القول القليل في حق من قدم الكثير

هذه الابيات مهداة لكل الاهل بمراغه عامه كان لابد لي ان امدح جدي العمده

العمده حاكم للبلاد رغم المسافات الطوال
العمده كان يشفي المريض العمده يقطع كل مسافات المحال
في عهدو كان شايل البلدبي اسمي آيات الوصال
العمده كان ببذل جهود مرات تفوق الاحتمال
شايل حمولةزول فقير وآخرعليل بي صبرو ثابت كالجبال
مامل من هم البلد وشقي الحكم ومغامرات الارتحال
واتحدي في الزمن الصعب كل الصعوبات العضال
كل البلد خيراتها كانت من اياديهو البتؤمن بالحلال
العمده رسخ فينا تاريخ ماانكتب وليه ينكتب ما اصلو معروف للجميع
كل البلاد تحلف يمين العمده حارث للديار من شيخا للطفل الرضيع
مابيرضي بالذل والهوان ومابخشي من جور الزمان في الكربه هو الزول الوجيع
مابارح الدين الحنيف دستورو من وحي الكتاب للمولي والرحمن مطيع
احكامو كانت مابتخيب افكارو كانت مابتغيب للزمه مابشري ويبيع
كل الخلافات في القري كل انفعالات الوري حلاها بالراي السديد
خاتينو في وش الصعاب في القاسيه والعجب العجاب في المره في الحرب الشديد
مرجعنا في الفات والمضي نبراسنا في وكت الضلام مرشدنا للماضي التليد
شبعنا بي حسن السلوك رفعنا لي قامة الملوك نورنا للدرب الرشيد
درسنا معني الاحترام بعدنا من درب الحرام حببنا في الخلق الحميد

نحن علي استعداد تام علي المقابله والمطارحه الشعريه في هذا المنتدي وكل يدلو بدلوه فيما اراد القول كما قال الاخ عمرين
في قول الشعر الكلمه مابتغلبنا
في ضرب الرقاب قاسيه وصعيبه حربنا