هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
إدارة شبكة ومنتديات مراغه :ترحب بكل أعضائها الجدد وتتمنى لهم أسعد الأوقات بيننا شرفتونا بإنضمامكم لنا ونتمنى مشاهدة نشاطكم ومساهماتكم التي سوف تكون محل تقديرنا واهتمامنا أهلا وسهلا وحبابكم عشرة بين اخوانكم وأخواتكم
شبكة مراغه الأصاله والتاريخ نحو سعيها للتواصل مع أعضائها الكرام فى كل مكان وزمان تقدم لكم تطبيق شبكة مراغه للهواتف الذكيه فقط قم بالضغط على الرابط وسيتم تنزيل التطبيق على جهازك وبعد ذلك قم بتثبيته لتكون فى تواصل مستمر ومباشر مع إخوانك وأخواتك على شبكتنا.
نحن التلاته اخوات احبه ... واللطف الفينا ياناس يتحبه مبتداء هكذا وصفن انفسهن بالصوت الدفاق محاوله من خلال هذا البوست توثيق هذه التجربه الجماعيه الاخويه في فن الغناء الصاح التي لم تقطع اواصر الود والاخوه فيها بعد المسافات ومشغوليات حياه عريضه ملئها المسئوليه والهموم ليأكدن ذلك بالعوده مره اخري الي التغريد في وطن القماري بعد غياب عشرين عام طويله ومستحيله
بوست فيه نحاول التوثيق لمشروع البلابل الفني توثيق لكلمات الاغاني وروابط الاستماع بالصوره والصوت وروابط الصور(ارجو مساعدتك اخى محمد جعفر ما بنعرف تقنيه النت المتقدمه دى) وشعراء كلمات الاغاني والملحنين لهذا الكم الفخيم من الابداع
قطار الشوق ======== كتب كلماتها المهندس/ علي محجوب ابن عطبره وشاعرها وقصه الاغنيه انها كتبت في لحظه انتظار الشاعر لقطار الشمال الذي سوف ياخذه الي مدينه عطبره من محطه قطارات الخرطوم بحري وبعد كتابته للكلمات اهداها للفنان بابكر الذكار فنان عطبره ايضاً في ذلك الزمان الذي لحنها هذا اللحن الراسخ الاخاذ وقام الفنان الذكار بأهدائها الي البلابل الظاهره الفنيه في ذلك الوقت لتأخذ الاغنيه نصيبها من الرواج
يااا الله عليكي يا زوق يا راقي والله رهيبة .لكن غريبة انك دكتورة الحاجات دي دايما بتجي من ناس فاهمين ورايعين كتاباتك كلها حقت ناس فاهمين حتي في الفيس بوك برضو انا متابع كتاباتك الرائعة معناها انك مشيتي الطب دا بالغلط كان مفروض تشووف ليكي حاجة احسن من الطب دا ولا كيف يا دكتورة .بنساعدك في الحاجة دي لكن انا بس مع كل اسف برضو ما بفهم في حاجات الكمبيوتر وكيف ارفع الاغاني و الحاجات الحلوة الموجودة عندي
تسلم يا بكرى يا زوق ربنا يديك العافيه على المجامله الرقيقه...معقوله بس تقول عن قبيلتنا وافرادها كدا ..نحن اكثر الناس رهافة احساس وثقافه .(.قبيلة الاطباء) . ساهل جدا يا بكرى انسخ الرابط واعمل paste وياريت لو كتبت كلمات الاغانى والله عايزه الاجيال البعدنا تسمع لى اغانى البلابل واشعار ود الرضى وغناء الحقيبه... واليكم اغنيه مشينا ... مشينا اول عمل غنائي للبلابل هذه الاغنيه من كلمات الشاعر/ جعفر فضل المولي والحان الموسيقار/ بشير عباس
كلمات اغنيه مشينا ... مشينا مشينا .. مشينا .. مشينا فى طريق الحب مشينا غير عذابو يا ناس ما لقينا ما لقينا غير اساهرو وحبايب ضنو وجارو ما رحمو دموع عينينا ولا حنو مرة علينا قبالنا كتير احتارو فى سحرو وفى اسرارو الظلت خافيه علينا تتلون تلعب بينا رغم عريض اخاطرو ورغم لهيبو ونارو فرضنا البيهو رضينا لو حتى الشوق يضنينا مشينا .. مشينا .. مشينا [ندعوك للتسجيل في المنتدى أو التعريف بنفسك لمعاينة هذا الرابط]
قطار الشوق هيجت عندي ذكريات جميلة ونحن نغنيها داخل قطار حلفا ثلاثة يومان كاملان مدة الرحلة وقتها دون كلل.
ومرة اخري نستمع اليها مع بابكر الذكار نفسه علي ايقاع الجركانة الفاضية في مدينة جدة وفي منزل الشيخ عبدالجبار
احد خلفاء الشيخ ودبدر احد شيوخ ام ضوا بان او امضبان كما كان يحلو له ان يسميها. غافلنا الشيخ ذات مرة وحسبناه حلد الي نومه,
لكنه فاجانا بالعودة وضبطنا متلبسين باغنية قطار الشوق.
اظنه اعجب بها حيث لم ينهانا واستمع اليها للاخر وبعدها خاطب بابكر الذكار قائلا: انت لسه ماخليت مسختك ده؟
ذكر لي بابكر انه مستاء من عدم ذكر اسمه كمغني وملحن للاغنية.
لكن اليوم نغني قطار الشوق متين ترحل تودينا مراغة الحلوة فيها ناس طيبين.......
وقولوا يالطيف
نضارعبدالكريم العمده
عدد المساهمات : 1064تاريخ التسجيل : 01/09/2010
موضوع: رد: البلابل قيثارة الطرب الاصيل السبت 18 ديسمبر 2010, 10:15 am
عشة صغيرة
نرتحل وجدانياً مع هذا العمل الخالد الذي يدعو الي بساطه الاشياء في دنيا المستحيل الممل مع الرهيف المرهف الحساس حد الثماله الاديب الاريب شاعر كسلا الوريفه وعاشق توتيل والقاش الاستاذ/ اسحاق الحلنقي ويسيطر علينا لحنياً الملك/ بشير عباس
كلمات اغنيه عشة صغيره ===============
عشة صغيرة ..كفاية علينا عشة صغيرة نعرشا ليك برموش عينينا عشة صغيرة نفرشا ليك بحرير ايدينا
ما بتغرينا قصور من نور ولا بسحرنا حرير مضفور نحن طلبنا الكلمة الطيبة زى ما تدور الدنيا تدور
شبهك وين يا النادرة حلاتك ما تحرمنا جمال جياتك أحلى عيون في الدنيا عيونك وأحلى كلام تتقال كلماتك
النوار فى الروض يتحبــه مال على غصنو الزاهى محبة كل غريب فارق أحبابو ولسه معاك قساوة الغربة
البسأل ما بتوه رايعة الحلنقي البسأل ما بتوه دارنا نحن قريبة ليه ... انت ما مجبور علينا نحن مجبورين عليك ... * * * * * * كان سألت علينا كنت عرفت احنا الليلة وين ... كنت اول لما آحنا نغيب ثوانى تقول سنين ... غيروك يا وحيدنا ؟ ولا صابت ريدنا عين ... اشتهينا تكون معانا .. ما لقينا حنان عينيك ... انت ما مجبور علينا نحن مجبورين عليك ... ********** مرة شفناك يا الحنين طالى فى حارتنا صدفة ... جابنا ليك الريد وجينا الحصل جابتا الفه ... ولا لالا آلجابنا ليك .. لو بتطرا دربنا عرفه ... ان سرحت شويه فينا وما رجيتنا عشان نجيك ... انت ما مجبور علينا نحن مجبورين عليك ... ********* لسه مستنين تجينا ناسى طالبنك زيارة ... يا جمال فرحتنا شاتل الصباحة بالنضارة ... كان عمرنا زمان وروح .. فى رجاك ما راح خسارة ... انت ما تفكر تجينا .. نحن بالافراح نجيك ... انت ما مجبور علينا نحن مجبورين عليك .
نضارعبدالكريم العمده
عدد المساهمات : 1064تاريخ التسجيل : 01/09/2010
موضوع: رد: البلابل قيثارة الطرب الاصيل الجمعة 03 يونيو 2011, 5:26 pm
استاذنا حكيمنا دكتورتنا شكرا على مشاركتكم والى مزيد من الامتاع مع الثلاثى المتفرد
لون المنقه يا الشايل المنقه ما عارف كيف نحنا بنشقي نسالموا يرد بمحنه ذوق والغيمه الفوقنا صفاها يروق ونحس بالعمر الراح ملحوق نتامل في ايدو المنقه يا حنين الريده لو بكره يعود الجنه بصل ليها الموعود بقولوا الناس للصبر حدود بس نحنا دون صبر بنشقي وتعاين مابتقدر تعرف احلي من الشايل وتحلف مهما بالغنا وقلنا واحدين بنكون ظالمين نحنا المنقا يا الشايل المنقه ،،،،
الأربعاء 01 ديسمبر 2010, 7:15 pm
