/02/2010

مُساهمةموضوع: رد: الزواج من مراغه لتقليل نسبه العوانس   الإثنين 22 مارس 2010, 5:24 am

الدكتور بكرى
اسعد الله ايامك وشكرا على تعليقك ومافى مشاكل انشاءالله ودا كل اختلاف راى لااكثر
الرجوع الى أعلى الصفحة اذهب الى الأسفل
Bakri G. Salih
 
 


الموقع : السعودية/الرياض
عدد المساهمات : 447
تاريخ التسجيل : 09/01/2010
العمر : 61

مُساهمةموضوع: رد: الزواج من مراغه لتقليل نسبه العوانس   الجمعة 26 مارس 2010, 2:35 pm

الاخوة الاعزاء

التحية العبقة للجميع.

وليكن همنا الاول اللقاء والمحبة وتبادل الراي بكل موضوعية وكل حسب قناعاته بعيدا عن التجريح هما كان لخدمة اهلنا ، صحيح الموضوع حساس شوية وفيه تصنيف نسبي مع او ضد التعدد وفي النهاية لايصح الا الصحيح وان شاء الله الكل راضي:

بالتاكيد حسب راي الغالبية فان في تخفيف وتيسير الزواج من شأنه ان يحل 80% من مشكلة العنوسةعندنا مع شوية همة من العزاب ويبقى ال 20% وحلها في التعدد ولا بديل ثالث، حسب ما اذكر أن غالبية أجدادنا –الله يرحمهم -( الشيخ/صالح بشارة، الشيخ/تاج الدين صالح، العمدة /صالح نصر واولاده من بعده .....الخ )عددوا وجابوا لينا كوكبة من الرجال والنساء وما كان في ايه مشكلة كل الناس سمن على عسل. وبمعنى آخر فانا من انصار التعدد بشرط تحمل الزوج تبعاته كامله. وينطلق القتاعة من:-

إذا سلمنا أن هذه الحياة الدنيا هي دار ابتلاء وامتحان....للغني والفقير على حد سواء. كما قال الله في محكم تنزيله "ونبلوكم بأيكم أحسن عملا"

فكل شئ يكون مقبولا ومبررا ولا داعي للانزعاج. نقول كل ميسر لما خلق له.

وطالما التحدث عن التعدد فلا بد من الرجوع لاساس الزواج كما حددها رسولنا الكريم (ص)في :

تنكح المرأة لاربعة لمالها،ولجمالها،ولحسبها/نسبها ولدينها فاظفر بذات الدين تربت يداك.

احبتي انظروا للترتيب التصاعدي لموضوع الحديث

-المال (غاد ورايح)

-الجمال( ثابت ومتناقص)

-الحسب(ثابت)

-الدين (ثابت ويزيد)

وانا في نظري أن تفاعل المرأة مع مبدأ التعدد تتناسب طرديا مع قوة تدينها وارتباطها بربها فكلما زادت درجة تدينها كان تعدد بعله بمثابة مساحة اضافية لها للتقرب لله سبحانه وتعالى محتسبا الاجر والثواب منه وذلك من عدة وجوه منها:-

1- تعدها نوع من الابتلاء الرباني.

2- معظم خوف الزوجة مبني على انها ستفقد جانب من مال زوجها لصالح آخرين " الجات في مالك سامحتك"

3- نوع من الإيثار " ويؤثرون على انفسهم ولوكان بهم خصاصه".

4- حماية زوجها من الدروب الاخرى.

5- فتح مجالات رزق جديد للاسرة.



ومن الجانب الاخر فإن الذي يتحمل تبعات التعدد هو الزوج من شتى جوانبه المختلفه، وانه مسئول عن هذا القرار في الدنيا والاخرة لكونه مطالب بالعدل بين الزوجات رغم صعوبتها وقيادة السفينة بالحكمة في وسط الامواج والمنازعات والغرائز صدقوني الراجل هو الخاسر الاول والاخير

"صبر جميل والله المستعان"



وكما اطمئن الزوجة المتعدد عليها بان وضعها في قلب زوجها في مكان عليه مهما كان درجة الاختلاف. قال الشاعر

نقل فؤادك حيث شئت من الهوي وما الحب الا للحبيب الاول.

"ادروووب ولووووف"

فالنحسن الظن بالله ،ونذكر قوله تعالى

"عسى أن تكرهوا شيئا وهو خير لكم"

المطلوب من اخواتنا واخواننا جرعة ايمانية زيادة شوية لتقبل الامر بروح رياضية قابليتها للطبيق بسلاسة وباقل الخسائر.

واعتبارها نوع من الابتلاء الحميد.......الخ.
وبالله التوفيق
الرجوع الى أعلى الصفحة اذهب الى الأسفل
الجعلي
 
 


عدد المساهمات : 299
تاريخ التسجيل : 28/02/2010

مُساهمةموضوع: رد: الزواج من مراغه لتقليل نسبه العوانس   الأحد 28 مارس 2010, 10:21 am

الاخ العزيز بكرى جعفر
لك اصدق التحايا
وشكرا جزيلا على تعليقك الرائع والمثمر والموضوعى
مع خالص تحياتى لك
الرجوع الى أعلى الصفحة اذهب الى الأسفل
 
الزواج من مراغه لتقليل نسبه العوانس
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شبكة مراغه الأصاله والتاريخ ::  قسم الشباب والطلاب -
انتقل الى: