شبكة مراغه الأصاله والتاريخ



 
الرئيسيةالموقع الرئيسى للشبكةصفحتنا على الفيس بوكالصفحه الرئيسيهالصحف السودانيهالمصحف الشريفالتسجيلدخول

إدارة شبكة ومنتديات مراغه : ترحب بكل أعضائها الجدد وتتمنى لهم أسعد الأوقات بيننا شرفتونا بإنضمامكم لنا ونتمنى مشاهدة نشاطكم ومساهماتكم التي سوف تكون محل تقديرنا واهتمامنا أهلا وسهلا وحبابكم عشرة بين اخوانكم وأخواتكم

شبكة مراغه الأصاله والتاريخ نحو سعيها للتواصل مع أعضائها الكرام فى كل مكان وزمان تقدم لكم تطبيق شبكة مراغه للهواتف الذكيه فقط قم بالضغط على الرابط وسيتم تنزيل التطبيق على جهازك وبعد ذلك قم بتثبيته لتكون فى تواصل مستمر ومباشر مع إخوانك وأخواتك على شبكتنا.

شاطر | 
 

 من الفائز فى الانتخابات

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
النور إدريس
 
 


عدد المساهمات : 81
تاريخ التسجيل : 01/02/2010

مُساهمةموضوع: من الفائز فى الانتخابات   الإثنين 12 أبريل 2010, 8:44 am

الاخوه والخوات الافاضل فى المنتدى اننا اليوم فى ثانى ايام الاختراع فى السودان والامر فى مراغه يختلف عن السابق فى كون لنا مرشح من داخل الحى التف حوله الاحياء المكونه للدائره قبلنا لذلك اود ان نناقش من خلال هذه المساحه النتائج الانتخابيه خلال اليومين القادمين بكل موضوعيه حتى نخلص الى مواقف محدده فى السيكلوجيه المراغاويه فى اختياره وتحديد رغباته ومصالحه
واكرر القول سيكون فقط تحليل للاحداث
الرجوع الى أعلى الصفحة اذهب الى الأسفل
mohammed alzaki
 
 


عدد المساهمات : 53
تاريخ التسجيل : 11/01/2010

مُساهمةموضوع: رساله   الإثنين 12 أبريل 2010, 7:17 pm

الانتخابات دى امرها انتهاااااااااااااااااااااااااا اعملوا للمنديال القا دم ان اشاء الله
النتيجه دى محسوم و الفتر يمرق و الميس قرب الرئيس عمر البشير الوالى فتحى خليل ارحناء بها يابلال؟؟؟وبقيت العقد النضيد
الرجوع الى أعلى الصفحة اذهب الى الأسفل
mahmod1980
 
 


عدد المساهمات : 283
تاريخ التسجيل : 11/01/2010

مُساهمةموضوع: انتخابات مراغه   الإثنين 12 أبريل 2010, 10:52 pm

شكرا لكي اخي النور ادريس على اثاره هذا الموضوع الهام
وكما قال الاخ عوض الانتخابات امرها محسوم ولم افهم كيف امرها محسوم المهم الانتخابات امرها محسوم للسيد رئيس الجمهوريه وماذا عن الباقين الرئيس عمر البشير هذا وارد لانو مافي زول منافس بستاهل يكون رئيس غير عمر البشير والباقين النازلين ما مواهلين يكونو منافسين وهذا لا يعنينا الذي يعنينا يا اخي عوض هو الانتخابات في مراغه لماذا لم تذكر من هو الفيز ولا خجلان انا داير اسال الجارين ورا الموتمر الوطني في مراغه ديل بيستفيدو شنو جارين ورا مصالحهم الشخصيه ما عشان مراغه وطبعا دا ظاهر ما مشكله لكن كونو منصفين حيبو البلد الانتو عايشين فيها ذي ما بتحبو نفسكم انتو ممكن تكونو مع الموتمر الوطني وكلنا مع الحكومه دي لانو ما في احسن منها وهي الحتطلع السودان من الحفره الهي فيها وتقدم السودان الي الامام ولكن المشكله الكرهتنا فيكم وفي الحكومه دي زاتها لي جارين وراء هارون بتستفيدو منو شنو وحيفيدكم بي شنو وحيضرنا بي شنو هارون واحد من تنظيم واحنا زاتنا مع التنظيم دا حيطلعكم منو لي ما تبقو انتو ذاتكم محل هارون ما مواهلين لي دا السودان يمشي لي قدام دا الاحنا كلنا دايرنو بس السودان يمشي ومراغه تكون واقفه محلها دا الما دايرنو والحكايات البتعملوها دي ما بتنفع الخلافات بين الاهل والجيران عشان مين عشان هارون لي شنو هو مين هارون عشان نختلف من اجلو هو انتو بعد الانتخابات دي حتشوفو هارون تاني حسن ابراهيم بيشتغل من اجل مراغه هل هارون بشتغل من اجل مراغه وما تعكس كلامي افهمو ذي ما هو قلتليك احنا مع عمر البشير بس ما معا هارون لانو ما حينفهنا ولو نفع زول حينفعكم انتو وما اظن انو ينفعكم كمان القبلو عملينا شنو من بدايه بي مرغني والامين الحسن عمل لي مراغه شنو ما كنا جارين وراء جابلينا كورتين للنادي واتكلمو وجو قعدو في الكراسي الاماميه في حفلاتنا عشان شنو يشرفونا ونتشرف بيهم انهم قعدين قدام والله احنا عندنا في مراغه ناس ديل مايساوى اي حاجه جمبهم
حتي السباق للفوز لازم يكون شريف يعنو شنو ان ناس قعدين في بيوتهم ناس يخشو عليهم ويحلفوهم بالمصافح عشان يدو فلان دا شنو دا جهل يعني شنو ان الرجال والنسوان يقيفو ضد قريبهم وجارهم عشان الغريب لي شنو دي كلها عداوات شخصيه ما داخل فيها خدمه مراغه بل هي رغبات شخصيه ما ليها للعقل اي صله والبيجيبو ربنا كلو كويس والزول الزعل من كلامي بقولي معليش بس مصلحه مراغه اهم منو
الرجوع الى أعلى الصفحة اذهب الى الأسفل
نضارالعمده
 
 


عدد المساهمات : 295
تاريخ التسجيل : 17/01/2010

مُساهمةموضوع: رد: من الفائز فى الانتخابات   الثلاثاء 13 أبريل 2010, 8:50 am

محمود يا عزيزى فتحت النار .......اوع يطق ليك وريد ..اصلا السودان ماشى بالمصالح الشخصيه وقنعانين تب من خيرا في اؤلئك النفر مع اختلافى معك فى جزئيه من حديثك لكن هذا ما يحدث الان هناك كما نقل لنا وكما توقعنا وكما نعلم من واقع الحال وانا وللامانه اذكر واقعة حدثت لنا اطباء الاطفال فى حوادث الاطفال عندما اتى ذلك الرجل مرشح المؤتمر الوطنى فى دائرتى وابنته مريضه بملاريا رفض دخول العنبر العام مع المرضى الاخرين لان العنبر لايليق بعظمة اسرته غير معد لاستقبال المرضى من امثاله فوجهناه الى الخاص فذهب واتصل بالاختصاصى تبعى واشتكى الذى بدوره اتصل بى وقال لى بالحرف الواحد يانضار دى الحكومه اخلى لهم غرفة العزل والحالات الطارئه!!!!وبما ان غرفة العزل كانت مشغوله بطفل جنوبى مريض بفقر الدم والتهاب كبدى أ والتهاب حاد فى الصدر رفضت ودافعت عن حق الطفل الجنوبى وذهب الرجل غير ماسوف عليه الى الجناح الخاص !والله اعلم من هل دفع من جيبه ام من جيب الحكومه..بينما العم حسن نادى بالصلاح ودعم من حر ماله مرضى كثيرين ضاقت بهم السبل وانا شخصيا استعنت به لمساعدتى فى الادويه والحقن لان ديوان الذكاء رفض تسديد فاتورة احد اطفالنا ولم نعلم عنه سوا انه منع الحفلات للمشاكل المصاحبه(سمعت ان احد المساندين لهارون قال سببه ان حسن يمنع الحفلات)!!ودعا الى الصلاح والانعدال والاعتدال واهتم بشئون القريه وبكل فرد فيها ورجل يتقى الله ومتعلم ويصرف من حر ماله وما هارون الا رجل هارب من الجيش لم يحاكم وتأس مشروع الخريجين ولم نسمع انه اتى ثمره وأكله الا رائحة الدواجن النتنه وصلت انوفنا فاستفرغنا معاناة وحسره
شكرا والله على ما اقول وكيل
الرجوع الى أعلى الصفحة اذهب الى الأسفل
mohammed alzaki
 
 


عدد المساهمات : 53
تاريخ التسجيل : 11/01/2010

مُساهمةموضوع: رد: من الفائز فى الانتخابات   الثلاثاء 13 أبريل 2010, 10:44 am

الاخ محمود عرقله
انا ما بخجل من اى شى وكلامى واضح ودكتور حسن نحن نكن له كل الاحترام والتقدير
لاكين اقول ليك لو الموتمر الوطنى نزل شعار من دون شخص انا مع الاموتمر الوطنى مثلة مبداء
ليس الا لا مصلحه كماء تفضلة بالقول
وانا اكد لك بانه لا يوجد اي خلافات فى مراغه
وانتو بطالبوا بي الديمقراطيه خلوا كل انسان يختار بمن يراه مناسب
ومراغه انتو مابتحبوها اكتر مننا حتى تتهم الناس بنهم لا يريدون مصلحة مراغه
قال تعال (ان جائكم فاسق بنبئا فتبينوا ان تصيبوا قوما بجهالة فتصبحوا على مافعلتم نا دمين
صدق الله العظيم
الرجوع الى أعلى الصفحة اذهب الى الأسفل
ايمن محمد يسن
 
 


عدد المساهمات : 16
تاريخ التسجيل : 07/04/2010

مُساهمةموضوع: رد: من الفائز فى الانتخابات   الثلاثاء 13 أبريل 2010, 11:20 am

الاخ الراقي جدو الخلافات حصلت بين الاهل بالشتائم قربت للضرب
تقولي دمقراطيه في مراغه انحنا الحق الانتخابات تجينا بعد 100 سنه
الرجوع الى أعلى الصفحة اذهب الى الأسفل
نضارالعمده
 
 


عدد المساهمات : 295
تاريخ التسجيل : 17/01/2010

مُساهمةموضوع: رد: من الفائز فى الانتخابات   الثلاثاء 13 أبريل 2010, 11:30 am

ايمن سلامات يا زول رايع مشتاقين كميات اخبارك
بالله الحاله حصلت للدرجه دى لا حول ولا قوة الابالله
حسبى الله ونعم الوكيل لكن لابد لليل ان ينجلى ولابد للصبح ان ينبلج وربنا يهون الامور
كونوا بخير لا ديمقراطيه صحيحه مع هؤلاء
الرجوع الى أعلى الصفحة اذهب الى الأسفل
سيف شهلى
 
 


عدد المساهمات : 435
تاريخ التسجيل : 11/01/2010

مُساهمةموضوع: لكم جميعا   الثلاثاء 13 أبريل 2010, 6:47 pm

اخى النور : سلام انته قلت فأوجزت ولكن نضار وايمن ومحمود ماشاء الله ماقصروا كتبو صفحه كامله
ولكن كان يكون اجمل لو لم يتعرض فيه من قال رأيه لشخص لأانو لايعقل ان تتحدث عن شخص بما ليس فيه ودكتوره
نضال قالت فى مقال سابق ان يكون تناولنا للمواضيع السياسيه بصوره حضاريه وين يادكتورة الحضاره انك تسبى زول
وتصفيهو انو هارب من الجيش واكل مشروع الحريج هل انتى تحققتى من هذا الموضوع بتفسك ولا ده الكلام
البيقلوهو ناس كده ولافين بيهووماخلو بيت عرس ولا بيت بكا ولا الجمعيات بتاعت النسوانالفى مراغه
ماخلو فى الراجل شئ المهم هو عدادو رامى حسنات وعداد ناس كده رامى سيئات ساكت. والله انا اقول ليكى الكلام ده
ليس دفاعا عن هارون ولكن حتى لانخوضى فى الافك واقول ليكى (ومايلفظ من قول الا لديه رقيب عتيد
والديمقراطيه هي صناديق الاقتراع وهدو النفوس يلجماعه واصبرو والتيجه حتظهر والفايز بحسابات النور حست ابراهيم واخرون يرون
الفائز هارون لكن هو مايهمنى فوزنا فى مراغه بترابطنا وعاوزين تكون روحنا رياضيه يعنى لو حسن فاز يجى هارون بيارك ليهو ولو هارون فاز
يمشى حسن يبارك ليهو ودا الاسلوب المتحضر العاوزنو مافى داعى للشحناء والبغضاء والسب والشتم وذى ماقالو فساد الراي لايفسد للود قضيه
ولكن اخرون الله يعلمهم انتهزو هذه الفرصه واخزو يتخزو من هذه الانتخابات زريعه لزرع بوادر الخلافات بين الناس والفتن زرعت بين البعض ولكن
دوما تاتى ارادة الله لتلطف بعبيده المستضعفين ويانضال والله ماقاله بعض الناس فى هارون لم يقله مالك فى الخمر ده كلو عشان يكرهو الناس فى هارون
والناس تصوت لى د. حسن وحقو دكتور حسن ذاتو كان يقول للناس المعاهواالبتكلمو عن المرشح المنافسو ده انا ماداير لي زول يمشى يتكلم عنو كلام فارغ
وخلو الناس لقناعاتم ودي الروح الرياضيه وده اللعب النظيف بدون فاولات ونتلاقى بعد الفرز .......
الرجوع الى أعلى الصفحة اذهب الى الأسفل
mahmod1980
 
 


عدد المساهمات : 283
تاريخ التسجيل : 11/01/2010

مُساهمةموضوع: رد: من الفائز فى الانتخابات   الثلاثاء 13 أبريل 2010, 7:53 pm

سبحان الله طلعنا نحن في النهايه الجاهلون الفسقاء وكمان بي شنو بي ادله من القران انتو شايفين في هارون بيخدم مراغه اكتر من حسن ابراهيم ولا انتا ياسيف لو ختوليك ورقه ساي برضو بتجري وراها يا سيف الدين مش انتا الكنت داير تتشاكل مع واحد اكبر منك عشان بيهظر مع زول وقالي انتا اصلو مع منو وجيت جاري انتا وبعض النفر ومعاكم خالو عديل دايرين تتشاكلو وتعملو حاجات انتو اساسا ماليكم اي صله بيها مع العلم ان المتحدثين تربطهم مع بعضهم البعض صله قرابه قويه انا بقوليك انتا مالك ومالهم يقولو اليقولو يا دمقراطي وبعدين ياتو دمقراطيه البتخليكم تخشو البيوت وتحلفو الناس عشان يدو هارون وفي النهايه انتو لو شاييفين انو هارون بخدم مراغه اكتر من من حسن ابراهيم وعلى العموم حسن ابراهيم لو ما نجح في الانتخابات حيفضل برضو الدكتور حسن ابراهيم
الرجوع الى أعلى الصفحة اذهب الى الأسفل
نضارالعمده
 
 


عدد المساهمات : 295
تاريخ التسجيل : 17/01/2010

مُساهمةموضوع: رد: من الفائز فى الانتخابات   الأربعاء 14 أبريل 2010, 10:31 am

شكرا يا ابن عمى العزيز صح لسانك ونحن عمد من الله خلقنا راقين وحضاريين وصوتنا مسموع ويكفينا انو من ترشح فينا دكتور والعندو حقيقة غير حقيقة المرشح التانى التى ذكرتها فليأت بها
والله كان فى بيت شعر قالوا هانى ردا على بعضهم مناسب لكنى ما مثقفه زى هانى خانتنى الذاكره
لكن نقول حسبى الله ونعم الوكيل
الرجوع الى أعلى الصفحة اذهب الى الأسفل
مجدى حسن
 
 


الموقع : الدوحة - قطر
عدد المساهمات : 752
تاريخ التسجيل : 10/01/2010
العمر : 38

مُساهمةموضوع: رد: من الفائز فى الانتخابات   الأربعاء 14 أبريل 2010, 10:54 am

الاخوة الاكارم
والله مشتاقين عديييل كدة الاخبار والامور ان شاء الله تمام فى مراغة بعد الهوس الحاصل دة

السياسة لعبة قذرة وعشان كدة ودالشريف ما داير يفتح منتدى سياسى فى منتدانا ويلوثو الماصدقنا انو لما لينا الناس دة
ويكفى انو اخيرا شاركنا العزيز ايمن محمد يس الزول الراقى

الاخوة الكرام طبعا العم الدكتور حسن ابراهيم افضالو على مراغة كتيرة منذ استقرارو
ظهرت مساهماتو الواضحة فى المركز الصحى زمن تشيدو
وصيانة الجامع العتيق واشهد معاناتو وكيف كان بلم التبرعات للصيانة وجهدو وعرقو من اجل مراغة
وفى النادى برضو الفترة الاخيرة
وطبعا دة ديدنو هو وشيخ فتحى (ابو فواز) فى البلد

بس يا النور دة مابعنى انو ناس مراغة ملزمين يصوتو لى لانو اى زول حر فى صوتو
وسيف وجدو من حقهم يدافعو عن تنظيمهم للنهاية

ويكفى انو جدو مرقا فى كوووووووووشة

الاستدلال بالقران حاجة كويسة شديد واللة واحسن مما نستدل بالامثال الانجليزية
ودة من باب التاصيل وفقة الرجوع لاصل الدين وربط الدين بالدنيا

وياحوتة رايك جزء كبير منو صح بس ماف داعى للتجريح ونبش الماضى
فى النهاية نحن كتلة واحدة

والانتخابات اصلا مصالح ولعب وحشد اعلامى وجماهيرى والحشاش يملا شبكتو ويقنع الناخبين
من غير زعل ولامهاترات

وبعدين كل الشغلة مصالح وامال المستقلين ديل لى رشحو نفسهم بعد ما تنظيماتم السابقة زعلتم او زعلو منها
ماكان يلتزمو براى المنظومة لو ماجارين ورا المصلحة ان كانت شخصية او عامة

د.نضار عنفك الشديد دة بدينا احساس وبخلينا نفكر انو انت الطبيبة الانسانة الرقيقة ولا جنرال جيش زى شيخ هارون

المهم لكل راية واى زول حر فى راية
وانا عرفت انو معظم ناس مرغة خامنهم ومعظم نساء

اخير نحن اهل والجمعة قربت ويا النور حتعرف الفائز

رمية اخيرة:
ياهانى الجعلى يومى بقرا الموضوع دة ومنتظر مداخلتك ولا لسة محبط ... الله كريم .. واخوانك جنبك
بس رايك شنو فى تحليل اسحق احمد فضل اللة امس وانو البرلمان حيكون فيهو 360 موتمر وطنى من جملة الــ 450 نائب

تحياتى
مجدى باشنتود
الرجوع الى أعلى الصفحة اذهب الى الأسفل
نضارالعمده
 
 


عدد المساهمات : 295
تاريخ التسجيل : 17/01/2010

مُساهمةموضوع: السياسه   الأربعاء 14 أبريل 2010, 12:31 pm

سلامات يا هندسه مشتاقين صدقنى اضحكتنى من الداخل وانا اقرأ تعليقك..تحيلت روحى عسكرى!!!
تعرف مشكلتى الاولى هى قلبى الحااااااار ثم لوضوح والغيرة على بلدى
واريد ان اوضح هنا شئ ان المرشحان هما احمد وحاج احمد اى تابعان للبشير !! مع فرق ان العم الدكتور حسن رجل معروف بغيرته على قريتى واياديه البيضاء وفهمه وزوقه وخوفه من الله ومواقفه المعروفه فى مراغه ونحن مع مصلحة القرية فقط
ولم نعترض على حق الانتخاب ولم نجبر احد على اختيار الدكتور لكن لاندفن رؤسنا عما يحدث من مهاترات وان فاز وان لم يفز فهو جدير بالاحترام لا المحاربه
ولم اجد يا مجدى غير مقال للفاتح جبرا لابرّد هذه الصفحه
!! ويمكن يسخنها


(1)
دكان الحى.. الصباحية.. عدد من الزبائن أمام سيد الدكان بينهم (خير الله) ورفيقه.. يأتى خلف الله يحمل فى يده (جك الفول).. يلقي عليهم التحية ثم يخاطب سيد الدكان:
- بالله لو سمحتا أدينا (فول) بى جنيه وخت لينا فيهو مويت (جبنة) وزيت بى خمسمية!
- يا خلف الله الأولاد ديل ما (هردتهم) بالفول.. طوااالى فول فول فول..
- أيوه يا خلف الله يوم ياخى غير ليهم.. جيب ليهم سمك.. كبده شية..
- أجيب ليهم من وين؟ أسرق؟ أختلس قروش المصلحة!
- لا لا يا خلف الله كل حاجة ولا السرقة دى..
- طيب أعمل شنو يعنى!
- تستفيد من صوتك يا خلف الله!
- أبقى فنان يعنى..
- فنان شنو يا خلف الله هو انحنا ناقصين..
- أها يعنى أستفيد منو كيفن يعنى..
- تديهو للزول الممكن يغير ليكا حياتك ويأكلك بدل الفول ده قلوب وكلاوى وشية!
- اديهو للجزار يعنى؟
- جزار شنو يا خلف الله تديهو للزول المرشح فى الإنتخابات الإنتا عاوزو..
- والزول ده شغال شنو؟
- الزول ده ما شغال.. شغلو كلو إنو يوفر ليكا كل حاجه..
- يعنى ما عندو شغلة؟ عاطل يعنى؟ طيب ح يجيب ليا الكبد والكلاوى دى من وين؟
- يا خلف الله هو بجيبا ليك.. انتا مالك ! يااااا خلف الله ما عذبتنا!!
(2)
خلف الله وخيرالله ورفيقه يجلسون أمام دكان خيرالله.. تأتى إمرأة تخاطب خيرالله:
- خيرالله ياخوى أدينى الأمانه السلمتك ليها!
- (يخرج كيس صغيرمن جيبه يسلمها لها): أهو دى أمانتك زى ما هى..
- شكراً يا خيرالله..
- (يلتفت إلى خلف الله): أداء الأمانات ده يا جماعة ربنا بيسألنا عنو يوم القيامة!
- مواصلاً - إنتا عارف يا خلف الله انو صوتك ده أمانة؟
- صوتى؟ صوتى كيفن أمانة؟ فى زول أمنى ليهو وح يجى يشيلو منى والله ده الفضل..
- لا يا خلف الله مافى زول أمنك ليهو لكن صوتك ده أمانه لأنك لازم تمشى تديهو لى زول!
- وأمشى بدون صوت يعنى!
- لا يا خلف الله صوتك مافى زول بيشيلو منك!
- كيف يعنى؟ مش قلتا ليا ح أمشى أديهو للمرشح الأنا أختارو؟
- أيوه يا خلف الله .. إنتا ح تدى صوتك للمرشح لكن صوتك ح يكون معاك!
- يعنى أنا ده .. خلف الله ده .. عندى صوتين!
- يا خلف الله عندك صوت وااااحد ياخ وإنتا حر تديهومنو.. ! يااااا خلف الله ما عذبتنا!!
(3)
أمام أحد المدارس .. خلف الله يمسك بيد طفله الذى ينخرط فى نوبة بكاء شديد وهو يمسك بشنطة المدرسة .. يقابلانه خير الله ورفيقه فيستوقفانه:
- خلف الله إزيك .. الولد ده مالو بيبكى..
- طردوهو عشان المصاريف..
- طيب ما تدفعا ليهو يا خلف الله ما حرام عليك..
- يا جماعة إنتو ما عاقلين؟ أنا عندى ستة فى المدارس أدفع ل منو واللا لى منو..
- خلاس يا خلف الله المسألة ح تفرج بإذن الله!
- جبتو ليا (لوترى)!
- لوترى شنو يا خلف الله.. الإنتخابات.. الإنتخابات..
- الإنتخابات ياتا؟
- كيفن ياتا؟ الإنتخابات الواااحدة دى يا خلف الله..
- ودخلها شنو بى رسوم المدارس..
- كيفن دخلها شنو؟ إنتا تمشى تدى صوتك للمرشح البريحك .. للمرشح البيدعو لى مجانية التعليم..
- وده أعرفو كيف؟
- أى مرشح يا خلف الله عندو برنامج..
- يعنى شغال مذيع؟
- لا لا يا خلف الله برنامج إنتخابى بيورى فيهو الحاجات الح يعملا للمواطنين بعد ما يفوز!
- طيب لو ما فاز؟
- يا الله يا خلف الله.. إنتا بس صوت ليهو.. بعد داك لو ما فاز إن شاء الله ما يفوز.. ! يااااا خلف الله ما عذبتنا!!
(4)
داخل إحدى الصيدليات يقف خلف الله وهو يحمل إبنه المريض على كتفه ممسكاً بالروشتة فى إنتظار دوره لصرف الدواء.. يدخل خير الله ورفيقه:
- خلف الله! إن شاء الله ما عندك عوجة..
- لا بس الولد عيان عندو حمى وجسمو زى النار والدكتور كتب ليهو الروشتة دى (يعطيها للصيدلى)..
- (الصيدلى يحضر الحبوب والدواء ثم يخاطب خلف الله): ستة وسبعين!
- شنوووو؟
- ستة وسبعين!
- (خلف الله يقع مغشياً عليه ثم بعد أن يفيق): يا جماعة بس معقول.. شوية مضادات وفتيلين دواء بى ستة وسبعين..!
- يا خلف الله ده كووولو ما منك إنتا..
- فى إستغراب: منى أنا؟
- أيوه منك انتا لانك ما بتستعمل حقك الديموقراطى وتختار الزول البخلى ليكا الدواء ده رخيص..
- والزول ده ألاقيهو كيف؟
- الزول ده يا خلف الله ما بلاقوهو.. بصوتو ليهو بس.. انتا بس تمشى محل الإقتراح وتديهو صوتك..
- ما بلاقوهو كيفن أنا ح أصوت للرجل الخفى؟
- ما بلقوهو يا خلف لله يعنى لمن تمشى مركز الإقتراع عشان تصوت هو ما بكون موجود انتا بس ح تخت البطاقة الفيها اسمو والرمز بتاعو فى الصندوق!
- أها طيب بعد ما يفوز أنا ح ألاقيهو؟
- تلاقيهو شنو يا خلف الله؟ إنتا بتبالغ هو ح يكون فاضى ليكا؟! يااااا خلف الله ما عذبتنا!!
كسرة:
خلف الله يتساءل: معقولة الناس دى كوووولها تعبانة.. ملصقات.. دعايات.. صور.. حملات إنتخابية .. ده كووولو عشانى؟؟

الرجوع الى أعلى الصفحة اذهب الى الأسفل
ايمن محمد يسن
 
 


عدد المساهمات : 16
تاريخ التسجيل : 07/04/2010

مُساهمةموضوع: رد: من الفائز فى الانتخابات   الأربعاء 14 أبريل 2010, 12:41 pm

اخوك لو حلقو ليهو بل راسك يا النور
الرئع مجدى هانى عايش فى مجموعه انعزاليه
الرجوع الى أعلى الصفحة اذهب الى الأسفل
سيف شهلى
 
 


عدد المساهمات : 435
تاريخ التسجيل : 11/01/2010

مُساهمةموضوع: لكم منى التحيه   الأربعاء 14 أبريل 2010, 1:38 pm

لا حول ولاقوة الا بالله يامحمود عبد اللطيف اظنك مابتعرف سيف الدين وده كلام شنو البتقول فيهو ده
وياتو زول الانا شاكلتو ده مين اللفق فينى التهمه دي وقالا ليك اعوز بالله وأنا صح بمشى مش وراء ورقه
انا بمشى ورا كيس طالما الكيس ده انا مقتنع بيهو دى قناعات ياراجل بس انا ماقلتليك
انك فاسق وجاهل لكن عوزك قبل ماتحكم على الشئ تتثبت وان انكان انته فهمتها كده ملعون ابو النت الخلاك تفهم كلام غلط
ياهندسه / ليك وحشه انته كلامك عن د. حسن كلنا ناس مراغه عارفنو بس الراجل كان بيعمل من اجل الاخرة
وماكان اظن خاتى فى يوم هو حيترشح وتبقى اسهاماتو دى عشان يبجى يوم ينزل بيها انتخابات بس اقوليك
انو د. حسن والله ماكان يستحق هذه المهازل التى خطط ودبر لها منذ زمن بعيد من منو من ناس ماعندهم اي علاقه بي
مراغه وبقو ناس مراغه مطيه لاي زول وبعدين دى انتخابات والله مافى زول حلف ليهو زول عشان يدى مرشح محدد
وانا اقول انو ماتحقق فى مراغه فى هذه الانتخابات التف كل ناس مراغه حول المؤتمر الوطنى بدون املاءات ولا
اغراءات من شخصبس كانت الانجازات الشاهد على هذا اوهي كثيره وكبيره وانت عارفه اكتر منى ياهندسه وايضا لاول
مره يفتح دار للمؤتمر الوطنى فى مراغه وووجوه كتيرو وجديده دخلت المؤتمر الوطنى ودى قناعاتهم ونا قلته
يجماعه نقبل الراي والراي الاخر عشان فى الاول نحنا ناس مراغه لكن ناس مراغه مامجبرين كلهم يدو حسن ابراهيم
ولا كلهم مجحبرين يدو هارون ... ودى الديمقراطيه انك تقول رايك دون حجر ودون رقابه ولا وصايه
فلكم منى جميعا العتبى ....ويامجدى قول لي النور انو الجمعه قربت بس قوليهو خليك قريب من الصناديق
حاجه اخيرة : طبعا عبيد محمد شيخ ادريس وصل البلد ليساند د. حسن
الرجوع الى أعلى الصفحة اذهب الى الأسفل
mahmod1980
 
 


عدد المساهمات : 283
تاريخ التسجيل : 11/01/2010

مُساهمةموضوع: رد: من الفائز فى الانتخابات   الأربعاء 14 أبريل 2010, 7:43 pm

النت ماوراني حقايق غلط ياسيف دي احداث حكوها ناس والناس ما حيلفقو ساي مراغه كانت في ما مضي قافله كلها حزب امه وكلهم او الاغلبيه فيهم قلبو موتمر وطني لي قناعات منهم انو ناس حزب الامه كان زمن وانتها والاموتمر الوطني هو الافضل في الوقت الراهن واذا كنت في السودان الان كنت اعطيت صوتي لعمر البشير وانا متاكد من ان اكثر الذين يقفون وراء حسن وحسن نفسه كان صوته للبشير ولكن انا اريد ان يكون الحال في السودان اجمل من ما كان عليه والتطورات اعلي من ماهو عليه عندما وقف مصطفي عثمان وزير الخارجيه وقال ان الشعب كان جعان قبل حضورنا للحكم هذا كلام صحيح 100% وان في السودان اي سلعه كان الصف كي تحصل عليها والشوارع في اي مكان وسهوله السفر والاتصال ولكن انا اريد ان اسالك سوال يا سيف الدين ما هو دور المجلس التشريعي في الولايه هل هي صلطه حسابيه ام لا وذا فاز مرشح الموتمر الوطني هل سوف يسال الوالي والمعتمد والوزراء في التجاوزات
الاخ سيف نحن حب السودان والمناطق الني نعيشها يجري في دمائنا انا اعيش في مدينه يسكن فيها اكثر من 5000سوداني هناك اناس هنا لا يعنيهم السودان بشي السودان اتحرق وتجدهم يتباهون بالنقد اطباء تعليم شوارع اي شيئ والشئ الذي يضحكني عندما ينزل احد منهم الي مع اولاده عندما يشعر احد ابنائه بوعكه صحيه ياخذهم باقرب طائره وياتي الي هنا ويسب ويشتم في السودان وكل ما تسالهم يذكرون لك حوادث ثابته دكتور نسي المقص ودكتور نسي بشكير وكلام فارغ ومع انو المستشفيات الذين يذهبون اليها هنا يوجد فيها اطباء سودانيين بعض الاحيان اتحدث واتناقش معهم احس اني اريد الاستفراغ من كلامهم الذي لا يمث للحقيقه في شئ
الرجوع الى أعلى الصفحة اذهب الى الأسفل
مالك نصرالدين
 
 


عدد المساهمات : 298
تاريخ التسجيل : 06/01/2010

مُساهمةموضوع: رد: من الفائز فى الانتخابات   الأربعاء 14 أبريل 2010, 9:11 pm

السلام عليكم أحبتنا الكرام.. نشكر لكم مشاركاتكم وأرائكم ولكن أعتقد ان النقاش وصل مرحلة لم نكن نرغب ان يصل اليه وهذا هو سبب رفضنا انشاء منتدى سياسي وما عاوزين الموقع يخلق مشاكل ونقاشات تؤثر في علاقات الناس بعضهم ببعض.

نتمنى ان يقدم الموقع خدمات وتواصل أفضل وان يكون ملتقى لابناء مراغة عبر الانترنت خاصة وان التقارب والتواصل المباشر أصبح صعبا وغير متاح في كثير من الاحيان نسبة لظروف الحياة.

رجاء خاص الى جميع الاخوة التوقف عند هذا الحد علما بأن النقاش لن يغير في الواقع شيء.
الرجوع الى أعلى الصفحة اذهب الى الأسفل
mahmod1980
 
 


عدد المساهمات : 283
تاريخ التسجيل : 11/01/2010

مُساهمةموضوع: رد: من الفائز فى الانتخابات   الأربعاء 14 أبريل 2010, 9:53 pm

وين الاخ مالك كيف الاحوال ارجو ان تكون بخير واحسن والله انا من ناحيتي النقاش مابزعل منو والاخ سيف وجو لو اختلفنا في ارائنا ما بنزعل مع بعض لانو نحنا اتربينا سوي واكلنا سوي وقمنا ووقعدنا مع بعض وتربطنا علاقات النسب والقرابه والجيره ممكن نتشاكل الصباح ونتعشي مع بعض بالليل وهذا هو الجميل في قريتي ولا انكر ان هناك اناس يحبون الخصام لكن والحمد لله قله في قريتنا
الرجوع الى أعلى الصفحة اذهب الى الأسفل
سيف شهلى
 
 


عدد المساهمات : 435
تاريخ التسجيل : 11/01/2010

مُساهمةموضوع: السلام   الخميس 15 أبريل 2010, 6:13 am

الاخ/ مالك سلامات ولا باينين
طبعا مراعه الايام دى اتوقع انو يقولو فيك اي حاجه ومحمود قال انو انا شاكلته زول وانا
الزول البيقول فيهو دى منومابعرفو لكن اقسم بالله ماحصل حاجه ذي دى طبعا الحاجه الكويسه
انو فى ناس من الطرفين لم تؤثر فيهم اي شى روحهم الرياضيه عاليه
لكن فى ناس شاليلين ذا الامر بصوره غريبه يسعو فى خلق الفتن بين الناس
الاخ/ محمود د كلام ماصح والزول القاليك الكلام ده ووصلو ليك امريكا خليك جاد معاهو
وقوليهو عديل كده ماتكذب وده واحد من الناس البيسعى فى زرع الفتنه وبقول ليو
ويمكرون والله خير الماكرين
حاجه اخيره النور فتح الباب ومرق ماعارفنو حيدخل متين
الرجوع الى أعلى الصفحة اذهب الى الأسفل
مالك نصرالدين
 
 


عدد المساهمات : 298
تاريخ التسجيل : 06/01/2010

مُساهمةموضوع: رد: من الفائز فى الانتخابات   الخميس 15 أبريل 2010, 7:52 am

شكرا لك أخ محمود كلامك حلو أهم شي ما عاوزين زعل أو شيء يقود بالناس الى زعل.. ولك الشكر أخ سيف على المداخلة. رجاء خاص مرة أخرى، ما عاوزين استمرار في الموضوع ده
الرجوع الى أعلى الصفحة اذهب الى الأسفل
Bakri G. Salih
 
 


الموقع : السعودية/الرياض
عدد المساهمات : 447
تاريخ التسجيل : 09/01/2010
العمر : 61

مُساهمةموضوع: رد: من الفائز فى الانتخابات   الخميس 15 أبريل 2010, 11:42 am

شكرا للأبناء والأخوان الأماجد على هذه الفسحة الرياضية أو التمرين الرياضي الجميل للقلوب والعقول والأنفس الذي أكد وبما لا يدع مجالا للشك والريبة أننا شعب واعي وراقي ومتطلع ونحب بعضنا حبا جما مع حرص الشديد على مصالح بعضنا وكان هذا ديدن جدادانا وابائنا واخواننا اللذين سبقونا فقد ورثنا عنهم صفات جميلة ونبيلة اقلها أن الاختلاف في الرأي لا يفسد للود قضية والتسامح والتواضع دوما والاحترام المتبادل هي من الصفات الاصلية السائدة بيننا" اللهم ادمه بيننا"
وهنا اتذكر اننا بالسنة الاولى في الجامعة وفي اول حصة لمادة السياسة كتبت لنا الدكتورة (خواجية عجوزة ) بالركن الايمن من السبورة عبارة:
"Politics is the Dirty Game"
وكانت دكتورة متحمسة لمادتها وحاولت أن توضح لنا أن السياسة هي فن الحياة وهي المعنية بالدرجة الاولى لايجاد الخلطة المتوزانة لمتناقضاتها بين قوتي الخير والشر في شتى ضروب الحياة في عالم ملئ بالتباين والاضطراب وتداخل المصالح وتشعبها.....الخ. وخلصت إلى ضرورة واهمية التعاطي مع السياسة في سلوكنا وممارساتنا اليومية وعلى مستوياتها متعددة وبالتالي لابد مما ليس من بد يعني لا مخرج منه إلا به
" صبر جميل والله والمستعان"
وفي نهاية المطاف اننا امة يحسن الظن بالله حيث قال في محكم تنزيله:-
"وَلَقَدْ كَتَبْنَا فِي الزَّبُورِ مِنْ بَعْدِ الذِّكْرِ أَنَّ الْأَرْضَ يَرِثُهَا عِبَادِيَ الصَّالِحُونَ إِنَّ فِي هَذَا لَبَلَاغًا لِقَوْمٍ عَابِدِينَ" الأنبياء 105-106.
مع تقديرنا الشديد للمتنافسين وحرصهم على تحمل المسئولية نقول ان الله خبير بعباده بالتالي فان الله يولي من يصلح لهذه المهمة ويفرغ الآخر لمهمة أفضل .. يعني ما في خسارة الكل فائز إن شاء الله.
ونبارك النقاش في الموضوع حسب تعليمات سعادة/ المدير العام لحدي هنا وبس.
ونود ان نلفت نظر الاخوة الاعزاء إلى شعار هذا المنتدي المدون بعاليه ، فلربما كثير منا لم يقف عنده وهي تدعو بوضوح (الدعوة لمراقبة الله في اقوالنا وما نقله للآخرين وأن نتحرى الفضيلية وما ينفع الناس ونحن مسئولون عنه امام الله يوم الحساب) هي:

فلنجعل قوله تعالى:
: "مَـا يَلْفِـظُ مِنْ قَــوْلٍ إِلاَّ لَـدَيْهِ رَقِـيبٌ عَـتِيدٌ"
نصب أعيننا ولا تنس حبيبك المصطفى من الصلاة والتسليم عليه وعلى آله وصحبه أفضل الصلاة وأتم التسليم
الرجوع الى أعلى الصفحة اذهب الى الأسفل
النور إدريس
 
 


عدد المساهمات : 81
تاريخ التسجيل : 01/02/2010

مُساهمةموضوع: رد: من الفائز فى الانتخابات   الجمعة 16 أبريل 2010, 6:26 pm

الاخوه والاخوات سلام من الله عليكم
اشكركم جميعا على الردود كل حسب وجهة نظره
وكما وعدتكم بالنقاش حول النتيجه حيث بلغ السجل الاتنخابى لمنطقة مراغه حوالى
صوت1200 وكان التصويت عاليا حيث ارب عن 1100صوت ومن ابرز المتنافسين طبعا د . حسن
والاستاذ هارون محمد سعيد مرشح المؤتمر والذى حصد اصوات بلغت 731صوت ود .حسن 345صوت
وبذا تكون النتيجه حسمت للاول وبذلك يكون اهل مراغه قد خلعوا ثوب شعار بن المنطقه الذى كان فى السابق يرجح كفة المتنافسين

وانتهجوا منهجا اخر وهو اتباع المؤسسيه والالتزام بنهج الحسب وكذلك الحال فى كل الدائره بل والسودان ككل وبذلك يعتبر حزب المؤتمر الوطنى قد اخذ الشرعيه من الشعب
اما عن انطباعاتى فى هذه اللحظه والشارع يهتف ويهلل ويكبر فرحا بالانتصار فانى محبط ومعبور بسبب هذيمة الدكتور ولكم تمنيت ان يفوز على الاقل بمستوى المنطقه
لما لها من جبر للخواطر وابعاد اجتماعيه بخلاف الابعاد السياسيه
وختاما اقول ان النصر من عند الله والله سبحانه وتعالى يولى من يصلح لخير البلاد والعباد
ونسأل الله ان يوفقوا فى خدمة المنطقه والسودان ككل
والله من وراء القصد
الرجوع الى أعلى الصفحة اذهب الى الأسفل
سموأل محمد
 
 


عدد المساهمات : 75
تاريخ التسجيل : 28/02/2010

مُساهمةموضوع: رد: من الفائز فى الانتخابات   الإثنين 19 أبريل 2010, 2:54 am

بسم الله الرحمن الرحيم
قبل البدء فى ابداء رأيى أود ان أثبت بعض الاشياء اولها احترام وتقديرى لكل من ابدا رأيا مهما اختلفنا معه او اتفقنا
ثانيا ان هنالك علاقة تربطنى بكل المرشحين الدكتور حسن الجميع يعرف علاقتى به اما هارون لا اعتقد ان احد يعلم طبيعة العلاقة التى ربطت بيننا يوما ما فقد تشاركنا فىالعمل الاسلامى والتنظيمى سويا فى بداية التسعينات قبل ان يبلغ الكثير من مناصريه الان الرشد السياسى ولكم ان تسألوه عن ذلك وهو رجل اكن له كل الاحترام والتقدير وارجو ان يتسع صدر الجميع ما دمنا نمارس الديموقراطية ...اما عن قول المدير الموقر الأخ مالك عن قفل باب النقاش فى السياسة فأقول له ان السياسة هى حياة الناس ومصائرهم ومستقبل ابناءهم فكيف يسكتون عن كل هذا
أما عن صناديق الاقتراع فقد تاتى بالاكثر اصواتا وهذا لا يعنى انه الاجدر فهناك الكثير من الاساليب التى تستخدم لحشد الاصوات التى تتوفر لاحد الاطراف ولا تتوفر فى الطرف الاخر وانا هنا لا اعنى التزوير
واذا كنا موضوعيين اين الاخ هارون مما قدمه وسيظل يقدمه دكتور حسن لمراغة من خدمة وتفانىدون انتظاره جزاءا ولا شكورا من احدوالكل يعلم ورعه وعلمه وخبرته واياديه البيضاء
اما عن المؤتمر الوطنى فقد اصبح حزبا فضفاضا ينضم تحت لواءه كل صاحب مصلحة شخصية وليس لقناعات كما ذكر الاخ سيف الدين وهنا لا اعنى الجميع فقناعات المؤتمر الوطنى هى قناعات اسلامية فههل كل المنضوين تحت لواءه الان هم من الاسلاميين حقا
قال السيد الرئيس البشير انه لايريد اصوات السكرجية وهذه احدى قناعات المؤتمر الموقر مع العلم ان احد العاملين فى الحملة الانتخابية للمؤتمر كان يعمل وهو مخمورا فان كان يعلم الاخوة فى المؤتمر ذلك فتلك مصيبة وان لم يعلمو فالمصيبة اكبر
بالله عليكم انظرو الى اركان حرب الدكتور حسن فى هذه الانتخابات فقد كانو خيارا من خيار العمدة وشيخ العرب عبداللطيف محمد احمد الشاب الخلوق المهذب الذى عركته التجارب وخاض غمار العمل العام منذ نعومة اظافره وقدم لمراغة الكثير بكرى ادريس النور وشيخ الشباب الورع ابو عبيدة محمد شيخ ادريس وعلى ذلك فقس وهاؤلاء على سبيل المثال لا الحصر
وأخيرا نقول الف مبروك للفائز الف مبروك وهى امانة وتكليف وليست تشريف وفقك الله فى ادائها ونقول للخاسر لقد خسرت معركة ولم تخسر الحرب فالمعارك قادمة فاعد لها عدتك والايام دول
الرجوع الى أعلى الصفحة اذهب الى الأسفل
نضارالعمده
 
 


عدد المساهمات : 295
تاريخ التسجيل : 17/01/2010

مُساهمةموضوع: رد: من الفائز فى الانتخابات   الإثنين 19 أبريل 2010, 8:57 am

التحيه لك الاخ السمؤال ولافض فوك فى كلماتك الواضحه والراقيه والصادقه
الاخ النور صراحه انا مستغربه !!
واخيرا نتمنى ان يخيب الفائزون ظننا ويكونوا عند حسن ظن الاخرين بهم ويقدموا خير وحينها نمد لهم الايادى ناصعه بيضاء
ونتمنى ان الضمائر تكون مرتاحه والنفوس نظيفه والاعتماد على الله
الرجوع الى أعلى الصفحة اذهب الى الأسفل
النذيرمحمد
 
 


عدد المساهمات : 47
تاريخ التسجيل : 10/02/2010

مُساهمةموضوع: رد الانتخابات   الثلاثاء 20 أبريل 2010, 12:10 pm

[b] الاخ العزيز النور

من امنياتي الحقيقية كان ان يفوز الشيخ الورع حسن ابراهيم ليس لكسب سياسي شخصي

لكن لانه ابن البلد فمراغة وكابتود بعيدا عن السياسة دائما في تنافس حتي في كرة القدم ناس كابتود يقولوا اي فريق يغلبنا الا الوحده في اكتر من كده . فكنت اتمني ان يفوز ابن المنطقة لانه الادري بهموم المنطقة ومتطلباتها

لكن هذه هي لعبة الانتخابات والسياسة والفائز هو المؤتمر الوطني وليست هارون واذا كان حسن ابراهيم

مكان هارون لفاز بكل اصوات ابناء مراغة وبرضو بلومك لانك انت طمنتني انو العم حسن فايز فايز ليه الاكتساح ده

واخيرا لم ولن يسقط العم حسن الفخاسر الاكبر هو المجلس والجايات اكتر من الرايحات
الرجوع الى أعلى الصفحة اذهب الى الأسفل
الجعلي
 
 


عدد المساهمات : 299
تاريخ التسجيل : 28/02/2010

مُساهمةموضوع: رد: من الفائز فى الانتخابات   الثلاثاء 20 أبريل 2010, 1:19 pm

الاخ العزيز النور
انت رجل والرجال قليل
عندما سئل الشيخ الشيخ البرعى عن السياسه قال مقولته الشهيره
اعوذ بالله من السياسه فالولها نفاق واخرها خصاصه
فا يااخى السياسه اصبحت مصالح يعنى كلا يغنى لهواه
انشاء الله يالنور بعد 4سنوات تنزل فى الدائره موتمر وطنى والناس تقيف معاك وتفوذ انشاء الله لانك لو فزت البلد بستفيد منك كتير
مع عاطر التحايا ياودالسلطان
الرجوع الى أعلى الصفحة اذهب الى الأسفل
قرشى شيخ ادريس
 
 


الموقع : الولايات المتحده
عدد المساهمات : 974
تاريخ التسجيل : 28/03/2010

مُساهمةموضوع: من الفائز فى الأنتخابات   الأربعاء 21 أبريل 2010, 6:35 am

الأخوه الكرام التحيه والتقدير
لمست فى اراء كثير من الأخوة انهم اعطوا الرجل حقه .
اى الدكتور حسن ابراهيم نصر...وان له مساحه فى قلوبهم ووجدانهم.
بما قدمه وسيقدمه من خدمات حقيقه هى واجبه ومستحقه لآهله وعشيرته.
اما ان تكون له اجنده خاصه ترشح من اجلها فالمنطق وطبيعه الأشياء يخالف ما يقال.
فكان الأولى ان يبقى بالمؤتمر الوطنى ...لأنه أقرب اليه من كثيرين لا يعرفون من المؤتمر الا اسمه.
اما ان يكون مطيه لأشخاص من خارج المنطقه ففيه كثير من الغرابه ...لأن علمه وتقواه يمنعانه.
ان لم يكن يمنعانه فحوله من هم خيار من خيار....اسماء حقيقه لها مواقف مشهوده ومعروفه فى العمل العام.
وقفوا معه وساندوه فى شجاعه نادره ايمانا بطرحه فى زمن ربما ان تكون شجاعا يكلفك الكثير.
الرجوع الى أعلى الصفحة اذهب الى الأسفل
النور إدريس
 
 


عدد المساهمات : 81
تاريخ التسجيل : 01/02/2010

مُساهمةموضوع: رد: من الفائز فى الانتخابات   الأربعاء 21 أبريل 2010, 7:29 am

الاخوه الاماجد الافاضل
لا اجد من الكلمات ما اعقب به لدلوكم الوافى والشامل
لكم التحيه والتجله وانتم تنظرون الى الموضوع من ابعاده
الحقيقيه وحديثكم هذا يكفينانصرا
وجزاكم الله خيرا
الرجوع الى أعلى الصفحة اذهب الى الأسفل
محمد جعفر
 
 


الموقع : مترحل
عدد المساهمات : 533
تاريخ التسجيل : 08/01/2010
العمر : 27

مُساهمةموضوع: رد: من الفائز فى الانتخابات   الأربعاء 21 أبريل 2010, 3:49 pm



عدل سابقا من قبل محمد جعفر في الثلاثاء 27 أبريل 2010, 10:32 am عدل 1 مرات
الرجوع الى أعلى الصفحة اذهب الى الأسفل
النور إدريس
 
 


عدد المساهمات : 81
تاريخ التسجيل : 01/02/2010

مُساهمةموضوع: رد: من الفائز فى الانتخابات   الأربعاء 21 أبريل 2010, 6:25 pm

يا نجم جيت من الاخر
وكفايه علينا الصوره الكلها وقار
دايما رايع فى تعابيرك
الجميع مشكورين كتير
الرجوع الى أعلى الصفحة اذهب الى الأسفل
Bakri G. Salih
 
 


الموقع : السعودية/الرياض
عدد المساهمات : 447
تاريخ التسجيل : 09/01/2010
العمر : 61

مُساهمةموضوع: رد: من الفائز فى الانتخابات   الأربعاء 21 أبريل 2010, 11:45 pm

إخواني وأبنائي الأعزاء.

لكم التحية العاطرة والتجله.

قال تعالى " عسى أن تكرهوا شيئا وهو خير لكم " صدق الله العظيم

وقال رسولنا الكريم إنما الأعمال بالنيات ولكل إمرئ ما نوى.

في البداية نقول لأخونا/: الدكتور حسن ابراهيم... ألف حمدا على السلامة.... والكل مشكور الصوت له أو ضده طبعا الصوت له معروف أما الذي لم يصوت له فمشكور ايضا للاسباب التالية.

1- فقد ذكرت في تعقيبي السابق بان الخاسر وخصوصا إذا كان الأخ د.حسن فقد قضى الله أن يدخره ويسخره لمهمة أفضل لخدمة هذه القرية الفتية ونحن على ثقة تامة من ذلك.

2- المهمة في اساسها ليست تشريفا وإنما تكليف بامانة صعبة " إنا عرضنا الأمانة على السموات والأرض فابين أن يحملنها واشفقن منها وحملها الانسان إنه كان ظلوما جهولا" ولكون المولى عز وجل يحب د.حسن صرف عنه تحمل هذه المهمة خصوصا في هذه المرحلة الحرجة والظروف المعروفة وذلك من خلال تزين الخصم لبعض من صوت له.

3- ربما يكون من مصلحة الدائرة أن يكون ممثلها من المؤتمر الوطني ذو الأغلبية البرلمانية ليسعى من خلال تلك الأغلبية لحسن خدمة القرية وحماية مصالحهم ، بعكس وجود د. حسن الذي كان سيكون في محل نكاف معارضة مع تلك الاغلبية ومحاربة خصومهم وبالتالي الإنعكاسات السلبية على خدمة القرية.

4- ونحن قوم نحسن الظن بالله ونقول " رب ضارة نافعة" فالله لطيف بعبادة يعلم سرهم ومتقلبهم . بالعربي ارد ربك ان يواصل د.حسن في مد أياديه البيضاء للضعفاء والمرضى....الخ ويحظي برضا وثواب ربه.

5- ونرجو أن يقدر الفائز وقفة الذي صوتوا له أمام ابن القرية وحجم المنافسة ويحسب لذلك الف حساب في تعاطية مع الأمر ويفتح عيونه لتنفيذ وعوده وهموم القرية ويكون قدر المسئولية.

ختاما نأمل أن تهدأ النفوس وتطيب الخواطر ونقول بكرة الجاي أحلي وأربعة سنوات سوف تنقضي في كلمح البصر ويكون يوم الحساب والله يعطي الصحة والعافية لاخونا د.حسن ونشوفوا مرة اخرى فى الدائرة بحسب عطاء المنافس.

ولنا أن نستغل الموقف بسرعة عبر تشكيل لجنة من الذين صوتوا للفائز وعمل قائمة بالوعود التى قطعة الفائز على نفسه ايام الحماس وكذلك تحديد المتطلبات الضرورية للقرية وأولوياتها ومن ثم ملاحقته بصفة يومية لتنفيذها أولا بأول.

دمتم في حفظ الله .....والله من وراء القصد.
الرجوع الى أعلى الصفحة اذهب الى الأسفل
شهاب سعيد
 
 


الموقع : المملكة العربية السعودية
عدد المساهمات : 755
تاريخ التسجيل : 08/01/2010

مُساهمةموضوع: رد: من الفائز فى الانتخابات   الخميس 22 أبريل 2010, 12:36 pm

تسلمو كتير والله محمد جعفر الوحش انت وحش الوحوش دا انت ابن نيل صحيح وما فيك الا الوحشية القاتلة فى رايك الصريح
ويا عمو بكري جعفر \ كلامك فى محلة الناس دي لازم تقطر الراجل دا لازم ينفذ الكلام الاتقال انا افعل وافعل ولازم يفعل ويسبت وجوده
ود ز حسن اصيل وابن اصيل وم ا نقدر نقول عنه اى شي حتي لو خسر الانتخابات هو ابن اصيل ومعروف لنا وهو طيب جدا
وسيمائهم فى وجوههم من اثر السجود وكلم منى اطيب الامانى وبالتوفيق يا دكتور فى مسيرة حياتك الشخصية
الرجوع الى أعلى الصفحة اذهب الى الأسفل
جمال سعيد
 
 


عدد المساهمات : 81
تاريخ التسجيل : 17/01/2010

مُساهمةموضوع: رد: من الفائز فى الانتخابات   الجمعة 23 أبريل 2010, 2:24 pm

تحياتي الى الجميع
في البدء يجب علينا النظر الى الامر في اطار الصورة العامة للمشهد السياسي السوداني وبطبيعة الحال كل شخص سيخرج بانطباع يختلف عن الاخر وفقا لاختلاف زوايا النظر
ومراغة مجتمع كأي مجتمع متأثرومؤثر لما بداخل المشهد العام ولا يجب ان نستهجن الخلاف الموجود بداخله (وهو دليل صحة وحيوية) والخلاف في جله خلاف مواقف تحكمه مصالح واستراتيجيات، وليست خلافات قيم ومبادئ
نعم كون ان الدكتور حسن من ابناء المنطقة هو عنصر جعل من المنافسة منافسة قوية وجعل من الحملات حملات كسر عظم ، ولكنها تحسب كتجربة مفيدة جدا فقد خرج الكثير من الهواء الساخن الذي محبوسا بالصدور طيلة السنوات الفائتة،، وكان مرانا ديمقراطيا ممتازا ،، وتولدت لدى الكثيرين خبرات عن العمل في مثل هذه الظروف، وتم الكشف عن الكثير من الالتهابات الاجتماعية المخبوتة واخرجت لدائرة الضوء تمهيدا للعلاج، وفي النهاية المستفيد والفائز الحقيقي هو جمهور الناخبين اللذين كانوا عند حسن الظن،، فقد اشفق الكثيرون من الحادبين على مصلحة المجتمع من ظهور احتكاكات وتجاوزات وبحمد الله كل مراحل العملية انتهت على احسن ما يرام
وفي يقيني التام ان اخونا الدكتور حسن سيظل كما عهدناه عاملا مخلصا ولن يتوانى في تقديم كل ما في وسعه من خدمات، وهو كما يعرفه الجميع رجل ورع وتقوده عقيدة دينية سليمة .وهو على دراية تامة بطبيعة العملية الانتخابية الحالية وبحق اي فرد في اتخاذ ما يراه من موقف.
وان كان ثمة وصية للجميع علينا العمل بما اشار به حادي الركب اخونا اللابتوب بكري جعفر وله التقدير والتجلة
ونسأل الله ان يحفظكم ويحفظ منطقتنا
الرجوع الى أعلى الصفحة اذهب الى الأسفل
ياسرابراهيم
 
 


عدد المساهمات : 466
تاريخ التسجيل : 24/01/2010

مُساهمةموضوع: رد: من الفائز فى الانتخابات   الإثنين 26 أبريل 2010, 5:31 pm

ابادول عاطر السلامات
وما أن هدأ ضجيج الانتخابات (وكل حوض شرب مويتو) أخذ كل منا متكئا يقرا ما بين السطور ويجرد حسابات المكسب والخساره
ونحن علي يقين أن الأمر كله ليس فيه كل الخير لا للبلد ولا إنسانها
ولأننا لا نتعلم من تجاربنا تأخذنا العاطفه لنرمي بكل أحاسيسنا ومشاعرنا وكلماتنا وأهلنا
وجيراننا وأحبابنا وإخواننا وأصحابنا في أتون منافسه قد تهد جدارا من المحبه وسنوات من الود والعشرة الطويلة ظللنا نبنيها ونحرص عليها ونسقيها مشاركه وتواصلا في الأفراح والأتراح
حتي أثمرت علاقات دم ونسب وجيره
ولن المنافسه عزيزي ابادول لا تترك لنا خط رجعه كان علي الجميع ان
يدخر جزءا من كل تلك المعاني حتي يتمكنوا من العيش والتعايش مع بعضهم البعض
متي ما انتهي السباق واصطفت الخيل لسباق آخر فليس للجميع مكان
يحتمون به غير هذه البلده الحبيبه
أخيرا
نظرت الي صوره د/حسن وقد علاها الوقار والالق فمثل د/حسن أخي ابادول
لا يقهره فقدان كرسي فهو يجلس في قلوب كل أهل البلد
وذلك في نظري اسمي وأنبل من كرسي المجلس التشريعي
لان الكرسي الأخير لا يدوم 0
شكرا ابادول رغم ان الموضوع مفتوح من فتره طويله وقد أتيت متأخرا عمدا
لأنني اخشي بطبيعتي أماكن المديده الحاااااره
الرجوع الى أعلى الصفحة اذهب الى الأسفل
النور إدريس
 
 


عدد المساهمات : 81
تاريخ التسجيل : 01/02/2010

مُساهمةموضوع: رد: من الفائز فى الانتخابات   الثلاثاء 27 أبريل 2010, 7:37 am

الحبوب ياسر
شكرا جزيلا
وشكرا كثيرا
هديت النفوس وازلت الضغينه ورحتنا بها
كلمات بميزان الدهب توزن
وياليتك يا انتخابات لم تأت الينا
وقهقهت رغم الالم بمقطع المديده الحاره
لك التحيه وطالما اتظرنا ردكك الذى ربما يكون ختاما
وختامه دائما مسك
الرجوع الى أعلى الصفحة اذهب الى الأسفل
محمد بشير
 
 


عدد المساهمات : 60
تاريخ التسجيل : 10/01/2010

مُساهمةموضوع: رد: من الفائز فى الانتخابات   الثلاثاء 04 مايو 2010, 9:29 am

الاخ .النور

لك شكري
وللاخ . جدو ابراهيم
عاطر التحايا علي الدعوة للمشاركة في هذا الموضوع
وطبعا وجهة نظري معروفة لديكم الاثنين
من ناحية الانتماء والمبدى تجدني ضد الاثنين ولكن تعاملت مع الامر
بوجهة نظر اخري وهي جمع صف اهل مراغة حول أبنهم وحتمية فوزه وأعني
بفوزه فوزه في مراغة لا أكثر ولا أقل من ذلك لانني أعرف تماما بان منافسة الوحيد
يتبع لمؤسسة حزبية لديها ما لديها وما كان يكون أكثر من ما كان
والمفروض منا في مراغة نصرة اخونا النصرة كان يمكن أن تكون بالجلوس مع الدكتور ومؤيديه
بأن لا ينزل من اساسه لان البلد ليست في حاجة أكثر من البغضاء علي العموم الجرح كبير
وربنا يكذب الشينا وما تبقي سابقة لمن بعد
وفي الختام نحن في مراغة محتاجين للجلوس مع بعضنا كثيرا
الرجوع الى أعلى الصفحة اذهب الى الأسفل
ماهر عابدين دياب
 
 


الموقع : لندن
عدد المساهمات : 2905
تاريخ التسجيل : 02/05/2010

مُساهمةموضوع: رد: من الفائز فى الانتخابات   الثلاثاء 05 أبريل 2011, 12:11 am

؟؟؟؟؟؟؟؟؟؟؟؟؟؟
الرجوع الى أعلى الصفحة اذهب الى الأسفل
 
من الفائز فى الانتخابات
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شبكة مراغه الأصاله والتاريخ ::  القسم السياسى -
انتقل الى: