شبكة مراغه الأصاله والتاريخ



 
الرئيسيةالموقع الرئيسى للشبكةصفحتنا على الفيس بوكالصفحه الرئيسيهالصحف السودانيهالمصحف الشريفالتسجيلدخول

إدارة شبكة ومنتديات مراغه : ترحب بكل أعضائها الجدد وتتمنى لهم أسعد الأوقات بيننا شرفتونا بإنضمامكم لنا ونتمنى مشاهدة نشاطكم ومساهماتكم التي سوف تكون محل تقديرنا واهتمامنا أهلا وسهلا وحبابكم عشرة بين اخوانكم وأخواتكم

شبكة مراغه الأصاله والتاريخ نحو سعيها للتواصل مع أعضائها الكرام فى كل مكان وزمان تقدم لكم تطبيق شبكة مراغه للهواتف الذكيه فقط قم بالضغط على الرابط وسيتم تنزيل التطبيق على جهازك وبعد ذلك قم بتثبيته لتكون فى تواصل مستمر ومباشر مع إخوانك وأخواتك على شبكتنا.

شاطر | 
 

 جريدة صوت مراغـــــــــــــــــــــــــــــة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
النذيرمحمد
 
 


عدد المساهمات : 47
تاريخ التسجيل : 10/02/2010

مُساهمةموضوع: جريدة صوت مراغـــــــــــــــــــــــــــــة   الإثنين 19 أبريل 2010, 10:08 am

[b]الاخوة في رابطة طلاب مراغة بالجامعات

لكم التحية وانتم تعودون بعد هذا الغياب الذي اشفقنا منه علي حال الطلاب .
والحدث الاهم حتي من الانتخابات صدور جريدة صوت مراغة .
التي نتمني ان تكون غطت كل ابناء المنطقة بالعاصمة ومراغة الحبيبة وحتي دول المهجر
وخاصة السعودية التي بها عدد ليس بالقليل من ابناء مراغة .
هناك ملاحظات بسيط علي العدد .
1- رقم العدد كم ما معروف .
2- اسماء كتاب الاعمدة والمواضيع غير مكتملة في معظمها .
3- الرجاء الرجوع الي الرشيف حتي تتمكنوا من تطوير الجريدة .
4- التدقيق الاملائي واللغوي قبل طبع الجريدة .
5- لا غضاضة من صور بعض الكتاب وخاصة صورة لقاء العدد .
6- جريدة مراغة منذ نشأتها نات بنفسها عن السياسية فمن اين جاتم بالسياسية هذه وعلي العلم
ان الاخبار السياسية والرياضية متجددة يوميا .
لكن اقول ليكم حاجة انحنا صوت مراغة لمن تطلع مهما كانت بنفرح بيها .
ورسالة ليك يا محمد جعفر انت حتتعب كتير في مجال العمل العام اذا حجرت علي آراء الآخرين
مهما كانت سلبية واحيانا تجد ناس لا بفلعوا ولا بجيبوا الحجر ولمن تشتغل هاك يا تنظير فارجو الا
تكترث لمثل هذه الآراء .
وأخيرا : لا نريد ان نحجر علي آرائكم الوثابة ولا فرض وصاية عليكم فالطلاب دوما هم اصحاب
الابتكار ومشاعل النور انما دافعنا هو حب مراغة الحبيبة والرابطة التي لم نتوانا في خدمتها في يوم من الايام .
الرجوع الى أعلى الصفحة اذهب الى الأسفل
النور إدريس
 
 


عدد المساهمات : 81
تاريخ التسجيل : 01/02/2010

مُساهمةموضوع: رد: جريدة صوت مراغـــــــــــــــــــــــــــــة   الإثنين 19 أبريل 2010, 6:50 pm

مشكووور ياسعاتك
كلامك جميل
واخوتنا الطلاب فاجأونا حقيقه بى سرعة الانجازفى ايام قليله من تكوينها
ودا يدل على الحماس الزايد والذى نأمل ان يترجم الى مزيد من العطاء والنماء
اخى النزير وقفتكم بجانب الطلاب وخصوصا فى الخرطوم امر ملح ومهم
وانت سيد العارفين بعثرات الخرطوم
والى الامام ونحن من خلفكم
وربنا يوفق
الرجوع الى أعلى الصفحة اذهب الى الأسفل
النذيرمحمد
 
 


عدد المساهمات : 47
تاريخ التسجيل : 10/02/2010

مُساهمةموضوع: جريدة صوت مراغة   الثلاثاء 20 أبريل 2010, 12:22 pm

[b] اخي العزيز النور

انا عشان عارف عثرات الخرطوم علي اتصال دائم بالاخ الاصغر ماذن كمال

حتي قبل صدور الجريدة فالمبادرة اتت مني وليس من الطلبة كما كنا نفعل ذلك مع اخوتنا الخرجين

نتمني ان يشركونا علي الاقل في مشاكلهم فنحن عدد مقدر من الخرجين بالخرطوم وكلهم تواقون لخدمة

اخوتهم في الرابطة بس هم كيف يصلونا
الرجوع الى أعلى الصفحة اذهب الى الأسفل
مجدى حسن
 
 


الموقع : الدوحة - قطر
عدد المساهمات : 752
تاريخ التسجيل : 10/01/2010
العمر : 38

مُساهمةموضوع: رد: جريدة صوت مراغـــــــــــــــــــــــــــــة   الثلاثاء 20 أبريل 2010, 12:48 pm


سلامات جنابو النزير
كلامك مية المية وتعليقاتك فى محلها
برضو نفس التعليق علقنا عليى لحظة صدرو العدد الاخير
بس خايفين الطلبة يقولو علينا منظراتيا ... بس التعليق حيفيدم فى المرحلة القادمة
واليكم التعليق منقول من جريدة مراغة فى منتدى الشباب
وحتى هذة اللحظة ماف زول من رابطة الطلاب علق ... لا نسمة ولامحمد جعفر
ونحن فى الانتظار .....

وما اظن يا النذير فى زول عندو مشكلة فى اللقاء الجامع بين الخريجين والطلاب فى الايام القادة
خاصة وانت كنت فى السابق تعض على صوت مراغة بالنواجز
تحياتى
++++++++++++++++++++++++++++++++++++

الاخت نسمة كتر خيركم والاصدارة رات النور


بس بعض الملاحظات التى نريد ان تتعالج المرة القادمة


مثل اسماء الكتاب كاملة لانو فى ناس كتار ماعرفو محمد كمال منو ومحمد ابراهيم منو
جيبو اسماء الجدود

رقم العدد والتاريخ ودة مهم شديد للارشفة وحفظ التاريخ والسيرة

كان تعملو كشف باسماء اعضاء المكتب الجديد للرابطة عشان الكبار يعرفو ويسهل التواصل بين الاجيال

المواضيع بقدر الامكان تكون عن مراغة ونتجنب السياسة
لانو فى ناس مرضانين سياسة

صور الكتاب جنب كل عمود للتعريف مهم شديد

الاعلانات لازم يكون عليها مساهمات مادية لدعم الجريدة
والمرة الجاية تمشو لاصحاب المحلات والمعارض الاخرى وممكن تكون حاجة رمزية

لقاء العدد يكون فيهو صورة الزول

تلزمو اسماعيل عبدالحميد وياسر ابراهيم يكتبو مواضيع
والزامى ومزمل عثمان سعيد لانو بعد يكتبو حتشوفى الصدى الحيحصل

التوقيت غير مناسب واستعجلتو والناس مشغلوة بالانتخابات

لانو الصدى الاعلامى مهم

اقتراح اخير الرجاء ترتبو لاجتماع مع الخريجين وهم جاهزين الفترة الجاية
لمواضيع مهمة كتيرة ودى مهمتك يا محمد جعفر ونسمة
وتكاليف الاجتماع من اتصالات واكل وشراب علينا
وياريت يكون فى النادى
وهم الجعلى/ النزير/ عبيد عطا/ عبيد شيخ ادريس / مجدى / هيثم عبدالقادر / عبدالسلام احميدى

وبقية الخريجين

تحياتى وكتر خيركم على العدد والاصدارة لصوت مراغة

مجدى باشنتود
الرجوع الى أعلى الصفحة اذهب الى الأسفل
محمد جعفر
 
 


الموقع : مترحل
عدد المساهمات : 533
تاريخ التسجيل : 08/01/2010
العمر : 27

مُساهمةموضوع: رد: جريدة صوت مراغـــــــــــــــــــــــــــــة   الأربعاء 21 أبريل 2010, 4:33 pm

الشكر ... لكل النجوم ( جنابو النذير , النور ,هندسة
ملاحظاتكم ... على العين والراس
هنحاول نتفادى الأخطاء دي في العدد القادم
المشكلة انو في أول مصمم اتفقنا معاهو سلمنا التصميم ناقص أنا ومجاهد و مازن كمال مشينا لمصمم آخر
ما انتبهنا لورقة مواضيع الجريدة (تم اختيارها من مختار أحمد بخيت )
لمن ودينا التصميم لمصمم آخر لقينا الورقة ما في كتبنا وحدة جديدة غابت مننا الأشياء الفقدتوها دي كلها

ما أمدح ساكت لكن الجريدة قدرت تغطي نتائج الأساس (وده كان ليهو صدى رهيب في مراغة )
وأيضاً غطت تخريج الروضة ... و أيضاً مباراة الوحدة ومقاصر
الرجوع الى أعلى الصفحة اذهب الى الأسفل
مشيرة
 
 


الموقع : امدرمان
عدد المساهمات : 1276
تاريخ التسجيل : 27/01/2010
العمر : 29

مُساهمةموضوع: رد: جريدة صوت مراغـــــــــــــــــــــــــــــة   الجمعة 30 أبريل 2010, 1:36 am

مع احترامي ليك يامحمد بس العمل الجماعي اهم من اي شئ في الرابطة عامة

يعني زي ما بتاخد برايك لازم تحترم راي الناس المعاك

يعني لما اقلك اشوف التصميم قبل اي شئ ونضيف اخر لمسات
تشيل المواضيع وتطبع الجريدة وحتى ما تجي بي نسخة وتسافر يبقى مافي فايدة في شئ

اذا كان المهم عندكم جريدة فيها اسماءكم بس يبقى انا يتشال اسمي وتضعو اي شخص مكاني
قد اكون سمعتا كلام الناس عن الجريدة واخطائها وماقدرتا اجاوب اقول شئ وانا رئيسة التحرير ما شفتها للان

انا افضل تقعدو مع بعض وتشوفو حتصلو لاية وعايزين اية قبل فوات الاوان
الرجوع الى أعلى الصفحة اذهب الى الأسفل
النذيرمحمد
 
 


عدد المساهمات : 47
تاريخ التسجيل : 10/02/2010

مُساهمةموضوع: جريدة صوت مراغـــــــــــــــــــــــه   الأربعاء 05 مايو 2010, 11:43 am

يا نسمة كيف الاخبار
والله حيرتونا معاكم انا اطلعت علي نافذتك قبل ما امر هنا
ورديت ليك لكن جيت لقيت الموضوع هنا شكل تاني .
هم منو البدعو لي اجتماع ويشوفوا حال الرابطة المايل ما المفروض ناس المكتب كلهم.
تاني بقول ليك هدي النفوس .
والله دي زاتها كتيره منك انحنا دايرين العنصر النسائي في الرابطه يتحرك ويكون
عندهم راى مايكونوا كمبارس في المكتب وبعد اول اجتماع يقدموا استقالاتم .
الرجوع الى أعلى الصفحة اذهب الى الأسفل
مشيرة
 
 


الموقع : امدرمان
عدد المساهمات : 1276
تاريخ التسجيل : 27/01/2010
العمر : 29

مُساهمةموضوع: رد: جريدة صوت مراغـــــــــــــــــــــــــــــة   الثلاثاء 01 يونيو 2010, 5:49 pm

هههههههههههه

معليش النذير وتسلم

والحمدلله النفوس هدت وتمام التمام وان شاء الله حتشوفو كل شئ كويس عن الرابطة ومراغة
الرجوع الى أعلى الصفحة اذهب الى الأسفل
 
جريدة صوت مراغـــــــــــــــــــــــــــــة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شبكة مراغه الأصاله والتاريخ ::  قسم الشباب والطلاب -
انتقل الى: