شبكة مراغه الأصاله والتاريخ



 
الرئيسيةالموقع الرئيسى للشبكةصفحتنا على الفيس بوكالصفحه الرئيسيهالصحف السودانيهالمصحف الشريفالتسجيلدخول

إدارة شبكة ومنتديات مراغه : ترحب بكل أعضائها الجدد وتتمنى لهم أسعد الأوقات بيننا شرفتونا بإنضمامكم لنا ونتمنى مشاهدة نشاطكم ومساهماتكم التي سوف تكون محل تقديرنا واهتمامنا أهلا وسهلا وحبابكم عشرة بين اخوانكم وأخواتكم

شبكة مراغه الأصاله والتاريخ نحو سعيها للتواصل مع أعضائها الكرام فى كل مكان وزمان تقدم لكم تطبيق شبكة مراغه للهواتف الذكيه فقط قم بالضغط على الرابط وسيتم تنزيل التطبيق على جهازك وبعد ذلك قم بتثبيته لتكون فى تواصل مستمر ومباشر مع إخوانك وأخواتك على شبكتنا.

شاطر | 
 

 قدر للكيان قبل الخطو موضعه

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
خالد عبد الحميد بلال
 
 


عدد المساهمات : 39
تاريخ التسجيل : 08/08/2010

مُساهمةموضوع: قدر للكيان قبل الخطو موضعه   الجمعة 13 أغسطس 2010, 8:01 pm

مشتاقين ابا عزام...طيب التبركات لكم والاسرة الكريمة
والله يا احباب لوالرؤي والطروحات دي تنزلت وحالفها التطبيق،حيكون للبلد شأن كبير بس والله في شئ لازم الناس تاخدوا في الحسبان،وهو تضارب الصلاحيات والاختصاصات
يا اخوانا انا عرفت انو في البلد اكتر من كيان،وذا نحن ما وضعنا فلسفة تستصحب الموجود حيكون الكيان وبال علي القرية،وانا ادعي انو وقفت علي غير قليل من مثل المسائل دي ،الهدف بكون نبيل جدا لكن
سوء التخطيط يسبب القطيعة بين الناس ،وبعدين التروي واقناع الناس بجدوي برامج الكيان مهم لانو الكتير منهم ما مقتنعين بمن يتصدي للعمل العام، واقترح ان تنظم بعض البرامج بغرض <تنظيف البطون >مما علق بها ابان الانتخابات،وان يكون شعار الكيان مفاده ان مراغة مقدمة علي السياسة----مراغة اولا-------ولعله اول الغيث....ودمتم
الرجوع الى أعلى الصفحة اذهب الى الأسفل
مشيرة
 
 


الموقع : امدرمان
عدد المساهمات : 1276
تاريخ التسجيل : 27/01/2010
العمر : 29

مُساهمةموضوع: رد: قدر للكيان قبل الخطو موضعه   السبت 14 أغسطس 2010, 12:11 am

هلا بيك خالد منور

واكيد ايد فوق ايد نقدر نمسح كل واي مشكلة ممكن تواجهنا بس نوحد كلمتنا

الحاجة الوحيدة المحتاجنها انو يكون لينا صوت مسموع في مراغة بي اتحادنا مع بعض

شباب وشيب ايد وحدة وعقل واحد
مانخلي اي شئ يهزنا او يخلينا نتخازل ونرجع لي وراء مهما كانت حجم المشكلة نواجهة بصدر رحب وعقل متفتح

وماشاءالله اكتر الناس الهنا ناس كبار وعاقلة وفاهمة وتقدر تواجه اي مشكلة بعقل فذ

ولك الود
الرجوع الى أعلى الصفحة اذهب الى الأسفل
خالد عبد الحميد بلال
 
 


عدد المساهمات : 39
تاريخ التسجيل : 08/08/2010

مُساهمةموضوع: رد: قدر للكيان قبل الخطو موضعه   السبت 14 أغسطس 2010, 5:32 am

lممنووووون علي المرور يا نسمة
وفي انتظار الكتير من المساهمات والردود عشان تتولد الافكار ومن ثم تنزيلها للمصلحة العامة
ودمت بألف خير
الرجوع الى أعلى الصفحة اذهب الى الأسفل
عبدالرحمن نصرالدين
 
 


عدد المساهمات : 1938
تاريخ التسجيل : 20/06/2010

مُساهمةموضوع: رد: قدر للكيان قبل الخطو موضعه   السبت 14 أغسطس 2010, 8:46 am

الاخ خالد عبد الحميد بلال

نأمل ان لا تنتظر ردود ومناقشات لان هذا الكيان أخذ حظه من النقاشات والحوار والردود
بما يكفي وذياده والآن لابد من تضافر الجهود وروح الجماعه والتنسيق لتري الفكرة النور
وبمجهوداتكم يتم ذلك عبر التواصل بين ابناء الوطن الواحد بين الخرطوم ودنقلا وذكرنا
بأن هذا الشهر الكريم خير معين لكم بتحقيق هذا الهدف
ولك الشكر والتقدير
الرجوع الى أعلى الصفحة اذهب الى الأسفل
خالد عبد الحميد بلال
 
 


عدد المساهمات : 39
تاريخ التسجيل : 08/08/2010

مُساهمةموضوع: رد: قدر للكيان قبل الخطو موضعه   السبت 14 أغسطس 2010, 12:52 pm

الاخ الأكبر عبد الرحمن...أولا السلام عليك واسرتك الفاضلة

ثانيا:ملاحظاتي انو الموضوع يراوح مكانو ولم يقتل بحثا .ولو رايك غير كدا

برضو يمكن اعتبار ما طرحتو في سياق الخطوات التمهيدية اللازمة للتطبيق
ونا الان اقترح الطلب الي نفر كريم من الاعضاء يتصدرهم استاذ بكري---المتفق عليه---واقترح ان تنضم اليه بهدف لملمة كل ما قيل عن الموضوع
وبلورته في نقاط مكبسلة ومضغوطة عشان يسهل علي الكل الوقوف علي خلاصة المسألة
تقبل مني خالص التقدير
الرجوع الى أعلى الصفحة اذهب الى الأسفل
مشيرة
 
 


الموقع : امدرمان
عدد المساهمات : 1276
تاريخ التسجيل : 27/01/2010
العمر : 29

مُساهمةموضوع: رد: قدر للكيان قبل الخطو موضعه   السبت 14 أغسطس 2010, 5:27 pm

ايوة الوقت وقت تنفيذ فهلمو بنا يا معشر قريش ههههههههههه
الرجوع الى أعلى الصفحة اذهب الى الأسفل
ماهر عابدين دياب
 
 


الموقع : لندن
عدد المساهمات : 2905
تاريخ التسجيل : 02/05/2010

مُساهمةموضوع: رد: قدر للكيان قبل الخطو موضعه   الإثنين 16 أغسطس 2010, 10:39 am

الاخ خالد لك التحية وانت تطل من مرتفعات اديس اببا ارض الشمس المشرقة. في انتظار ابداعاتك.ماعليك الا ان تسطرها في ورقة وتذهب الي بحيرة تاننا لتلقها في مياه النيل الزرق لتسبح افكارك مع التيار حتي تعبر الحدود السودانية وتتمايل طربا بنسائم النيل الازرق حتي تعانق نسائم الابض الهادئ, ثم تعتق هذهالافكار عندما تذوب في التيار الاتي من الاتبراوي المزوج بعبق الانقسنا, ثم تصافح هذه الافكار الشلال الرابع والثالث وتقف مشدوهة لروعة خذان مروي حتي تدخل ديار مراغة وتعانق شواطئها. عندها سيلتقطها اولاد شريف بخيت بساقية اولاد شاية او دوله عوض سيد احمد بساقية طه او عباس عثمان بساقية ابو الدايمي او عبدالكريم محمد الامين بساقية الشمدي,او سراج عبدالحليم بساقية النوري, او شريف فضل بساقية ابكر بخيت,او نقداله تاجالدين بساقية البشرنجي,او عوض ارويس بساقية الارويسي,او ابراهيم طه بياقية دياب,او عبدالغفور بساقية الفلاليح ,او محمد محجوب بساقية الزلال,او الامين عوض بساقية ساتي,او محمد ساتي بساقية الدرنتني,او احمد فقير بساقية الاوراسي,او او ابراي بساقية المديري،او محمد كبسه من ساقية الفلاليح,او محمد شيخ ادريس من ساقية الفقيري,او محمود طه من ساقية كورينا,او ياسر عبدالقادر من ساقية العمد,او ادريس النور او عبدالقادرالعمده من سواقيهم.لاتفزع عزيزي اذا ابحرت افكارك بعد هذه السواقي لان ابراهيم صالح واولاد حسين يحرسون بوابة مراغة الجنوبية فهم ظلو منذ امد طويل يحرسون كل عربة وكل دابة واي بني ادم يذهب الي البنطون.مقاصر كلها في مامن بجهود اهل الساقية رقم واحد.كذالك اهل كتمار عرفوا بوحدة الصف.عندها عزيزي خالد سيلتقطها هذا المواطن ليعلم الاهل بالمحتوي ويهب الجميع للتنفيذ دون شرخ في الصف كما كان ايام الفيضانات.
الرجوع الى أعلى الصفحة اذهب الى الأسفل
خالد عبد الحميد بلال
 
 


عدد المساهمات : 39
تاريخ التسجيل : 08/08/2010

مُساهمةموضوع: رد: قدر للكيان قبل الخطو موضعه   الإثنين 16 أغسطس 2010, 11:40 am

أأستاذ ماهر...أستاذ ماهر ياااااااه أفولها الان وأتقزم ....وكأني بك تتأهب لتلقي علينا درسا في الرياضيات الاثيرة الي نفسك يومها..أما وقد دخلت دهاليز ساس يسوس حيث الانجلو سكسون
تجدني مشفقا عليك منها
حلقت بي ايها الماهر في دنياوات لشد ما أفتقدها...أفتقد الناس وأجواءنا المؤرجة بالعافية ...أفتقد السريق الذي ما فتئ يمتع الدهوربالدهشة....لماذا أحبابي تعود بنا الغربة القهقري أطفالا نشتهي ما انفتل من الليالي
ووالايام،ونفتش لي حبوبة __مؤسسة تربوية__برائحة الكركار لننعطن في أجواء ملائكية وملوكية وكأننا في نعيم لا يبلي ، ليه دايما حليل امبارح؟
يااا حليلكم بلا عدد
الرجوع الى أعلى الصفحة اذهب الى الأسفل
هاني 0العمدة
 
 


الموقع : مراغة
عدد المساهمات : 258
تاريخ التسجيل : 22/01/2010
العمر : 35

مُساهمةموضوع: رد: قدر للكيان قبل الخطو موضعه   الإثنين 16 أغسطس 2010, 7:40 pm

سعادة السفير والله منور المنتدي
الرجوع الى أعلى الصفحة اذهب الى الأسفل
خالد عبد الحميد بلال
 
 


عدد المساهمات : 39
تاريخ التسجيل : 08/08/2010

مُساهمةموضوع: رد: قدر للكيان قبل الخطو موضعه   الثلاثاء 17 أغسطس 2010, 1:13 am

شاااااااكر العزيز هاني....هناك الله بالتقوي والايمان
الرجوع الى أعلى الصفحة اذهب الى الأسفل
مجدى حسن
 
 


الموقع : الدوحة - قطر
عدد المساهمات : 752
تاريخ التسجيل : 10/01/2010
العمر : 38

مُساهمةموضوع: رد: قدر للكيان قبل الخطو موضعه   الثلاثاء 17 أغسطس 2010, 7:50 am


العزيز الغالى الاستاذ خالد رمضان كريم وتصومو وتفطرو على خير انت والاسرة الكريمة ...
والله مشاركتك ودخولك اثلج صدورنا ودى من بركات رمضان الكريم ... كونو يجينا شريف ودالشريف الكبير من زمن جدول جزيف ومدرسة مراغة ماشفنا يطل علينا فى رمضان دة .... واستاذ ماهر يدخل ويتحفنا بى سردو للسواقى الخلانا كتمنا نفسنا الا ان اتنفسنا جنب بنطون مقاصر ...... رغم انو استاذ ماهر فتح كم موضوع هام بس مابتفاعل مع الردود فى بعضها والناس راجنو فى موضوع مسجد الفكى وغيرو .... وتلفونو مابخش ورسلنا لى ايملات شكلو مافتحها ....
حقيقة دة تجمع رائع وشلة ماممكن تتلمى والله يدى العافية والصحة للعم بكرى والاخ مالك وودالشريف وكل الاعضاء .... طبعا حلقنا نشف ودخلنا الواسطات ناس محمد بشير والشلة عشان سمعة يخش ... كدى مر على موضوع رسائل للاخوة الكرام ... ومواضيع رابطة طلاب مراغة وارشبف المنتدى ... رغم انو زمنك غالى جدا ... وقبل فترة كان معاى وعدنى وعد قاطع قريب حيخش وقال لى ناس ياسر ابراهيم وامجد امسكو الخشب بس ... لكن راح بعدلو ... هسة كونك انت خيتنا من اعلى المرتفعات .... حنطنشو شوية .... والله سعيدين بافكارك وايد على ايد تجرع بعيد .... وذنو برضو مبسوط بشدة ... وموضوع الكيان كل الشباب مجتهدين وامس قرشى بينضم معاى فى التلفون فى نفس الموضوع وكتر خيرك على المساهمة .... والامور ماشة ان شاء الله رغم زحمة الشغل ...

تحية خاصة للاخ ود الباهى من على البعد ....ياحليل ختة راس (اركويت) .... قبل ايام جيت ماشى فى شارعا وقفت العربية بدون ما اشعر .... طليت على الاطلال وقت حليل خالد ....

والله الموفق وربنا يثبت الاجر ويوفق الجميع ودعواتكم فى رمضان لجميع الاهل ....

مجدى
الرجوع الى أعلى الصفحة اذهب الى الأسفل
خالد عبد الحميد بلال
 
 


عدد المساهمات : 39
تاريخ التسجيل : 08/08/2010

مُساهمةموضوع: رد: قدر للكيان قبل الخطو موضعه   الثلاثاء 17 أغسطس 2010, 8:53 am

القريب الحبيب مجدي كتر الف خيرك
لعل الكثير لا يعلم مدي التقدير الذي أحملو لاستاذي ماهر ولغير قليل من الاخوان بس يا عزيزي الغربة عندي تجلي المحبة اكتر
أخوي سمعة والله غلبت معاهو....ربنا يطول عمرو ويطلع العندو...السيد القنصل باهي،السقيا وسحائب الرحمات علي اموالجابتو...والله يا هندسة منتهي الألق ،وما زال كر الأيام بالتميز ونكران الذات واللمعان
ختة راس...بليت بلاها ان لم اقف عندها واكب الجاز والعبرات!وأغالب دمعتي الشماء...

يا مجدي بالعزف علي هذا الصولو ح تغرقني وتحيلني الي ابن عربي وحلاج ....ياخي ما تحلجا معانا
مع محبتي
الرجوع الى أعلى الصفحة اذهب الى الأسفل
مجدى حسن
 
 


الموقع : الدوحة - قطر
عدد المساهمات : 752
تاريخ التسجيل : 10/01/2010
العمر : 38

مُساهمةموضوع: رد: قدر للكيان قبل الخطو موضعه   الثلاثاء 17 أغسطس 2010, 9:14 am

خالد .... ناس استاذ ماهر ديل فلتات فمن فلتات مجتمعنا البسيط ..... الله يزكرو بالخير والبركة

جرجرنا ياسر ابرهايم ورضوان وسرحو ومتعونا بقصص رائعة زى حوض الاوريق ... وشيخ السمانى ... وبدرى الحاج ... وبنطون مقاصر وزول البنك ... وفى السكة قالو شيخ رضوان ... ورضوان ابدع فى جغرافيا المنطقة ...

هانى العمدة قال حينها بعد ان توقف عن المشاركات لمن استفسرتو قال لى انا بقيت مدمن بى كتابات ياسر ابراهيم ... واتحسست راسى بعد كملت القصص ... قال لى مابخش الا ياسر يبدع وهو حيقراء فقط ....

جد انتو ابدعو وخلونا نستمتع وخلى استاذ ماهر يسرح وناس قرشى يوقفو اكل البيتزا ويفتحو خشمن .....

بعد كل المقدمة الطويلة دى .... ياريت تفكر ترسل لينا عيدية من اديس عبر الاثير ... عشان نحن كلنا ماشين دنقلا للتكريم .... والعيدية دى حنهديها لسمعة هناك ويمكن تلين راسو الناشفه دى .... طبعا محمد باشنتود قال لى يامجدى ابعد من سمعة دة لانو لو خشى المنتدى ببقى ليكم فرناغغغغغغغغة .....

عيديتنا دايرنها تكون سرد توثيقى لختة راس .... صدقنى حيكون موضوع هزة ... فى شبيو موضوع الرجل العصامى (منعم عبدالعزيز) لكن طبعا ماحاقارن نفسى بيك حاولت واجتهدت فيهو ... ياخالد دة طلب يمكن يكون صعب شوية بس ختو فى بالك ونحن بنراقب لو نزلتو ....
فى كتار ماعارفنك انت تحفة وقمة فى الادب والابداع والتفانى وحب الاخرين ... بس انقل لينا جزء بسيط عشان ناس نسمة ومجاهد ديل يتعلمو شى .... ونلقى ناس الواثق فى الصف .......

مشكور جدا للتفاعل ........
الرجوع الى أعلى الصفحة اذهب الى الأسفل
خالد عبد الحميد بلال
 
 


عدد المساهمات : 39
تاريخ التسجيل : 08/08/2010

مُساهمةموضوع: رد: قدر للكيان قبل الخطو موضعه   الثلاثاء 17 أغسطس 2010, 9:35 am

الطالب غااااالي،عشان كدا....حاااااااضر أحاول ان شاء الله
الرجوع الى أعلى الصفحة اذهب الى الأسفل
ماهر عابدين دياب
 
 


الموقع : لندن
عدد المساهمات : 2905
تاريخ التسجيل : 02/05/2010

مُساهمةموضوع: رد: قدر للكيان قبل الخطو موضعه   الأربعاء 18 أغسطس 2010, 12:00 am

سعادة السفير شكرا للكلمات الجميلة التي لااستحقها. مثلك ومثل الدكتورة نضال وبقيتكم اعتز بكم دائما.فانتم تيجان علي رؤوس الجميع.
السيد هاني ايه الرقة ده كلها. كلماتك رقيقة وتدل علي تغيرات عاطفية علي المحيط الاجتماعي.لان علماء النفس قالوا يحصل تغير....اذا حصل تغير.....واكبر دليل هو اهمالك الشديد للموضوع الكنت مكلفني بيه.
بعدين يااخي حكاية اولاد عمك ديل معاي شنو؟
قول ليهم يقولوا يالطيف


عدل سابقا من قبل ماهر عابدين دياب في الأربعاء 18 أغسطس 2010, 9:22 am عدل 1 مرات
الرجوع الى أعلى الصفحة اذهب الى الأسفل
عبدالرحمن نصرالدين
 
 


عدد المساهمات : 1938
تاريخ التسجيل : 20/06/2010

مُساهمةموضوع: رد: قدر للكيان قبل الخطو موضعه   الأربعاء 18 أغسطس 2010, 8:18 am

ابننا خالد لك التحيه والتقدير وانت ترسل لينا المويه العكره من هضاب اثيوبيا
معليش رديت عليك رد استعجال كده كل سنه وانت بالف خير (ماعارف بأولادك ولاعذابي مكافح ) يبدوا انني لم احظ
بلقاءك حاولت اشغل مخي واجتهدت ولم اتذكر علي اية حال رد الله غربة الجميع بارض الخير والبركه وايضا حاولت
الاجتهاد قليلا اين موقعك من ابناء عمنا الفاضل عبد الحميد. الله يسامحك ياولد يامجدي حسن طلبنا منك التعارف التعارف
اما عن موضوع هذا الكيان الذي نأمل من المولي الكريم ان ينعم به اهلنا بمراغه طرحك ممتاز وعنوان مداخلتك يكفي
قدر للكيان قبل الخطو موقعه بس المشكله ان صاحب الموضوع نفسه أخ ذوالنورين عمل نايم . اخيرا مشاركتك بالردود
ستذيدها القا لديك تعابير في غايه في الروعه .
مع التحايا والاشواق


الرجوع الى أعلى الصفحة اذهب الى الأسفل
خالد عبد الحميد بلال
 
 


عدد المساهمات : 39
تاريخ التسجيل : 08/08/2010

مُساهمةموضوع: رد: قدر للكيان قبل الخطو موضعه   الأربعاء 18 أغسطس 2010, 10:06 am

[color=darkblue]المكرم عبدو...تحية واحتراما
أولا لو حملت كلمة (ابننا ) محمل ابن البلد,,,,تبقي مهضومة,,,,,والا فالعمر اكبر من ان اكون ولدك,,,ولزيادة التعارف فالترتيب:نوال,,,وسيلة,,,,انعام,,,ثم يطل الفقير الي ربه ع الدنيا في اوائل السبعينات ,,,,

والعزيز ذو النورين الدفعة القدامنا مباشرة ،وزملاء الدراسة من اعضاء المنتدي
العزيزين ياسر ابراهيم ومحمد بشير.اما قولكم ان كنت شديدا خلال ردك علي ما طرحتو ,,,فانا وضعتو في سياق حرصكم علي تمام الموضوع
فلا تثريب عليك اخي العزيز,,,ولو ربنا مد في الزايلة بنتلاقي.
مع فائق المحبة[/color
]
الرجوع الى أعلى الصفحة اذهب الى الأسفل
ماهر عابدين دياب
 
 


الموقع : لندن
عدد المساهمات : 2905
تاريخ التسجيل : 02/05/2010

مُساهمةموضوع: رد: قدر للكيان قبل الخطو موضعه   الأربعاء 18 أغسطس 2010, 10:08 am

الاخ عبدالرحمن حقيقة ضحكتني بعد طول تجهم. وده واحده من مصائب الغربة. خالد ابن عبدالحميد سعيد بلال اصغر الوسيلة مباشرة واكبر اسماعيل واسامة, والدته المرحومة لازم بتعرفها وحتي اخته الكبيرة, وكفايه لحدي كده لان الانصار لايحبون ذكر اسماء الحربم.
بااخي قول يالطيف
الرجوع الى أعلى الصفحة اذهب الى الأسفل
ماهر عابدين دياب
 
 


الموقع : لندن
عدد المساهمات : 2905
تاريخ التسجيل : 02/05/2010

مُساهمةموضوع: رد: قدر للكيان قبل الخطو موضعه   الأربعاء 18 أغسطس 2010, 10:15 am

الاخ خالد رديت علي عبدالرحمن قبل ردك. يظهر انه معلوماتي قديمة في حكاية ذكر اسماء الحريم. فلك العتبي واكل انصاري حتي يرضي
الرجوع الى أعلى الصفحة اذهب الى الأسفل
مجدى حسن
 
 


الموقع : الدوحة - قطر
عدد المساهمات : 752
تاريخ التسجيل : 10/01/2010
العمر : 38

مُساهمةموضوع: رد: قدر للكيان قبل الخطو موضعه   الأربعاء 18 أغسطس 2010, 10:19 am

مشكرو جدا الاغلى خالد ... وفى انتظار ختة راس .......
الرجوع الى أعلى الصفحة اذهب الى الأسفل
خالد عبد الحميد بلال
 
 


عدد المساهمات : 39
تاريخ التسجيل : 08/08/2010

مُساهمةموضوع: رد: قدر للكيان قبل الخطو موضعه   الأربعاء 18 أغسطس 2010, 10:24 am

أستاذ ماهر.. لك التحية .....واضح انو ردينا في وقت واحد

بس معطيات رسالتي ،الي سبقت رسالتك للأسف أفشلت فرضيتك عن الانصار بعد ما برهنت ليك انو ممكن نذكر اسماء الحروم!!
تحياتي
الرجوع الى أعلى الصفحة اذهب الى الأسفل
عبدالرحمن نصرالدين
 
 


عدد المساهمات : 1938
تاريخ التسجيل : 20/06/2010

مُساهمةموضوع: رد: قدر للكيان قبل الخطو موضعه   الأربعاء 18 أغسطس 2010, 11:28 am

الاعزاء استاذ ماهر وابننا واخونا خالد
استاذ ماهر انت عشان حننصبك جلاد المنتدي عايز تبدأ بي ولاشنو وفعلا دي مصائب الغربه والله يااستاذ ماهر
اولاد كتيرين في الحله بقضي اجازة ثلاثة اشهر وبغادر مااكون عرفتهم لكم العتبي حتي ترضروا اعزرونا
طبعا معرفتي بالوسيله قويه قبل الاغتراب واسماعيل بحبه الشديد للوحده والنادي والمسيد وصلته القويه
بذوالنورين وعباس وروحه المرحه وهو قريب لقلب الجميع . والوالد ربنا يديه الصحه كل الاوقات في مسجد
الحاج نصرالدين. أخ ماهر غرور بتاع الساعه كم ورينا ابداعاتك وفضفض وفي انتظار القصيده التي ذكرتها
الرجوع الى أعلى الصفحة اذهب الى الأسفل
مشيرة
 
 


الموقع : امدرمان
عدد المساهمات : 1276
تاريخ التسجيل : 27/01/2010
العمر : 29

مُساهمةموضوع: رد: قدر للكيان قبل الخطو موضعه   الأربعاء 18 أغسطس 2010, 1:19 pm

ربنا يجمعكم دايما في ساعات خير يارب

وجلسة في الحرم وفي ربوع مراغة جمعا
الرجوع الى أعلى الصفحة اذهب الى الأسفل
ماهر عابدين دياب
 
 


الموقع : لندن
عدد المساهمات : 2905
تاريخ التسجيل : 02/05/2010

مُساهمةموضوع: رد: قدر للكيان قبل الخطو موضعه   الأربعاء 18 أغسطس 2010, 2:06 pm

امييييييييييييين يانسمة ولا احسن مشيرة؟ هاهاهاهاهااااااا
الرجوع الى أعلى الصفحة اذهب الى الأسفل
 
قدر للكيان قبل الخطو موضعه
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شبكة مراغه الأصاله والتاريخ ::  القسم الرياضى -
انتقل الى: