الشات على الفيس بوك نائب فاعل مبنى للمجهول

يقول دكتور عباس عمر
يبدا الشات..بتعليق..ثم..كلمة..ثم ابتسامة..ثم..انسجامة

*واحيان..بدون مقدمات..اضيفيني..بلا عقد..وضيعي في خطوط يدي

**اي علي وزن كلمني شكرا..اضفني شكرا..وتبدأ رحلة الاضافة والاستضافة والحزف والتعديل

**شات الفيس بووك..بدون فيس..اشارة صوت..في انتظار الصورة

**وبعد جهد جهيد..وفي الزمن السعيد..تسقط كل الخيالات.. لتاتي الصورة الحقيقة..تهدم كل الخيلات الجميلة

**فرق ان تستمع للراديو..بحر الخيال..وان تشاهد..التلفزيون..في بث مباشر

**وتاتي الصورة..بما لا تشتهي السفن..

**وهنالك..علي الفيس بووك..قناة..شاهدني..شكرا

** شاهدني شكرا..البوم يحتوي علي كل الصور..لو ما عسل ما ختيت صور

**واحيان حتي الصورة..وهي علي الفيو بوكس..(تصوير الجوانب المضيئة) تختلف..وهي بعيدا عن الفيو..بوكس ..؟؟

**في ناس صورة وسوط..( علي وزن هسع ابوها خلاها تطلع من البت وهي لابسة كد )؟؟
نواصل

الشات..شتااااااات..خالي محطات..

الشات..واحدة..وتليها التانيات..؟؟

الشات..الفاتك خليهو..البركة في السمحات الجايات..

والجاااااايات..اكتر من الرايحااااات..

علينا جاي..حب..صداقة..علاقة..صور سادة..صور ملون..فيديو..ماسنجر..اسكايب..الشات..اتفضل بيتنا..نص الليل..نافذة الاسكايب خليتا فاتحة..؟؟

الشات..فيهو..الهنايات..والهنايات..؟؟

دقيقة خليك علي الاسكايب..انا مسخنة..؟؟

يازولة غيري..علي راحتك..ما شباك اسكايب ساي..؟؟

انتي شعرك دا معقول واصل لي نص ضهرك..ما بصدق..؟؟

هييييي ..انتا بتعاين..؟؟

لا..بتامل في..بعد الجسم عن المرأة..وبعدك عني..؟؟

الشات..نية الاسكايب السئة..؟؟

ومن هم بسيئة..ولم يفعلها..لم تكتب عليه..؟؟

هسع انا عملتا حاجة..؟؟

الشات..اضفني شكرا..كلمني شكرا..شاهدني شكرا..قابلني شكرا..؟؟

وعذرا..الدوائر مشغولة حاليا..

والشات انا وانتي
الشات عمو وانا
الشات نحنا ومراغة
الشات ومحمود وانا
الشات صديقتي
الشات ومجموعتي
وشات الفيس ليس هو المنبوذ بل النفس وبعض المجموعات
واصدقاءي وكيف اقدر انقيهم من الاخيار

ولك الود ابنه عمتي العزيزة

نعم يا ابنة العم العزيزه
الفيس بوك والشات..حوش الاهل والاصدقاء والاحباب..وليس الحديقة الخلفية للحرية والتحرر

الشات..الكلام المستفاد..خلف السطور..

الشات..الناضجون يصوتون بنعم..المراهقون يمتنون..

الشات..صديقي..وزميل الدراسة.الابتدائية..الذي ظهر فجاة من رحم الغيب..

الشات علي الفيس بوك..عناق الاصدقاء علي كتاب مطالعة..قديم وعلي كتاب فيس جديد
الفيس بوك..الوجه الاخر..من عملة الاصدقاء النادرة..ويمنع تداول العملة للعابثين..

الفيس بوك..ود جيرانا.. الما لماني بيهو فصل دراسي.. بس يادوب عرفتو بعد 20 سنة..
يعني شايفو..وشايفني..وما شايفين بعض كويس.. وتقول المقولة تكلم كي اراك..؟؟الشات..المشاهدة اليومية..لتطور الشخصيات..

الشات احدث الصور حتي الان..الشات حصريا علي قناة..احترمني شكرا..الشات..قناة وناسة..في ظل شجرة نيم الحلة
هذاهو الوجه الاخر للفيس..

الشات نضار ونذير واخبارهم

هظار خفيف وجو فنان بحدود

الشات سلام وترحاب وزي ما قلتي قناه النيل الازرق والالوان ههههههههههه

الشات..خالي وعمي..وود خالي..وشجرة العيلة..

الشات زميل الطفولة..المختلط بدموع الصداقة..المتنوع برفيق الجامعة..

الشات كوكتيل.. من ستين صنف وصنف..

الشات..هنا امريكا..هنا لندن..هنا ام درمان..هنا انسان..

الشات الرابط الزمني الرهيب ..بين اوقات تلاقي مدن العالم..

الشات..للواضعات الصور..نحن احسنا الظن..بكم..فلا تسئيوا الظن بنا..؟؟

الشات..مقاعد المنقبات محفوظة..وعذرا اني احتجب عن الظهور..

الشات..مراة الذات..فاحسن الاشارة الي ذاتك.. ودمتى بخير مشيره لكن نرجع نقول الشات حديث لا ينتهي..
الف ليلة وليلة..
الف نيلة ونيلة..
الشات احلام واهات..
الشات اغدا القاك..؟؟
الشات ..كلمات..والباقي تموا خيال
والخيل والليل (والشيتاء) تعرفني..
راحل في الخيال ابحرت سفني..؟؟

[b] الجهت الجات
يانعيمة الجات
الجات للجادين والجادات
المسؤولين والمسؤولات
الجات للضالين والضالات
الجات للداعيات والسجمانات
المشوكشين والمشوكشات
الجات للسلامات وللاهات
وبعد بعض الجاتات
صور ولقااات
وبعدها فضايح وخزعبلات
وبعض الجاتات
سلامات وتحيات
احزر يامدمن الجات


قصة:
يحكي ان الشابة نعيمة هاتفها شاب غريب يدعي نعومة, ودار بينهما جات وجاتات. حتي احبا بعضهما حبا جما. كانا لايستطيعان الاكل والشراب والعمل والتنفس قبل الجات . كان صوت نعيمة مثل الهواء في الرئتين للسيد نعومة. استمر نعومة يستمع لنعيمة مدة ليست بالقصيرة. واصبح يتخيلها ويتخيل كل مافيها من جمال. غنت له

مبروك عليك الليله يانعومة
ياحليل ناس ديل الزمان يجونا

ساعدها الجات لتنقل اليه اوجاعها:

انا انا عيانه
وقالوا لي بتحبي
وانا لي حبيب
في غرفة الجات

بادل نعومة نعيمته الاهات ... فغني لها:

الكاس الكاس
يانعيمة الكاس

تفاؤلا بان حبهما سينتصر رغم عدم الشوفةز

قرر نعيمة ونعومة ان يلتقيا حتي يثمر حبهما عن زواج. تواعدا في مكان وساعة معينين بعد ان وصف كل منهما نفسه للاخر.
ولكن سادتي المجاتاوية (المجاتاوي ينسب لممارس لعادة الجات),عندما راي نعومة نعيمة وعرفها انها هي نعيمته, حمل نعاله في يده وولي
هاربا منها دون عودة.
ولكن لم هرب نعومة من نعيمة رغم الحب الجاتاوي؟
اتدرون لم؟
لانه احب الصوت وترك الصورة

(القصة انتهت)

لكن بعد ما تقولوا يالطيف[/b]

صفاء كتبت علقتوا ولا شنو
صفوية علقنا تعليقه جد وزى ماقال استاذى انك ما من ناس الشات لانك مقله فالف مبروك لان الشات حتى وان كان زوفايده فهو يضيع الكثير من الوقت
لكن يا استاذ نعيم بالغ فى نعومه قلت شال نعلينو ويا فكيك..ههههههههههه الله غالب ..
وانا اضم صوتى لصوتك اعملوا حسابكم من شات الفيس والماسنجر والمكالمات الفيديو فهناك الكثير من المخاطر
ربنا يحفظنا جميعا