صور من الشارع العام واخرى من الذاكرة

[ندعوك للتسجيل في المنتدى أو التعريف بنفسك لمعاينة هذا الرابط]
الزول دة راقد فى غرفتو وبراقب الشارع ... شكلو راجى لى حاجة ثمينة .... هههههههه



[ندعوك للتسجيل في المنتدى أو التعريف بنفسك لمعاينة هذا الرابط]

[[ندعوك للتسجيل في المنتدى أو التعريف بنفسك لمعاينة هذا الرابط]
التقاط بالدس ..... قبل الحريات ....

[ندعوك للتسجيل في المنتدى أو التعريف بنفسك لمعاينة هذا الرابط]

مرسيدس معدلة ...

[ندعوك للتسجيل في المنتدى أو التعريف بنفسك لمعاينة هذا الرابط]

حمانا الله وياكم من شر السرطانات ....

رائع وجميل منك ابو المجد هذه المشاهد والتي تعبر بصدق
حال الشارع السوداني وهي تعبر ايضا عن نفسية الانسان
ا السوداني وهذه الكلمات مثل هدف حياتي طلع تسللا صراحة
لااعتبرها غرائب انما يحكي واقع الحال ومتنفس طبيعي ويطرح
مابدواخله للعامه وهذا يعطيه نوع من الراحه النفسيه اتمني ان
تستمر بس خليك بعيد من عباس بسبب شعار المريخ في الزباله
دي شكله جاهزه

[ندعوك للتسجيل في المنتدى أو التعريف بنفسك لمعاينة هذا الرابط]

بعيدا عن عباس وشكلو ... اول شى اتفضل معانا ملوحة واتحداك تعرف الفى الصورة ديل منو من يدينم
ولانك يا عبدة بتحب الزمن الجميل جدا وزمن عثمان حسين ... نهديك الصور التالية دى ولى ريم بمناسبة النجاح ..... ههههههههههه وبمناسبة شفاء طلحة ... طبعا ناس المنتدى حيقولو عملتوها ظاهرة يا ابو الدايمى ... ولا احسن نعمل قروب فى الفيس بوك بتاع ابو الدايمى .... عشان ناخد راحتنا ... هههههه ... لكن ناس نضار وهانى وودالشريف برضو حيلحقونا بهناك ....

[ندعوك للتسجيل في المنتدى أو التعريف بنفسك لمعاينة هذا الرابط]
دة بزكرك بتلفزيون المرحوم حسن عبدالحليم الله يرحمو ... دعواتكم ... دة رادى واحد فى الحلة زى تلفزيون حسن عبدالحليم

[ندعوك للتسجيل في المنتدى أو التعريف بنفسك لمعاينة هذا الرابط]
ود الامين - ابوعركى - البلابل


[ندعوك للتسجيل في المنتدى أو التعريف بنفسك لمعاينة هذا الرابط]
وحيد القرن قبل صقر الجديان --- طبعا دة ناس عمو بكرى جعفر وعجايز المنتدى بكون حضرو -- هههههههههههه زمن اولاد ودالشريف حيكون سد مروى ....

[ندعوك للتسجيل في المنتدى أو التعريف بنفسك لمعاينة هذا الرابط]
اهداء خاص للدكتورة نضار / د.بابكر عزالدين / د.الفاتح مرغنى وصدقونى كانت عملية ناجحة جدا جدا

يااخي اول شي انت هريت عمو عبده بالملوحه دي يعني انت عارف نحن بنضوق الملوحه في الاجازات بس
من الحول للحول انا بقيت اعاين للايادي وريقي جاري أخخخخخ يابوي
صدقني اذا قلت ليك مازلت ابحلق في القراصه والشطه والبصل واتخيل نفسي قاعد في نص الجماعه ديل
انشاء الله ما نقط نقط نقط

انتو القاليكم اغتربو منو ... طيب شوف الهدية الجاية دى لى حبوبة سلمى سلطان وعمتو فاطمة على ... دى اخر استايل ...
من المشاط ...
[ندعوك للتسجيل في المنتدى أو التعريف بنفسك لمعاينة هذا الرابط]

فعلا هذه المشاهد للزمن الجميل المشاطه والشمارات والشلوخ . ياليتنا عدنا اوعادت الايام ايام كانت اجل من ان توصف بالكلمات
والله نحن موجودين يامجدي اما اذا قالوا كترتوها يا ابوالدايمي وكرشونا نلملم اطرافنا ويا فيس بووووك جوك ابو الدائمي بس انت
عضو فعال ومساهماتك ماشاء الله ما اظن يقربوك

هندسه سلامات
كيف الاحوال
موضوع جميل وانا قاعد جنب الفنجرى
قلنا الزول دا بقى يسطل
كيف اخبارك والاولاد

هندسه سلامات
كيف الاحوال
موضوع جميل وانا قاعد جنب الفنجرى
قلنا الزول دا بقى يسطل
كيف اخبارك والاولاد
(طبعا الرد الفوق منى وهانى كالعاده جا خاشى فى النص

العزيز مجدى سلامات وياسلام على المادة الجميله دى والله بعض الصور محزنه وبعضها مضحكه ايضا بشكل حزين وبعضها من الزمن الجميل والشلوخ عجيييييييييييييبه ووالله رغم كوننا عاملين روحنا بنفهم ومثقفين اول مره اعرف انو علم السودان
فيه وحيد قرن شكرا على الاهداء رغم انى بقية الكلام ما قدرت اقراه والاخ عبدالرحمن سلامات نحن مجدى ما بنقربه لانو مننا وفينا اولا وتانيا لانو دينمو وقلبه منور بالحب لكل الناس وانا من خلال المنتدى تعرفت عليه اكتر وزى ما قلت الصور دى ليست غرائب لكنها تنم عن حالنا وواقعنا ونتمنى انها تندثر او تقل فى عهد الديمقراطيه والحريات !!!!! ان تكون هناك لقمه شريفه بدل سفة الصاعوط وان يستظل الطفلين بعرش بيت بدل هذا المنظر المؤزى والمؤلم

[الاخت الفاضله الدكتوره نضار والله اذا استسنيتوا مجدي ليكم الحق طبعا لانه مسيره عامره من العطاء ونهر ابداعه
المتدفق لم ينضب ولم يتوقف ومع مطلع شمس كل يوم جديد يتحفنا بما هو جديد ويزداد نضجا اما نحن نقاطنا صفر كبير
ولازلنا مسجلين بقلم الرصاص واذا تم الاستغناء عنا سنذهب من حيث اتينا في الفيس بووووك مرحب بنا الي قواعدنا
وعلي حد قولك نتمني ان يستفيق الشعب السوداني الذي يسيل لعابه للسفه وتستبدل هذه الاماكن لما فيه منفعه للبلاد والعباد
ناس الصعود مايحمروا لينا

تعليقك احلى يا ياسر .... وعشان البكاء ما يغلبك زى عم عبدة نزلنا ليك صور مضحكة ....

تعرف يامجدي احلا صوره واقرف صوره في نفس الوقت
الشماشي الذي يقرا صحيفه في داخــــــل برميل القمــــامه
تفتكر بيقرا في شنو وهل بيستوعب مع هذه الروائح العجيبه
التي تاتيه والغريب انه مادد ارجله وكانه في سرير
من الحرير[center]