لان الشفافيه والوضوح هدفنا أقترح فتح بوست خاص

الاخ عبدالرحمن البوست اتفتح باسم الكاش يقلل النقاش..ويختص بكل مسائل الماده والمنصرفات فالى هناك ..الو بارائكم ومشاركاتكم والاخ صابر افتتح اللسته اليوم

شكرنا اخونا الجعلى انك دخلتنى الخط وكلامك صاح بعد كدا الهيئه هى المسئوله ونحن خلفها والاحترام للامين المالى ابراهيم الانصارى الرجل الفذ ..والاخ عبدالرحمن لك العتبى حتى ترضى انى لم افهم مرمى حديثك ..وربنا يديم الخير فيك وفينا

سلام شباب
انا اعتقد انو مافي اي غبار علي اقتراح الاخ عبد الرحمن وماشايف اي حاجه فيه غلط وكلامو واضح ولازم يحصل
لانو لو ماحصل الكلام العملناه كلو حيكون كلام فارغ احنا بدينا المشروع دا اساسا عشان نطور الحاجات الفي مراغه
ونصلح الداير تصليح وانا وانتا البندعم ولازم نعرف الاتعمل شنو والمااتعمل شنو ولو ورونا الاتعمل شنو البيحصل شنو
لو ورونا الاتصرف كم في العمل انا استنا سنه عشان اعرف هو اذا انا ولا اي مقترب مامعترف بيه ولا بي الكلام البيقولو
تقول احنا ما من مراغه وفي حاجات كتير بتجي في النص ياجماعه يمكن القروش البنرسلا والاشتراكات ماحتكفي صيانه مدرسه مراغه ماذي صيانه المركز الصحي ومعداته ممكن الزول يزيد مشاركته في مشاريع معينه بتستاهل قروش اكتر وفيها شنو لو كشف الحساب نزل للناس كلهم
الكلام دا ما بزعل زول هو دا بيكون جزء من الشغل بتاعو انو يعرض للناس الحاصل شنو وبالله التوفيق

الاخو الكرام بدايه ابداء بتهنئه الخ عبدو شجره بالحج واعتب عليه مجرد اقتراح ثوره الانقاذ يا خي والله جاني وجع راس من الاسم ده اما كلام الاخ محمود غير منطقي لانو شاب عرك العمل العام من خلال رابطة الطلاب مافي لجنه بتعرض حسابات الا امام الجمعيه العموميه علي حسب انعقاده اذا كانت سنويه او نصف سنويه او ربع سنويه او طارئه والاهم من ده نحن نكتفي بجمع المال ونترك الباقي للهيئه التي تم اختيارها بواسطه الجمعيه العموميه ما دايرين نفتح ابواب نقاش ما ليها داعي وكلام الجعلي منطقي جداجدا .

الأخ العزيز عبد الرحمن حجا مبرورا وعودا حميدا...مع احترامى الشديد لرأيك وثقتنا جميعا أن كل آراءك وتعليقاتك نابعه عن الحب والحرص.
فنحن كتبنا كثيرا عن تفويض اناس يستحقون حمل هذه الأمانه وقد كان والحمدلله فما علينا الآن الا أن نثق بهم وننتظر الجمعيه العموميه لمحاسبتهم.
فهذا هو السائد عرفا وقانونا الا اذا كان هناك ما يستدعى انعقاد طارىء للجمعيه العموميه...فنطالب بذلك من خلال المنتدى اذا كانت هناك اسباب.
منطقيه وحجج تستدعى ذلك ...أما مادون ذلك فلنترك الأمر للأخ جمال والذى سيكون صوت المنتدى داخل هذه الهيئه.
ينقل لنا مايستحق النشر ...وينقل لهم آراء المنتدى .

ا الاخ العزيز قرشي خالص التحايا
لم نطلب اكثر من ان ينقل لنا الاخ جمال مايستحق النشر؟؟؟؟؟
وهل ماطلبناه لايستحق النشر ؟؟؟؟؟؟

الأخ العزيز عبد الرحمن ...ماطلبته أو مافهمته من طلبك نشر قوائم ماليه وبصوره دوريه ...بالتأكيد ذلك غير عملى .
لأن ذلك من اختصاص الجمعيه العموميه والتى يمكن أن تكون سنويه نصف سنويه أو طارئه.
والمطلوب من الأخ جمال وعلى حسب رايى الشخصى تنوير المنتدى بما تم انجازه والخطط والمشاريع المستقبليه وما الى ذلك.
أما دور المنتدى وعلى حسب رأيى الشخصى أى شخص فى المكتب التنفيذى غير مرغوب فيه فلتكن لدينا الشجاعه لأستبعاده.
والحمدلله أن هؤلاء قله لايتعدوا الواحد أو الاثنين.

ايه هو الكلام الغير منطقي ولمن ترد ما تقول مانع منطقي يقنع الزول ايه هو رابطه طلاب رابطه الطلاب جسم بيتكون وبيبحث هو عن طريقه التمويل
والجسم دا احنا البنمدو بالمال
ياجماعه الكلام الميت سيبو او اتكلمو بي منطقيه واقنعونا بي رفضكم الان كم من المال يمتلك المكتب التنفيزي لبدايه مشاريعه وماهو الناقص
اها حنعرف نهايه السنه اخي النزير لقد ساهمت قبل انطلاق المهرجان انتا حتساهم تاني بتين مع العلم انكم عندكم مشروع ال70 الف باقي الناس مساهماتهم حتكون كيف شهريه سنويه مع كل بدايه مشروع ممكن مايعرضو الميزانيه كلها مع انو مافي حاجه تمنعا لازم تعرض ارقام وتحدد ليها مكان خاص علاج افراد فوري والتكلفه المطلوبه حاله طارئه ذي المطر الجاء وتضرر منه الجامع الكبير الدعم من المؤسسات حيكون محدود الدعم الاساسي من ابناء المنطقه ودايرين نعرف راي المكتب التنفيوي المختار في الحوار دا المكتب الماعرفناه لحدي حسي

الأخوه الكرام يجب أن نتفق جميعا أننا من واجبنا جميعا داخل المنتدى وخارجه أن نختار الانقياء الاصفياء من أبناء قريتنا الآن وفى المستقبل.
والحمد لله هم كثر.
يجب أن نطرح الثقه فيهم ونحاسبهم حسب مقتضيات العرف والقانون أن يعرضوا لنا ماصرفوا ومابقى أمام الجمعيه العموميه.
لأنو ماممكن يامحمود كلما اشترو ليهم كيس أسمنت يعرضو لينا فى المنتدى.
فالمطلوب مننا هو جمع المال وارساله لهم وعلى حسب حجم المال سيكون حجم المشروع أى المعادله طرديه .
وفى نهاية العام فلننظر ماذا فعلوا وكم نحن دفعنا .
وعلى هذا الأساس يمكن أن نطرح الثقه فيهم أو نسحبها...وأنا أثق تماما أن المحك فى اختيار الأشخاص .

الأخ العزيز عبد الرحمن تحياتى لك ....أسألك سؤال محدد ومباشر حتى أفهم بالضبط ماتقصده.
هل مطلوب من اللجنه التنفيذيه نشر قوائم ماليه شهريه ونصف شهريه لمنصرفاتها وايراداتها؟؟؟؟





الأخ العزيز عبد الرحمن نحن لانكمم الأفواه ولكن اذا أردت أن تتطاع فأمر بالمستطاع.
أما البيانات التى نقصدها فهى تقارير تتحدث عن الأنجازات وأخبار سير العمل وليست قوائم ماليه ماذا صرفوا وماذا أستلموا وكل 15 يوم.
اذا ما فائدة القوى الأمين الذى تم الأختيار على أساسه ...اذا كنا سنحاسبهم حساب نكير ..ولا نستطيع حتى الصبر عليهم سنه وهذا حقهم.
أما العجز الذى ذكرت فعلاجه بالوفاء بالتزاماتنا الماليه وما قطعنا من عهود ودونك بوست (الكاش يقلل النقاش).
فاذا نفذنا ما يلينا ووفرنا لهم المال تأكد تماما أنهم سينفذون مايليهم ولا يحتاجون المحاسبه الا نهاية العام.
وهناك تجارب كبيره تمت بنجاح تام وحرص كبير على المال ...الكهرباء...المياه....وأخيرا دار الشهيد كمال على مختار.

سلااااامات ودالشاويش كل عام انت والاولاد بألف خير
والسنه الجايه مدير عام الشركه السودانيه الماليزيه
طبعا العيد بالخارج (لايوجد) يمر اليوم مرور الكرام مثل كل الايام العاديه لالون لاطعم لارائحه الا بعض الاماكن
التي يتواجد بها اهلنا الطيبين مثل جده اعيادهم شبيه بالسودان . طليت علينا بعد ان اغلقنا هذا البوست وطلتك البهيه
يلفها بعض الغموض ما تقصد ؟؟؟ اذا كنا سنتلقي تفاصيل الانجازات يفترض ان نتلاقاها كامله بجميع جوانبها .

