ماذا يعني عدم اعلان تأجيل التكريم ؟؟؟

العم عبدة .....
لو رجعت فى بداية موضوع عباس كان مجرد دردشة ومحاولة للغوص فى تجربتة الرياضية
بعدها اتت فكرة التكريم من الاخ ياسر وعم بكرى مشى اكتر وفتح باب التبرعات لتكريمة

محمد جعفر (الله يدى العافية) .... مشى حفر واظنو فى ناس لاموهو لى عباس .... بالتحديد لانو عباس بعد من الوحدة الفترة السابقة .... فكانت هنالك بعض الاراء النشاذ .... بعدها جاءت فكرة الترشيحات والفائزين .... والكلام كتر واخد ابعاد اخرى

فمن باب درء المفاسد ... ومن باب الضرورة .... عم بكرى عمل توضيح قال ناجل التكريم حتى نصل لنتائج مرضية بوسائل اخرى غير الترشيح ودة كلام صح من البداية لو لاحظت حاولت الفت النظر لانو المنتدى مابمثل كل مراغة عشان يحدد منو يتكرم
فى ناس كتار ما سمعو بالمنتدى لليوم ........... اى نعم المنتدى هو صاحب الفكرة وصاحب التمويل .......

الناس شبة اتفقت على تكريم عباس فى ثالث ايام عيد الفطر ........ ياريت تدونا روية واضحة لو فى زول عندو راى غير دا

[نادي الوحدة يستغيث،وسبق ان جاأتنا استغاثة وتوضيح بالحاصل مع طلب مبالغ مالية من اجل انقاذ الفريق, نادي الوحدة اذا لم يتم انقاذه بعد فترة صغيرة جدا ربما يكون في الليق,لاعبي الوحدة القدامي فقط هم من يعرفون معني الليق, ياسادة...الليق غصة في حلوق الناس ربما تستمر لسنوات,فريق بعد ان كان نمرا في الدرجة
الاولي اصبح دجاجة هزيلة بين الحياة والموت
كيف يكون هناك تكريم رياضى ونفسيات اللاعبين والاداريين
والمدربين محطمة بما فيهم عباس..المحتفي به
حتي عباس نفسه لن يرضي بالتكريم في هذه الظروف الحرجة
لامعني للتكريم والفريق في حالة هبوط...التكريم ليست كلمات
واحتفالات تقام
اقترحنا قبل هذا انقاذ الفريق العاجل من صندوق التكريم
وتاجبل التكريم الي عيد الاضحي لتكون الفرحة فرحتين ولاشراك
اكبر عدد من الناس
يبدو ان المنفعلين بالتكريم البعض منهم لايقرأ في المنتدي الرياضي
التكريم عمل رياضي...هناك متابعة واقتراحات...صابر حسين, قدورة ,عبدالمنعم وادارة النادي وجودهم مهم.
شكل الاحتفال يجئ في مرحلة متأخرة ليست مهمة الان, كل شئ بعد
الاعداد الجيد
النادي بيهبط ومافي واحد بيقول يالطيف

أخ ماهر التحيه والتقدير...اتفق معك تماما فى أن حال الفريق حقيقه لايسر.
وأن هذا الفريق يقوم على عاتق شخصين فقط...ونحن بالتأكيد مع دعم الفريق.
وتناقشنا سويا فىهذا الموضوع واتصلت بالأخ صابر حسين أكثر من مره.
للاسف هذا الفريق لاينقصه الدعم فقط بل ينقصه الكثير.
أولا غيرة اللاعبين وعدم مسئوليتهم,ده طبعا ماكلامى أنا.
فى المنتدى ح تلقى كلام لايمن محمد يسن أنو فى لعيبه وفى ظروف زى دى عايزين يمشو الرابطه.
وح تلقى انو صابر حسين بيدخل البيوت عشان يسوق اللعيبه يمشى التمرين ناهيك عن المباراه.
يبقى السلاح فايدتو شنو اذا انت أساسا ما عندك ناس مستعدين يحاربو
صدقنى الناس ديل عندهم استعداد يقعدو كيمان للونسه ولا يمشو التمرين أو المباراه.
وزمان النا س تحش البرسيم الساعه 2 ظهر عشان تبيعو فى الديم ولا البانجديد وتحصل التمرين.
وانت سيد العارفين...فوالله لوتأجيل التكريم نتيجتو أنو الفريق حيمشى قدام لكنت من أول المؤيدين.
فالمشكله مافى انو الفريق يمشى الليق لكن المشكله فى انو ليه اصلا يكون مهدد..ده مش معناهو مافى دعم لا ده أصلا مافى ناس.
التكريم حقيقه اقامتو واجبه ومطلوبه ...فهو درس فى الوطنيه والغيره والولاء لى البلد لى ناس فقدو من هذه القيم الكثير.

يا أولاد حسن باشنتود...يا اساسق عشمانه وبتول ومياسه انتو الحاصل ليكم شنو...يامجاهد التكريم فى العيد أبدا جهز.
ويامجدى مافى راى تانى التحاوبل وصلتك من الاخ بكرى وسعادة السفير دفع بدل الميه ميتين وأخ ماهر داعم مادى ومعنوى.

الاخ \ ماهر اللاعب والاداري السابق بنادي الوحدة التحية لك....................ة

الاخ\ قرشي اللاعب السابق والغيور جدا لوطنه الصغير لك التحية....................

تحدثنا كثيرا عن نا دي الوحدة وما وصل اليه ا لحال من تردي ......فلا قدورة ولا صابر حسين يحملون عصا موسي حتي نستطيع تغيير االواقع بين يوم وليلة.......ولكن بالدعم المادي والمعنوي والتشجيع المستمر نستطيع ان نعبر الصعاب ونتجاوز المستحيل.......الاخ قرشي بالنسبة لعدم مسئولية اللاعبين ذلك ناتج لعدم وجود ادارة واهتمام من اهل مراغة بالنادي او الفريق عموما...........جميعهم يهربون من العمل العام........لذلك يوجد بون شاسع بين الادارة واللاعبين واحساسهم بالمسئولية .......عندما نناشدكم فهذا من باب انقاذ ما يمكن انقاذه ونحن امام تحدي كبير ....نكون او لا نكون..... اما بالنسبة لتكريم عباس فأنا من انصار ان تكون في موعدها ثاني ايام عيد الفطر فنحن علي استعداد ان نقوم بكل الترتيبات اللازمة ...اولا ستكون هناك فرصة لمخاطبة جميع اهل مراغة واشراكهم في الهم..... وثانيا نستطيع توفير مبلغ ولو بسيط لتسيير المباراة القادمة بعد العيد مباشرة........

الاخوة الكرام جميعا الذين شاركوا فى هذا الرابط والله
موضوع التكريم ده خليهو فى عيد الضحيه لانو الناس كلها
حتجى واحتمال بعض المغتربين من ادارة الموقع برضو يجو
وكده بيكون اكتملت اللوحة. لكن فى عيد الفطر الناس بتكون غالبا
والشباب خاصة بيمشو رحلات وبيكون الدار دار مره يعنى مابتلقى
ليك زول يدق الصيوان . والاخ/مجاهد شايل هم كبير للتكريم وذلك
حسيت بيهو من خلال لقاءاتى بيهو الراجل مهموم شديد وسؤالو ده
ينم عن ذلك. بعدين شكل برنامج التكريم لابد أن ان تكون له لجنه مصغره
من الناس المهتمين بالموضوع والموجودين فى دنقلا وويعقدو اجتماعات
ويتشاورو وتنزل وقائع اجتماعاتهم فى الموقع ويشارك البقيه بالرد بعد ذلك
ولحدي مايجى الضحيه بيكون الناس وصلو لى حاجه متفق عليها.
أما موضوع الفريق والله يحتاج الى دعم واقولها بصراحه الناس الكانو
بيقيفو مع الفريق بعدو لانو الاتزامات كترت وبقى كل يوم دايرين قروش
والدارة ذاته مافى يعنى الفريق والادارة صابر حسين والنادى بقى فى البيوت
بعد التمرين ولا المباراه اي واحد من اللاعبين بيشل معاهو الكور فى بيتو
الاخ صابر حسين اجتهد عمل برنامج للاعبين فى رمضان تمارين وسويدى ليلى
بمعاونة الاخ طه ابراهيم بس الملاحظ عدم الجديه من الاعبين. وده برضو حاجه
خلت الناس تبعد من الفريق. واقول للاخ قرشى لاعب هسع مازي زمنكم انعدمت
الغيره فأقول ادعمو الفريق والنادى حتى يكون الوحدة فى الاولى مافى الليق زي
ماقال ماهر .........