من الألف إلي الياء

[size=18][center]من الالف إلي الياء

الألف :

أحسن حاجة عملتها خلال الشهور الماضية هو الإنضمام لشبكة ومنتديات مراغة الأصالة والتاريخ فتعرفت علي الكثير ومن الأخوة والأخوات والأعمام ( الأمين / ماهر / طارق ) والعمات ( هناية وفلانة )

الباء :

باقي إسابيع ويطل علينا شهر رمضان المعظم نأمل أن نستفيد جميعاً من فضائل هذا الشهر الكريم

التاء :

تحياتي لكل الأعضاء بالمنتدى وكل من أثري هذا البيت الكبير بما هو مفيد ولو جملة واحده وتحية خاصة جدا للحبيب تكعيب طارق إحميدي

الثاء :

ثلاثة أشياء لوصف جمال الرجل
يتألم ولا ويتكلم
يحب ولا يخون
يبكي ولا يصرخ

الجيم :

جني وجن المرأة النّضامة وصوتها عالي

الحاء :

حبة شمار من عمنا الأمين + شوية نجر من طارق إحميدي = حاجة أنتيكا

الخاء :

خالنا عادل الفاضل

نحنا ما صدقنا إنك بي جلالك جيتنا زائر !! مشتاقين ليك شنو يعني ظهرت أخيراً وأختفيت سريع ولا لسه برا الشبكة من أحداث ليبيا .

الدال :

دع الأيام تفعل ما تشاء ** وطب نفساً إذا حكم القضاء

الذال :

ذنبك علي جنبك[/center][/size]

الراء :

رغيف بلدنا ولا بيتزت شريف عبد المتعال الإيطالية

الزاء

زينة البنات يا سمحه أنا جاييك عريس ( لسان حال فخري وباقي العذابة )

السين :

سيد البلد : سيد البلد
دي طبعاً طارق إحميدي حيترنم بيها لم الهلال يشيل كاس أبطال إفريقيا

الشين :

شجرة العائلة دي ما حنقعد في ضلها ولا شنو

الصاد :

صعود نادي الوحدة مراغة الرياضي إلي دوري الأضواء هل لنا أن نحلم به أم ............؟؟؟؟

الضاد :

ضل النيمة الكبيرة في بيت الخال ساتي بشير بمراغة وذكرياتي مع الخال حيدر الفاضل ومحمود عبد اللطيف قاعد يضرب البوهية والقراريص خمسة بوصة بملاح الكداد !! ايام لها إيقاع

الطاء :

طهنجي فاكهة المنتدي

الظاء :

ظلم ذوي القربي اشد مضاضة علي المرء من وقع الحسام المهند

العين :

عيب والله يا جماعة نكون أهل وأقارب وما بنعرف بعض كما ينبغي

الغين :

غيب وتعال تلقانا نحنا يانا نحنا

الفاء :

فقيه نائم خير من عابد واقف

القاف :

قبل الليلة لو كان جيت مؤكد كنت بفرح بيك
هذه مطلع قصيده أراد أن يؤلفها الأخ الشقيق فخر الدين ولم يكملها حتي تاريخه والكلام دا ليهو أربعة سنين

الكاف :

كفاية علّي إني من مراغة

اللام :

لومكم علي لو موضوعي دا ما عجبكم

الميم :

مكسب والله إنت يا عبد الفتاح يعقوب أن تكون بيننا

النون :

نسوي شنو للطافشين من المنتدي ديل ؟؟ نرجعهم كيف

الهاء :

هااااه هاه !! نعستا خلاص !! وضهري وجعني من الكتابة

الواو :

ولدك كان كبر خاويه

الياء :

يا طارق إحميدي ما وريتنا الحصل شنو في موضوع تكريم الأستاذ عبد الرحمن عبد الرسول ( صحي النوم )

: :

عدد المساهمات : 161 تاريخ التسجيل : 17/04/2011

جزاك الله عنا كل خير اخونا رمضان مع انك السنة دى جاينا فى سخانة شديدة واظن انوا ضعاف
الايمان حيكروهك ولكن عذاك الوحيد انو العقلا منا سيدركون قيمة الاجر والثواب ولك بكل حرف
كتبت وتفقدت ثواب ولك بكل معنى رميت اليه صدقة جارية وعلم ينتفع به والدال على الخير كفاعله
ها انذا اقف على شاطى كلماتك وارسو بحروفى على روعة مدادك انغرس على لوحة المعنى المطلة
فى حروفك فاراها كالثريا فى كبد السماء لوحة مخطوطة من شريان الوريد نزفت بجل احاسيسها لتروينا
روعة الحرف القدير فكل حرف مر من هنا مكانه الاوردة الدافئة فى العيون .. احييييييييييييك على
هذا البوح الرهيب ونسال الله ان لا ينقطع حسك القدير........... اعطر التحية من عمق الروح
لك ولكل الاعضاء فى المنتدى وكل الاهل بمراغة الحبيبة ونرجو ان يكون هذا الصرح منبر خير
وفضيلة منبر عطاء وفائدة لكل الاهل ... والخير كل الخير فى التواصل والتوادد والتراحم وان يجود
كل منا بما وهبه الله من نعمة الحرف والكلمة والنكتة والمعلومة والمشاركة .... الخ . ولكم منى

تحياتي ياولدنا ...

سؤال ليك يامواطن ... موضوعك كاتبة الساعه -1:59 pm

الحكاية شنوا مسخن ولا الغداء تأخر goldy22

.

الله يديك العافيه

عدد المساهمات : 604 تاريخ التسجيل : 16/01/2011

رمضان : الله يديك الصحة والعافية ويحفظك
طول نهار أمس براقب فيك ما دخلت المنتدى , قلت يا ربي المزعج دا داخل وين ؟؟؟؟؟؟ !!!!!!!
أتاريك شغال نجر, وطلعت نجار ماهر ولقينا واحد ينافس طارق أحميدي - ونفسي أعرف طارق مشغول بي إيه ؟؟؟؟؟
الله لا يشغلنا إلا في طاعته.

عدد المساهمات : 719 تاريخ التسجيل : 25/05/2010

تسلم الاخ رمضان علي مصداقية هذه الكلمات الرائعات ربنا يكملك بعقلك ولك خالص التحايا وللاسرة الكريمة
thanx

الأخ الرائع المميز/ الحكيم عبد الفتاح

مشكور علي المرور الجميل والكلمات الرائعة التي عودتنا عليها

دمتم ذخراً لنا

عدد المساهمات : 610 تاريخ التسجيل : 08/12/2010

رمضان والله العظيم اجمل ترتيب لهذة الحروف العربية
احساس فوق العادة
ادهشتنى حد الاندهاش
واخذتنى الى مرافئ الحب فى الله والاخوة الصادقة
فلتعلم انى احبك فى الله يا رمضان
جخنون :-
[ندعوك للتسجيل في المنتدى أو التعريف بنفسك لمعاينة هذا الرابط]
اعمام فى عيناك انا اصغر منك
قال الاعمام قال
[ندعوك للتسجيل في المنتدى أو التعريف بنفسك لمعاينة هذه الصورة]

منور يا ابو الشوش

بالنسبة لي سؤالك أنا كنت مسخن وما فاطر وما متغدي

لقيتني كيف

شكراً للمرور يا وجيه

عمنا الأمين / أمس أنا كنت موجود لكن مشغول شويه وما قدرت أكتب إلا بعد الظهر

خلاص بقيتني نجار زي طارق !! كدا طارق بزعل لأنو ما عايز منافس

شكراً للمرور يا كبيرنا

لك التحية أختنا وصفية وشكراً للكلمات الرائعة

تقبلي خالص التحايا والتقدير

عمنا العزيز طارق إحميدي Laught_2

أتمني من الله أن تدوم بيننا الإلفه والمحبة الصادقة

مشكور كتير علي الإحساس الرائع

تخريمة :

أنت أصغر مني ؟؟ والله ضحكتني !!: ياخ أنا من شدة ما صغير لمن تاني صغير عايز

تقارني بيك أنت الـ من زمن جوز الحمام كان تلاتة !! إختشي

» شرح تفصيلي لصيانة الموبايل من الألف إلى الياء
» اللهم ارزقنا من الالف إلى الياء