سلام للجميع بلا حدود
ياسادة ياكرام روقو المنقة شوية
انا يفتكر كلام الحاج عبدالرحمن فية كثير من العقلانية والناس ماتسرح دائما لسوء الظن
سؤال بسيط نرجو الاجابة علية
هل هنالك صفة شرعية لهذا الكيان ؟؟؟؟؟؟؟
اي بمعني هل تم تسجيلة عند مسجل الجمعيات الخيرية ؟؟؟؟
لااظن ذلك
ا اذن الموضوع اقرب للصندوق الخيري بمعني اخر لا قدر اللة حدث اي مكروه وارجو الا تفسروا حديثي هذا تشكيك في ذمم
الاعضاء السرقة, الاتلاف ,,الحريق و.......... الخ كلها اقدار قد يتعرض لها المشروع وسيظل السؤال قائم باي صفة قانونية ستطالب بالتعويض او الاسترداد
اذن يمكن بكل بساطة ارسال نشرة شهرية او نصف شهرية عبر المنتدي للجميع توضح النشرة ما تم تنفيذة في كل مشروع مع بيان التكلفة الاجمالية والحوجة المتبقية واري ان هذة النشرة ستيث الحماس في الجميع اثناء استمرار نجاح المشروع المستهدف
ولا رايك اية ياالسيد المستشار القانوني

الأخ العزيز عبد الرحمن ...التحيه والتقدير...الرجاء عدم اغلاق باب النقاش واغلاق هذا البوست الحيوى والهام.
لأن رأيك خطأيحتمل الصواب أو رأيك صواب يحتمل الخطأ كما رأيى ورأى الأخوه الكرام.
فهذا نقاش حيوى وهام ولابد من وجود آليه يتفق عليها الجميع حول كيفية ربط المنتدى باللجنه التنفيذيه .
مثلا يتفق الجميع على أن القوائم الماليه يتم عرضها أمام الجمعيه العموميه أبا كان زمن انعقادها.
أما الانجازات مثلا أو نداءات التمويل والمال أو أى أخبار أخرى تراها اللجنه مناسبه لتمليكها للناس فلنتركها لتقديرهم.
أخى العزيز عبد الرحمن لا أحد يملك أن يخطىء الآخر ولكن النقاش والحوار يولد الأفكار الصحيحه والقابله للتطبيق.

الأخ العزيز محمد وديدى تحياتى وتقديرى...أولا ليس هناك وفى كل ماورد سوء ظن فالجميع وان اختلفوا فخلافهم نابع من الحرص .
ولانشك فى سلامة نواياهم.
أما الصفه الشرعيه للكيان...فنعم للكيان صفه شرعيه ومستمده من تفويض أهلنا فى مراغه.
أما التسجيل فهو اجراء روتينى ويمكن اتمامه ويكل سهوله لأن شروط التسجيل ميسره ولا صعوبه فى ذلك.
أما السرقه الأتلاف الحريق هل هناك مايمنع قانونا من استرداد الحقوق بغض النظر عن التسجيل من عدمه؟
فهذا السؤال نتمنى أن يجاوب عليه الأخ العزيز جمال.
وهل التعويض يحتاج لصفه قانونيه؟؟؟اذا كانت الأجابه نعم يمكن تسجيل الهيئه وبأسرع مايمكن.
أما النشره الشهريه أو النصف شهريه ...فعلى حسب رأيى الشخصى فيه كثير من المبالغه.
فأنا ماعارف ناس اللجنه حيشتغلوا ولا حيكتبو تقارير ...علما بأن العمل تطوعى والكل له مسئوليات ومهام شخصيه.
وهل سيجد هؤلاء الاخوه مايكتبوه كل 15 يوم.
وهناك مفارقه حدثت هنا فى الولايات المتحده...على أيام الرئيس بوش تقدم أطباء الولاده بمذكرات أحتجاج.
ليس لزيادة المرتبات والبدلات لا...فقط لأنهم يكتبون التقارير وكثير من الفورمات لكل مريض تستغرق الكثير من أوقاتهم.
وقد تحول الكثيرين منهم الى مهن أخرى مما أحدث عجزا فى أطباء الولاده.
(فهؤلاء لهم امتيازات من مرتبات وخلافه رغما عن ذلك راوا أنهم يفعلون ما لا داعى لهم فما بالك من متطوعين)

الاخ العزيز قرشي دائما اجد في مداخلاتك ردود شافيه تعبر عن معظم المتابعين لذا نكتفي دائما بالمرور اما بما يخص هذا الاقتراح فاحب ان اضيف شئ بسيط وبعد مداولات ومناقشات واختلافات وصلنا الي هذه المجموعه الطيبه من اخواننا واعمامنا لمذا نضيق عليهم الخناق قبل ان يشرعوا في مهامهم وماذا قدمنا لهم حتي نقول افعلو هذا واتركو هذا ما ذلنا في بداية الطريق واعتقد اننا في المنتدي من اول المهام المناط بنا ان نجمع المال ونترك لهم انتشال المرافق من الوحل الذي غاصت فيه ومما لا يدع مجال للشك ان الثقه متوفره بلا حدود في هؤلاء وهم من خيره رجالات ا لقريه . حاجه اخيره اقولها للسيد محمد وديدي الذي لم نعرفه ايهم في ال وديدي الشخ فتحي والشيخ عبد الرحيم والشخ ابراهيم والدكتور حسن والاستاذ جمال لن تفوت عليهم لا شارده ولا وارده فمن الافضل لنا ان نبحث عن موارد لدعم الهيئه وبعد ذلك نفكر في المحاسبه وما الي ذلك

السلام عليكم
الاخوان الاعزاء الكل كتب في مقاله انه يثق في المختارين في الجمعيه العموميه لان المكتب لم يعرف بعد
اولا في كتابه التقارير كتلبه التقارير ليس عمليه صعبه جدا ولا تاخذ من عمل الزول اي حاجه والتقارير بتبعدنا
من القيل والقال والناس النفوسهم رزله الدنيا مابتخلا منهم انا لدي اسباب انا عن نفسي راضي عنها
اغلبيه الناس البدعمو من خارج السودان وحدثت مواقف كثير بتهميشهم والتريقه علي المنتدي من بعض المقيمين في مراغه
والخوف نخسر بعضهم بسماع اشاعات لا صحه لها وبما ان الناس الاخترناهم في المكتب نضاف اي اشاعه حتحصل حينسحب من العمل لانكم ذي ماقلتو مطوعين ومافي زول مديهم قرش
ومرت علينا قصه ايام رابطه الطلاب اخي قرشي اسال منها اخوك ابو عبيده والنزير يعرفها اقمنا احتفال تابين الشهيد كمال علي مختار وتحصلنا
علي تبرعات من اناس يعتلون علي اعلي الوظائف في السودان قده اجهزه امنيه ووزراء ولكن الاشكاليه انهم يعرفون رقم عبيده محمد شيخ ادريس
وطالبو منا الحضور الي مكاتبهم واطررنا الي شراء بطاقه شحن لموبايل عبيده بي 10 الف للتحصل علي 5 مليون منهم طلعنا حراميه انا وعبيده
عشان بطاقه الشحن واخذ الاخ عبيده موقف اتجاه الرابطه ما الذي يمنع من تكرر هذه المهازل الان

يا جماعه انتو مافاهمين الكلام الاحنا قعدين نقول فيهو او الاحنا قاصدنو شنو كل زول يقول احنابنثق فيهم ما كلنا بنثق فيهم هم منو اصلو ما اعمامنا وخيلانا ما جايبنهم من بره دا مالجنه شعبيه ولا رابطه طلاب تنجح دورتها ولا تفشل ونحاسبا نهايه السنه دي شله ناس اتلمت والشله دي بتحتوي ناس مراغه كلهم ودايرين يصلحو الموسسات في مراغه بالاضافه الي اسعاف الحالات الطارئه والمساعده في العلاج والبيحصل كل الاتي
احنا عندنا الان في رصيدنا مبلغ مقدر بي كدا والمشروع حيتكلف كدا المشروع انتها تم الانتقال الي المشروع الاخر تبقي لنا كدا والمشروع التاني حيتكلف كدا والناقص كدا احنا مادايرين نحاسب ناس لابدايه السنه ولا اول السنه احنا دايرين نشوف حاجات بتتعمل حسي ولو ما عملو الحاجات
يمشو ونكلف زول واحد بس يعملا واحنا لمينا الناس ماعشان دايرنهم يعملو الحكايه مافزوعات في عمال حيجو بي اجورهم واصطوات ومهندسين
الهدف كان من لم الناس لم شتات اهل مراغه في مشروع واحد ممكن الكلام دا يعملو نفر واحد بس ماتصعبو الامور وعمل عام دايرين المشروع يستمر وينجح انا لو دفعت مساهمتي السنويه الليله والقروش نقصت بنساهم تاني دا هو قصدنا يا جماعه والسلام

الأخ العزيز سعادة السفير ...تحياتى وتقديرى الخاص.
أتفق معك تماما بعدم اغلاق هذا البوست الحيوى والهام ...حتى نجد آليه وقناة اتصال مناسبه مع المكتب التنفيذى.
وياريت ناس المكتب التنفيذى يكون هذا الموضوع واحد من أجندة المناقشه ويصلو لرؤيه وكيفية ايصال المعلومات ونوعيتها.
أخى العزيز أنا عند رأيك عندما ينتهى المشروع المعين يمكن طرحه ومناقشته من حيث التكلفه وماصرف فيه وماتبقى.
أما تقارير شهريه ونصف شهريه فهذا بالتأكيد مستحيل لأن المشروع مهما كان حجمه لايمكن أن يجهز فى 15 يوم.

الأخ العزيز عبد الرحمن...نرجو الأستمراريه فى هذا البوست الحيوى والهام كما ذكرنا ذلك سابقا.

الاخ الجعلى صباح الخيرات اولا ماف خلط للكميان ولن اصبح Mixer فى يوم ما ....

اللجنة التنفيذية لنادى مراغة بالخرطوم فيها حوالى 14 شخص ... يعنى ما مجدى براهو يمشى رايه وفهمو لكن ممكن اقول راى
هذا فى اى مكان واى زمان للمصلحة العامة ولو الناس اتقت عليهو خير وبركة ولو رفضوه برضو خير وبركة وماكلام وبس لكن الموضوع مطروح للنقاش مادايرنا نقول راينا عشان مامطبق فى نادى الخرطوم .... وبعدين نادى الخرطوم اشتراكاتو شهرية لاى عضو 3 جنية فى الشهر ... ومساهمة زول واحد فى الكيان تساوى اشتراك سنتين واكتر ....

بخصوص نادى الوحدة انا قلت والعياز بالله من قولة انا (وانا سالت كم مرة لكن ماف رد) بس انت ركز فى قرايتك .... يعنى قبل اكتب سالت اكتر من مرة ناس اللجنة واخيرا سالت الاخ عبدة حسن .... والموضوع مطروح على الهوا الطلق ومامن وراهم زى ما زكرت يعنى هم عندهم حق الرد مع العلم انو ناس مراغة بيقرو المنتدى قبلك وفى الصباح الباكر ولو سوالنا دة اغضبم فدى تبقى العوجة زاتها وكانك يازيد ماغزيت ....

مديونيات نادى الوحدة يوم الاجتماع عقب التكريم مباشرة سال واحد من الديون وردو بانها شيك كاتبو احد الاخوان بمبلغ 250 جنية
طيب الباقى كم ؟؟؟؟ والموبايل الاتباع والصرف القبلو كلو لاجل النادى وكل التبرعات الفاتت والجاية لاجل مراغة وهم يقعدين يصرفو اكتر من 2100 جنية من جيوبهم ومن غير انزال كشوفات فى اى اعلانات ... لكن فى اولويات ودى المشكلة .... يعنى ماقصة محاسبة وعدم ثقة ياجعلى ....

ودمت ولك التحايا ...

السلام عليكم اخي العزيز الجعلي احنا مادايرين نرهق زول واذا كتابه ورقه حترهق زول وين التضحيه لي مراغه اي زول ممكن يضحي
بي 5 دقائق عشان الشغله تمشي لي قدام يا جعلي المشروع الاول حيكون شنو والقروش العند شعبان كم وناقصه كم عشان الشغله تمشي
دي كلها اسئله دايره ليها اجوبه ولا حيجاوبوها نهايه السنه واحنا ما دايرين ناس تانين الناس ديل كويسين جدا ومابنلقا احسن منهم
احنا دايرين مراغه كلها تشارك في العمل دا ما بس العشره تنفار الاختاروهم دايرين مراغه كلها تشارك مابس بالقروش والمساهمات
دايرين ارائهم ومقترحاتهم وبعدين احنا مادايرين المشروع العملنا دا يقبل الخيارين الفشل او النجاح دايرين راي الناس كلهم عشان يكون ناجح
مليون الميه مادايرين اي حاجه تفشل المشروع

انت باالجعلي نسيت انك انت عضو في الرابطة بالخرطوم ؟؟؟؟؟؟؟؟
بعدين مافي اي مقارنة بعمل لجنة الخرطوم وعمل هيئة تطوير مراغة
لان عمل لجنة الخرطوم خاضع للمراجعة من جهات رسمية وتاااااااااااني نرجع ونسال
اي الجهات الرسمية التي تراقب عمل هيئة مراغة ؟؟؟؟؟؟؟؟
وينك ياالسيد المستشار القانوني ؟؟
(( تستاهل يامجدي ما كتب عنك وبالاحمر كمان ))

الأخ العزيز عبد الرحمن...تأكد أن هذا البوست ليس بورطه بقدر ماهو يناقش مسأله مهمه ويرتب لها.
وهو كيفية انشاء صداقه مابين الهيئه عموما والمكتب التنفيذى على وجه الخصوص ومع المنتدى والذى سيقف معهم قلبا وقالبا.
ونتمنى من اخوتنا فى المكتب التنفيذى أن يملكونا المعلومات أول بأول حتى نروج لكل مشاريعهم ونشمر عن ساعد الجد لجلب المال .
نحن لا نريد قوائم ماليه(وهذا على حسب رأيى الشخصى) كل 15 يوم بل التنوير ,أظنهم لا يمانعون فى ذلك.
أما المقارنه بين الهيئه والرابطه فأختلف تماما مع الرأى القائل بأن هناك تسجيل ومراجعه سنويه تتم...أن المراجعه لاتمنع من اهدار المال .
ودونكم وتقرير المراجع العام والذى يكشف عن المليارات المنهوبه من الخزينه العامه والتى لم تمنعها المراجعات الداخليه ولا المراجعه العامه سنويا.
فالأموال اخوتى الكرام تحتاج للأقوياء والأمناء حتى يديروها...والحمدلله يدير أموال الهيئه من هم على درجه عاليه من الكفاءه والثقه.
وأتمنى من الأخ العزيز جمال وبصفته نائبا للرئيس وعضوا فاعلا فى المنتدى أن ينقل هذه الآراء الى المكتب التنفيذى ربما وجدنا عندهم ماهو أصوب.

الاخ محمد وديدى (تستاهل يامجدى وبالاحمر كمان) انا شخصيا مافارق معاى كتير لانو نحن بننادى بالراى والراى الاخر
ومهما كان رد فعلو ..... لكن للاسف مقولتك دى دى فى ناس كتار خارج المنتدى فهموها بانو مجدى والجعلى اختلفو واتشاكلو كمان
ووصلتنى كمية من التلفونات من الاخوان الاعزاء بمراغة ومن خارج مراغة برضو .... وبعدين سالناك فى البوست بتاع معهد الكمبيوتر انت منو لم تفصح عن اسمك وهويتك وياتو واحد فى الوديدنجى .... لى السبب ؟؟؟؟ كل النقاشات دى على الهواء الطلق ..... وبلاهى امشى اقرا موضوع الدنفلاوى فى المنتدى العام وشوف ردود الاخوة فى موضوع نداء للمشاركة فى منتدى القولد ... فى الرابط ادناه

[ندعوك للتسجيل في المنتدى أو التعريف بنفسك لمعاينة هذا الرابط]

.............................

الاخوة بمنتدى مراغة والناس الفهمتو انو مجدى زعل من الجعلى لازم تعرفو انو الجعلى دة فى يوم من الايام لما ماكان عندنا حق حلة العدس فى بيت الطلبة كان بيبتكر كل يوم مبادرة وكل يوم كنا فى اختلاف فى الاراء وماحصل يوم زعلنا من بعض .... ولما ست البيت زنقتنا فى الايجار بعد المقدم خلص ونحن ماعندنا التكتحنا وانقذنا العم بكرى جعفر ومبادرة المغتربين ربنا يطول عمرن .... الجعلى دة قام مشا وخطب بت المرة ست البيت دى بالدس واهل العريس كانو مجدى حسن ونزير محمد نور وعبيد عطا والنزير العمدة وجنابو امجد وبقية الشلة وكان ناوى يعرسا عشان نحن نقعد فى بيت الايجار لحد ماربنا يفرجا علينا .... زول زى دة هل يعقل انو يزعلو منو .....

الجلعى دة اتربينا انا وهو فى داخلية جامعة الخرطوم بوجبة وحدة فى اليوم عبارة عن فتة عدس لحدى ما اتخرجنا ..... كيف ازعل منك ياجعلى .... وكيف المديدة الحارة بتاعت تستاهل وتستاهل دى تشيل فينى وتهبلنى .... ياخ نحن اكبر من كدة كتير وهمنا مراغة وبس وماعندنا كبير الا الله ومابنخاف الا من رب العز جل وعلا .....

النزير العمدة دة يومى انا وهو كنا فى مشاكسة فى بيت الطلبة داك ويوميا اخر الليل يجى يقول لى اها نمت ولا لسة لانو هو يعرف انا احمق لدرجة قف تامل .... لكن ماحصل يوم انا نمت وكنت زعلان منو ولن يحصل مهما حصل ....

يا اخوتى الكرام دة راى وراى اخر وبس ....

والتجاوز التجاوز والمسيرة لن تتوقف ابدا .... وكانت الخطوة الاولى بموتمر مراغة ......

الأخ العزيز مجدى ...تحياتى وتقديرى الخاص...نعم المسيره لن تتوقف فهناك الكثيرين معها ...كما نجح المؤتمر واقتنعوا بيهو 600 من مراعه.
فهيئة تطوير مراغه حتنجح لأنو حضرو ولادتو هؤلاء ال600.
الناس قبل المؤتمر كانت الحجه انو العمل كبير وما حينجح...والآن شايف الحجه انو الهيئه ما مسجله.
وصدقونى حتى لو تم تسجيل الهيئه حتكون فى حجه تانيه ...فالناس دى بقت زى بنى اسرائيل حتى لو جبت ليهم المن والسلوى ما آمنوا.
فالهيئه بقت عامله زى البقره اللى فى النهايه ذبحوها وكانوا من الخاسرين.
فوالله سندافع عن هذه الهيئه بكل ما اوتينا من قوه اذا عايزه تسجيل حنسجلا اذا عايزه مال حندعما ومعنا الكثيرين الذين نثق فى وقفتهم .
مش عشان أنا ولا غيرى مستشارين قانونيين (لا ياسعادة العقيد)بس الناس احساسا بمراغه وصل درجة مستشار وزير ورئيس كمان.
والبعض وللأسف الشديد احاسيسم لم يراوح حتى درجة خفير.

الأخ العزيز عبد الرحمن ..استميحك عذرا ..كان لابد من ذلك ...لأننى شعرت أن هناك خروج عن النص.

الاخ الكريم مجدي
نسال اللة ان يديم الصلات الطيبة بينك والاخ الجعلي ويوفقكم في عمل الخير
بدون شك العمل العام مرهق وشاق ويتطلب الكثير من التضحيات مع مقدرة عالية في تحمل
النقد والراي الاخر
(تستاهل يامجدي) نعم اوردتها علي لساني ولم اقصد يها شماتة او وقيعة بيك والاخ الجعلي
بقدر ماقصدت ان الفت انتباه الاخ الجعلي الي انك تجتهد في خدمة مراغة الام وابناء مراغة بالخرطوم
فليس من الكياسة ان يرد الاخ الجعلي علي حجتك ومنطقك بقولة لماذا لم تفعل كذا وانت عضو في موقع اخر
انت والاخ الجعلي وبغض النظر عن الخصوصبة المشرقة بينكم لا ينكر اي شخص من مراغة مثابرتكما واجتهادكما
في خدمة مراغة
لكم العزر ان اصابكم رشاشي ونشهد اللة اني لم اقصد ان اوقع بينكما
فقط هنالك ملاحظة بسبطة ...... اي شخص متابع لتعليقكما يجد كلمة (لاتخلط الكيمان ) وارد جدا الكل فسرها
ان هنالك ثمة خلاف بينكم علي كل حال لكم العتبي اخوتي ووفقكم اللة علي عمل الخير ونكرر اعتزاري لك ةالاخ الجعلي
ونسال اللة ان يديم المحبة بين جميع اهل مراغة

الاخ قرشي ......لك التحايا اختلاف الراي لايفسد للود قضية تتفق معي في ذلك مهما كان راي اخيك يجب تقبلة سواء
اتفق مك او اختلف هكذا تعني حرية الراي والراي الاخر
ا اما مسالة خفير وسفير وعقيد هذة لاتعنيني شخصيا وارجو الا تظلم الاخرين قبل ان تستوثق من معلوماتك
مع العلم انا اقصد الاخ جمال سعيد بكلمة المستشار القانوني بحكم المؤهل ووظيفتة في هيئة تطوير مراغة (يعني المستشار دة مانت ياقرشي )
لكم احبتي ابناء مراغة كل الشوق والتقدير

الأخ العزيز محمد وديدى...اذا كانت عقيد وسفير لا تعنيك اذا من أنت.
حتى لا نظلم الآخرين(وأنت على حق)وحتى لايتحمل الآخرين تبعات مواقفك.
بالتأكيد أنا ما مستشار ولم أدعى ذلك ولن أدعى ذلك.
فأنا شغال وين وساكن وين وكل المعلومات والبيانات من ايميل وتلفون موجود فى المنتدى.
وكلامى العايز أقولو معروف منو القالو وبتحمل نتيجتو.
يبقى الدور والباقى عليك .....تورينا ياتو وديدى من السبعه الموجودين فى مراغه.

الاخ محمد وديدى

عزيزى لكن برضو ورينا هويتك ان شاء الله لو فى السر وسرك حيكون فى بئر صدقنى ....

الأخ العزيز الباقر التحيه والتقدير...حقيقه تحملتم الكثير ...فدعونا نتحمل القليل معكم.
(لا دخل لنا بمراغه)عباره قيلت وبالصوت العالى ومن أحد أعضاء لجنة الخرطوم.
سؤالى هو هل هذا الشخص أيا كان موقعه مازال يمارس مهامه داخل هذه اللجنه؟
اذا كانت الأجابه نعم ...اليست هذه اللجنه من مهامها خدمة انسان مراغه بغض النظر عن موقعه الجغرافى.
كيف لهذا الشخص وبهذا المستوى من التفكير أن يخدمنى وغيرى ممن لاصلة لهم بالخرطوم الا عابرين.
فلن نسألك من هو هذا الشخص ..تقديرا لما ذكرت ..ولم يحن أوانه بعد...ولكن فى المستقبل لابد أن نعرف ويعرف الكل.
كما أرجو أن تصله هذه الرساله (أن النادى الذى هو فى لجنته قد ساهم في بنائه الكثيرين من العابرين من أبناء مراغه).
يومها لم ينظر الناس الا الى (كلنا مراغه أينما كنا)كما قال الحاج كمال صباحى.

الاخ/ الكريم (الحاج) عبد الرحمن نصر الدين
اولا حجا مبرورا وتقبل الله
الاخوة الكرام : بهذا البوست جميعا ارى ان النقاش قاد الى اشياء
قد تؤدى الى خلافات مابينكم.. فلندع هذه الاشياء ولا نقوم (نعمل مبادره لمؤتمر
لناس المنتدى عشان يتوحدو ... وماينفصلو ولا كيف ياحاج عبدو)
فمثل هذه النقاشات لاتخدم قضيتنا بشئ فلندعها جانبا ... ويكون همنا جميعا التاخى
وفليكن شعارنا (اختلاف الرأي لايفسد لودنا قضيه )
ولا كيف ياجماعه.. مع شكرى وتقديرى لجميع

الاخ الكريم عبدالرحمن
نحمد لك تطرقك لهذا الموضوع الحيوي والذي قصدت فية معالجة قصور في تطبيق الفكرة حتي تكون خالية من العيوب
وتحقق الهدف المنشود للجميع وهو تنمية منطقتنا العزيزة علينا جميعا
....... ولكن لا اظنك معني بان تشرح للناس فردا فردا ماتقصدة في مقالك
جميعنا تناقشنا في لب الموضوع بكل شفافية وموضوعية وبعيدا عن (لغو الحديث )كما ورد في تعليق الباقر عكاشة
الان ماورد في حديثة فية قليل من المنطق كثير من الغمز واللمز
وبدوري اساله ماذنب الاخ محمد عوض سيد احمد والتشهير باميتة هل ذلك جزاء اجتهاده وعصاميتة ؟؟؟؟؟؟؟
ا تحدث الباقر عن لجنة مراغة بالخرطوم وسلوك بعض افرادها وهذا شان يخصهم ان ارادوا التعليف او الرد علية ,,,,,
رغم خطور ماقيل اذا صدق الراوي
واخيرا وليس اخرا مراغة في حدقات عيوننا جميعا ماعاش من ينبذها
....وكفي ....

الاخ الباقر
يبدو انك لم تراجع مقالاتي جيدا واندفعت في الهجوم علي شخصي
كل مشاركاتي البسيطة كانت حول موضوعين لا ثالث لهما
ناقشت الاخ الجعلي في فكرة معهد الكمبيوتر اتفق معي بعض الاعضاء واختلف البعض
ثانيا اثنيت علي مقترح الاخ عبدالرحمن في هذا البوست كفيري من الذين ايدوا المقترح
اذن اي زنب جنيته انا حتي تفسر الامر باني ضد الفكرة والتطوير
يااخي تحري الدقة في كتاباتك
واذا انت بتعتبر اي زول يخالف رايك دة معناه ضد مراغة هذا يعني ان مراغة ليس لها
صليح