يعينى على الرجال

مجكسين
"إنت ليه ما بتمسك ايدي واحنا طالعين سوا؟"

‏ "لأ طبعاً يا روحي... أفرضي زول من اهلك شافنا؟ ولا واحد من أهلي؟ على الاقل كِده بنقدر نزوغ من الزرزره, لكن إن ‏شاء الله يا حبيبتي باكر آخدك وامسك إيدك قدام الدنيا كلها".
....................................

مخطوبين
‏
"إنت ليه ما بتمسك ايدي واحنا طالعين سوا؟"

"علشان ما داير زول يعلّق علينا ويقول الجماعة ما مصدقين انهم مخطوبين...
وبعدين بصراحة كده أنا ما برضى أي زول يتكلم على حبيبتي..."
..................................

متزوجين
"إنت ليه ما بتمسك ايدي واحنا طالعين سوا؟"

"يا حبيبتي إحنا ما مراهقين عشان نقعد نمسك إيدين بعض في الشارع وكده!!....
إحنا اتنين متزوجين ومحترمين وعندنا بيتنا نسوّي فيهو اللي عاوزينه"..
...................................

متزوجين وعندهم عيال

"إنت ليه ما بتمسك ايدي واحنا طالعين سوا؟"

"يعني امسك إيدك انتي ولا امسك إيد الشافع ولا اشيل الأكياس دي كلها، ولاّ شنو يعني؟!
مُصيبة شنو الوقعنا فيها دي يا ربي؟؟؟"
....................................

بعد 25 سنه من الكفاح المُسلـّح
"إنت ليه ما بتمسك ايدي واحنا طالعين سوا؟"

"إيد شنو دي اللي بمسكها هسه بعد العُمُر ده! إنتي دايره راجل بـِتـّك يقول علينا كبرنا وخرّفنا؟!
يا وليّه أكبَري عليك الله"

لك التحية الاخت سوسن موضوعك في غاية الروعة اضحكتينا من الصباح ربنا ينور عليكي

ما عرفت تلعبها كويس ....

لسه بعد ود الاحد حقيف من السؤال خخخخخخخخخخخ

شكرا لكل المتداخلين

والله ياطارق ماظنها بتقتنع بالساهل دى شكلها لايقوه شديد انا زهجت منها

ياعمى الامين ده بيقول ليك خمسه امتار انشاء الله ياماهر يخطفوها منك وانت ماشيفها وتبقى فى الفتيش والبوليس والسودانين ماببحلقوا فى الحاجه الغريبه بس لكن الواحد مايشوف ليهوطرف طرحه بس الا يسكها .

يظهر الجماعه ديل من نوع فى اول ايام لما يجى داخل من الشغل يقول ليها مالك تعبانه كده نمشى للدكتور وارقدى ارتاحى شويه بعدين جهزى الغدا .
بعد كم سنه يجى داخل تقول انا تعبانه وتشكى بى خشمه يقول ليها ياوليه بطلى الدلع الفارغ ده وقومى ختى الغدا قامت قيامتك انتى يظهر عليكى عجزتى احسن امشى اشوف لى وحده تانيه

سجم العمله النادره

لكن اقول ليك ايوه يها العمله البغيروها كل يوم دى