| لكي نكون كلنا هنا مشاركون | |
|
+10شيرين الباقرابوزيد وصفية عيسي الأمين الياس الأمين طارق عبد الوهاب أحميدى بايعة الكسره منير على طه ماهر عابدين دياب هاني 0العمدة mahmod1980 14 مشترك |
كاتب الموضوع | رسالة |
---|
mahmod1980
عدد المساهمات : 283 تاريخ التسجيل : 11/01/2010
| موضوع: لكي نكون كلنا هنا مشاركون السبت 21 مايو 2011, 11:42 am | |
| سلام شباب الاخبار والاحوال الحمد لله الموقع كل يوم ماشي في زياده مساهمات ومشاركين وان شاء الله يستمر حتي نجد كل الاهل والاصدقاء هنا في بيت واحد بس ياجماعه الناس البخشو ديل اكترهم مامعروفين وموضوع التعارف بقي قديم دايرين واحد جديد والزول البيسجل يكتب اسمو كامل لانو في حاجات كتيره بيتوقف فيها دا ممكن المساهمه البكتبا الزول المامعروف تكون جميله جد بس بقرا وامشي بس لو زول بعرفو برد عليه دي حاجه نفسيه لانو من طبع اي انسان انا لمن اكتب مساهمه اول ما افتح الموقع بكون داير اعرف الردا منو ورايو شنو وانتقد ولا شكر وووووووووووو الموضوع في الاول بيجد فرصتو في النقاش والتاني نشجع الكاتب علي كتابه المزيد لانو المواضيع بقت ثابته والبكتبو ثابتين والله الموفق | |
|
| |
هاني 0العمدة
الموقع : مراغة عدد المساهمات : 258 تاريخ التسجيل : 22/01/2010 العمر : 43
| موضوع: رد: لكي نكون كلنا هنا مشاركون السبت 21 مايو 2011, 12:06 pm | |
| محمود تحية طيب والله بقينا ماعارفين الناس البتكتب شيرين وبائعة الكسرة وناس كتار خاشين باسامي مستعارة زمان قلنا اي زول يكتب اسمو كامل عشان نعرف هو منو | |
|
| |
ماهر عابدين دياب
الموقع : لندن عدد المساهمات : 2905 تاريخ التسجيل : 02/05/2010
| موضوع: رد: لكي نكون كلنا هنا مشاركون السبت 21 مايو 2011, 1:56 pm | |
| سلام اخوانا الشباب..
شيرين كتبت اسمها شيرين عبدالكريم طه صالح دياب.. بائعة الكسرة عرفت نفسها عايدة عبدالوهاب عثمان والاثنين اسماء معروفة من اسر معروفة في مراغة وليست اسماء مستعارة...
اخونا محمود... كلامك سليم انه الناس افضل انها تكتب الاسم الكامل في مكان التعريف وبعد كده تستخدم الالقاب المحببه (الاصلي-ام احمد-بائعة الكسرة-ام التيمان-الجعلي-وحيدة ماما.....الخ). الاسماء الاخيرة كلها اسماء من قلب مراغة ولايوجد اسمم واحد غريب...قد لاتعرف انت كل الناس في مراغة وهو ليس بالفرض لكن هذا لايمنع انهم من الاهل...من خلال متابعتي الناس كلهم اهل ومن اسرة واحدة...وانا علي استعداد ان اعرف لكم اي اسم لم تتعرفوا عليه....علما بان هذه الاسماء نفسها ربما لاتعرفكم لكنهم اهل...
وقولوا يالطيف
| |
|
| |
منير على طه
الموقع : السودان عدد المساهمات : 707 تاريخ التسجيل : 06/09/2010
| موضوع: رد: لكي نكون كلنا هنا مشاركون السبت 21 مايو 2011, 2:07 pm | |
| إخوانى الأعزاء تحياتى لكما
- محمود عبداللطيف كتب:
المساهمه البكتبا الزول المامعروف تكون جميله جد بس بقرا وامشي بس لو زول بعرفو برد عليه
المنتدى يعانى من كثير من المشاكل والسلبيات وماذكرته هنا هو إحداها وهى عملية الرد على الموضوع وتقييمه فى رأى الشخصى أن التقييم والرد يجب ان يبنى على محتوى الموضوع وليس على كاتبه ولكن هى عادة أصبحت دارجه هنا لذا تجد الكثير من المواضيع الشيقه والمهمة قد غطاها الغبار ولم يتم الرد عليها حتى الأن فقط لأن كاتبها شخص مغمور وليس معروف لدى البعض رغم أهمية وجمال الموضوع الذى كتبه. كما أن كتابة المواضيع أو الرد على مواضيع باقى الأعضاء هى حكرا على أشخاص معينين أما باقى الأعضاء فيدخل للمنتدى ويتصفح ويطالع "ويتوكل يبقى مارق" دون وضع أى بصمة والدليل على ذلك ماتجده فى الإحصائيات الموجوده فى أسفل المنتدى والتى تدل على من تواجدو خلال الأربعه وعشرين ساعه. وستجد أن مقارنة عددهم بعدد الردود فقط وليس المساهمات الجديده محصلته "صفر" . وقد كتب الكثير منا عن هذه النقطة ودعونا الناس للعودة والكتابه وتقييم مايكتب لكن "لا حياة لمن تنادى". أما بخصوص الأسماء المستعارة فقد تمت التوصيات وبعد جدال طوييييييييييل على أن إذا كان الشخص معروف لدينا فلا مانع بشرط أن يكمل بياناته فى ملف تعريفه الشخصى ويكون معروف للإدارة. وهو مايجرى حاليا فعلا وقد أصبحت بيانات كل الأعضاء الذين إشتركو منذ الإتفاق على هذه الشروط مكتملة تماما والجميع يعرفهم ويتعاملون معهم من خلال أسمائهم المستعارة أو من خلال أسمائهم الحقيقية المتوفرة ضمن ملف بياناتهم الشخصية بالإضافة إلى أن بعضهم بالفعل قام بالتعريف عن نفسه فى منتدى التعارف.
أتفق معك أخى محمود فى أن فكرة التعارف بحاجة لتعديل وتطوير بعد حذف البيانات القديمة او تعديلها بما يناسب التطوير الجديد إن وجد. تحياتى لكما ودمتم سالمين. | |
|
| |
هاني 0العمدة
الموقع : مراغة عدد المساهمات : 258 تاريخ التسجيل : 22/01/2010 العمر : 43
| موضوع: رد: لكي نكون كلنا هنا مشاركون السبت 21 مايو 2011, 3:00 pm | |
| استاذ ماهر كلو الا الجعلي دة اسم علي راسه نار ومااظن في زول ماعارفو
الاخ منير مفترض الناس ترد علي اي موضوع بغض النظر عن كاتبوا | |
|
| |
بايعة الكسره
الموقع : khartoum عدد المساهمات : 749 تاريخ التسجيل : 16/03/2011
| موضوع: خرج ولم يعد السبت 21 مايو 2011, 8:17 pm | |
| تحياتى اول كلامى سلام أولاً وقبل كل شىء أحب ان أعبر عن شكرى وتقديرى لاهلى وعشيرتى اللى قضيت معهم ايام جميله صحيح فى كثيرين كنت مابعرفهم او بعرفهم كاسماء لكنى تعرفت عليهم من خلال المنتدى وسؤال الوالده الله يديها العافيه فتعطينى روشته عن شجرة العائله لحدى مااعرفه . عُذْراً إذا ضايقتكم بكلامي ...وإذا قسوتُ على مسامعكم لا تستغربوا قولي ولا تستعجلوا.فانا فعلا مستغربه بتلفوا وتدوروا فى نفس النقطه اصلا الغرض من عدم اشتراك الاسماء المستعاره هو عدم معرفة الشخص اما الشخص اذا عرف نفسه تعريف كامل فهنا يصبح تطبيق القانون اجراء عقيم وسورى على الكلمه ولكن الذي يتمسك بالقوانين بصوره عمياء يعتبر فاشل اداريا فبعض اللوائح والقوانين تحتاج الى تقديرك الشخصى (يعنى نحتاج نحمى الفرد من الاداره وليس الاداره من الفرد), والدليل على كلامى ماذا افاد الاسم الحقيقي مع حادثة العضوه السابقه التى كانت مشتركه باسم كامل . الاخ محمود يمكن احنا مابنتعارف لكن انا عرفت انك اخو اللذيذه مشيره واذا عجبنى موضوع انت كاتبه عادى برد عليه ماضرورى اكون عارفاك شخصيا . الاخ هانى ممكن ترجع لمنتدي التعارف وحاتعرف انا منو ,شكلك طولت مادخلت منتدى التعارف,ده كمان لانكم لما اشتركت فى المنتدي مافى حد رحب بي ,وياسيدي علشان يبقوا اللى بكتبوا معروفين بالنسبه ليكم نقول شيل ده من ده يرتاح ده عن ده. وفى الختام شكرا جزيلا لكل الرائعين اللى اتعرفت بيهم وفعلا معرفة الناس كنوز وانا افخر بمعرفتهم وسيظلوا تاجا فوق راسي كلهم الاساتذه الامين الياس و ماهر والمهندس منير وشريف وطارق ورمضان ومجدى ووصفيه ومشيره وشيرين ولمياء وسوسن وغيرهم باقى الكوكبه الفريده. واخر كلامى سلام وفى امان الله [center] | |
|
| |
ماهر عابدين دياب
الموقع : لندن عدد المساهمات : 2905 تاريخ التسجيل : 02/05/2010
| موضوع: رد: لكي نكون كلنا هنا مشاركون السبت 21 مايو 2011, 10:43 pm | |
| حبيبنا محمود:
كتب الاخ الرائع هاني (استاذ ماهر كلو الا الجعلي دة اسم علي راسه نار ومااظن في زول ماعارفو)
وانا قلت شنو؟؟؟؟ وحتي كل الباقين بالاضافة الي الجعلي كل واحد فيهم علم في راسه نار... وبالرغم من ذلك الجعلي ربما لايعرف كل الناس وكل الناس لاتعرفه...وهذا لاينقص من قدر الجعلي ولا من قدر الذين لم يعرفوا الجعلي (الجعلي مجرد اسم مثال). وبعدين الدخول والتسجيل في المنتدي عشان الناس تعرف بعض.ومش بالضرورة كل الناس بتعرف بعض.
بعد التعريف الكامل فاليكتب اي واحد لقبه كما يشاء...
وسبق انو وضحنا الفرق بين الاسم المستعار واللقب...
نتمني انو نخطو خطوات للامام ومانرجع لي مربع الاسماء المستعارة والتي تخطيناها... الاسماء التي سجلت مؤخرا كلها بدون استثناء اما عمي او عمتي او من اطرافهم....
اذا صعبت المعرفة لاي واحد ممكن يرسل رسالة في الخاص او الايميل او الفيس بوك او تويتر وانا حاشرح لكن دون الكتابة في المنتدي للمحافظة علي مشاعر الغير. ونقول يالطيف
| |
|
| |
طارق عبد الوهاب أحميدى
عدد المساهمات : 610 تاريخ التسجيل : 08/12/2010
| موضوع: رد: لكي نكون كلنا هنا مشاركون الأحد 22 مايو 2011, 6:37 am | |
| رغم انى كنت حلفت ما اخش بوست له علاقة بالاسماء المستعارة ولكن اختنا بائعة الكسرة رقم مهم وقلم اجبرنى على الرد انا اول من اكتوى بنار الاسماء المستعارة وقلنا وقتها للادارة ان هناك اختلاف بين الاسم المستعار والشخص المجهول نرفض الشخص المجهول .. ولكن ثقافة الاسم المستعار هى ثقافة منتديات وموجودة الاسم المستعار الذى تعرف (سيدو) وتستطيع الوصول اليه فى دقيقة عبر تلفون عبر ايميل او حتى من خلال الوصول المباشر (لمنزله) هو شخص غير مستعار (شيل ده من ده يرتاح ده عن ده) ثقافة مصرية [ندعوك للتسجيل في المنتدى أو التعريف بنفسك لمعاينة هذه الصورة] وهى مرفوضة نصاً وموضوعاً وممكن نجيبك بالبوليس لو استدعى الامر[ندعوك للتسجيل في المنتدى أو التعريف بنفسك لمعاينة هذه الصورة] | |
|
| |
الأمين الياس الأمين
عدد المساهمات : 604 تاريخ التسجيل : 16/01/2011
| موضوع: رد: لكي نكون كلنا هنا مشاركون الأحد 22 مايو 2011, 7:12 am | |
| رفقا بالقوارير يا طارق خالا لو ما جابا البوليس ما بجيبا عيوودة ليه زعلانة الزعلك منو ؟؟؟ !!! والله الاثنين (محمود , وهاني) أولاد خوالك أسألي بت عمي بتشرح ليكي الموضوع دا د. نضار (أخت هاني) مرشحاكي ومؤملة فيكي تكون من المسئولين البارزين في المنتدى تقومي تخلعي ؟ حقك علي .. أمسحيها في وشي ... كنت حأقول نعمل حظر على (هاني) الجن دا لكن والله ما بهون علي برضو انتي وهاني عينين في راسي
| |
|
| |
هاني 0العمدة
الموقع : مراغة عدد المساهمات : 258 تاريخ التسجيل : 22/01/2010 العمر : 43
| موضوع: رد: لكي نكون كلنا هنا مشاركون الأحد 22 مايو 2011, 8:12 am | |
| الاخت بائعة الكسرة تحية طيبة في الحقيقة فعلا ماقعد نخش منتدي التعارف نحنا بنخش العام...الثقافي ..السياسي وبالعكس عشان كدة مااتشرفنا بي معرفتك وياستي ولا يهمك هسي بنرحب بيكي من جديد بالنيابة عن الاخوة الاعضاء
الاخ ماهر تحية طيبة وليه مختفي
ااستاذ الياس الامين عساك بخير وانت علي راسنا ياعمنا وانتظرنا الخميس في باب الملك فهد بالحرم | |
|
| |
وصفية عيسي
عدد المساهمات : 719 تاريخ التسجيل : 25/05/2010
| موضوع: لكي نكون كلنا هنا مشاركون الأحد 22 مايو 2011, 9:17 am | |
| لكم التحية جميع الاخوة المتداخلين موضوع الاسماء المستعارة نحن ما نحكم علي الناس من غير نلجأ الي منتدي التعارف عشان ما نظلم الناس من غير ما نعرف حقيقتهم والاسماء المستعارة اسماء محبوبة الي النفس والاخوات بائعة كسري والاخت شيرين مننا وفينا ونرحب بهم مرة ثانية | |
|
| |
mahmod1980
عدد المساهمات : 283 تاريخ التسجيل : 11/01/2010
| موضوع: رد: لكي نكون كلنا هنا مشاركون الأحد 22 مايو 2011, 9:24 am | |
| سلام عليكم اخوتي الاعزا اشكر لكم الرد والتوضيح والشكر لكل من شارك الراي الاخوه الاعزاء الحكايه ماحكايه اسماء مستعاره والناس كلها اتعرفت انا ما قصدتا الاسماء المستعاره انا قصدي الاول والمهم البخش الموقع ويكتب اسمو بس بي اختصار لو تما اسمو للنهايه يكون احسن ويا جماعه بائعه الكسره دي عايده جلال المقيمه في القاهره في المهندسين ولا وحده تانيه احنا ياجماعه زي ماقال استاز ماهر كلنا اهل والزول لو طلب انو يتعرف علي اهلو اكتر ماعيب اهم من انو زول يكتب موضوع والتاني يرد عليه المهم انو يعرف الكتب الوضوع دا منو ويا جماعه عندي ليكم قصه ظريفه جدا ومؤلمه جدا في يوم كان عندنا جمعيه عموميه لرابطه طلاب مراغه كانت احداث القصه بين بنت العمه الرائعه زينب ابراهيم شمين وبنت العم العزيزه هنا عبد الكريم جيت لقيتهم قاعدين ناديت زينب وقعدتها جم هناء ومشيت انشغلت عنهم وجيت راجع ليهم لقيتهم بتونسو مع بعض ومندمجين والموده ظاهره بينهم والارتياح لي بعض لكن لاحظتي انو الموده موده صداقه ماموده لحم ودم وونسه عاديه سالت هنا دي منو قالب لي زينب وسالت زينب ردت قالت هناء قلتليهم كل واحده عارف التانيه بت منو قالو لا انا مابلومهم لانو كل زول منهم قاعد في بلد بس لمن عرفو الموده زادت وقامو سلمو علي بعض من تاني يا جماعه دايرين زياده موده بيناتنا ولا كتير علينا يا جماعه احنا ما طماعين
| |
|
| |
طارق عبد الوهاب أحميدى
عدد المساهمات : 610 تاريخ التسجيل : 08/12/2010
| موضوع: رد: لكي نكون كلنا هنا مشاركون الأحد 22 مايو 2011, 9:47 am | |
| يا جماعة حوتة دا رجل وااااضح وهو شخص انا اعرفة جيدا لا يمكن يقصد ان يجرح او يسئ لاحد حتى ولو كان هذا الشخص يستحق هذة الاساءة!! فكيف يكون الحال وانتم تستحقون الحب والتقدير هذا الحب الذى يقصده محمود (حب ذوى القربى) محمود وحسب ما تقول حروفه الاولى والثانية هو يقصد ان نتعارف اولا.. ثم نتناقش ثانياً حتى ولو كان الاسم مستعار ولكن معروف (اسم رباعى فى التعريف) يجعل هذا التعريف للموضوع بعداً لا يرى بالعين والحروف بل انه بعداً (يُحس ) بالقلب .. المغتربون تجدهم اكثرنا طلبا لهذا التعارف لانهم بعيدين وقد تكون السنين ( والجرى وراء الدولارات[ندعوك للتسجيل في المنتدى أو التعريف بنفسك لمعاينة هذه الصورة]) قد مسح من ذاكرتهم بعض الاسماء ولكن لم يمسحها من قلوبهم .. هم يريدون ان ننعش ذاكرتهم بالاسماء ليمطرونا بحب قلوبهم لهذة الاسماء لا تعتبوا عليه انه رجل طيب (الحرف بى دولار يا حوته[ندعوك للتسجيل في المنتدى أو التعريف بنفسك لمعاينة هذه الصورة]) | |
|
| |
الباقرابوزيد
عدد المساهمات : 184 تاريخ التسجيل : 23/01/2010 العمر : 59
| موضوع: رد: لكي نكون كلنا هنا مشاركون الأحد 22 مايو 2011, 10:50 am | |
| الاخ محمود لك التحيه يديك العافية صراحه عجبني كلام الاخ طارق وكلامك صحيح مائه في المئه يديك العافيه | |
|
| |
ماهر عابدين دياب
الموقع : لندن عدد المساهمات : 2905 تاريخ التسجيل : 02/05/2010
| موضوع: رد: لكي نكون كلنا هنا مشاركون الأحد 22 مايو 2011, 12:08 pm | |
| الاخ محمود... عايدة جلال اسمها بالكامل عايدة جلال عبدالباسط بنت عم محمد نور الدين عبدالباسط وبكري عزالدين عبدالباسط ومحمد عبدالغني عبدالباسط وشقيقة بدرالدين جلال عبدالباسط وكلهم ابوالدايمي مع خلطة شاويشنجي وديابنجي وشمدي. اما بايعة الكسرة اسمها عايدة عبدالوهاب عثمان واقصر طريق ليك امها شقيقة هجرة زوجة عبدالحميدالشيخ وزوجة احمد فقير وشقيقة حسين كتوكومس واحمد فقير جدها وعابدين الامين جدها واي واحد من الاوراس عمها وخالها... جميل انك تقول انا ماعارف وتسال...الناس القبلت بتكليف عمل شجرة العائلة مقصرة واذا الشجرة انتهت سهل جدا ان تعرف قرابة اي واحد... مع انه شجرة الاوراسي صعبة جدا لكونها اكبر عائلة وهي الرابط لبقية العوائل لترابطها مع اي عائلة في مراغة...وكذلك الشهلنجي.
لكن لازم ننتبه ياشباب انه القوارير ديل حساسيتن زايده شوية مش زي حالاتنا نحن الجلدنا تخين... رفقا بهن ياجماعة....
ونقول يالطيف
| |
|
| |
شيرين
عدد المساهمات : 330 تاريخ التسجيل : 25/04/2011
| موضوع: رد: لكي نكون كلنا هنا مشاركون الأحد 22 مايو 2011, 2:21 pm | |
| الاخ محمود الموضوع مهم وانا واحدة من الناس النفسهم يتعرف على اهل مراغة لكن شكلك كدة تتطرقت لموضوع حساس وشعللتو ---------------------------------------------------------------------------------------------- ود اخوى ماهر شكررررررررررررررا على تعريف الاهل بى وارجو تعريفى بهم ومن الان عينتك المرجع الاسى لمعرفت الاصول وصلت القرابه ههههههههها --------------------------------------------------------------------------------------------------- الاخت وصفية الكلمات تعجز عن التعبير شكررررررر ررررررررررررر وعلى فكرة ممكن اختار لىك لغب (سيدة تطيب الطيب الخواطر) او المطيباتية ----------------------------------------------------------------------------------------------- | |
|
| |
الأمين الياس الأمين
عدد المساهمات : 604 تاريخ التسجيل : 16/01/2011
| موضوع: رد: لكي نكون كلنا هنا مشاركون الإثنين 23 مايو 2011, 6:56 am | |
| تصحيح معلومة الاسم : د. عايدة عبدالوهاب عثمان عبدالجليل خيري أوراس والدتها : خادم الله عوض فقير - شقيقة بخيت عوض فقير وهجرة عثمان عبدالله أوراس - هي خالة خادم الله عوض , لأن والدة خادم الله هي المرحومة بإذن الله (فاطمة عثمان عبدالله أوراس) شقيقة عائشة عثمان عبدالله أوراس زوجة عمنا عابدبن الأمين عبدالله أوراس) حسين عثمان عبدالله أوراس (كتكومس) - جد عايدة خال أمها لو دخلنا في مغارة الأوراسي ما حنخلص رجعوا لينا عايدة خلونا نهدأ
| |
|
| |
mahmod1980
عدد المساهمات : 283 تاريخ التسجيل : 11/01/2010
| موضوع: رد: لكي نكون كلنا هنا مشاركون الإثنين 23 مايو 2011, 9:56 am | |
| سلام الاخ والاستاز ماهر انا داير اتعبك ذياده ممكن توصلي باقي الاسلاك عشان اللمبه تولع ممكن توصلي صلت القرابه البيني وبينهم وانا متاكد انها حتكون علاقه قويه لاني برضو خاشين في الاوراسي عشان اقول ليهم وحات الدم البينا ترجعو ولو مارجعو عشان نصفع طبال الحرب علي الباقين يا يرجعو يا القعدين يحصلوهم هههههههههههههههههههه | |
|
| |
مجدى حسن
الموقع : الدوحة - قطر عدد المساهمات : 752 تاريخ التسجيل : 10/01/2010 العمر : 45
| موضوع: رد: لكي نكون كلنا هنا مشاركون الإثنين 23 مايو 2011, 11:36 am | |
| الاخوة الكرام هنالك فرق كبير بين الاسم المستعار عن قصد واللقب الطريقة الاخيرة لماهر والامين فى التعريف بالكسرة على سبيل المثال هى الطريقة التى نحتاج اليها خاصة وانو الصغار امثال هانى مابيعرفو الا اقرانهم ..... ولاول مرة اعرف انو كسرة نسيبتنا مع اعجابى الشديد بمساهماتها فى المنتدى خاصة الوظائف ... وكدة النسب يابلاش يا الامين اوراس هههههههههههه
كان هناك بوست قديم اسمة برنامج تواصل ماعارف ودالشريف غطسو وين كان فيهو تعارف بالتفصيل الممتع على طريق ماهر والامين نتمنى عودتة ... لانو المشكلة مافى الاسم الرباعى المشكلة فى انو عشان تعرف الرباعى دة منو ذاتو مشكلة
ولكم التحية والتقدير
| |
|
| |
رمضان عثمان
الموقع : الخرطوم عدد المساهمات : 743 تاريخ التسجيل : 11/04/2011 العمر : 46
| موضوع: رد: لكي نكون كلنا هنا مشاركون الإثنين 23 مايو 2011, 2:06 pm | |
| التحية لك الأخ محمود والأخوة المتداخلين - مجدى حسن كتب:
المشكلة مافى الاسم الرباعى المشكلة فى انو عشان تعرف الرباعى دة منو ذاتو مشكلة
شكراً أخونا مجدي
حقيقة موضوع التعارف يحتاج لوقفة وشئ من التفاصيل وكما أشرت فإن الإسم رباعي لا يكفي
نحتاج لمعلومات تدعم الإسم الرباعي لأنو والله عيب الناس تكون أهل وأقارب وما بتعرف بعض | |
|
| |
عبدالفتاح يعقوب
عدد المساهمات : 161 تاريخ التسجيل : 17/04/2011
| موضوع: رد: لكي نكون كلنا هنا مشاركون السبت 28 مايو 2011, 3:00 pm | |
| تحية طيبة للاخ محمود والاخوان ..لا تظنن بكلمة خرجت من أخيك سوءاً وأنت تجد لها في الخير محملا للخير هذه هى ثقافة التعايش بين الناس ودوام التواصل بينهما لابد من حسن الظن والتدبر فى الامر وجهاد النفس من الانحراف الى الشكوك والتهيء بتهئيات غير واردة تفسد الاجواء وتنبى بالسوء ... الرسالة الاولى فى قراءة المواضيع التعامل مع الحرف والكلمة والموضوع ومن ثم المضمون إن وجدت له مكاناً فى نفسك تجاوبت معه بالردود وبحثت عن صاحبه بالسؤال عنه بمن حولك من الاصدقاء إن لم تجد له اثر تواصل معه بالرسايل الخاصة طالباً التعارف وتبادل ارقام التلفونات والبحث عن صلات القرابة .. دايماً يقال ان الثقافة والحضارة هى الاستخدام الجيد للادوات المتاحه ونجد فى هذا المنتدى ادوات كثيرة ابتداء من تسجيل الدخول الى الصفحة الرئسية واقسام المنتديات ومكتبة الصور والبحث واعضاء المنتدى والرسايل الخاصة وتحميل الملفات حتى تسجيل الخروج فقط انظر الى اعلى وستجدهم جميعاً كل هذه الادوات هى قنوات تواصل تستخدم للتعارف وسهولة التواصل والتعامل مع الاشخاص وايصال المعلومة وفى كل الشبكة العنكبوتية تجد هناك حقل من البيانات يسمى username هذا الحقل للاسم الحركى لسهولة التعامل مع صاحبه وهو متعارف علية والاعتماد الاول للاشخاص هو المعلومات الواردة فى بيانات التسجيل الاول فقط وحسب علمى بان التسجيل فى المنتدى يتم عن طريق الادارة وهى من تعطى اشارة اكتمال التسجيل وتاذن بالدخول ولذلك اى عضوء تمكن من الدخول للمنتدى فهو معروف ومعتمد ويجب التواصل معه على هذا الاساس تحت اى اسم يظهر وتكتمل المعرفة بمجهود كل شخص وامكانيته على التعارف والتواصل واستخدام القنوات الباقية للمنتدى وليس على اى عضو تسجيل بياناته فى كل الحقول وكل المواضيع كتاباتيه هى التى تكشف عنه ... فلا نبخس الناس اشياءهم ونسال عن اشياء ان تبدو لنا تسوءنا وتفسد الود ونترك كل شخص وظروفه الخاصة فكل شخص على حق ما لم ياتى بباطل بين بيانة كبرى يتفق عليها الجميع ..وحقيقة لا اجد للاسماء المستارة اى غضاضة ما لم تكن واضحة فى التسجيل الاول للبيانات .. واذكر فى ايام الدراسة فى مدرسة مراغة اكثر اسماء الطلبة كانت اسماء مستعارة جدو وآبة ويوة وفافه ولولى انا زوجة خالى اسمها لولى بعد اكثر من 30سنة عرفت انها اسمها فاطمة وكثير من الاسماء ود الشيخ وابدول وكم كم من اسماء لم نعرفها عن عند توزيع النتائج ....لنترك الادارة هى التى تتحقق من بيانات الاشخاص ولنا ان نعتمد كل شخص له اذن دخول بانه موثوق فيه ... والله الموفق
| |
|
| |
نضارعبدالكريم العمده
عدد المساهمات : 1064 تاريخ التسجيل : 01/09/2010
| موضوع: رد: لكي نكون كلنا هنا مشاركون السبت 28 مايو 2011, 4:14 pm | |
| التحيةة لكل الاخوة واحتراماتى لكم .. اختلاف الراى لا يفسد للود قضيه كنت ممن احتجوا على الاسماء المستعارة وطيلة فترتى فى التاسيس والادارة والى اللحظة هذه ومثال لذلك الاخ طارق الذى تنازل واحترم رغبة وقانون الادارة والاعضاء وسجل باسمه الحقيقى واصبح واحدا من اكبر المشاركين النشطين بالشبكة ولم يثر زوبعة ولم يحرد المنتدى او العمل الخيرى.من خلال هذه المقاطع فى رد الاخت عايدة(الاخ محمود يمكن)(الاخ هانى ممكن ترجع )(الاساتذه الامين الياس و ماهر والمهندس منير وشريف وطارق ورمضان ومجدى ووصفيه ومشيره وشيرين ولمياء وسوسن)واضح جليا ان اللوم يقع على عاتقى اذ كنت من رفع لواء مكافحة الاسماء المستعارة والاسباب واضحة وشرحتها فى اكثر من موضع .
الاخت دكتورة عايدة اما بنعمة ربك فحدث انا لن اتنازل عن لقب الطبيبه او الدكتورة لاى شئ كان او لاى لقب كان مهما كان محبتى له وهذا ليس تقليلا من شان احد او قصدت به شخصك الكريم وليس لان اثبت التواضع ان اتنازل عن فخرى ولما لا اثبت مكانتى ورايى وشخصى من خلال كل النوافذ ..لا ارى فى الاسماء المستعارة اية تواضع ولا ارى فى الاسماء الحقيقه سوى الحقيقه .علما بان المراة التى طالبت انا بتكريمها كانت بائعة وربت 9 بنات ناجحات ومن اعز صديفاتى وهى المراة المحببه الى قلبى خالتو اسماء ربنا يطول فى عمرها ..لسنا بصدد ان نثبت لكى احترامنا لكل مجتهد او متواضع ولا مكان للتفاخر بالشهاات ولا القاب ..والله سبحان وتعالى قال بئس الاسم الفسوق وهو الذى قال فى محكم تنزيله فنادوهم لابائهم وكل ذلك يدل على صحة ندائنا ان نسجل باسمائنا ونترك ما سواها اقول قولى واستغفر الله العظيم واستودعكم الله ونتلاقى فى ساعة خيرفى سوح العمل هناك.والشبكة فى رقابكم مسئوليه سنوا قوانينكم وافعلوا ما يريح ضميركم تجاه الناس والاهل والمنتدى وداعا ..28 مايو 2011 بعد عام ونصف من الجهد والتعب والارق والرهق | |
|
| |
عبدالفتاح يعقوب
عدد المساهمات : 161 تاريخ التسجيل : 17/04/2011
| موضوع: رد: لكي نكون كلنا هنا مشاركون السبت 28 مايو 2011, 4:43 pm | |
| ربي اشرح لي صدري و يسر لي أمري و احلل عقدة من لساني يفقهوا قولي تحية للدتكورة نضار اذا كان المنتدى جسد فانتى روحه وقلبه النابض ولا ننكر ان كان لنا وجود فى هذا المنتدى كنتى انتى ملهمتنا ومعلمتنا وصاحبة اليد العليا فى ذلك وصاحبة القدح المعلى فى المنتدى كله . حديثى للاعضاء اما الادارة شاءنها ان تفعل كل ما تراه يضمن سلامة الموقع وخصوصية الاعضاء وتبرى مسؤليتها من اى شى فعند البحث عن اى شخص لاى سبب يضر بالموقع يجب ان تكون ملمة ببيانته هذا شى ادارى وارد ومن حق اى احد فى ادارة الموقع ... اما الاعضاء يجب ان يستخدمو وسائلهم الخاصة للتعارف والتالف وخلق جسور تواصل مع بعضهم من غير تشهير ولا تنكيل اللؤم ونشر الغسيل ... والله الموفق | |
|
| |
ماهر عابدين دياب
الموقع : لندن عدد المساهمات : 2905 تاريخ التسجيل : 02/05/2010
| موضوع: رد: لكي نكون كلنا هنا مشاركون الأحد 29 مايو 2011, 7:28 am | |
| جميع الاخوة المتداخلين ... جميل ان يعبر الانسان شعوره تجاه الاخر... خاصة اذا كان الاخر ذو صلة قربي
نتمني للدكتورة نضار اجازة ممتعة وعودة للادارة بروح معنوية عالية ... كما نحن في انتظار عودة الدكتورة بائعة الكسرة حتي نفتخر نحن في شبكة مراغة بوجود عدد من الدكتورات.. ونقول يالطيف
| |
|
| |
mahmod1980
عدد المساهمات : 283 تاريخ التسجيل : 11/01/2010
| موضوع: رد: لكي نكون كلنا هنا مشاركون الأحد 29 مايو 2011, 11:39 am | |
| انا داير اسال بائعه الكسره خلت المنتدا لي شنو وزعلت في شنو والزعلها منو بس ما تقولو لي الموضوع دا انا كتبتي موضوع عادي عن تعريف الناس لي بعضهم وما الاسم المستعار بس الاسم الواحد المامعرف كمان دا انا قلتو من مبدا التعارف بين الاهل بس الزول لو ما داير يعرف بي اهلو او الناس العارفهم كفايه وما عندو استعداد يزيدهم دي برضو هو حر فيها وكونو الزول عندو اسم مستعار وهو معتز بيه برضو مافيها مشكله بس احنا واجهتنا مشاكل من شخصيات بسماء مستعاره واتكوي البعض بنارها وحصلت بعض الفتن واتفق الناس كلهم علي ان لا يكون هناك اسم مستعار بيننا ممكن نقبل الاسم المستعار في اي موقع اخر ملتقي دنقلا النوبه بس ما في منتدا بتاع اسره ذي الاحنا فيه دا المواضيع المنقوله ما مهمه بالنسبه لينا هنا ممكن نلقي منها الاستفاده بس ما اكتر من مواضيع خدمه البلد ومواضيع اسريه والحاجات دي بتكون خاصه بينا احنا ما اظن زول غريب ممكن يستفيد منها زي القصور في المرشح بتاع مراغه الانتخابات المركز الصحي المدارس والزول الاسمو مستعار زي الغريب ما عندو فرق حتي لو كان معروف لدي الاداره لانو الزول بي اسمو المستعار في المواضيع البتناقش هنا ما حيناقش الاداره حيناقش الرواد والاحتجاج من الاساس ما ممكن ننناقش زول ما معروف لدينا لانو كما قلنا حصل مشادات واساءات من قبل احنا ما بنتدخل في شئون الناس ونحترم رائ اي زول مهما كان بس مافيها حاجه لو الزول دا احترم راينا احنا كمان ممكن الراي ما يكون صحيح ميه الميه زي الاسماء المستعاره بس دا اختيارنا في النهايه | |
|
| |
عبدالفتاح يعقوب
عدد المساهمات : 161 تاريخ التسجيل : 17/04/2011
| موضوع: رد: لكي نكون كلنا هنا مشاركون الإثنين 30 مايو 2011, 8:02 pm | |
| التحية اخونا حوتا والتحية للاخوان بامريكا .... والله المواضيع كلها عبارة عن طرح ونقاش وتبادل افكار والعبرة فى الهدف ربما يكون الطريق صعب وشايك وهذا لا يعنى ان الهدف كذلك فالهدف واضح وبين عندما يكون الهدف شخصى يمكن تحديد اسهل الطرق وحسب مقدرات كل شخص للوصول اليه ولكن عندما يكون الهدف جماعى يجب سلك طرق كثيرة مع توحد الهدف والاتجاه لكل واحد منا طريقه الذى يؤمن به ويسلكه حتى نلتقى جميعا عند الهدف ليس علينا سوى ان ناذن فى الناس للحج فياتوننا من كل فج عميق منهم من ياتى راجلاً ومنهم من ياتى راكباً ومنهم من ياتى على طايرة ومنهم من ياتى على باخرة ولكن الوجهة واحدة والهدف واحد مراغة .... بعد ان نصل الى الهدف نسن السنن ونحدد القوانين واليك هذه القصة شى من العبر لقيادة الناس ((كان عمر بن عبد العزيز- رضي الله عنه- معروفا بالحكمة والرفق، وفي يوم من الأيام، دخل عليه أحد أبنائه، وقال له:يا أبت! لماذا تتساهل في بعض الأمور؟! فوالله لو أني مكانك ما خشيت في الحق أحدا.فقال الخليفة لابنه: لا تعجل يا بني فإن الله ذم الخمر في القرآن مرتين، وحرمها في المرة الثالثة، وأنا أخاف أن أحمل الناس على الحق جملة فيدفعوه (أي أخاف أن أجبرهم عليه مرة واحدة فيرفضوه) فتكون فتنة.فانصرف الابن راضيا بعد أن اطمأن لحسن سياسة أبيه، وعلم أن وفق أبيه ليس عن ضعف، ولكنه نتيجة حسن فهمه لدينه.)) | |
|
| |
نضارعبدالكريم العمده
عدد المساهمات : 1064 تاريخ التسجيل : 01/09/2010
| موضوع: رد: لكي نكون كلنا هنا مشاركون الثلاثاء 31 مايو 2011, 8:34 pm | |
| | |
|
| |
عبدالفتاح يعقوب
عدد المساهمات : 161 تاريخ التسجيل : 17/04/2011
| موضوع: رد: لكي نكون كلنا هنا مشاركون الثلاثاء 31 مايو 2011, 8:40 pm | |
| هلت بشايرنا ودام الفرح لينا وضاءت ليالينا .. ونفوسنا منشرحه ومليانة بالفرحة ..الاماكن كلها مشتاقة لك ..عودا حميدا انشا الله | |
|
| |
| لكي نكون كلنا هنا مشاركون | |
|