العودة الي البيت الكبير

اولا كل الشكر لكل من سال تلفونيا وفيسبوكيا



وشكرا كتييير الدكتورة عايدة فهي كانت دائمة السؤال بي رسائلها

والللللللللللله الوحد كان حاسي انو بعيد جدا عن بيته وعن اهله لكن ما باليد حيلة والله

نعمل شنو مع قراية الكبر مع انو الطب عمرو ما بيخلص لكن ما بالصورة دي الحمد لله علي ضياع المستقبل

بعد ما شاب ودو الكتاب امتحانات كتييييرة هي البعدتني عن بيتي وعن اهلي ولس برضو ما خلصت الامتحانات ولكن هدنة 6 شهور وبعدها بتدا مرة اخري

فقلت ارجع اسلم علي اهلي واشوف ناس البيت ومع قراية الكبر برضو في مرض الكبر اللعين الغضرووف

والحمد لله الحمد لله

سعادة الدكتور الاختصاصي... د. بكري
زماااااااااان كانوا بيكتبوا لينا في البورد بتاع جدول الحصص في الفصل عبارة (من طلب العلا سهر الليالي) و (العلم يرفع بيتا لاعماد له والجهل يهدم بيت العز والشرف) و (العلم نور) (تعلموا من المهد الي اللحد) وما الي ذلك من عبارات ذات معني
وانت تكون من اصغر الاختصاصيين في السودان... وده في حد ذاتو مفخرة لنا ولكم

حمدالله علي السلامة والحوش الكبير منور بي عودتك

ومبروك لقرب انتهاء مشوار التخصص

والمرة ده انا البقول يالطيف

الخال الغالي ماهر اولا شكرا لمرورك الغالي جدا

تانيا اختصاصي دي لسه بدري عليها 3سنة تانية

وانا زول متين يا الخال عشان تقول لي انا لس صغير ولا ما داير تكبر نفسك

ونحن ضيعنا مستقبلنا والحمد لله

حمد لله على السلامة دكتور بكري و حقيقي الدمتورة عايدة فعلاً كانت قد طمأنتنا عليك ..

أن شاء الله موفق فى حياتك العلمية و العملية

سلام دكتور والف حمدالله على السلامه
ودعواتنا ليك بالتوفيق الدائم

قريبي الايطالي شريف شكرا علي مرورك الذي عطر هذا البوست

والله يسلمكم والله الواحد يحمد ربو ان رجع لي اهلو وناسو

اختنا الغالية سوسن شكرا ليكي كتيييييير وبارك الله فيكي

وشكرا علي سؤالكم ودعواتكم لس امبارح خلص الامتحان ورجعنا ليكم بالسلامة

مرحب يا دكتور
الف سلامه ونحنا قلنا ما بيمنع الدكتور من الفجه دي الا الشديد القوي
والامتحانات شديد وقوي
دعواتنا بالتوفيق في خطوه علي الدرب الطويل ده
وهانت يا دكتور كلها سنه ولافتتك تبرق في شارع الدكاتره
اشواق وتحايات ربنا عالم بيها يا ابن عمتي

ابن خالي الغالي ياسر الشوق كتيييييييييييييييييييييييير والله

احوالك وصحتك والعيال وناس السودان

شكرا لمروك وبارك الله فيك وانا عيادتي حتكون في دنقلا انشاءالله

كبيرنا الامين ما كبير عمر والله

شكرا لمرورك وكتر خيرك وناس زمان كان بصحتهم والسلفا وغيرها كانت حاجة نفسية فقط

اخي وقريبي رمضان شكرا لمرورك ولسؤالك

لكن قراية الكبرصعبة خلاص لانو المخ تقل ربنا يسهل بس يا خوي

ودعواااااااااااااااااااااااااااتك

الدكتور بكري
انت لامن تقول مستقبلك ضاع باقي الناس المفروض (يفرشوا البرش)
وحمد لله الف علي السلامه وربنا يساعدك والله عارفنها قراية الكبر ممله
لكن بي حقها برضو مع انو انا ما مقتنع بالكبر الانت بتتكلم عنو ياما في
الجامعات ناس ماشين بالعكاز ياداب بدوا البكالريوس في السمستر الاول
لو شفتهم بتقول انا المفروض ارجع الثانوي

اخونا سياتو الصحة والاحوال اولا شكرا لمرورك

وضياع المستقبل يا خوي في القراية الما بتنتهي دي

وبعد ما نخلص برضو بنقرأ والماقبل الاجر الكتييير وبس وليس المقابل المادي

والحمد للله وشكرا ليك

دكتور بكرى الف الف حمدالله على السلامه على الشوفه زى ما بيقولو
ليك وحشه الحوشه من دونك مايسوا والله يا اخى الواحد بدون علم ولا شى يا بكرى
انت اليوم منور المنتدى اهلاوسهلا بيك يا اخى

تحياتى
حمد لله على السلامة دكتور بكري
وكلنا سعداء برجوعك مرة أخرى وتواجدك
وكلنا أشواق لحروف قلمك ووميض عطائك
بانتظار قلمك ومشاركاتك وحضورك وتفاعلك
تمنياتي لك بالتوفيق وداوم الصحه والعافيه انشاءالله
المنتدى نور

اخي وقريبي رضوان اولا شكرا لمرورك

بارك الله فيك وربنا يخليي ليك عيالك

اخونا الغالي عبدالكريم اولا شكرا لمرورك

وكتر خييرك كتيييييييير لحسن الاسقبال والكلمات الفياضة

وربنا ما يحرمنا من بعض انشاءالله ومن البيت الكبير اللامينا

اختنا ودكتورتنا الغالية عايدة شكرا كتير لمروك الجميل

وكتر خيرك كتير وعلي سؤالك الدائم والترحيب الحار

ربنا يقدرنا علي جزاكي وبارك الله فيك